03 ޖުލައި 2017 - 21:38
10 comments
ރައްޔިތުންގެ މަޖިލީހުގެ ރައީސް އަބްދުﷲ މަސީހު ވަކި ކުރުމަށް ޓަކައި މިއަދު މަޖިލިހަށް ހުށަހެޅި ލިސްޓުގައި ސައްހަ ނޫން އެއްވެސް ސޮޔެއް ނުހިމެނޭނެ ކަމަށް ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ވިދާޅުވެއްޖެ އެވެ.
ޖުމްހޫރީ ޕާޓީގެ އޮފީސް، މ. ކުނޫޒްގައި ހުންނަވައިގެން ވީޓީވީ އަށް ދެއްވި އިންޓަވިއުގައި މިރޭ އޭނާ ވިދާޅުވީ ހުރިހާ ބޭފުޅުން ވެސް ސޮއިކުރައްވާފައިވަނީ އެކި މީހުންގެ ހާޒިރުގައި ކަމަށެވެ. އަދި މަޖިލީހަށް ލިސްޓް ހުށަހަޅާފައި ވާނީ ވެސް ލިސްޓުގައި ސޮއިކުރެއްވި އެ ހުރިހާ ބޭފުޅުންގެ ރުހުމުގައި ކަމަށް އޭނާ ވިދާޅުވި އެވެ.
މަޖިލީހުގެ ރައީސްގެ އިތުބާރު ނެތް ކަމަށް ހުށަހެޅުމަށް ޓަކައި ސޮއި ހޯދުމުގެ މަސައްކަތުގައި އިސްކޮށް އުޅުއްވި ފާރިސްް ވިދާޅުވީ، މައްސަލަ ދިމާވި މެމްބަރުގެ މައްސަލާގައި އެއްޗެއް ވިދާޅުވާން ބޭނުން ނުވާ ކަމަށާއި ސަބަބަކީ އޭނާ އަށް ދިމާވީ ކޮން މައްސަލައެއްކަން އެނގިވަޑައިގެންފައި ނުވުން ކަމަށެވެ. މިއަދު އެ ލިސްޓު ހުށަހެޅި ފަހުން އިސްދޫ ދާއިރާގެ މެމްބަރު މުހަންމަދު ރަޝީދު (ގާރީ) ވަނީ އޭނާގެ ސޮޔަކީ ވަގު ސޮޔެއް ކަމަށް ވިދާޅުވެފަ އެވެ.
ފާރިސް ވިދާޅުވި ގޮތުގައި، ސޮއި ކުރެއްވި މެމްބަރުންގެ އިތުރުން ވެސް އެހެން ބައެއް މެމްބަރުން ވެސް މަސީހާ ދެކޮޅަށް ވޯޓު ދެއްވާނެ ކަމުގެ ޔަގީންކަން ލިބިވަޑައިގެންފައިވާ ކަމަށެވެ. އޭނާ ވިދާޅުވީ މަޖިލިސް ވަރަށް އަވަހަށް މިނިވަން ވެދާނެ ކަމުގެ އުންމީދު ލިބިވަޑައިގެންފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Oooo
04 July 2017
ސާބަހޭ ފާރިސް
ޙަސަނު
03 July 2017
ޤާރީބެގެ ސަބަބުން އަހަރެމެންގެ މުޅިދާއިރާގެ ނަން ޚަރާބުވެއްޖެ. ދެން ވާ ސަލާމް..
އަލިބެގެ އައްޔު
03 July 2017
އަޅުގަނޑު ހަމަހައިރާންވެއްޖެ އިސްދޫދާއިރާގެ މެންބަރު ދެއްކި ވާހަކަ އަޑުއަހާފަ. އަޅުގަނޑުގެ ހިތަށްއެރީ އެއީ ކޮންކަހަލަ ޤާރީއެއްބާއޭ. ކީރިތިޤުރުއާންގައި ދޮގުހަދާ މީހާއަށްއޮތް އަޒާބުގެ ބިރުވެރިކަން އޭނާއަށް އެގިހުރެ ކަނޑައެޅިގެން ދޮގުހަދަނީ ކީއްވެބާއޭ. ސުބުހާނަﷲ. ދައްކަވަންހުރިތަނެއް ދައްކަވާނެ. ފަހުޒަމާން މިއޮތީ ފެށިފައި. ބާތިލްގެ މަގު ދޫކޮށް ހައްޤުގެ މަގަށް އަރުއްވައި ކާބަފައިން އަޅުގަނޑުމެންނާއި ހަމައަށް ގެނެސްދީފައިވާ މިރީތިރީތީ ދިވެހިރާއްޖެއިން ކޮރަޕްޝަނާއި ފަސާދަ ފުހެލެއްވުމުގައި އެންމެހާ ރައްޔިތުން އެއްބާރުލުން ދެއްވަމާ ހިންގަވާ. ސަރުކާރުން ދައްކާބިރަށް ފަސްނުޖެހި އެންމެފުރަތަމަ ޤައުމު އިސްކުރަމާ ހިންގަވާ.
ލާނާ
03 July 2017
ސާބަހޭ... ބައްޕަ ބޭނުންވާ ގޮތަކަށް ކަން ނުވީމަ ދެން އެވީ ވެރިކަން ވައްޓަން..... ނޫނޭވާ ރަނގަޅު....
ހަނު
03 July 2017
ލާނާ ތިހާ ޒާތީ ނުވޭ! ބައްޕައަކާ ދަރިއަކުވެގެން ވެރިކަނެއް ނުހޯދޭނެ ނުދެެމެހެއްޓޭނެ ވައްޓައެއްވެސް ނުލެވޭނެ ދޯ. ހެހެހެ
ވާލުސޮރު
03 July 2017
ތިޔަ މައްސަލަ ސަލާމަތް ބުއްދީގެ ތަރާދުން ކިރައިލިޔަސް ޙަޤީޤަތް ހާމަވޭ. އެއީ "އެއްކޮޅު" އެތައް މެންބަރުންނެއް ސޮއި ކުރެއްވި ލިސްޓަކުން އެއް މެންބަރަކު ތިޔައީ "ވަގު" ސޮޔެކޭ ވިދާޅުވިއިރު ދެން ސޮއި ކުރެއްވި މެންބަރުން އެބޭފުޅާއަށް ތާއީދު ކުރުމުގެ ބަދަލުގައި ހަނު ތިއްބެވީތީ. އެއާ ޚިލާފަށް އެހުރިހާ ބޭފުޅުން އެއްފަހަރާ ރައްޔިތުންގެ ޖުރިމަތީގަ އެއީ "ވަގުސޮޔެއް"ކަމަށް ހެކިވެވަޑައިގެންނަމަ އިދިކޮޅު ފިކުރުގެ ގިނަ ބަޔަކަށްވެސް ގަބޫލުކުރަން ފަސޭހަވީސް.
ޤައުމް
03 July 2017
އަލްޙަމްދު ލިއްލާހި. ﷲ އަކްބަރް
ސައްދާމް
03 July 2017
މިއުޅެނީ ސޮއި ގެ މައްސަލައެއް ނޫން............. ހަޖަމު ކުރުމުގެ މައްސަލަ އެއް................
ގެދާނޯމޮސް
03 July 2017
މިހާރު ކާތަކެއްޗަށް ވުރެފަސޭހައިން ފައިސާ ހަޖަމުވާކަން އެނގިލައްވާ ތޯއެވެ.
ްޤުއްޓޭ
03 July 2017
މަނިކުފާނެވެ. ތިމަންމެން ކުޑަކޮންވެސް ހާސްވުމެއް ނެތެވެ. ތިކުރައްވާ މަސައްކަތައް އައްސަރި ބަހާއި ސާބަސް ދެމެވެ. އަބަދުވެސް ތި ގޮތުގައި ހުންނަވާފި ކަމުގައި ވަނީނަމަ މާތްﷲ ގެ ހެޔޮ ރަހުމަތުން ރައްޔިތުންނަށް ނަސްރާއި ކާމިޔާބު ލިބޭނެ ކަމާއި މެދު އެވެސް ޝައްކެތް ނުކުރަމެވެ.