ހުޅުލެ އަށް ދިއުމަށްޓަކައި މާލޭ ފަޅުން ނުކުތް ލޯންޗެއްގައި ރޯވެ އަނދައި ދެ މީހަކު ފިހިއްޖެ އެވެ.
ކ. މާފުށީ ގެސްޓް ހައުސެއްގައި ބޭނުންކުރާ "ނިރުމާ" ލޯންޗުގައި ރޯވި އިރު އެ ލޯންޗުގައި ތިބީ ދެ ފަޅުވެރިއަކާއި ޓުއަ ގައިޑެކެވެ. އެ ތިން މީހުންނަށް ވެސް ފަރުވާ ދިނުމަށް ގެންދިޔައީ އައިޖީއެމްއެޗަށެވެ. އެ ހޮސްޕިޓަލްގެ މީޑިއާ އޮފިޝަލް ޒީނަތު ހަބީބް ވިދާޅުވީ އޭގެ ތެރެއިން އެކަކަށް ފަރުވާ ދިނުމަށް ފަހު ދޫކޮށްލާފައިވާ ކަމަށެވެ.
"ބޮޑު އަނިޔާއެއް ނުލިބޭ. އަތާއި ފައިގެ ތަންތަން ފިހިފައި ހުރީ. މި ވަގުތު ދެ މީހުންނަށް މި އަންނަނީ ފަރުވާ ދެމުން،" ޒީނާތު ވިދާޅުވި އެވެ.
ފުލުހުން ބުނީ ލޯންޗުގައި އަލިފާން ރޯވާން ދިމާވި ސަބަބު ދެނެގަންނަމުން އަންނަ ކަމަށެވެ.