އެމްއާރުޑީސީގެ މެނޭޖިން ޑިރެކްޓަރު ނިމާލް އިސްތިއުފާ ދެއްވައިފި

ނިމާލް: އެމްއާރުޑީސީގެ މެނޭޖިން ޑިރެކްޓަރު ކަމުން އޭނާ މިރޭ އިސްތިއުފާ ދެއްވީ އަންނަ އަހަރުގެ ރިޔާސީ އިންތިޚާބުގައި ޕީޕީއެމްގެ ކެމްޕެއިނަށް ވަގުތު ދެއްވަން ކަމަށް ވިދާޅުވި.---މިހާރު ފައިލް ފޮޓޯ

21 ޖޫން 2017 - 20:30

47 comments

މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ) ގެ މެނޭޖިން ޑިރެކްޓަރު މުހައްމަދު ނިމާލް އެ މަގާމުން މިރޭ އިސްތިއުފާ ދެއްވައިފި އެވެ.

އޭނާ "މިހާރު" އަށް ވިދާޅުވީ އެމްއާރުޑީސީގެ އެމްޑީ ކަމުން އިސްތިއުފާ ދެއްވީ އަންނަ އަހަރުގެ ރިޔާސީ އިންތިޚާބުގެ ކެމްޕެއިނަށް ވަގުތު ދެއްވަން ކަމަށެވެ.

"ރިޔާސީ އިންތިޚާބުގައި އަޅުގަނޑު ހުންނާނީ ރައީސް ޔާމީނާ އެކު. އެއީ ޔަގީން ކަމެއް،" ނިމާލް ވިދާޅުވި އެވެ.

މިދިޔަ މާޗް 1 ގައި އެމްއާރުޑީސީގެ މެނޭޖިން ޑިރެކްޓަރަކަށް އައްޔަން ކުރެއްވި ނިމާލަކީ މިދިޔަ މަހު ބޭއްވި ލޯކަލް ކައުންސިލްތަކުގެ އިންތިޚާބުގައި، ވެރިކަން ކުރާ ޕީޕީއެމްގެ ކެމްޕެއިން މެނޭޖަރު ވެސް މެ އެވެ. އެކަމަކު އަންނަ އަހަރުގެ ރިޔާސީ އިންތިޚާބުގެ ކެމްޕެއިންގައި އެ ޕާޓީގެ ތެރޭގައި ނިމާލްގެ ދައުރެއް އަދި ސާފެއް ނުވެ އެވެ.

ރައީސް އަބްދުﷲ ޔާމީންގެ ސަރުކާރުގައި ނިމާލް އެންމެ ފުރަތަމަ އަދާކުރެއްވީ ފެނަކަ ކޯޕަރޭޝަންގެ މެނޭޖިން ޑިރެކްޓަރު ކަމެވެ. އެކަމަކު ސެޕްޓެމްބަރު 26، 2016 ގައި ނިމާލް އެ މަގާމުން ވަކިކޮށް، އޮކްޓޯބަރު 24، 2016 ގައި ޓޫރިޒަމް މިނިސްޓަރުގެ ނައިބަކަށް އައްޔަން ކުރެއްވި އެވެ. އޭނާ އެމްއާރުޑީސީގެ މެނޭޖިން ޑިރެކްޓަކަށް އައްޔަން ކުރެއްވީ އޭގެ ފަހުންނެވެ.

ނިމާލް ސިޔާސީ މަގާމެއްގައި އެންމެ ގިނަ ދުވަހު ހުންނެވީ ފެނަކަ ކޯޕަރޭޝަންގެ އެމްޑީގެ މަގާމުގަ އެވެ. އެގޮތުން ކުރީގެ ރައީސް މުހައްމަދު ވަހީދުގެ ވެރިކަމުގެ ދުވަސްވަރުން ފެށިގެން އޭނާ ވަނީ އެ ކުންފުނީގެ އެމްޑީ ކަމުގައި މަސައްކަތް ކުރައްވައިފަ އެވެ.

ފެނަކަ ކޯޕަރޭޝަން ޖޫން 2012 ގައި އުފެއްދުމަށް ފަހު، އެ ތަނުގެ އެމްޑީގެ މަގާމަށް އޭރުގެ ރައީސް ވަހީދު ފުރަތަމަ ވެސް އައްޔަންކުރެއްވީ ނިމާލެވެ. އެކަމަކު، މަގާމުގެ ނުފޫޒު ބޭނުންކުރައްވާ ކަމަށް ބުނެ ހުށަހެޅި މައްސަލައަކާ ގުޅިގެން އޭނާ ވަނީ ޖުލައި 2013 ގައި އެ މަގާމުން ވަކިކޮށްފަ އެވެ. ނަމަވެސް ރައީސް ޔާމީން ވެރިކަމަށް ވަޑައިގަތުމަށް ފަހު، ނިމާލް އަނެއްކާވެސް ފެނަކައިގެ މެނޭޖިން ޑިރެކްޓަރަކަށް އައްޔަން ކުރެއްވި އެވެ. ފެނަކައިގެ އެމްޑީ ކަމުން ނިމާލް ވަކިކުރިއިރު، އޭނާގެ މައްޗަށް ކޮރަޕްޝަންގެ ތުހުމަތުކޮށް މިދިޔަ އަހަރު އަމިއްލަ މީހަކު އެންޓި ކޮރަޕްޝަން ކޮމިޝަން (އޭސީސީ) އަށް މައްސަލައެއް ހުށަހެޅި އެވެ.

މުހައްމަދު ނިމާލް ސިޔާސީ މަގާމުތައް އެމްއާރްޑީސީ

47 ކޮމެންޓް, 76 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހައްމަދު/ވިލިގިލި

22 June 2017

ކޮންމެ މީހަކުވެސް ވާވަރަށް ކެވުނީމަ ދެން އިސްތިއުފާދީފަ ގޭގަ އޮންނަންވީތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާމީ

22 June 2017

މީ މަޑި އަރުވާ މޫސުން، ނިމާލު ދޭބަލަ މަޑިހަދަން. ތިޔަ އުޅެނީ އެންބުރޭ ވަހުތާނެއް އުޅޭހެން ވިއްޔާ، ތިޔަހެން އުޅެއުޅެފަ މި ހޯދަނީ ކޮންމެސް ބޮޑެ ކުންފުންޏެއްގެ އެމްޑީކަން. ކުންފުންޏައް ހުރިހާ ގެއްލުމެއް ލިބެނީ މިކަހަލަ ބޭފުޅުން އެތަންތާގެ އެމް ޑީން ނައް ލާތީ އޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނަސީރު

22 June 2017

މަގާމުތަކަށްމީހުން އައްޔަންކުރުމާއި ވަކިކުރުމާއި ބަދަލުކުރުމުގައި ދިވެހިރާއްޖޭގެ ރިކޯޑް މިފަސްއަހަރުތެރޭގައި ފެނިގެންދާނެކަމަށް އުންމިދުކުރަނީ.އިދާރީގޮތުން ގައުމުގެ ހިންގުން ފޭލް ވެފައިވާކަމުގެ ހެއްކެއް.ކުރިމަގު ބަނަވެފައިވާކަމުގެ އަލާމާތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްމާސް

22 June 2017

މިސޮރަށް މިވަމުންދާ ގޮތެއް ނޭނގެ އެއްގޮތަކަށްވެސް. ދެން ސްޓޭޓް މިނިސްޓަރުކަމެއް ކަންނޭނގެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރެސްމާތޮޑާ މީހާ

22 June 2017

ދެން ލަސްނުކޮށް ސްޓެލްކޯގެ ޗެއަރމަން ވަކިކޮށް ނިމާލު އެމަޤާމަށް ހަމަޖައްސަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑު ޖީބު

22 June 2017

ރައީސް ޔާމީނު އަށް ވެރިކަން ހޯދާ ދެއްވުމަަށް އެއްމެ އިސްވެ އުޅުނު އެކަކީ ތެމާ ޝިޔާމް އެވެ.ރައީސް ޔާމީނުގެ ވެރިކަމުގައު އެއްނެ ފުރަތަމަ މަޤާނުން ވަކިކުރި އެކަކީ ވެސް ތެމާ ޝިޔާމު އެވެ.ވަޒީފާ އިން ވަކި ކުރުމުން އޭނަ ވެސް ބުނީ ތިމަން ހުންނާނީ ރައީސް ޔާމީނުއާ އެކުގައި ކަމަށެވެވެ.އެކަމަކު އަދި ވެސް އޭނަ ވީތަނެއް ނޭގެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީ

22 June 2017

މި ގައުމުގައި ތިބި ސަރުކާރު ކުންފުނިތަކުގެ އެމްޑީން ވަކިކޮށް ވަކިވެ ހަދާއިރުވެސް އެކަކު އެބަހުއްޓެވެ. އޭނައަށް ގުޑުމެއްވެސް ނައަރަނީ އެވެ. ހަމަ ހިންގުންތެރިކަން މޮޅުކަމުންނޭ ކިޔައެވެ. ދެން މިހިންގުންތެރިކަމަކީ ކޮބައިކަން އެންމެނަށްވެސް އެނގޭނެއެވެ. ބައެއްމީހުން އެކަހަލަ ހިންގުންތެރިކަމަށް ކޮރަޕްޝަނޭ އަނެއްބަޔަކު ޚިޔާނަތޭ އަނެއްބަޔަކު ޖީބު ބަރުކުރުމޭ ކިޔާ އުޅެއެވެ. ހުސްއަތާ އައި މިކަލޭގެ އަތުގައި ދުނިޔޭގެ ފެންވަރުގެ ކާރު އެކައުންޓުގައި މިލިއަނުން ޑޮލަރާ ރުފިޔާ ގެދޮރު އެބަހުއްޓޭވެސް ކިޔާއަޑު އިވެއެވެ.