ސިވިލް ކޯޓް: ފެނަކައަށް 17 މިލިއަން ރުފިޔާ ދައްކަން ޝަރޫ ކުންފުނީގެ މައްޗަށް ވަނީ ހުކުމް ކޮށްފައި. -- ފޮޓޯ: މިހާރު
22 އޯގަސްޓް 2017 - 15:09
14 comments
ފެނަކަ ކޯޕަރޭޝަނަށް އެއް މިލިއަން ޑޮލަރު ގަތުމަށް ޝަރޫ ލޯންޗް ސާވިސަށް ދިން 17 މިލިއަން ރުފިޔާ އަނބުރާ ފެނަކަ ކޯޕަރޭޝަނަށް ދައްކަން ސިވިލް ކޯޓުން މިއަދު ހުކުމްކޮށްފި އެވެ.
ފެނަކަ ކޯޕަރޭޝަނަށް ޑޮލަރު ގަންނަން ޝަރޫ ކުންފުންޏަށް މިދިޔަ އަހަރު ފައިސާ ދިނުމުން ދިން ޑޮލަރު ޗެކްތައް ވަނީ ބައުންސްވެފަ އެވެ. އެ ފައިސާ ހޯދަން ފެނަކަ އިން ދައުވާ ކުރުމުން ސިވިލް ކޯޓުން މިއަދު ހުކުމްކުރީ ފެނަކަ އިން ދިން 17 މިލިއަން ރުފިޔާ ހަތަރު މަހަށް ބަހާލައިގެން އަނބުރާ ދެއްކުމަށެވެ.
ކޯޓުގެ ހުކުމުގައިވާ ގޮތުން އެ ފައިސާއަކީ ޝަރޫ އިން ފެނަކަ އަށް އަނބުރާ ދޭންޖެހޭ ފައިސާއެއް ކަން ޝަރީއަތަށް ސާބިތުވެ އެވެ.
ފެނަކަ އަށް ދޫކުރި ޗެކްތަކުގެ މައްސަލަ ފުލުހުން ވެސް ބަލަން ފަށައި، ޝަރޫ ކުންފުނީގެ މުވައްޒަފަކާއި މޮރިޝަސް ކޮމާޝަލް ބޭންކްގެ މުވައްޒަފަކު ވެސް ހައްޔަރުކުރި އެވެ. އެކަމަކު އެ މީހުން މިހާރު ވަނީ ދޫކޮށްލައިފަ އެވެ. އެ މައްސަލަ އެންޓި ކޮރަޕްޝަން ކޮމިޝަނުން ވެސް ބެލި އެވެ.
ފެނަކަ ކުންފުނީގެ އިތުރުން ސްޓެލްކޯ އަށް ދެ ލައްކަ ޑޮލަރު ވިއްކާނެ ކަމަށް ބުނެ ތިން މިލިއަނަށް ވުރެ ގިނަ ރުފިޔާ ނެގުމަށް ފަހު ޑޮލަރު ނުލިބުނު މައްސަލައެއް ވެސް ފެންމަތިވި އެވެ. އެ ފައިސާ ހޯދަން ސްޓެލްކޯ އިން ދައުވާ ކުރުމުން އެ ފައިސާ ވެސް އަނބުރާ ދައްކަން ސިވިލް ކޯޓުން ކުރިން އޮތީ ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތޮރުފި އުދުޅި
23 August 2017
ސަރޫލޯންޗް ސާރވިސްގެ އިސްވެރިންނަށް ދަންނަވާލަން އޮތީ މަކަރާ ޙީލަތް ތެރިކަންމަތީ އެއްވެސް އިންސާނަކަށް ތާއަބަދަކު ދެމިއެއް ނުހުރެވޭނޭ ކަލޭމެން ވަރަށް ދުވަހު އެތަށް ބައެއްގެ ހައްގުތަށް ކައިބޮއި ހަދާއުޅެފިތާއޭ އަދި މިހާރުވެސް އުޅެމުން ތިދަނީ ހަމަ ތިގޮތުގެމަތީގައޭ އެހެންވީމާ ވީހާވެސް އަވަހަށް ތިމީހުން އަތުގާ ނުހައްގުން ހޯދާފަ ހުރި އެހެންމީހުންގެ ހައްގުތަށް އަދާކުރުމަށްފަހު މަރުވުމުމުގެ ކުރިން އަވަހަށް ތައުބާވުމުގެ ކުރީގާ ގޮވާލަން!!!!މިހާރުވެސް މާލޭގަ ލޯންޗުތައް އަޅާފަވާ ސަރަހައްދުގަ އުޅޭ އެތައްބަޔަކަށް ވަނީ ދަރާވިކިފަ އަދި މިސަރޫލޯންޗުގެ ސަބަބުން ކުދިވިޔަފާރި ކުރާ އާދާގެ މީހުންވެސް ވަނީ ބަނގުރޫޓް ވެފާ!!!!!
ހަބޭސް13
23 August 2017
ކޮބާހޭ ފެނަކާއިގެމުއައްޒިފުން މިމުއާމަލާތްކުރި
އަހަންމަދު
22 August 2017
ސަރުކާރުން ޑޮލަރު ގަންނަން އަމިއްލަ ކުންފުނި ތަކަށް ފައިސާ ދޭންޖެހޭބާ؟ އަޅުގަނޑަށްވެސް ފައިސާ ދީފިނަމަ ޑޮލަރު ހަމަޖައްސަދޭނަން.
އަހުމަދުބެ
22 August 2017
ކުންފުނީގަ ޒިންމާނަގާނެ މީހަކު އަދި ފައިސާ އެއްނެތެވެ.
ކިގާ
22 August 2017
ސަރުކާރުން މޭޒުދަށުން ގޮތްނޭގޭ އަމިއްލަ ފަރާތްތަކުން ޑޮލަރުގަންނަން ޖެހެނީ ކީއްވެގެން ކަމެއްނޭގުނު. އެކަން ކުރާނަމަ ބިޑު އުސޫލުން އާންމުއްނަށް އެނގޭނެ ހާމަކަން ބޮޑު އުސޫލަކުން ނުކުރަނީ ކީއްވެބާ! ސަރުކާރު ކުންފުންޏަކުން ޑޮލަރުގަދަތަސް ކަޅުބާޒާރުން ގަނެވޭނެބާ! ނޫނީ އެއީ ކަޅުބާޒާރެއްނޫންބާ! އަބަދުވެސް އޮންނަނީ ސަރުކާރު ހިއްސާވާކުންފުންޏަކަށް ލަނޑުލިބިފަ. އެނގޭމީހަކު ބުނެލަދީބަލަ
ޤައުމު
22 August 2017
ޝަރޫއަށް ތިދިނީީ ލުއި ލޯނެއްދޯ އިންޓަރެސްޓަކާ ނުލާ! މޮޅު ރޭވުން ތެރިކަން!
މިޔަރު
22 August 2017
އަޅެ ފަހެ ތި ޝަރޫ ލޯންޗަކީ ކޮންބައެއްގެ ކުންފުންޏެއްތަ؟؟؟!! އެނގޭ މީހަކު މިތާ ބުނެދީބަލަ!
މެންޓަލިސްޓް
22 August 2017
ތިޔައީ ރާވައިގެން ހިންގައިފައިވާ ބޮޑު ޖަރީމާއެއް ،،، ތިޔަފައިސާއެއްވެސް ނުލިބޭނެ ،،، އާޙިރްގައި ކަންނިމިގެންދާއިރު ޒިންމާވީމީހެއްވެސް ނުހުންނާނެ ،، ބުލެކްމާރކެޓްއިން ޑޮލަރުގަތުންވެސް މަނައޭކިޔާއުޅޭ ،،، އެކަމު ހުރިހާ ކުންފުނިތަކުން ކުރަނީވެސް އެކަން ،، މޯރޑިސް އަކީ " ދަ ލޭންޑް އޮފް ފްރީ " މިތާވައްަކަންކޮއްފައި އިއްޒަތާއި އަރާމުގައި އުޅެވޭނެ ،،، ބޭނުންދީނަކަށް އުޅެވޭނެ ،،، ރާބޯމީހުންނަށް ރާބޮވޭނެ ،، އެއްޖިއްސުންގުޅުންހިނާމީޙުން އެކަންކޮށްކޮށް ތިބެވޭނެ ،،، ރިޝްވަތުދިނުމާއި ނެގުމަކީ ޝޯޝަލްނޯމްއަކަށް ވެފައިމިވަނީ ،،، ގާނޫންއަސާސީގައި ލިއެފައިއޮންނާނެ %100 މުސްލިމުންނޭ ،، އެކަމުއުޅޭނީ ހުސް އިސްލާމްދީނުގެ ސަޕޯޓަރުން ،،، ރިއަލްެމެޑްރިޑް މެންޗަސްޓަރ ސަޕޯޓަރުންތިބޭހެން ،،،، ކަލޯމީވާ ގައުމެށް ،،، " ދަ ލޭންޑް އޮފް ފްރީ " ވަރަށްވެދުން
ހުކުމް
22 August 2017
ނިންމުން ރަގަޅު، ތިޔަފަދަ ކަމެއް ހިގާނީ އަދީބުކަހަލަ ނޫފޫޒުހުރި ބޭފުޅެއް އަޑީގަހުރެގެން. އެހެންވިއްޔާ އަދިވެސް ކޮންމެވެސްގޮތަކުން ރެކޭނެ.
އަތްފުނާ
22 August 2017
ށަރޫ ލޯންޗު ސާވިސް ކޮންމެ ހާލަތެއްގައި އޮތަސް ވަރިހަމަ ތި ފައިސާ ޖެހޭނީ ފެނަކަ އަށް ދޭން.ށަރޫ މި މައްސައްލާގައި ކަންތައްތަކެއް އެބަ އޮޅުވާލާ އަދި އެބަ ފޮރުވާ.