ބްރިޖުން ސައިކަލްތަކުގައި ހުޅުލެއަށް ދުއްވާފައި ދަނީ: ރައްކާތެރި ކަމުގެ ފިޔަވަޅެއްގެ ގޮތުން، ސައިކަލް ދަތުރުތަކުގައި ހެލްމެޓް އަޅަން ޓްރާންސްޕޯޓް އޮތޯރިޓީން އެދޭ.
07 ސެޕްޓެމްބަރ 2018 - 18:46
10 comments
މާލެ އާއި ހުޅުލެއާ ދެމެދު ބްރިޖުން ދަތުރުކުރާއިރު ސައިކަލް ދުއްވާ މީހުން ހެލްމެޓް އެޅުމަށް ޓްރާންސްޕޯޓް އޮތޯރިޓީން މިއަދު އިލްތިމާސްކޮށްފި އެވެ.
ސިނަމާލެ ބްރިޖު އާއްމު ދަތުރުތަކަށް ހުޅުވާލީ މިއަދު ހަވީރު 4:00 ގަ އެވެ. އެއާއެކު، ބޮޑު ކިޔޫއެއްގައި ގިނަ އަދަދެއްގެ ބަޔަކު ބްރިޖުން ހުޅުމާލެ އަދި ހުޅުމާލެ އިން މާލެ ސައިކަލްތަކުގައި ދަތުރުކޮށްފައިވެ އެވެ. ބްރިޖުގެ ބަސް ދަތުރުތައް ވެސް މިއަދު ވަނީ ފަށައިފަ އެވެ.
ޓްރާންސްޕޯޓު އޮތޯރިޓީން ކުރި ޓުވީޓެއްގައި އެދިފައި ވަނީ ސައިކަލް ދުއްވާ މީހުން ހެލްމެޓް އެޅުމަށެވެ. އެއީ ބާރު ސްޕީޑުގައި ދުއްވާފައިދާއިރު ރައްކާތެރި ކަމުގެ ފިޔަވަޅެއްގެ ގޮތުންނެވެ.
އަމިއްލަ އަށް އިށީނދެ ނުތިބެވޭވަރުގެ ކުޑަކުދިން ގޮވައިގެން ސައިކަލްތަކުގައި ބްރިޖުން ދަތުރުކުރުން މަނާ.
2 Furolhulee Ulhandhu faharu gai Sinamale Bridge huras kurahvaa faraai thah helmet beynun kurehvumakee varah bodah edhevigen vaa kameh. Maximum speed for the bridge is 25 km/h to 50 km/H. pic.twitter.com/2Eg5IDatTl
— Transport Authority (@TransportMV) September 7, 2018
ޓްރާންސްޕޯޓް އޮތޯރިޓީގެ ޓުވީޓް.
މީގެއިތުރުން، އަދި އެ ލޭންތަކުގައި ސައިކަލް ދުއްވާއިރު އަމިއްލަ އަށް އިށީނދެ ނުތިބެވޭވަރުގެ ކުޑަކުދިން ގޮވައިގެން ދުއްވުން ފުލުހުން ވަނީ މަނާކޮށްފަ އެވެ.
ބްރިޖުގައި ވެހިކަލްތަކަށް ޖުމްލަ ހަތަރު ލޭން އޮވެ އެވެ. އެއީ ހުޅުލޭ ކޮޅަށް ޚާއްސަ ދެ ލޭނާއި މާލޭ ކޮޅަށް ދެ ލޭނެވެ.
ބްރިޖާއި ރިންގު ރޯޑުގެ ލޭންތަކުގައި ދުއްވާނެ ގޮތް:
- ބްރިޖާއި ރިންގު ރޯޑުގެ ވެސް އެންމެ ބޭރު ދެ ލޭން ހާއްސަކޮށްފައި ވަނީ ޕަބްލިކް ބަސް އަދި ދެ ފުރޮޅުލީ އިންޖީނު އުޅަނދަށް.
- ބްރިޖާއި ރިންގު ރޯޑުގެ މެދުގައިވާ ދެ ލޭން ޚާއްސަކޮށްފައި ވަނީ ބަސް ފިޔަވައި ހަތަރު ފުރޮޅުލީ އެއްގަމު އުޅަނދުތަކަށް.
- ބްރިޖުގައި ހިނގާ މީހުންނާއި ދުވާ މީހުންނަށް ޚާއްސަކޮށްފައި ވަނީ ދެ ފަރާތުގައި ވާ ލޭން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާލުސޮރު
08 September 2018
ސައިކަލް ދުއްވާމީހުން ހެލްމެޓް އެޅުވުމުގެ ބަދަލުގަ ޗައިނާގެ މިލިޓަރީ ކޭމްޕް އަކުން އުކާލާ ބޯގޮދަޑި ކޮޅެއް ގެނެސް ބްރިޖުގެ އެއްކޮޅުން އަނެއްކޮޅަށް އަތުރާލީމަ ތިޔަ މައްސަލަވެސް ހައްލުވީ!
ރަންބުއްދި
08 September 2018
ބުރިޖުގަ ސައިކަލް ނުދުއްވާ ގޮތަށްހެދުން ކިހިނެއްތޯ.ހުޅުމާލެ މާލޭން ފެށިގެން މާލެވަށައިގެން 10 މިނެޓުން ބަސް ލިބޭގޮތަށް ބަހުގެ ދަތުރު ތައާރަފް ކޮށް.މިހާރުވެސް ވާރޭވެހެންޔާ ސައިކަލުގަ އެއްއަތުން ކުޑަ އަނެއް އަތުން ހުންގާނު.މުޅިމާލެތެރޭ އެތަންމިތަނުގަ ތިޔަ ސައިލަލުތައް.ގޯޅިއެއް އޮތަސް އެތަންމިތާގަ ތޮއްޖެހި ޕާކުކޮށްފަހުރި ސައިކަލުތަށް.ހިގާލަން ފައިޖައްސާލާނެ ތަންކޮޅެއް ނެތް.މާލެ ހުޅުމާލޭ ގެ ބޮޑެތި މަގުގަ 100 މީހުންގެ ބޮޑެތި ބަސް -/5 ރ ޓިކެޓަކަށް އަދި މާލޭގެ އެތެރެ މަގުތަކުގަ ހިލޭ ދަތުރުކުރެވެ މިނީބަސް ތައާރަފުކުރޭ.އެރުން އެއްތަނުން އަނެއްތަނަށް ދާން ބޭނުން ވާ މީހުންނަަަަަަަށް ރައްކާތެރިކަމާއެކު ދަތުރު ކުރުމުގެއިތުރުން މާލެ ހުޅުމާލޭގެ ޕާކިންގް މައްސަލަ ހަްލުވީ.މިގޮތަށް މާލޭގަ މަލްޓި ސައިޒު ބަސްރޫޓެއް ގާއިމު ކޮށް މާލެ ހުޅުމާލޭގަ ސައިކު ދުއްވުން މަނާކޮށްލަން ގަޓު ރަޢީސް އަށް ކެރޭނެތަ.ނުވަތަ އިބޫ އެކަން މެނިފެސްޓޯގަ ހިމަނަން ކެރޭނެބާ އެންމެންގެ ހައްގުގަ
ޢަލީބެ
08 September 2018
ދެން އަވަހަށް ހެލްމެޓްގެ އަގު ބޮޑުކޮށްލާ
އައްދުރަހީމް
08 September 2018
ހެލްމެޓް އެޅީމަ އަހަރެންގެ ދިގުކޮށްފައިވާ އިސްތަށިގަޑު ބިޓުންނަކަށް ނުފެންނާނެ
ޣަމާނީ
07 September 2018
ސާބަސް މަގޭ ފަންބޯ ތަރަކޮއްލަން ތިއުޅެނީ
ޓްރާންސްޕޯރޓް
07 September 2018
ހަމަ އެކަނި އިލްތިމާސަކުން ނުވާނެ. އެޔެއް މިޔެއް ނުބަލާ ހިތުހުރި ގޮތަކަށް ދުއްވާ މީހުނާއި މެދު ފިޔަވަޅު އަޅާބަލަ. ގަވާއިދުތައް ތަނަފީޒު ނުކުރެވޭ ނަމަ އިލްތިމާސް ތަކެއް ކުރުމުގެ ބޭނުމެއް ނެތް.
ށައިކަލޔ
07 September 2018
ބިރިއްޖެ ނޫން.. ސައިކަލް ދުއްވަންޔާ ހެލްމަޓު އަޅަން ޖެހޭނެ.
ބާރޑީނަމްނަމް
07 September 2018
ބޯހަޑިވެދާނެ! ތިޔަށްވުރެ ފަސޭހަވާނެ ބުރިޖުގައި ހެލްމެޓެއް އަޅުވަންނެސް.
ހެލްމެޓް
07 September 2018
އިލްތިމާސް އަކުން ނުފުދޭ! ޙެލްމެޓު ނާޅާ ނުދުއްވާގޮތައް އޮތުން ރަނގަޅީ
ޙަމެ
08 September 2018
ޙެލްމެޓު ނާޅާ ނުދުއްވާގޮތައް އޮވެއްޖާ ކަލޭމެން ގޮވާނެ އަނިޔާ އަނިޔާ އެ . ދިވެހިންނައް ނޯންނާނެ ސަލާމަތުގެ އެއްގޮތެއްވެސް