އުމަރުގެ ވައުދު: ބޯހިޔާވަހިކަމަށް އަހަރަކު 3 ބިލިއަން ރުފިޔާ

އުމަރު ނަސީރު: އޭނާ ވަނީ ރިޔާސީ އިންތިހާބުގައި ވާދަކުރައްވާނެ ކަން އިއުލާން ކުރައްވާފައި-- މިހާރު ފޮޓޯ

އަހުމަދު ސާއިލް އަލީ، މިހާރު

08 މެއި 2018 - 10:23

މި އަހަރު ބާއްވާ ރިޔާސީ އިންތިހާބުގައި ވާދަ ކުރާނެކަން އިއުލާން ކުރައްފައިވާ ކުރީގެ ހޯމް މިނިސްޓަރު އުމަރު ނަސީރުގެ ވެރިކަމެއްގައި ބޯހިޔާވަހިކަމަށް ބަޖެޓުން އަހަރަކު ތިން ބިލިއަން ރުފިޔާ ހަރަދުކުރާނެ ކަމަށް އޭނާ ވިދާޅުވެއްޖެ އެވެ.

ޖުމްހޫރީ ޕާޓީއާ ދާދި ފަހުން ގުޅިވަޑައިގެންނެވި އުމަރު ވަނީ އިދިކޮޅު ކޯލިޝަނުން ކެނޑިޑޭޓެއް ނުދެއްކުނު ކަމަށް ބުނެ އޭނާ ރިޔާސީ އިންތިހާބުގައި ވާދަކުރާނެކަން އިއުލާން ކުރައްވައިފަ އެވެ. އަދި އޭނާގެ މެނިފެސްޓޯ ތައްޔާރު ކުރުމުގެ މަސައްކަތް ކުރަމުން އަންނަ ކަމަށް ވެސް ވިދާޅުވި އެވެ.

އުމަރުގެ ރިޔާސީ ވައުދުތަކުގެ ތެރެއިން ފުރަތަމަ އިއުލާންކުރި "ހެޔޮ ހިޔާ" ވައުދު ސޯޝަލް މީޑިއާ މެދުވެރިކޮށް އިއުލާން ކުރައްވަމުން އުމަރު ވިދާޅުވީ ގެދޮރުގެ މައްސަލަ ހައްލު ކުރުމަށް ހުރިހާ ސަރުކާރަކުން ވެސް މަސައްކަތް ކުރި އިރު މުޅިންހެން ގެންގުޅުނީ ވިޔަފާރި އުސޫލެއް ކަމަށާއި އޭނާގެ ވެރިކަމެއްގައި އެކަން ކުރާނީ ބަޖެޓުން ދޭ ހިދުމަތެއްގެ ގޮތުގައި ކަމަށެވެ.

އުމަރު ވައުދު އިއުލާން ކުރެއްވުން--

"އަޅުގަނޑުގެ ސަރުކާރެއްގައި ޕީއެސްއައިޕީގެ ޕްރޮޖެކްޓްތައް މަދުކޮށް ސީދާ ބަޖެޓުން އަހަރަކު ތިން ބިލިއަން ރުފިޔާ އިޖުތިމާއީ ބޯހިޔާވަހިކަމަށް ހަރަދު ކުރާނަން." އުމަރު ވިދާޅުވި އެވެ.

"ކޮންމެ އަހަރަކު ތިން ބިލިއަން ރުފިޔާ ފްލެޓް އެޅުމަށާއި މާލެ އާއި އަތޮޅު ތެރޭގައި ގެދޮރު އިމާރާތް ކުރުމަށާއި ގެދޮރު އެޅުމަށް ދޭ ހިލޭ އެހީ އާއި ސަބްސިޑީގެ ގޮތުގައި ހޭދަ ކުރާނަން،"

އަލަށް އަޅާނެ ފްލެޓްތަކާއި މިހާރު ދޫކޮށްފައިވާ ފްލެޓްތަކަށް ވެސް ކުލީގެ ގޮތުގައި މަހަކު ދައްކަން ޖެހޭނީ އެ މީހަކަށް ލިބޭ އާމްދަނީގެ 25 ޕަސެންޓް ކަމުގައި ހަމަޖައްސާނެ ކަމަށް ވެސް އުމަރު ވިދާޅުވި އެވެ. އަދި އޭނާގެ ވެރިކަމެއްގައި ސަރުކާރުން ދޫކުރާ އެއްވެސް ފްލެޓަކަށް އެޑްވާންސް ފައިސާ ނުނަގާނެ ކަމަށް ވެސް ވިދާޅުވި އެވެ.

"މި އުސޫލަށް އަމަލު ކުރަން ފެށުމުން ގިނަ އާއިލާތަކުން ދައްކަން ޖެހޭނީ 2،000ރ. އާއި 3،000ރ. އާ ދޭތެރޭ އަދަދެއް،" އުމަރު ވިދާޅުވި އެވެ.

މިހާރުގެ ހާލަތާ ގުޅޭ ގޮތުން އުމަރު ވިދާޅުވީ މާލޭގައި ދިރިއުޅޭ އާއިލާތައް ފިތި ބާރުވެފައިވާ އިރު އަތޮޅުތެރޭގެ ރައްޔިތުން ވަނީ ގެދޮރު އިމާރާތް ކުރުމުގެ ތަނަވަސްކަމުން މަހުރޫމްވެފައި ކަމަށެވެ. އަތޮޅު ތެރެ އިން މާލެ އަށް އަންނަ މީހުންގެ އާމްދަނީ އަށް ވުރެ 200 ޕަސެންޓް އިތުރަށް ކުއްޔަށް ހޭދަ ކުރަން ޖެހޭ ކަމަށް ވެސް އުމަރު ވިދާޅުވި އެވެ.

ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އަކީ ހުޅުމާލޭގައި ދިރިއުޅޭ ރައްޔިތުންނަށް އެކި ކަންކަމުގައި އަމުރު ނުކުރެވޭ ބަޔަކަށް ހަދައި އެ އަވަށުގައި ދިރިއުޅޭ މީހުންގެ ކަންކަން ބަލަހައްޓާނީ ސަރުކާރުގެ ވުޒާރާއަކުން ކަމުގައި ހަމަޖައްސާނެ ކަމަށް ވެސް އުމަރު ވިދާޅުވި އެވެ.

ރިޔާސީ އިންތިހާބުގެ ކެމްޕެއިން އުމަރު ފައްޓަވާފައިވާ އިރު ރައީސް އަބްދުﷲ ޔާމީން ވެސް ވަނީ ކެމްޕެއިން ފައްޓަވައިފަ އެވެ. އަދި ކުރީގެ ރައީސް މުހައްމަދު ނަޝީދު ވަނީ ރިޔާސީ އިންތިހާބުގައި ވާދަ ކުރައްވާނެ ކަން އިއުލާން ކުރައްވާފަ އެވެ.

އިދިކޮޅު ޕާޓީތަކުން ބުނީ ރައީސް ޔާމީނާ ވާދަ ކުރެއްވުމަށް އެއް ކެނޑިޑޭޓަކު ނެރޭނެ ކަމަށާއި ވަގުތު ޖެހުމުން އެ ކެނޑިޑޭޓް ދައްކާނެ ކަމަށެވެ.

އުމަރު ނަސީރު އިދިކޮޅު ފަރާތްތައް ޖުމްހޫރީ ޕާޓީ

82 ކޮމެންޓް, 180 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕިޕަން

08 May 2018

ތިގޮތަ ފުލެޓްއެޅިދާނެކަމަކަ އަޅުގަނޑަކަ ގަބޫލެނުކުރެވޭ ދިވެހި ބެންކުތައް ބަގުރޫޓުވުން ނުންކަމެއްނުވާނެ މިހާރުވެސް ސިންގަޕޫރައްވުރެ އަގުހެޔޮކޮ ޔާމިންގެ ސަރުކާރުން އެދެނީ އަގުހެޔޮވުމައްވުރެ އަހަރަކު ދިހަހާސް ފުލެޓް އަޅަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

08 May 2018

ކަލޭ ދުވާލަކު ތިބުނާވަރު ޚަރަދު ކުރާނަމޭ ބުންޏަސް މީހަކު ކަލެއަކަށް ވޯޓެއް ނުދޭނެ ! އެހެންނޫނަސް މިހާރު ހުރި ވެރިމީހާއަށް ކަލެއާމެދު ކަމެއް ހީވިއަސް ކަލެއަށް ކުޑަގޮޅި ދައްކާނެ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރާ

08 May 2018

އުމަރަށް ވޯޓް ލުމަކީ މިނިވަންކަން އަމިއްލަޔަށް ދޫކޮށްލާ އަޅުވެތިކަމަށް ވަންނަ މީހެއްގެ މިސާލު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑަމް

08 May 2018

ޢުމަރު 3 ބިލިޔަނުގަ ކިތަށް ސުންތަ އޮނަނަނީ ؟ އާރާއިބާރު އޮތްއިރު ކިތަށް ޒުވާނުންތޯ ވަޅިޖަހާ މަރާލީ ޢުމަރު ހޯމްމިނިސްޓަރަށްހުްޓ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1110% 10%

08 May 2018

ވެރިކަމޭ .. ރިޔާސީ އިންތިހާބޭ ބުނާއިރަށް ހޮހަޅައިން ބޭރަށް ނުކުތީ ދޯ..... ޖަލަށް ލާފާނެތީ ނުރަނގަޅު ކަމެއް ނުރަނގަޅޭވެސް ނުބުނާނެ،،،،،،،،، ތީ އަމިއްލަ އެދުމުން ފޯ ވެފައި ހުރި މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުދީ

08 May 2018

ދަރިންނަކީ ﷲ ދެއްވާ ނިއުމަތެއް ކަމުގައި ވީއިރު، ދަރިން ނުލިބުމުގެ ސަބަބުން ފުލެޓުން ލިބުމުން މަހުރޫމުވުމަކީ އެންމެ އިންސާވެރި ނިމުމެއްތޯ؟ ޔަމީނުގެ ވެރިކަމުގެ ވައުދު ތެރޭގައި ކޮންމެއް ދެމަފިރިއަކަށް ފުލެޓަށް ލިބޭނެކަމަށް ބުނި... އެކަމުކު ނުލިބުނު؟ އުމަރުގެ ވެރިކަމެއްގައި ނިކަމެތި ރައްޔިތުންނަށް ފުލެޓް ލިބުމުގައި ބަލާ މިންގަނޑު އެބަ ބޭނުންވޭ؟ ވޯޓު ލިބިދާނެ.... ނިކަމެތިންގެ އިހުސާސްތައް ދަންނަ އަދުވެރި ވެރިޔަށް މިޤައުމަށް ބޭނުންވަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުމަނިކު

08 May 2018

އުމަރުގެ ވެރިކަމެއްގައި ރައްޔިތުންނަށް ފުލެޓު ލިބޭނީ ކިތައް އަހަރުން؟ ޔާމީނު ވެރިކަމުގައި ވަރަށް އުއްމީދު ކުރިން ފުލެޓަށް ލިބޭނެ ކަމަށް...އެކަމަކު ނުލިބުނު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯދި

08 May 2018

އުމުރު ހިޔާ!! ( ބޯހިޔާ ވަހިކަން އުމުރަށް..) އަޅުގަޑު ބުނާނީ ބާރތް ރޭޓް އާއި އެއްވަރަށް އުމަރުގެ ހިޔާ ރޭޓް ގެންދަން އެއްބަސްވާށެ.. ޢޭރުން އުމަރަށް ވެރިކަމަށް އާދެވިދާނެ..! 3 ބިލިޔަނުން ފްލެޓް އެޅޭނެ އަދަދު ޔަގީނެއް ނުވޭ..! އާއްމުން އަތުޖެހޭ ފެންވަރަށް ވާހަކަތައް ތިލަކޮށްލުމަސް އުމަރަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުލު އިންސާފު

08 May 2018

މާލޭގައި ދިރިއުޅޭ ރައްޔިތުންނަށް އެންމެ މުހިއްމު އެއްކަމަކީ ބޯހިޔާވެހިކަން. މިފަދަ ބޯހިޔާވެހިކަމަށް ހޯދައިދޭނެ ވެރިޔަށް މިޤައުމަށް އެބަ ބޭނުވޭ. ނިކަމެތި އިހްސާސްތައް އަދި ރައްޔިތުގެ އަދޭހުގެ އަޑުއަހާނެ ވެރިޔަށް މިޤައުމަށް އެބަ ބޭނުންވާ... ވައުދުވާނެ ވެރިޔަށް ބޭނުމެއް ނޫން... ވައުދުތައް ފުއްދަވާ ނިކަމެތިންނަށް އޯގާތެރި ވެރިޔަށް ބޭނުންވަނީ... ނިކަމެތިން ބަކީ ނުކުރާ ފަދަ ވެރިޔެއް.