އިކޮނޮމިކް މިނިސްޓަރުގެ ނައިބަކަށް، މޯލްޑިވްސް ރޯޑް ޑިވެލޮޕްމެންޓް ކޯޕަރޭޝަން (އެމްއާރުޑީސީ)ގެ ޑެޕިއުޓީ މެނޭޖިން ޑިރެކްޓަރަކަށް ހުންނެވި އަހުމަދު މަމްދޫހް (މަންޑޭ) މިއަދު އައްޔަން ކޮށްފި އެވެ.
ރައީސް އޮފީހުން ބުނީ، އިކޮނޮމިކް މިނިސްޓަރުގެ ނައިބަކަށް މއ. އެރަލްސީ، އަހުމަދު މަމްދޫހް އައްޔަން ކުރައްވާފައިވާ ކަމަށެވެ.
މޯލްޑިވްސް ބާސްކެޓް އެސޯސިއޭޝަން (އެމްބީއޭ)ގެ ރައީސްކަން ވެސް ކުރައްވާ މަމްދޫހް، އިކޮނޮމިކް މިނިސްޓަރުގެ ނައިބަކަށް އައްޔަން ކުރެއްވިއިރު، އެމްއާރުޑީސީ އުވާލަން ސަރުކާރުން ވަނީ ނިންމައިފަ އެވެ.
އެ ކުންފުނި އުވާލަން ނިންމައި މަސައްކަތްތައް ވަނީ ހައުސިން މިނިސްޓްރީގެ ދަށަށް ވެސް ބަދަލުކޮށްފަ އެވެ.
މަމްދޫހާ އެކު، އިކޮނޮމިކް މިނިސްޓްރީގައި މިހާރު ހަތަރު ޑެޕިއުޓި މިނިސްޓަރަކު ތިއްބަވަ އެވެ.
