ވިލިމާލެ ރައްޔިތުންނާ އެކު ރައީސް ބޭއްވެވި ބައްދަލުވުން: މި ބައްދަލުވުންތަކުގައި ބައިވެރިވާ ރައްޔިތުންގެ ހުރި ސުވާލުތަކާއި މެސެޖްތައް އެމަނިކުފާނަށް އަމިއްލައަށް ހުށަހެޅޭނެ ކަމަށް ރައީސް ވިދާޅުވި. -- ފޮޓޯ | މިހާރު
28 ނޮވެމްބަރ 2025 - 11:37
ރައީސް ޑރ. މުހައްމަދު މުއިއްޒު ރައްޔިތުންނާ ބައްދަލުކުރައްވަން ބާއްވަވާ ބައްދަލުވުންތަކުގައި އެކި ރައްޔިތުން އެމަނިކުފާނާ ކުރަން ބޭނުންވާ ސުވާލާއި ދޭން ބޭނުންވާ މެސެޖްތައް ރައްޔިތުންގެ މަޖިލީހުގެ މެމްބަރުން ދުރާލައި ނުހޯއްދަވަން އެމަނިކުފާނު އެދިވަޑައިގެންފި އެވެ.
ރައްޔިތުންގެ މަޖިލީހުގެ ޕީއެންސީގެ މެމްބަރަކު "މިހާރު"އަށް ވިދާޅުވި ގޮތުގައި އެގޮތަށް ކަންތައް ނުކުރައްވަން އެދިވަޑައިގެން ރައީސް މެސެޖެއް ފޮނުއްވީ ރައްޔިތުންގެ މަޖިލީހުގެ މެންބަރުން ތިއްބަވާ ވަޓްސްއެޕް ގްރޫޕަކަށެވެ.
ރައީސް މިގޮތަށް އެންގެވީ އެ މަނިކުފާނު ބާއްވަވަން ނިންމަވާފައިވާ ބައްދަލުވުމެއްގައި ކުރާނެ ސުވާލު ފޮނުވައިދޭން މަޖިލީހުގެ މެމްބަރަކު، އެ ދާއިރާގެ މެމްބަރުންގެ ގްރޫޕަކަށް މެސެޖް ކުރެއްވިކަން އެނގިވަޑައިގަތުމުން ކަމަށް ވެ އެވެ.
މިއީ އެމަނިކުފާނު ބޭނުންފުޅުވާ ގޮތެއް ނޫން ކަން މެމްބަރުންނަށް ހާމަކުރައްވައި، ރައީސް ވިދާޅުވީ ރައްޔިތުންނާ އެކު ބާއްވަވާ ބައްދަލުވުންތަކަކީ ރައްޔިތުން ސީދާ ގޮތެއްގައި އެމަނިކުފާނާ ސުވާލުކޮށް، ދޭން ބޭނުންވާ މެސެޖެއް އޮތް ނަމަ ދިނުމަށާއި ސިޓީއެެއް ހަވާލުކުރަން އޮތް ނަމަ ހަވާލުކުރަން ފުރުސަތު ދިނުމުގެ ގޮތުން ބާއްވަވާ ބައްދަލުވުންތަކެއް ކަމަށެވެ.
"މި ނޫން ގޮތަކަށް ރައްޔިތުން ގާތު ބައެއް އެމްޕީސް [ރައްޔިތުންގެ މަޖިލީހުގެ މެންބަރުން] މެސެޖްކޮށް ދަންނަވަމުން ދާތީ އެކަން އެގޮތަށް ނުކުރެއްވުމަށް ދަންނަވަން،" މެމްބަރުން ތިއްބަވާ ގްރޫޕަށް ރައީސް ފޮނުއްވި މެސެޖްގައި ވިދާޅުވި ކަމަށް ވެ އެވެ.
ރައީސް ޑރ. މުހައްމަދު މުއިއްޒު، މައްޗަންގޮޅީގެ ރައްޔިތުންނާ އެކު ބޭއްވެވި ބައްދަލުވުމުގައި އެ ދާއިރާގެ ރައްޔިތަކާ ސަލާމްކުރައްވަނީ. -- ފޮޓޯ: ރައީސް އޮފީސް
ރައްޔިތުންނަށް ސުވާލުކުރަން ހުޅުވާލައިގެން ރަށްރަށުގައި ބޭއްވެވި ބައްދަލުވުންތަކަށް ފަހު ރައީސް މިހާރު ކުރިއަށް ގެންދަވަނީ މާލޭގެ ދާއިރާތަކުގެ ރައްޔިތުންގެ ބައްދަލުވުމެވެ. ވިލިމާލެއަށް ފަހު ރައީސް ވަނީ މައްޗަންގޮޅި ރައްޔިތުންނާ ވެސް ބައްދަލުކުރައްވައިފަ އެވެ. ދާއިރާގެ ގިނަ ބަޔަކު ބައިވެރިވި އެ ދެ ބައްދަލުވުމުގައި، އެ ރައްޔިތުންގެ ހުރި ކަންބޮޑުވުންތަކާ ގުޅޭ ގޮތުން ރައީސާ ވަނީ ސުވާލު ކުރައްވައިފަ އެވެ. އޭގެތެރޭގައި ބޯހިޔާވަހިކަމުގެ ދަތިކަމާއި މަގުތަކުގެ މައްސަލަތަކުގެ އިތުރުން އެ ރައްޔިތުންގެ ހުރި އަމިއްލަ ކަންބޮޑުވުންތައް ވެސް ހުށަހަޅާފައިވެ އެވެ.
މި ސުވާލުތަކަށް ރައީސް ޖަވާބު ދެއްވުމަށް ފަހު، ވަކިވަކިން ބައްދަލުކުރައްވަން ބޭނުންވާ މީހުންނަށް ބައްދަލުވުން ނިންމާލެއްވުމަށް ފަހު އެ ފުރުސަތު ވެސް ދެއްވަ އެވެ.
ސަރުކާރުގެ ތަރުޖަމާން ހީނާ ވަލީދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ރައީސް ބާއްވަވާ ބައްދަލުވުންތަކުގައި ކުރާނެ ސުވާލާއި ފާޅުކުރާނެ ހިޔާލު ކުރިން ހުށަހަޅަން ޖެހޭ ކަމަށް ބައެއް ފަރާތްތަކުން ވާހަކަ ދައްކަމުން ދިޔަ ނަމަވެސް އެއީ ހަގީގަތާ ހިލާފު ވާހަކައެއް ކަމަށެވެ. އެ ބައްދަލުވުންތަކުގައި ބައިވެރިވާ ރައްޔިތުން ދައްކަން ބޭނުންވި ވާހަކައެއް މިނިވަންކަމާ އެކު ދެއްކުމުގެ ފުރުސަތު މިހާތަނަށް ވެސް ދީފައިވާ ކަމަށް އޭނާ ވިދާޅުވި އެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ކަތްދައްތަ
29 November 2025
ރައީސާ ސުވާލު ކުރާމީހުން ސުވާލު ކުރަންވީ ނަފްސީ ނަފްސީ ސުވާލުތަކެއްނޫން. މުޅި ދުސްތޫރީ ނިޒާމު ފުޑުފުޑުކޮށް ގާނޫނުތައް ރައީސްގެ އަތްޕުޅަށް ނަންގަވާ މިޖަހާ ސަކަރާތާ ގުޅޭގޮތުން. މިއަދު މިސުވާލުތައް ނުކުރިނަމަ މާދަމާ އަހަރެމެން ކޮންމެ މީހަކަށްވެސް ކުރިމަތިވާނީ އަސްމާއްތައާމެދު ކަންބީގޮގް.
ޖުލައި2021
28 November 2025
މާލޭގަ ދިރިއުޅޭތާ އެތަށް އަހަރެއްވީ އަނެއްހެން މާލޭގަ އުމުރު ހުސްކުރާ ރާއްޖެތެރޭ މީހުންނާ ބައްދަލުކުރުން އެބަ އޮތްތޯ. މިދައްކަނީ ގާތްގަނޑަކަށް 90ހާހެއްހާމީހުންގެ ވާހަކަ މާލޭގއ އިގްތިސާދު ދަމަހައްތާ އުމުރުން ވީހާދުވަހަކު ކުލީގަ އުޅޭމީހުންގެ ވާހަކަ.
ސުހާނާ
28 November 2025
މާލޭގެ އެކި ސަރަހައްދުތަކުގައި އުޅޭ މީހުނާ ބައްދަލުކުރައްވާ ބައްދަލުކުރެއްވުންތަކުގައި އެ ސަރަހައްދެއްގައި އުޅޭ ރާއްޖެތެރޭގެ މީހުނަށްވެސް ބައިވެރިވެވޭގޮތަށް އޮންނަނީ. މާލޭގެ ރަޖިސްޓަރީގައި އޮންނަ މީހުނަށް އެކަންޏެެއް ނޫން ބައިވެރިވެވެނީ. ވާނުވާ އޮޅުންފިލުވާލައިގެން ކޮމެންޓް ކޮށްލާނަމަ، ރަނގަޅުވީސް.
މަބުނީ
28 November 2025
މާލޭގެ ދާއިރާތަކުގެ ރައްޔިތުންނާ ބައްދަލުކުރައްވާއިރު ދަފްތަރު މީހުންނާ ބައްދަލުކުރެއްވުން އެބައޮތްތޯ؟
ޢަރުތަ
28 November 2025
ކައުންސިލް އިންތިޚާބުގަ ވޯޓު ލެވޭނެ ހުރިހާ މީހުނާ ބައްދަލު ކުރައްވާނެ ކަމަށް ލަފާ ކުރެވެނީ، މީ ކުޅަދާނަ ރައީސް އެއް.
ރައްޔިތުންގެ ގާތަށް
28 November 2025
މީތިސަޅިއޭ، ސުވާލުތަކަށް ޖަވާބު ދެއްވުމަށް ވަކި ޕުލެޓު ފޯމެއް ތައާރަފްކޮށްފި ނަމަ އަދި މާސަޅިވާނެ، ދޭތެރޭ ދޭތެރެއިން ރައްޔިތުންނާއި ބައްދަލުކުރުމުގެ ގޮތުން .
ޢަރުތަ
28 November 2025
ދޭތެރެ ދޭތެރެއިން އިންތިޚާބުތައް އޮންނަ ނަމަ ބައްދަލުވުންތައް އޮންނާނެ.
ޢަލިސް
28 November 2025
މިވަގުތު ރައްޔިތުންގެ މަޖިލިސްގަ ތިބީ އަމިއްލަ ބާރުކެނޑި އަމިއްލައަށް ހަތެސްފައި ބަދެފަތިބި ތިބި ބަޔެއް.
ކޮބާތޭ
28 November 2025
ރައްޔިތުންނާއި ސުވާލުކޮށްގެން އެއަށް ޖަވާބު ހޯދައިގެން މިސަރުކާރުން ކަންކަން ކުރާނަމަ ދެން ކިއެއްވެތޭ 2 އަހަރު ވެގެންދާއިރު މާލޭގައި އުޅޭ ބުޅާ ތައް ކޮއްޓަކަށް ސަރުކާރަށް ނުލެވިގެން އުޅެނީ މިކަމަކީ ރައްޔިތުން ވެރިކަން ފެށުނު އިރު މުއިއްޒު ގާތު އެދުނު ކަމެއް އަދި ވެސް މިކަމަށް ހައްލެއް ނުގެނެވޭ މިނިސްޓަރު މާރިޔާ ކުރަނީ ކިއެއްކަން ވެސް އެއްވެސް ރައްޔިތަކަށް ނޭގޭ އޭނާ ކަނޑާލާ އެކަން ކުރެވޭ ފެންވަރުގެ މީހަކު އެތަނަށް ލާންވީއޭ އެއީ ރައްޔިތުން އެދޭގޮތް
ސުހާނާ
28 November 2025
މާރިޔާ ކަނޑާލާފައި ކަލޭ ހަވާލުވާންވީނު.
ކުރިއެރުމެއް
28 November 2025
މީއަލަށް ކުރާކަމެއް ކުރިން އަންގާފަ އޮންނާނީ.. މިހާރު މީ ކުރިއެރުމެއް "ރައީސް ބާއްވަވާ ބައްދަލުވުންތަކުގައި ކުރާނެ ސުވާލާއި ފާޅުކުރާނެ ހިޔާލު ކުރިން ހުށަހަޅަން ޖެހޭ ކަމަށް ބައެއް ފަރާތްތަކުން ވާހަކަ ދައްކަމުން ދިޔަ ނަމަވެސް އެއީ ހަގީގަތާ ހިލާފު ވާހަކައެއް ކަމަށެވެ. އެ ބައްދަލުވުންތަކުގައި ބައިވެރިވާ ރައްޔިތުން ދައްކަން ބޭނުންވި ވާހަކައެއް މިނިވަންކަމާ އެކު ދެއްކުމުގެ ފުރުސަތު މިހާތަނަށް ވެސް ދީފައިވާ ކަމަށް އޭނާ ވިދާޅުވި"
އަސްލުތަ
28 November 2025
މިހެން މިކަން ވާނަމަ ސީދާ ރައްޔިތުންގެ ވިސްނުމާއި ފިކުރު ރައީސްއަށް އެނގިވަޑައިގަންނަވާނެ، މެމްބަރުން ވާހަކަ ގެންގޮސް ދޭނީ ފޮނި ތޮށި ކާފޫރު ތޮޅި އަޅައިގެން.. ބަރާބަރު މިކަން
ސުހަަނާ
28 November 2025
"ފޮނި ތޮށި"، "ކާފޫރު ތޮޅި" މިގޮތަށް 2 ލަފުޒު ދުރުކޮށްފައެއް ނޫން އެ 2 ނަން ލިޔަނީ. "ފޮނިތޮށި" އެއީ އެއް ނަން. "ކާފޫރުތޮޅި" ވެސް އެއީ އެއް ނަން. އެއް ލަފުޒަށްވުރެ ގިނަ ލަފުޒުން، އެއް ނަމެއް އުފެދިފައިވިޔަސް، އެ ނަމެއް ލިޔަންޖެހޭނީ ލަފުޒުތައް ދުރުނުކޮށް އެއްކޮށް. ބަސްފޮތުގައި އެ 2 ނަން ލިޔެފައި އޮތް ގޮތް ބަލާލަބަލަ.
ހުސެން654
28 November 2025
އެހެންވީމަ މަބުނަމީ މުއިއްޒު ކައިރީގަ ތިބޭ މީހުން ލަޑުދެނީ
އިބުރަތުގެ އެދުވަސް
28 November 2025
ދެން ސުވާލުކުރަނ ބޭނުނވާ މީހުން މެމްބަރާގުޅައި ނަން ނޯޓުކުރަން ބުނާބުނުންވެސް ހުއްޓުވާލުން ރަގަޅު..ސަލާމަތީ ގޮތުން ބަލަންޖެހޭ ކަންކަން އެމްއެންޑީއެފް ބަލާނެ..އެވަރުން ފުދޭނެ..ރައްޔިތުން ރައީސާ ބައްދަލުކޮށް އޮޅުންފިލުވާނެ ހުސްގޮނޑިޔާ ބެހޭގޮތުންވެސް އެއީ ސީދާ ރައީސަށް އެކަނި ޖަވާބުދެވޭނެ ސުވާލެއް..ދިވެހިންގެ ރާއްޖޭގެ ކެންޕޭނު ޕޯސްޓަރުތަކުގަހުރި ތިންމީހުންގެ ފޮޓޯގެތެރޭގަ ބޮޑުކޮށް ފެންނަންހުރި ފޮޓޯއަކީ ކާކުގެ ފޮޓޯއެއްތޯވެސް..
ޢަރުތަ
29 November 2025
ރައްޔިތު މީހާ ސުވާލު ކުރާނެ، ހަމަ އަސްލުވެސް ރައީސް ޔާމީނު އެންޑޯޒްކުރެއްވި ކެނޑިޑޭޓްތޯ ވެސް، ކެމްޕޭނުގަ އެހެންވެސް ކިޔާފަ ހުރީމަ، ދެއްތޮ.