ބައިނަލްއަގުވާމީ ޔޯގާ ދުވަސް ފާހަގަކުރަން ރާއްޖޭގައި ހާއްސަ ހަރަކާތްތަކެއް އިންޑިއަން ހައިކޮމިޝަނުން ފަށައިފި އެވެ.
މިއަދުން ފެށިގެން އަންނަ އަންގާރަ ދުވަހުގެ ނިޔަލަށް ކުރިޔަށް ހަރަކާތްތައް އިފްތިތާހުކުރުން އޮތީ މިއަދު ހެނދުނު 8:30 ގައި ސޯޝަލް ސެންޓަރުގަ އެވެ.
ރާއްޖޭގައި ހުންނަ އިންޑިއަން ހައިކޮމިޝަނުން ބުނީ ޔޯގާ ދުވަސް ފާހަގަކުރުމުގެ ގޮތުން ލެކްޗާތަކާއި ހަރަކާތްތައް މާލޭގެ އިތުރުން، ވިލިމާލެ، ހުޅުމާލެ، ކ. ތުލުސްދޫ، ހުރާ، ދިއްފުށި އަދި ހިންމަފުށީގައި ކުރިޔަށް ގެންދާ ކަމަށެވެ.
އެ ހަރަކާތްތައް އިފްތިތާހުކުރުމަށް ބޭއްވި ރަސްމިއްޔާތުގައި ހައިކޮމިޝަނަރު އަކިލޭޝް މިޝްރާ ވަނީ ދިވެހިންގެ ފަރާތުން ލިބެމުން އަންނަ އެއްބާރުލުމާއި ތާއީދު ފާހަގަކުރައްވައި ޝުކުރު އަދާކުރައްވައިފަ އެވެ.
ޔޯގާ އަކީ އިންޑިއާގެ ސާގާފީ އަދާކާދަތަކުގެ ތެރޭގައި ހިމެނޭ ހަރަކާތެކެވެ. ދެހާސް ސާދަ ވަނަ އަހަރުން ފެށިގެން އދ. ން ވަނީ ކޮންމެ އަހަރެއްގެ ޖޫން 21 ވަނަ ދުވަހަކީ ބައިނަލްއަގުވާމީ ޔޯގާ ދުވަހުގެ ގޮތުގައި ފާހަގަކުރަން ނިންމައިފަ އެވެ.