ނ. އަތޮޅުގައި ހަދަމުން އަންނަ ސޮނެވާ ޖާނީ ރިސޯޓުގައި މަސައްކަތް ކުރާ 17 މީހަކު ކާނާ ވިހަވެގެން އެ އަތޮޅު ހޮސްޕިޓަލުގައި އެޑްމިޓްކޮށް ފަރުވާދޭން ފަށައިފި އެވެ.
ނ. މަނަދޫ ކައުންސިލްގެ ނައިބު ރައީސް އިބްރާހިމް އަލީ ވިދާޅުވީ ކެވުނު މަހެއްގެ ސަބަބުން ހޮސްޕިޓަލުން ފަރުވާ ދިނީ ބަންގްލަދޭޝްގެ މަސައްކަތު މީހުންތަކަކަށް ކަމަށެވެ. ހޮސްޕިޓަލަށް ގެންދިޔަ މީހުންގެ ތެރޭން އަށް މީހަކު މިހާރު ވަނީ ދޫކޮށްލައިފަ އެވެ.
ކައުންސިލުން ބުނީ އަދިވެސް ގިނަ މީހުންގެ ހާލު ދެރަ ކަމަށެވެ.
"އެކަކުގެ ވެސް ހާލު ސީރިއަސްއެއް ނޫން،" ހޮސްޕިޓަލާ ހަވާލާދީ އިބްރާހިމް ވިދާޅުވި އެވެ.
އޭނާ ވިދާޅުވީ އެ މީހުންގެ ހާލު ރަނގަޅު ނަމަ މިއަދުގެ ވަގުތެއްގައި ހޮސްޕިޓަލުން ދޫކޮށްލާނެ ކަމަށެވެ.