އަލީ އަޝްފާގު (ދަގަނޑޭ): ޔޫމެޓަށް 1.4 މިލިއަން ދައްކަން އޭނާގެ މައްޗަށް ހުކުމްކުރީ އިމާރާތެއްގެ ދެ ފްލޯއެއް ހެދުމުން ލިބެންޖެހޭ ފައިސާ ނުލިބިގެން-- ފޮޓޯ: އޯލް ސްޕޯޓްސް އިމޭޖަސް އެންޑް ނިއުސް އެޖެންސީ
19 އޮކްޓޯބަރ 2017 - 14:33
35 comments
ގައުމީ ޓީމުގެ ކެޕްޓަން އަލީ އަޝްފާގު (ދަގަނޑޭ) ގެ މައްޗަށް 1.4 މިލިއަން ރުފިޔާގެ ދަރަންޏެއް ސާބިތުވާ ކަމަށް ނިންމައި، އެ ފައިސާ ދައްކަން ސިވިލް ކޯޓުން ކުރި ހުކުމަށް ހައި ކޯޓުން މިއަދު ތާއީދުކޮށްފި އެވެ.
އަޝްފާގުގެ މައްޗަށް ސިވިލް ކޯޓުން އޮގަސްޓް، 2015 ގައި އެ ހުކުމްކުރީ އަޝްފާގުގެ ބެލުމުގެ ދަށުގައި ހުރި އިމާރާތެއްގެ ދެ ފްލޯއެއް ހެދުމަށް އޭނާ އާއި ވީބީ ސްޕޯޓްސް ކްލަބް ގުޅިގެން ޔޫމެޓް ކޮންސްޓްރަކްޝަނާ އެކު ހެދި އެއްބަސްވުމެއްގެ ދަށުން ދައްކަންޖެހޭ 1.4 މިލިއަން ރުފިޔާ ނުދެއްކުމުން ޔޫމެެޓުން ކުރި ދައުވާއާ ގުޅިގެންނެވެ. އެ މައްސަލާގައި އަޝްފާގާއި ވީބީގެ މައްޗަށް ވެސް ސިވިލް ކޯޓުން އަންގާފައި އޮތީ އެ ފައިސާ ހަ މަސް ތެރޭގައި ދެއްކުމަށެވެ.
ސިވިލް ކޯޓުގެ ހުކުމް އަޝްފާގުގެ ފަރާތުން އިސްތިއުނާފްކުރީ އެ ފައިސާ ހޯދަން ދައުވާ ކުރަންޖެހޭނީ ވީބީ ސްޕޯޓްސް ކްލަބްގެ މައްޗަށް ކަމަށް ބުނެ އެވެ. ސަބަބެއްގެ ގޮތުގައި އޭނާގެ ފަރާތުން ފާހަގަކުރަނީ އެ އެއްބަސްވުމުގެ ދަށުން ދައްކަންޖެހޭ ފައިސާ އޭނާ ނުދައްކައިފި ނަމަ އެ ފައިސާއަކީ ވީބީން ދައްކަންޖެހޭ ފައިސާއެއްގެ ގޮތުގައި އެ އެއްބަސްވުމުގައި ބުނެފައި އޮތުމެވެ.
ސިވިލް ކޯޓުގެ ހުކުމަށް ތާއީދުކޮށް، ހައި ކޯޓުން ކުރި ހުކުމުގައި ވަނީ އެއްބަސްވުމުގައި ވީބީން ސޮއި ކޮށްފައިވަނީ އަޝްފާގަށް އެ ފައިސާ ނުދެއްކޭ ހާލަތުގައި އެ ފައިސާ ދެއްކުމުގެ ޒިންމާ އުފުލާނެ ކަމުގެ ޔަގީންކަން ދިނުމުގެ ގޮތުން ކަމަށެވެ. އެހެންވެ އެއީ އެ އެއްބަސްވުމުގެ ދަށުން އަޝްފާގު އުފުލަންޖެހޭ ޒިންމާއިން އޭނާ ބަރީއަ ވާނެ ސަބަބެއް ނޫން ކަމަށް އެ ހުކުމުގައިވެ އެވެ.
އަޝްފާގު އެ ފައިސާ ނުދައްކައިފި ނަމަ އެ އިމާރާތުގެ ދެ ފްލޯއެއް ކުއްޔަށް ދީގެން ފައިސާ ހޯދުމުގެ ބާރު ޔޫމެޓް ކުންފުންޏަށް ލިބޭ ގޮތަށް އެއްބަސްވުމުގެ ދަށުން އޮތް ނަމަވެސް އެކަން ކުރެވެން އޮންނާނީ އަޝްފާގުގެ އެއްބާރުލުން ލިބިގެން ކަމަށް އެ ހުކުމުގައިވެ އެވެ. އެ އިމާރާތަކީ އަދިވެސް އަޝްފާގުގެ ބެލުމުގެ ދަށުގައި ހުރި ތަނެއް ކަމަށްވާއިރު އެފަދަ އެއްބާރުލުމެއް އަޝްފާގުގެ ފަރާތުން ލިބިފައިވާ ކަން އެނގެން ނެތް ކަމަށް ތިން ފަނޑިޔާރުން އިއްތިފާގުން ކުރި ހުކުމުގައިވެ އެވެ.
އެހެންވެ އެ ހުކުމުގައިވަނީ އެ ފައިސާއަށް އަޝްފާގު ޒިންމާ ނަގަންޖެހޭނެ ކަމަށް ސިވިލް ކޯޓުން ނިންމި ނިންމުން ރަނގަޅު ކަމަށެވެ. އެ މައްސަލަ ބެއްލެވީ ފަނޑިޔާރު ޝުއައިބު ހުސައިން ޒަކަރިއްޔާ އާއި ފަނޑިޔާރު ޝުޖާއު އުސްމާނާއި ފަނޑިޔާރު އަބްދުޣަނީ މުހައްމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ޖާމިން
20 October 2017
އުޅެން ނޭނގުނު މީހެއް
ކެނެޑީ
20 October 2017
މި ފައިސާ ދައްކަން ދަގަޑޭއަށް ފަންޑު ފޮށްޓެއް ހުޅުވުން ބުއްދިވެރި އޭރުން 280،000 މީހުން ދަގަޑޭގެ ފޮޓޯޖެހި 5 ރުފިޔާ ކޮންމެ މީހެއް ހަދިޔާ ކުރުމުން ތިޔަ 1.4 މިލިއަން ދެއްކުނީ
ބުރުގާ
20 October 2017
އާނ. މިހާރު މުޅި މިގައުމުގަ އޮތީ ހައްތަހާވެސް ފަންޑުފޮށި. ކޮންމެސް މީހަކައް، ޓީވީ ޗެނެލަކައް، ޕާޓީއަކައް، ބަލި މީހަކައް، ސިޔާސީ މީހަކައް
ޙުރަސް
20 October 2017
މައްސަލަ ވަރަށް ސާފް .ކޯޓްގެ ނިންމުން ވަރަށްފުރިހަމަ އިންސާފް ވެރި ނިޔާއެއް.
ޢަހުމަދު
20 October 2017
ދަގަނޑޭ ތާށިކުރަން މިސަރުކާރުން އުޅެނީ.
އިޙްސަ
20 October 2017
ތީމާކުރީގެ ކަމެއް..
ޙޫހޫ
20 October 2017
ޢަޝްފާގައް ތަނުގެ ކުލި ލިބެނީ ލޯނު ދައްކަން މިޖެހެނީ ގެރެންޓީ ދިން ފަރާތް. މާމޮޅުގޮތެއްތީ.
ތުއްތޫ
19 October 2017
ސާބަހޭ ސާބަހޭ ދިވެހި ޓީމަށް ސާބަހޭ
ޑިމޮކްރަޓިސްޓް
19 October 2017
ތިމާމޮޅުގޮތެއްނު!!! އަޝްފާގު ލާރިނުދައްކައިފިއްޔާ ވީބީއިންނޯ ފައިސާދައްކާނީ!!! ކާކުތަ ލާރިތަކެއްދައްކަން ބޭނުންވާނީ!!! އެގްރިމެންޓް ހެދިދުވަހު ނޫން އަނެއްދުވަހު އަޝްފާގު ފައިސާދެއްކެން ނެތޭބުނީމަ އެކަން ވީބީ ބޮލަށް ކެނޑުނީދޯ!!! ކޮންކަހަލަ ކާޓޫނު އެގްރިމެންޓެއް ތީ؟؟؟
އަތްފުނާ
19 October 2017
'' ވީބީން ސޮއި ކޮށްފައިވަނީ އަޝްފާގަށް އެ ފައިސާ ނުދެއްކޭ ހާލަތުގައި އެ ފައިސާ ދެއްކުމުގެ ޒިންމާ އުފުލާނެ ކަމުގެ ޔަގީންކަން ދިނުމުގެ ގޮތުން ކަމަށެވެ ''.ވިމާ މި ދަރަނި ޖެހޭނީ އަށްފާގު ދައްކަން.އަށްފާގަކީ ކުޅިވަރު ކުޅިގެން ، ކުޅިވަރު އިސްތިހާރު ކުޅިގެން ، ފަޒީފާ އަދާކޮށްގެން އަދި ވިޔަފާރި ކޮށްގެން ގިނަ އަދަދަކަށް ފައިސާ ހޯދާ މީހެއް.ރާއްޖޭގެ އެންމެ މުއްސަނދި ކުޅުންތެރިޔާ ކުއްޔަށް ތަނެއްގައި ހުންނަނީއެއްނޫން.ވީމާ އަށްފާގަށް ފައިސާ ނުދެއްކޭނެ ހަމަ އެއްވެސް ހާލަތެއް މި ބުނެވުނު ކަންކަމުން ނެތް ފެންނާކަށް.އަދި ކޮށްފައިވާ އެއްބަސްވުމުން ރެކި ގަނެވޭނެ ހަމަ އެއްވެސް ގޮތެއްނެތް.ކޯޓުގެ ހުކުމަށް ތާއިދު.ތިއީ ފަގީރުންނަށްވެސް ހުތުރު އަރުވާ މީހެއް.
ނެޝަނަލިސްޓް
19 October 2017
މިއީ ސިޔާސީ މީހުންނަށް ނުފޫޒް ފޯރުވުމަށް ވެސް މިހާރު ކަންކުރާގޮތް! އަޝްފާގް ތާށިކޮށްގެއް ކަމެއްކުރުވަން އެޅޭހެން ހާދަ ހީވެޔޭ!
ނާހިދާ
19 October 2017
ކޮން ތާޓެއް. އޭނަދައްކަންޖެހޭ އެއްޗެއް ދައްކަން ތާއީދު ކުރިވާހަ އެއޮތީ.. ހަމަރަގަޅު ދަނގަޑޭ އެއްކަމަކު އެއްބަސް ވުމެއް ވިއްޔާމު އެއަށް އަމަލުކުރަންޖެހޭނެ..
ނެޝަނަލިސްޓް
20 October 2017
އަންދާޒާ ކުރެވުނީ ރަގަޅަށް ހެން މިހާރު މާބޮޑަށް އެބަހީވޭ!
ހެހެހެ
19 October 2017
ދަނގަޑޭއަށް އަސްލު ތިކޭސް ހެންޑްލް ކުރަން ނޭގުނީ! "ސިސްޓަމް" ތެރެެއިން ތިކަން ކުރަން އުޅުނު ނަމަ ތިކަން ވީސް.