އިދިކޮޅު ފަރާތްތަކުން ބޭއްވި ނޫސް ކޮންފަރެންސެއްގައި ރިޔާޒް ވާހަކަ ދައްކަވަނީ.---ފޮޓޯ: ހުސެއިން ވަހީދު/މިހާރު
10 އެޕްރީލް 2018 - 14:26
29 comments
ޓެރަރިޒަމްގެ ދައުވާ އުފުލާފައިވާ ކުރީގެ ޕޮލިސް ކޮމިޝަނަރު، ކިނބިދޫ ދާއިރާގެ މެމްބަރު އަބްދުﷲ ރިޔާޒް އޮންނަވާ ގޮޅީގެ ހާލަތު ރަނގަޅު ނޫން ކަމަށް އާއިލާ އިން މިއަދު ބުނެފި އެވެ.
ރިޔާޒް ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން ނިންމުމާ ގުޅިގެން އޭނާ ހުންނެވީ މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށުން މާފުށީ ޖަލުގަ އެވެ.
ރިޔާޒްގެ ބޭބެ، އަހުމަދު ރިޔާޒް "މިހާރު" އަށް ވިދާޅުވީ ރިޔާޒް ހުންނަވާ ގޮޅީގެ ހާލަތު ވަރަށް ދަށް ކަމަށެވެ. އެގޮތުން ގޮޅީގައި ހުންނަ ފަންކާ އިން ގޮވާ އަޑާ ހެދި އެއްގޮތަކަށް ވެސް ރިޔާޒަށް ނުނިދޭ ކަމަށް އޭނާ ވިދާޅުވި އެވެ. އަދި ގޮޅިން ރިޔާޒް ނެރެނީ ގަޑިއިރަކަށް ކަމަށް ވެސް އޭނާ ވިދާޅުވި އެވެ.
"ފައިގެ ނިޔަފަތީގައި އިންފެކްޝަނެއް ހުރީމަ މިދިޔަ މާޗް 26 ގައި އެކަން (ކަރެކްޝަންސް) ސަމާލު ކަމަށް ގެނައި. އެކަމަކު އެކަމަށް ވެސް އަޅައެއް ނުލާ،" އަހުމަދު ރިޔާޒް ވިދާޅުވި އެވެ.
އޭނާ ވިދާޅުވީ، އޭނާގެ ކޮއްކޮ އާ މެދު ތަފާތުކުރުންތައް ގެންގުޅެމުން އަންނާތީ ކަންބޮޑުވެވަޑައިގަންނަވާ ކަމަށެވެ.
"މައުލޫމާތު ލިބިފައިވާ ގޮތުން މިއީ ރައީސް އަބްދުﷲ ޔާމީންގެ ބޭނުމަށް، ހޯމް މިނިސްޓަރު އަޒްލީން އަހުމަދު އަންގަވައިގެން ކުރާ ކަންކަން،" އަހުމަދު ރިޔާޒް ވިދާޅުވި އެވެ.
މިދިޔަ ފެބްރުއަރީ މަހު އިއުލާން ކުރި ކުއްލި ނުރައްްކަލުގެ ހާލަތުގެ ދަށުން ރިޔާޒް ހައްޔަރު ކޮށްފައި ވަނިކޮށް، އޭނާ ޝަރީއަތް ނިމެންދެން ބަންދުކުރަން ކްރިމިނަލް ކޯޓުން މިދިޔަ މަހު އަމުރުކުރީ އޭނާގެ މައްޗަށް އުފުލާފައިވާ ރަސްމީ ހައިސިއްޔަތުން ކުރަން ޖެހޭ ކަމަކަށް ނުފޫޒު ފޯރުވުމުގެ ދައުވާއާ ގުޅިގެންނެވެ. އެކަމަކު، ކްރިމިނަލް ކޯޓުން ނިންމި ނިންމުން އަލުން މުރާޖާ ކޮށްދިނުމަށް އޭނާގެ ވަކީލުން ވަނީ ކޯޓުގައި އެދިފަ އެވެ.
ރަސްމީ ހައިސިއްޔަތުން ކުރަންޖެހޭ ކަމަކަށް ނުފޫޒު ފޯރުވުމުގެ ދައުވާ އާއި ޓެރަރިޒަމްގެ ދައުވާގެ އިތުރުން ރިޔާޒްގެ މައްޗަށް ދައުވާކުރާ އިތުރު ދެ މައްސަލައެއް ވެސް ކޯޓުގައި އެބައޮތެވެ.
އެއީ މިދިޔަ ޖުލައި މަހު ގަދަކަމުން މަޖިލީހަށް ވަތް މައްސަލާގައި ކްރިމިނަލް ކޯޓުގައި ކުރާ ދައުވާ އަކާއި ފުލުހުންގެ ތަހުގީގެއްގައި ރިޔާޒްގެ ފޯނު ހުޅުވައި ނުދިން މައްސަލާގައި ރިޔާޒާ ދެކޮޅަށް ދައުލަތުން ހައި ކޯޓުގައި އިސްތިއުނާފް ކޮށްފައިވާ މައްސަލަ އެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިގޭ
17 April 2018
ރިޔާޒަށް ވަރަށް ރަނގަޅަށް އެނގިވަޑައިގަންނަވާނެ ކޖަލުގެ ގޮޅިތަކުގެ ހާލަތު ގުޅިގެން އުޅުއްވާ މައުމޫނަށްވެސް އެނގިވަޑައިގަންނަވާނެ އެގޮޅިތަކުގެ ހާލަތު. މިއަދު ގޮޅި ސަކަރާތްވެގެން ވާހަކަ ދެއްކުމުގެ ފުރުސަތެއް ނެތް ކެތްކޮށްލާ .
އަބްދުއްލާ
12 April 2018
ރިޔާޒްގެ ދޫފުޅުން ނިކުތް ބަސްތަކަކީ ކިހާ ބުރަދަނެއް ހުރި ބަސްތަކެއްކަން މިހާރު އެގޭބާ ؟އަމިއްލަ މަސައްކަތުން ކަމެއް ލިބުނީމަ ދެންވާނީ ކެތްކުރަން.
ރިޔާޒް
11 April 2018
ރިޔާޒް މެންނަށް ކުރިންވެސް އެނގޭ ތިކަން އޮންނަނީ ތިހެންކަން އިންސާނިއްޔަތުގެ ކަންފުޅެއްވެސް ނެތްކަން މިހާރު ޖަލަށް ލީމް އެކަންޏެއްނޫން އެނގުނީ އޭރު މަގާމުގެ ދަހިވެތި ކަމުގަ ޖަލުގެ ވާހަކަ ނުދައްކާ މިހާރު ކޮން އަގަޔެއް ތަޅާކަށް އެނގޭނެ ދޯ ޖަލުގަ ލަގްޒަރީ ރޫމްތަށް ނުހުންނާނެކަން
ހަތުރު
11 April 2018
ބަލަ ކޮޔާ ތިތަނަށް ކިޔަނީ ޖަލޭ. ތީ ފަސްތަރީގެ ރިސޯޓެއް ނޫނޭ. ތީ ކުށްކުރީމަ ވައްދާ ތަނޭ. ތީ ޗުއްޓީ ހަދަން ބަހައްޓާފަ ހުރި ތަނެއް ނޫނޭ.
ދެން އަތްޖަހާ
11 April 2018
ކޮލަމްބިޔާގައި ޕަބްލޯ އެސްކޮބާ އަށް ވެރިކަން ނުލިބުނުކަން އެއީ އެގައުމު މީހުންގެ ނަސީބު.
ޟޫސަ123
11 April 2018
ކޮބާ ހީވޭތަ ކަމެއްހެން އޭރުވެސް މަބުނީން ގޮޅިތައް ރަގަޅަށް ހަދާށޭ ގޮޅިތައް ހެދިމީހާ މިއަދު އެތަން ކަމުނުދިޔައީމަ ދެން މަކުރާނީ ވަކި ކީއް
ހައްމާދު
11 April 2018
ފަންކާ ގަނޑެއް ހުރީތީވެސް ސުކުރުކޮއްބަލަ....ސިޔާސީ މީހުނައް ވީމަ ބަލިނުވާ މީހެއް ޖަލަކައް އަދިނުވަދޭ....މަގާމުގެ ނުފޫޒު ތިއައްވުރެ ރަންގަޅައް ބޭނުންކުރި ސީޕީ އެއް ނެއް.... އެހެންވީމަ ފަންކާ ގަނޑުން އަޑުކިޔާ ތިގޮޅި ރިޔާޒައް ހައްގު...
އަސްފާޤް
10 April 2018
ވަރަށް އިހްތިރާމް ކުރާ ބޭފުޅެއް. ﷲ ނަސްރު ދެއްވާށި.
12 ގަނޑު ޓިނު އަދުރޭ
10 April 2018
މަ ވަރަށް ފޫހިިވާމީހެއް މި ރިޔާޒަކީ. އަދިވެސް ރަނގަޅަށް ހަނދާން އެބަހުރި އެ ސިޓީ ކިހިލީގައި ޖަހައިގެން ދިޔަ ވައްތަރު.
ކުއްލިހާލަތު
10 April 2018
ރިޔާޒު އޮންނަގޮޅިކީއްކުރަން އަހަރުމެން އުޅޭގެވެސް ހާލަތު ރަގަޅެއްނޫން. ކާކުބާބަލަނީ. ދިވެހި ރައްޔިތެއް، ހެސްކިޔާ މަސައްކަތްކުރަން ޓެކުސްދައްކަން އެކަމަކު ކުލިދައްކާނިމޭއިރު ހުސްކޮތަޅުގަޑު.