ޕީޕީއެމްގެ އެންމެ ފަހުން މާލޭގައި ބޭއްވި ބޮޑު ޖަލްސާގައި ރައީސް ޔާމީނާއި ރަނިންމޭޓް ޝަހީމް: މާދަމާ ރޭ ބޮޑު ޖަލްސާއެއް ބާއްވަން ވަނީ ނިންމާފައި --- ފޮޓޯ/މިހާރު
17 ސެޕްޓެމްބަރ 2018 - 16:53
51 comments
މާދަމާ ރޭ ޕީޕީއެމުން މާލޭގައި ބާއްވާ ބޮޑު ޖަލްސާގައި ބައިވެރިވާނެ ކަމަށް ލަފާކުރެވޭ މީހުންގެ އަދަދު ވަރަށް ގިނަ ކަމަށާއި އެކަން ޖަލްސާ އިން ފެންނާނެ ކަމަށް އެ ޕާޓީން މިއަދު ބުނެފި އެވެ.
ވެރިކަން ކުރާ ޕާޓީ، ޕީޕީއެމުން ބޭއްވި ނޫސްވެރިންގެ ބައްދަލުވުމެއްގައި، އެ ޕާޓީގެ ޕާލިމެންޓްރީ ގްރޫޕްގެ ލީޑަރު އަހުމަދު ނިހާން ވިދާޅުވީ މާފަންނު ސްޓޭޑިއަމް ސަރަހައްދުގައި މާދަމާ ރޭ ބާއްވާ ޖަލްސާގައި 20،000 ގޮނޑި ޖަހާނެ ކަމަށާއި އެއީ މާލޭގައި ރެކޯޑް އަދަދެއް ކަމަށެވެ. އަތޮޅު ތެރެއިން އެ ޖަލްސާއަށް ދިއުމަށް މީހުން މިހާރު ވެސް މާލެ އަންނަމުންދާ ކަން ފާހަގަ ކުރައްވައި، ނިހާން ވިދާޅުވީ ހާޒިރުވާނެ މީހުންގެ އަދަދު ޔަގީންކަމާ އެކު ބުނަން ނޭނގުނަސް، ހަމަކުރަން ބޭނުންވާ ބޮޑު އަދަދު ހަމަވާނެ ކަމަށް ނިހާން ވިދާޅުވި އެވެ.
"މަދުވެގެން 20،000 ގޮނޑި ޖަހާނަން. ގުނުއްވަން ވަޑައިގަންނަވާތި. އެއީ މިއަދަދަށް ވެރިކަން ކުރާ މާލޭގައި އެއްވެސް ތަނަކު ގޮނޑި ޖަހާފައި ނެތް ކަމީ ޝައްކެއް އޮތް ކަމެއް ނޫން. ދެން ގޮނޑިތަކުގައި ތިބޭނެ އަދަދާއި ކޮޅަށް ތިބޭނެ އަދަދު ޖަލްސާ ފަށައިގެން ކުރިއަށް ދިޔައިމަ ދައްކަމުން ދާނަން." ނިހާން ވިދާޅުވި އެވެ.
"އަޅުގަނޑުމެންގެ އުއްމީދީ ޓާގެޓަކީ ވަރަށް ބޮޑު އަދަދެއް. އިިރާދަކުރެއްވިއްޔާ އެ އަދަދު ހަމަވާނެ. އަޅުގަނޑުމެންގެ ޓާގެޓް ހިއްސާ ކުރުމަށް ވުރެ ބޮޑަށް ބޭނުންވަނީ ޖަލްސާގެ ސައިޒުން އެކަން ފެނިގެން ދިއުން." އޭނާ ވިދާޅުވި އެވެ.
އިދިކޮޅު ކޯލިޝަނުން މިމަހުގެ ކާނިވާ ސަރަހައްދުގައި ބޭއްވި ބޮޑު ޖަލްސާއަށް އިޝާރާތް ކުރައްވައި، ނިހާން ވިދާޅުވީ ރައީސް އަބްދުﷲ ޔާމީނަށް އޮތް ތާއީދު މަދުވެފައިވާ ކަމަށް އެ ޖަލްސާއަށް ފަހު ސޯޝަލް މީޑިއާގައި ވާހަކަ ފަތުރަމުން ދިޔަޔަސް، އެއީ ހަގީގަތެއް ނޫން ކަމަށެވެ. އަދި އިދިކޮޅު ފަރާތްތަކުން ޖަލްސާ ބާއްވަނީ ފޮޓޯއިން ތާއީދު ދައްކަން ކަމަށާއި އެކަމަކު ޕީޕީއެމްގެ ޖަލްސާތަކަކީ ފޮޓޯއަށް ވުރެ ތާއީދު ހާމަ ކުރަން ބާއްވާ ޖަލްސާތަކެއް ކަމަށް އޭނާ ވިދާޅުވި އެވެ.
"އަޅުގަނޑުމެންނަށް ބޭނުންވާ ގޮތްގޮތަށް ފޮޓޯ ނަގައި ޑްރޯން އަރުވަން ފަސޭހައެއް ނޫން. އެއީ ސެކިއުރިޓީ އެލޯ ނުކުރޭ އެ ކަންކަމަށް. އެހެންވީމާ އަޅުގަނޑުމެން ފޮޓޯ ނަގައި އެހެން ބަޔަކަށް ދައްކާކަށް ނޫން މި އުޅެނީ. އަޅުގަނޑުމެންގެ އަމިއްލަ ނަފްސަށް ގަބޫލުކުރަނީ އަޅުގަނޑުމެންނަށް ތާއީދު އެބައޮތް ކަން. އަޅުގަނޑުމެންނާ ޚިލާފަށް އެމްޑީޕީން ބޭނުންވަނީ ފޮޓޯއެއް." ނިހާން ވިދާޅުވި އެވެ.
ޕީޕީއެމްގެ ޖަލްސާތަކަށް ދިއުމަށް ސަރުކާރާއި ކުންފުނިތަކުގެ މުވައްޒަފުންނަށް މަޖުބޫރު ކުރާ ކަމަށް ބުނާ ވާހަކައާ ގުޅިގެން ނިހާން ވިދާޅުވީ ޖަލްސާތަކަށް ދާން އޮފީސްތަކާއި އާންމު ތަންތަނުގައި ދާން ގޮވާލިޔަސް، ޖަލްސާއަށް ނައިސްގެން އެއްވެސް މުވައްޒަފާ މެދު ފިޔަވަޅެއް ނާޅާނެ ކަމަށެވެ. އިދިކޮޅު ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް(އިބޫ) އަށް ފާޅުގައި ތާއީދު ކުރެއްވި ސިވިލް ސާވިސް މުވައްޒަފުންނާ މެދު އެއްވެސް ފިޔަވަޅެއް ނާޅައި އޮތުމަކީ އޭގެ ހެއްކެއް ކަމަށް ނިހާން ވިދާޅުވި އެވެ.
"ހަފުތާއަކަށް ވުރެ ގިނަ ދުވަސް ވެގެން ދިޔައީ. އޭގެ އެއްވެސް ބޭފުޅަކަށް ވަޒީފާގެ ބިރެއް. ކަނޑާލާނެ ކަމުގެ އިންޒާރެއް ދީފައި އޮތް ކަމެއް ތި ބޭފުޅުންނަކަށް އަދި އެހެން ބަޔަކަށް ވެސް އެއްވެސް ސިފައަކުން ނުގެނެވޭނެ. ވާހަކަތައް ފަތުރާނެ." ނިހާން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތޮށަލިތަކުރު
18 September 2018
ވިހި ހާސް ގޮނޑި ވެސް މަދުވެދާނެއެވެ. ގޭގޭގައި ތިޔަ ޖަލްސާއަށް ގެނައި މީހުން އެގޭގޭގައި އުޅޭ މީހުންނަށްވުރެ ދެތިން ގުނަ އިތުރެވެ. ވޯޓަށް ފައިސާ ބެހުމަކީ ކުށަކަށްވާތީ އެކަން ހަލާލު ކުރުމަށް އެއްދޮނުގައި ދެތިންބުޅި ޖަހާލައި އައި ކޮންމެ މީހަކަށް 1000 ރުފިޔާއާއި އަދި އިތުރަށް ބޭނުންވެގެން ވަކިއޮފީހަކަށްގޮސް އެނބުރޭ މީހުންނަށް އިތުރަށް އެތައް ހާސް ރުފިޔާއެއް ދެންޏާ އަދި އޮފީހަށް ނުކުމެ ސޮއިކޮށްފައި އޯޓީލިބޭގޮތަށް އޮތިއްޔާ ނުދާނީ ކާކުހެއްޔެވެ.
ނަސޭހަތް
18 September 2018
ސިވިލް ސަރވިސް އަކީ މިނިވަން ތަނެއް. ސަރުކާރަކަށް އެކަމަކާ ފާޑެއް ނުކިޔޭނެ ނިހާން.
ޔެސް
18 September 2018
3 އަހަރު ފަހުން އެމް.ޑީ.ޕީން މާލޭގައި ހައެއްކަ މީހުންނާއެކު ބޭއްވި ޖަލްސާ ވެގެން މިދިޔައީ މިވެރިންގެ އަރުތެރެއަށް ކޮށްޕާލި ޒަހަރު ގުޅައަކަށް. މިވެރިން އަމިއްލައަށް ބުނީވެސް އެ ޖަލްސާގައި ބަޔަކު ނެތް ކަމަށްވެސް. އެކަމަކުވެސް ހިތް ފަޅަފަޅައިގެން ހިނގައްޖެ. ރާއްޖޭގެ ހުރިހާ ރައްޔިތުން ގަދަބާރުން ގެނެވިދާނެ. އެކަމަކު އަހަރެމެންގެ ހިތަށް ނާރާނެ ކަހިރުވަކޭވެސް. އިދިކޮޅު ޖަލްސާތަކުގައި ތިބޭނީ ލޯބިން ހިތާރޫޙުން ބޭނުންވެގެން އަންނަ މީހުން.
ހައުލަތު
18 September 2018
ކުރީދުވަހު ދެއްކީ މާލެއާއި މާލެކައިރި ރައްރަށުން ސައިޒު ، ދެން ފެންނާނީ މުޅި ރާއްޖޭގައި އެމީހުންގެ ސައިޒު އެއީ 20000.
އަހުމަދުބޭ
18 September 2018
ނިހާނޫ، ދައްކަން ކުރާކަންކަމުގައި ކުރިއެރުން ނުލިބެއެވެ، ކުރިއެރުން ލިބެނީ އިޚްލާސްތެރި ކަމާއެކުއެވެ. ތިޔަ 20 ހާސް ކޮނޑިއާ ނިހާނާ ނިމިނުދައްޗެވެ.
ފޫހި
18 September 2018
ކަލޭމެން ތިޔަ ހުރިހާ ވަސީލަތްތަކެއްގެ ބޭނުންކޮށްގެން ނިކަމެތިރައްޔިތުންނަށް ދައްކަން ކެމްޕޭން ކުރިއަސް މައްސަލައެއްނެތޭ. މައްސަލައަކީ އިދިކޮޅުމީހުންނާއި ޗެނެލްތަށް އޮބިއަޅުވާތީ. އަދި ވޯޓު އޮޅުވަން މަސައްކަތް ކުރާތީ މައްސަލައަކީ.
އާދަނުބެ
18 September 2018
ގޮނޑީގެ އަދަދުން އިންތިޙާބޫ ކާމިޔާބު ވާނެކަމަށްވެސް ނިންމާޏިދޮެއްތޯ. ވަރަށް މަޖާ ވާހަކައެއް.
މުރުޝިދު
18 September 2018
ޕީޕީއެމް އަށް ކީއްވެތޯ ސްޓޭޑިއަމް ސަރަހައްދުގަ ސިޔާސީ ޖަލްސާ ބޭއްވެނީ. އެއްވެއުޅުމުގެ ގާނޫންގެ ދަށުން ހޯމްމިނިސްޓްރީން ހަދާ ގެޒެޓްކޮށްފަ އޮވޭ ގަވާއިދެއް މާލޭގާ ސިޔާސީ ހަރަކާތަކަށް އެއްވެވޭނީ ކާނިވާ ސަރަހައްދަށް އެކަނިކަމަށް. އެގަވާއިދު އަދި ބަދަލެއްނުކުރޭ. މީ ތަފާތުކުރުނ ނޫންތޯ؟ ގާނޫނާ ގަވާއިދު ހިނގާނީ އެއްބަޔަކަށްނޫން. މީ އިބޫ ހޮވަންޖެހޭ ސަބަބު. މިކަން ބަދަލުކުރަން. މިކަން ބަދަލުކުރަމާ 23 ގަ
ކޭސަރީ
18 September 2018
ކޮބާ ތިމަރަފުށިން އައި ކުދިންގެ ކެއުމުގެ ކަންތައްތައް ހަމަޖައްސައިފިންތޯ! އެކުދިން ޖަލްސާއަށް ދާނީ އެލަވަންސް ހަމަޖެހުނީމަޔޯ!
ފަހުބަސްބެ
18 September 2018
ނިހާނާއި އަދުރޭ ރައީސަށް އަވާ މެންދުރު ދަށްކަނީ! ނޫނީ އެކަހީނުން! ދެން އަމިއްލަޔަށް ސައިޒްފެނިފައި ހިންދިރުވާލާ! ބުނާނެ ޑްރޯން ފޮޓޯއެއްނަގާކަށް ނޫނޭ މިއުޅެނީ. އެމަކު އެކަންވެސް ކުރާނެ! މިހާތަނަށް ވެފައިހުރީ ބުނާގޮތްނޫން އެހެން ގޮތް! އިއްތިހާދުން ދެން ސައިޒް ދަށްކާނީ ވޯޓުން! ކަލޭމެން ކަރަށް ނާރު ފުއްޕާފައި އިންހާބަށް ނިކުންނާނީ 100،000 މެމްބަރުން ހަމަކޮށްފަ ކަމަށް ބުނި! ކޮބާ އެއަދަދު. އެއަދަދާ ގާތައްވެސް ވޯޓެއް ނުލިބޭނެ! މިބުނީއެއްނު!