އަލިފާނުގެ ހާދިސާގައި ފިޔޯރީ އިންޖީނުގެ އަށް ބޮޑެތި ގެއްލުންތަކެއް ލިބިފައި
23 އެޕްރީލް 2017 - 10:41
6 comments
ގދ. ފިޔޯރީގައި ހުރި ހަމައެކަނި ޖަނަރޭޓަރު، އަލިފާނުގެ ހާދިސާއެއްގައި ހަލާކުވެ، ކަރަންޓު ދިޔަތާ ދެ ދުވަސް ވާން ކައިރިވެފައި ވަނިކޮށް ރޭ ފަތިހު ކަރަންޓް ދީފި އެވެ.
މިދިއަ ހުކުރުދުވަހު މެންދުރު ވަގުތު ހިނގި އަލިފާނުގެ މި ހާދިސާގައި އެތަނުގެ މުވައްޒަފެއް ކަމަށްވާ އުމުރުން 26 އަހަރުގެ ނާޒިދު އަބްދުﷲ ވަނީ ނިޔާވެފަ އެވެ.
ފިޔޯރީ އަށް ކަރަންޓް ދިނީ ގއ. ދެއްވަދޫން 180 ކިލޯވޮޓްގެ ޖަނަރޭޓަރެއް ގެންގޮސްގެންނެވެ. އެރަށަށް ދާއިމީ ގޮތެއްގައި ކަރަންޓު ދޭން މަހެއްހާ ދުވަސް ނަގާނެ ކަމަށް ފެނަކަ އިން ބުންޏެވެ.
ފެނަކައިން ބުނީ ފިޔޯރީ އިންޖީނުގެއަށް ބަދަލުތައް ގެނެސް، ދާއިމީ ގޮތެއްގައި ކަރަންޓު ދޭން މިހާރު ފަށާފައިވާ މަސައްކަތުގައި ބައެއް އަތޮޅުތަކުގެ ބްރާންޗުތަކުގެ މުވައްޒަފުން ވެސް ބައިވެރިވަމުން އަންނަ ކަމަށެވެ.
"އިމާރާތަށް ގެންނަން ޖެހޭ ބަދަލުތަކާއި ކޭބަލް ނެޓްވޯކަށް ގެންނަން ޖެހޭ ބަދަލުތައް ގެނެސް، މި މަސައްކަތް މުޅިން ނިމި ފިޔޯރީ އަށް ދާއިމީ ކަރަންޓުގެ ހިދުމަތް ފޯރުކޮށް ދިނުމަށް މަހެއްހާ ދުވަސް ނަގާނެ ކަމަށް ލަފާ ކުރެވެ އެވެ،" ފެނަކަ އިން ނެރުނު ބަޔާނުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފާން ނިވި
23 April 2017
އަދި ކިރިޔާ ބަދަލުގެންނަން ޖެހޭކަން އެނގުނީ. އަލިފާން ރޯވިއިރު އިންޖީނުގޭގައި އަލިފާން ނިންވާނެ ފުޅިގަނޑެއްވެސް ނެތް. ހާދިސާ ހިނގާ މީހަކު ނިޔާވީމަ މިއެނގެނީ ބަދަލުގެންނަން ޖެހޭކަން. އަދިވެސް ވޯޓު ދޭންވީ މިމީހުންނަށޯ. ތިންއަހަރު ވެހެންދިޔައިރު އަލިފާން ނިވާނެ ފުޅިގަނޑެއް އިންޖީނުގެތަކުގައި ނުބެހެއްޓުނު ބަޔަކަށް ކޮން ތަރައްގީއެއް ކުރެވޭނީ.
ޕެޓްރިކް
23 April 2017
ކައިރި ރަށެއްގެ ބޭނުން ނުކުރާ ބްރޭންޑް އާ ޖަނެރޭޓަރެއް ހުއްޓާ ދުރު ރަށަކުން ޖެނެރޭޓަރެއް ގެންނަން ޖެހުނީ ހާދަ ނުފޫޒުގަދަ ބަޔެއް ތިބީމަޔޭ! ވަރަށް ސަލާމް އެ ފަރާތްތަކަށް.
ކޮސްބެ
23 April 2017
މި ފިލްމު މި ނިމުނީ
ފައިޒަރު
23 April 2017
ޝުކުރިއްޔާ. މިވަގުތު ފެނަކާގެ ތިނަދޫ ބްރާންޗްގެ މުހައިމިން ޙުސައިން އަދި ޓިީމަށް ސާބަސް ދެން. އަދި އެމްޕީ ޙުސައިން މުޙައްމަދު ލަތީފާއި މިނިސްޓަރ އަޒްލީންއާއި ފެނަކާއި އެމްޑީ ޝަރީފްއާއި އަދި ލޮބުވެތި ކެޕްޓަން ނައީމްބެ އަށް އިޚްލާސްތެރި ޝުކުރެއް އަރިސްކުރަން. ތީ ފަޚްރުވެރި ދިވެހި ދަރިންނަކީ.
އައްނިބެ
23 April 2017
ފިޔޯރީއަށް މިވަގުތު ދެވިފައިވާ ކަރަންޓަކީ "ވަގުތީ ކަރަންޓް" އަކަށްވުމުން ކަރަންޓް ބޭނުން ކުރުމުގައި ކޮންމެހެން ބޭނުންކުރަންޖެހޭ ތަކެތި ނޫން އެއްޗެއް ބޭނުން ނުކުރުމަށް އިލްތިމާސްކުރަން. އިރާދަކުރެއްވިއްޔާ ވީއެންމެ އަވަހަކަށް ދާއިމީ ހައްލެއް ހޯދުމަށް ދަނީ މަސައްކަތް ކުރަމުން. މިދަތި އަދި އުނދަގޫ ދަޑިވަޅުގައި ފިޔޯރީ ލޮބުވެތި ރައްޔިތުން ދެއްކެވި ކެތްތެރިކަމާއި ދެއްވި އެއްބާރުލެއްވުމަށް ހިތުގެ އެންމެ ފުންމިނުން ޝުކުރުވެރިވަން. =ފިޔޯރީ އިންޖީނުގޭގެ މަސައްކަތް ކުރާ މުއައްޒަފުންގެ އެދުން=
ދޫނި ރާއްޖެ
23 April 2017
ވަރަށް އުފާވެރި ޚަބަރެއް. މީގެ މަސްތަކެއް ކުރިން ތި އަތޮޅު ތިނަދޫގެ އިންޖީނުގޭގައި ހިނގި އަލިފާނުގެ ހާދިސާގައި އޭރުގެ ފެނަކާގެ ވެރިން ވިދާޅުވި މި އުޅެނީ ފްލޯޓިން ޕަވަރ ހައުސްއެއް ގެންނާށޭ. އޭގެ ޙަބަރެއް ބަލާދިނުން އެދެން.