މިފްކޯ:- މިފްކޯއިން ކްރެޑިޓަށް ނެގި މުދަލަށް ފައިސާ ނުދެއްކުމުން ޖޫރިމަނާއާ އެކު 1.1 މިލިއަން ދައްކަން އަމިއްލަ ކުންފުންޏަކަށް ވަނީ ޖެހިފައި--ފޮޓޯ/މިހާރު
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން ދޫކުރި މުދާތަކަކަށް ފައިސާ ނުދެއްކުމުން ބޮޑު ޖޫރިމަނާއެއް ހިމެނޭ ގޮތަށް 1.1 މިލިއަން ރުފިޔާ މިފްކޯ އަށް ދައްކަން އަމިއްލަ ކުންފުންޏެއްގެ މައްޗަށް ހައި ކޯޓުން ހުކުމްކޮށްފި އެވެ.
ހިންމަތް އިންވެސްޓްމަންޓް ނަމަކަށް ކިޔާ އެ ކުންފުނީގެ މައްޗަށް މިދިޔަ ބުރާސްފަތި ދުވަހު އެ ހުކުމް ކުރީ އެ ކުންފުނިން ކްރެޑިޓަށް ނަގާފައިވާ މުދާތަކަކަށް ދައްކަންޖެހޭ 490،000ރ. އާއި އެ ފައިސާ ނުދެއްކުމުން ޖޫރިމަނާގެ ގޮތުގައި އެރި 692،000ރ. ހޯދަން މިފްކޯ އިން ދައުވާ ކުރުމުންނެވެ. މުދަލުގެ އަގަށްވާ 490،000ރ. ދައްކަން ސިވިލް ކޯޓުން ހުކުމް ކުރިޔަސް އެ ކޯޓުން ނިންމާފައި އޮތީ ޖޫރިމަނާ ފައިސާ ނަގައިދެވެން ނެތް ކަމަށެވެ.
ޖޫރިމަނާ ފައިސާ ނަގައި ނުދިން މައްސަލަ މިފްކޯ އިން އިސްތިއުނާފު ކުރުމުން ހައި ކޯޓުން ކުރި ހުކުމުގައިވަނީ ޖޫރިމަނާ ފައިސާއަކީ ވެސް ދެ ފަރާތުގެ ދެމެދުގައި އޮތް އެއްބަސްވުމުގެ ދަށުން ހިންމަތް ކުންފުނިން ދައްކަންޖެހޭ ފައިސާއެއް ކަމަށެވެ. އެހެންވެ ޖޫރިމަނާ ފައިސާ ހިމެނޭ ގޮތަށް 1.1 މިލިއަން ރުފިޔާ ހަ މަސް ތެރޭގައި ދެއްކުމަށް އެ ހުކުމުގައި ވަނީ އަންގައިފަ އެވެ. އަދި އެ ފައިސާ ހަ މަސް ތެރޭގައި ނުދައްކައިފި ނަމަ، އެ މުއާމަލާތުގައި މިފްކޯގައި ރަހުނު ކޮށްފައިވާ "އާމިރާ" ނަމަކަށް ކިޔާ އުޅަނދު ވިއްކާލުމުގެ ހައްގު މިފްކޯ އަށް އޮންނާނެ ކަމަށް އެ ހުކުމުގައިވެ އެވެ.
އެ ފައިސާ ދައްކަން ނުޖެހޭ ކަމަށް ބުނެ ހިންމަތް ކުންފުނިން ނެގި ދިފާއަކީ ފައިސާ ދެއްކުމަށް ދެ ފަރާތުގެ ދެމެދުގައި ވެފައި އޮތް އެއްބަސްވުމުގައި، މުދަލުގެ އަގަށްވާ ފައިސާ ދެއްކުމަށް ފަހު އިތުރު ފައިސާއެއް ދައްކަން ނުޖެހޭނެ ކަމަށް ބުނެފައި އޮތުމެވެ. އެހެންވެ އެ ކުންފުނިން ބުނެފައިވަނީ އެ އިބާރާތަކީ ޖޫރިމަނާ ފައިސާ ލިބިގަތުމުގެ ހައްގު މިފްކޯ އިން ދޫކޮށްލީ ކަމަށް އެއްބަސްވެފައިވާ އިބާރާތެއް ކަމަށެވެ.
އެކަމަކު ތިން ފަނޑިޔާރުން އިއްތިފާގުން ކުރި އެ ހުކުމުގައިވަނީ ޖޫރިމަނާ ފައިސާއަކީ ނަގައިދެވޭނެ ފައިސާއެއް ކަމަށް އެއްބަސްވުމުގައި ބުނާއިރު ޖޫރިމަނާ އަށް މިފްކޯ އިން ލުޔެއް ދީފައިވާ ކަމަށް ބެލެވޭނެ ފަދަ އެއްވެސް އިބާރާތެއް ނެތް ކަމަށެވެ. އެހެންވެ ޖޫރިމަނާ ފައިސާއަކީ ވެސް ހިންމަތް ކުންފުނިން ދައްކަން ޖެހޭނެ ފައިސާއެއް ކަމަށް އެ ހުކުމުގައިވެ އެވެ.
އިތުރު ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްޖިބްރާ
16 October 2017
ކޮންމެ ގޮތެއް ހަދާފަނަމަވެސް މިސަރުކާރުގެ ބާރު އޮތް ތަންތަނަށް ލޯލާރިއެއް ދޭންއޮތަސް އެތަނެއް ނީލަން ކިޔާފަވެސް އެފައިސާ ހޯދާނެ !
އަލީމާސް
15 October 2017
ރިޕޯޓު ކިޔާލުމުން ސިފަވަނީ މިފްކޯ އަކީ ބީއެމްއެލް ގެ ލޯނު ޑިޕާޓުމެންޓެއް ހެން...
މެންޓަލިސްޓް
15 October 2017
ދިވެހިރާއްޖޭގައިއޮތް އެންމެބޮޑު އެއްމައްސަލައަކީ އެކަކު އަނެކަކަށްދޭންހުރިފައިސާ ،،، އެެއްކުންފުނިން އަނެއްކުންފުންޏަށް ދޭންހުރިފައިސާ ،، ސަރުކާރު ބަޖެޓުން ގެއްލިފައިހުރިފައިސާ ، ވަގަށްނަގައިފައިހުރިފައިސާ ،، އެހެންގޮސް ފައިސާފައިސާފައިސާ ،،،، މިތާއޮތީ ،، މުޅިގައުމު މިއޮތީ ފައިސާ ކަޅުވިލާގަނޑެއްގެ ދަށުގައި ،، އެމީހަކަށް ދެމުނުގޮތަކަށް ދެމުންއޮތީ ،، ހީވަނީ މީދުނިޔެއުމުރަށް އުޅެންއޮތްތަންކަމަށް ،، މީކަމަށް އަސްލު ހޯމްއަކީ ،، އެކަމު މީހުވަފެށް އަސްލުއޮތީ އަސްޓްރަލް ޑައިމެންޝަންސަތަކުގައި ،، އެއީ ނުމުމެއްނެތް އެޓާރނިޓީ ،،، އެހެންވީމައި ރީތިގޮތުގައި ފައިސާހޯދައިގެން އެދަތުރަށް ތައްޔާރަށް އަބަދުވެސް ހުންނަންވީ ،،، މަރަކީ އިންސާނާގެ ހިޔަނިހާ ކައިރިއެއްޗެށް ،،، ކިތަންމެބާރަށްދުވިއަސް ހިޔަނި އަކުންސަލާމަތެއްނުވެވޭނެ ،، ހަމައެގޮތަށް މަރަކީވެސް އެކަހަލައެއްޗެއް ،، ވަރަށްވެދުން
ޝައްމަ
15 October 2017
މުވައްޒަފުންގެ މުސާރަ ކުޑަކުރަން ކުރާކަމަކީ އެސްޓިއޯއިން ބޮޑޭ ވާން ކުރިކަމެއް... ތިިކަމަކުން ލިބޭނީ ބޮޑު ގެއްލުމެއް.. ތި އަށްވުރެ ރަގަޅުވާނެ ތިތާނގެ ވެރިން ކުރާ ކޮންމެ މަހެއްގައި 3-4 ފަހަރު ކުރާ ދަތުރުތަކާއި ސަބްސިޑިއަރީ ކުންފުނިތަކުގެ ބޯޑުގެ މެމަބަރުންގެ މުސާރަ ކުޑަކުރިއްޔާ.... އެސްޓީއޯ ޖެނެރަލް މެނޭޖަރުން 3-4 ސަބްސިޑިައރީ ބޯޑުން 24000 ރުފިޔާ އަދި މީގެ އިތުރުން އެތަށް ޓްރެއިނިންތަކާއި ދަތުރު ތަކުގެ ނަމުގައި ޖީބަށް ކަހާލާ ލާރި ކޮޅު ސޭވުކުރުމުން މުވައްޒަފުންގެ އަތުން ކަނޑާ އެލަވަންސްގެ 3 ގުނަ އެބަ ސަލާމަތްކުރެވޭ.... ވާނުވާ އިނގޭބާ ......