ގާސިމް މިދިޔަ ބުރާސްފަތި ދުވަހު ޝަރީއަތުގައި އިންނަވަނިކޮށް އަނބުރައިގަނެގެން ވެއްޓިގެން އައިޖީއެމްއެޗަށް ގެންދަނީ.---މިހާރު ފޮޓޯ: ހުސެއިން ވަހީދު
30 އޯގަސްޓް 2017 - 12:57
110 comments
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ބޭސްފަރުވާ ރާއްޖެއިން ބޭރުން ލިބޭނެ އިންތިޒާމް ހަމަޖައްސަން ދައުލަތުގެ މައްޗަށް ކްރިމިނަލް ކޯޓުގެ ހުކުމުގައި އެންގި ބައި އެޓާނީ ޖެނެރަލްގެ އޮފީހުން އިސްތިއުނާފް ކޮށްފި އެވެ.
ރައްޔިތުންގެ މަޖިލީހުގެ މެމްބަރުންނަށް ރިޝްވަތު ހުށަހެޅުމުގެ ކުށް ސާބިތުވެ، ތިން އަހަރާއި ދެ މަހާއި 12 ދުވަހުގެ ޖަލު ހުކުމް ގާސިމްގެ މައްޗަށް އިއްވައި ކްރިމިނަލް ކޯޓުން ކުރި ހުކުމުގައިވާ ގޮތުން ގާސިމްގެ ބޭސްފަރުވާ ރާއްޖެއިން ބޭރުން ހޯދޭނެ އިންތިޒާމް ދައުލަތުން ހަމަޖައްސަން ޖެހޭނެ އެވެ. އެގޮތަށް އެންގީ މި ވަގުތު ހޮސްޕިޓަލްގައި އޮންނެވި ގާސިމް ބޭރަށް ފޮނުވަން ޑޮކްޓަރުން ލަފާ ދީފައިވާތީ ކަމަށް ހުކުމުގައިވެ އެވެ.
ޖިނާއީ މައްސަލަތަކުގައި ދައުލަތް ތަމްސީލުކުރަނީ ޕްރޮސެކިއުޓާ ޖެނެރަލްގެ އޮފީހުން ކަމަށް ވިޔަސް، ގާސިމަށް ބޭރުން ބޭސް ފަރުވާ ލިބޭނެ އިންތިޒާމް ހަމަޖައްސަން ހުކުމުގައި އަމުރުކުރި ބައި ހައި ކޯޓުގައި އިސްތިއުނާފަަށް ހުށަހެޅީ އެޓާނީ ޖެނެރަލްގެ އޮފީހުން ކަން "މިހާރު" އަށް ވަނީ އެނގިފަ އެވެ. އެކަމަކު އެ މައްސަލަ ހައި ކޯޓުން ބަލައިގަތް ކަމެއް އަދި ސާފެއް ނުވެ އެވެ.
އެ މައްސަލަ އިސްތިއުނާފް ކުރިއިރު ސަރުކާރުން ކުރިން ބުނެފައިވަނީ ގާސިމްގެ ފަރުވާ އަށް އެއްވެސް ހުރަހެއް ނޯންނާނެ ކަމަށާއި އޮންނަ އުސޫލުތަކުގެ މަތިން އެކަން ހަމަޖައްސާނެ ކަމަށެވެ. ހޯމް މިނިސްޓަރު އަޒްލީން އަހުމަދު ވަނީ ރައީސް އަބްދުﷲ ޔާމީންގެ މަންދޫބެއްގެ ގޮތުން ގާސިމްގެ އަރިހަށް ޒިޔާރަތް ކުރައްވައިފަ އެވެ.
އެ ބައްދަލުވުމަށް ފަހު "މިހާރު" އަށް އިއްޔެ ދެއްވި އިންޓަވިއުއެއްގައި މިނިސްޓަރު ވިދާޅުވީ ގާސިމްގެ ބޭސްފަރުވާ އަށް ސަރުކާރުން އެއްވެސް ހުރަހެއް ނާޅާ ކަމަށާއި ސަރުކާރުން ވެސް ބަލަނީ ވީހާ އަވަހަކަށް ގާސިމް ރާއްޖެ އިން ބޭރަށް ފޮނުވުމަށް ކަމަށެވެ. އަދި ވިދާޅުވީ، ރާއްޖެއިން ބޭރަށް ނުފޮނުވި ލަސްވަނީ ކަރެކްޝަންސް ބޯޑުގެ މެޑިކަލް ބޯޑުގެ ބައްދަލުވުމުގެ ކޯރަމް ހަމަނުވެގެން ކަމަށާއި އެ ބޯޑުގެ ބައްދަލުވުމެއް އިއްޔެ ބާއްވާނެ ކަމުގެ މައުލޫމާތު ލިބިވަޑައިގެންފައިވާ ކަމަށެވެ. މި މައްސަލަ އޭޖީން އިސްތިއުނާފު ކުރުމާ އެކު، ބޭސް ފަރުވާގެ ކަންތައް ވަރަށް ބޮޑަށް ލަސްވެ، ގާސިމް ޖަލަށް ވަޑައިގަތުމުގެ ބިރު ވަނީ ބޮޑުވެފަ އެވެ.
ގާސިމް ހޮސްޕިޓަލްގައި އެޑްމިޓްކުރީ އޭނާގެ ޝަރީއަތުގެ އަޑުއެހުމަކަށް ކޯޓަށް ވަޑައިގެން ހުންނަވަނިކޮށް އަނބުރައިގަނެގެން ކޯޓު ތެރެއަށް ވެއްޓުމުންނެވެ. ޑޮކްޓަރުން ލަފާ ދެއްވާފައިވަނީ އޭނާގެ ހިތުގެ ދެ ޓެސްޓެއް ހެދުމަށް ރާއްޖެއިން ބޭރަށް ގެންދަން ޖެހޭ ކަމަށާއި އެހެން ނޫން ނަމަ ގާސިމްގެ ފުރާނަ އަށް ނުރައްކާ ވެދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮހޭ
31 August 2017
ޢަނިޔާވެރިންވެސް ޒިއްމާނަގަންޖެހޭނެ ދުވަހެއް އަންނާނެ . ހަމަ ޖާހިލް ކަމުން އެމީހުންކުރާ ކަންކަން މިހުންނަނީ، އެބައި މީހުންނަށް ހެޔޮވިސްނުން ދެއްވާޝިއެވެ.
އަލިބިޔާއްކަލޯ
31 August 2017
ބަލަގަ ސަމީރޫ އެސޮރު އިއްޔެގަ ބުނީ ހުރިހާ އިޖުރާތު ތަކެއްފުރިހަކޮއްފަ ގާސިމު ބޭސްފަރުވާއަށް ފޮނުވާ ވާހަކައެއްނޫންތަ؟ އެހެންވީމައޭ އެ ހުކުމް އިސްތިއުނާފުކުރީ 2-3 މަސްފަހުން ކޯޓްމަރުހަލާ ނިމުނީމަ ގާސިމުގެ ގަބުރު އެސޮރު ފޮނުވަދޭނެ ޕޯސްޓްމޯޓަންހަދަން ސިޔާސީފިއްތުމުގެ މަރަކުންތޯ މަރުވީ ޔަގީންކުރަން.
ހޭކެނޑޭ
31 August 2017
ތި ވިދާޅުވާ ބޯޑުގެ މެމްބަރުން ހަމަވާނީ އެސޮރުގެ ފުރާނަ އާއި މަސްގަނޑާ ވަކިވާފަހުން. މި ވެރިންގެ ހުރި ނުބައި ކަމެއްގެ ބޮޑުކަމާއެވެ. މާތްﷲ ގެ ވާގިފުޅާއި އެކު މިވެރިން މި ހިންގާ ޖަރީމާ ތަކުގެ ހިތިވޭން މިވެރިންނަށް ދައްކަވާދޭވެ. އާމީން.
މައުލޫމާތު
31 August 2017
މިހުކުމުގަ ސަރުކާރުން އިސްތިއުނާފައް މި ލަނީ ގާނޫނު އަސާސީން ދިވެހި ކޮންމެ ފަރުދަކައް ދީފައިވާ ހައްގުތަކަކާ ކަން އިންގިލައްވާތޯ؟؟؟ ބޭސްފަރުވާގެ ހައްގު. ދިރިހުރުމުގެ ހައްގު. ނޫނީ މި މާއްދާތަށްވެސް އުނިކުރަން ލާން ފެނޭ. މިހެން ބޭސްފަރުވާ ނުކުރެވި ހުރެ އެންދުމަތި ކުރެވިފައިވާ ފަރާތް ނިޔާވެއްޖެނަމަ ޒިންމާނަގާނީ ކޮންފަރާތަކުންތޯ؟؟؟ މިހެން މިކަން ކުރުމާ ވަޅިޖަހާ (ގަސްތުގައި ފުރާނައް) ފުރާނަ ދުއްވާލުމާއި ހުރި ދަފާތަކީ ކޮބައިތޯ؟؟؟ ވަކި ކޮޅަކައް ޖެހިނުލައްވާ ކޮންމެ ބޭފުޅެއްވެސް މި ކަމާ ވިސްނަވާ...
ހެޔޮބަސް
31 August 2017
ތި އުޅެނީ އަނެއްކާ އަނެއް އުސޫލް މުގުރާ ލާށެވެ.
ހެޔޮބަސް
31 August 2017
ތި އުޅެނީ އަނެއްކާ އަނެއް އުސޫލް މުގުރާ ލާށެވެ.
ފއ
30 August 2017
ބަލަ ހަލާލުގޮތުގައި ހުކުމެއްކުރިނަމަ ބޭސްކޮށްދޭކަށް ނުޖެހޭނެ. އެމަނިކުފާނު އަމިއްލައަށް ބޭރަށްދާން ހުއްދަނުދީނީކީއްވެ?
މޮހޮނު
30 August 2017
ހީވަނީ މިމީހުންނަށް ވާނުވާ ނޭގެނީހެން. ބަލަ ކޯޓުން ހުކުމްކުރިގޮތުން, ގާސިމްގެ ބޭސްފަރުވާގެ ޚަރަދުވެސްކުރަންޖެހެނީ ސަރުކާރަށް, އިސްތިޢުނާފްކުރިސަބަބަކީ އެއީ
ބޮޑުނުލަފާ
31 August 2017
ހާދަ ނުލަފާ ބައެކެވެ.
މޮޑްރިޗް
30 August 2017
މިހާރު ވެރިކަމުގަ ތިބިމީހުން ތިހާލުގަ އުޅެންޖެހޭދުވަހު ވާނީ ކިހިނެތްބާވައޭވެސް ހިތަށްއަރާ....
ބޮޑުރިޔާ
30 August 2017
މަށައްކަމުނުދިޔައީ ހުކުމުގެ އެއްބައި އިސްތިއުނާފުކުރީމަ ޖަލުގެ ބަޔާ އެއްކޮން ކުރިނަމަދޯ ތިޔަވެސް އެއްޗަކަށްވީހީ މިއީ ދިވެހިރައްޔިތަކު މަރުރުވަންދެންް ބޭސްފަުވާ ކުރިޔަ ނުދީ ހިފެހެއްޓުމަށް ޖަހާހާ މަޅި މިވަރުގެ ރަހުމުކުޑަ ބަޔަކަށް ވޯޓްދޭން ހެޔޮވާނެތަ މަށާ މަގޭގެ އާއިލާޔާ މަބަސްއަހާ އެންމެންވެސް މީމީހުންނަށް ވޯޓަށްސަލާމް