އެސްއީކޭގެ ނަމުގައި ސިފައިންގެ ވެލްފެއާ ކުންފުނި އަލުން އުފައްދައިފި

ސިފައިންތަކެއް މަގުމަތީގައި ހަރަކާތްތެރިވަނީ: ސިފައިންގެ ވެލްފެއާގެ ކަންތައްތައް ބަލަހައްޓަން އާ ކުންފުންޏެއް ވަނީ އުފައްދާފައި.--ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

15 އޮކްޓޯބަރ 2018 - 16:29

11 comments

ސިފައިންގެ ވެލްފެެއާގެ ކަންތައްތައް ބެލެހެއްޓުމަށް "ސިފައިންގެ އެކުވެރި ކުންފުނި" (އެސްއީކޭ) ގެ ނަމުގައި ރައީސްގެ ގަރާރަކުން އައު ކުންފުންޏެއް އުފައްދައިފި އެވެ.

މީގެ ކުރިން ވެސް އެސްއީކޭ ނަމުގައި ކުންފުންޏެއް އުފެއްދި އެވެ. ނަމަވެސް އޭރު އެ ކުންފުނި ރަޖިސްޓްރީކުރީ ކުރީގެ މިނިސްޓަރު އިލްޔާސް އިބްރާހިމްގެ ނަމުގަ އެވެ.

އަލަށް އުފެއްދި ކުންފުންޏާ ގުޅޭގޮތުން ޑިފެންސް މިނިސްޓަރު އާދަމް ޝަރީފް "މިހާރު" އަށް ވިދާޅުވީ، ސިވެކް އަދި ސިފްކޯ ވެސް އުވާނުލައި އެ ދެ ތަނުގައި ހުރި މުދާތައް އެއްކޮށްލުމަށްފަހު ބަދަލުކުރާނީ އެސްއީކޭ އަށް ކަމަށެވެ. ބޭނުމަކީ މިހާރަށްވުރެ ސިފައިންގެ ވެލްފެއާގެ ކަންތައްތައް ހަރުދަނާކުރުން ކަމަށް އޭނާ ވިދާޅުވި އެވެ.

ރައީސް ނެރުއްވި ގަރާރުގައި ވިދާޅުވެފައިވަނީ އާ ކުންފުނީގެ ރައުސްމާލަކީ އެއް ބިލިއަން ރުފިޔާ ކަމަށެވެ. އަދި އެއީ އަމިއްލަ ނަމުގައި ދައުވާކުރުމާއި ދައުވާ ލިބިގަތުމާއި ވަކި ސިއްކައެއް އޮންނަ ގާނޫނީގޮތުން އަމިއްލަ ޝަހުސެއް އޮންނަ ކުންފުންޏެކެވެ.

"..ރާއްޖޭގެ ކުންފުންޏާ ބެހޭ ގާނޫނުގެ 95 ވަނަ މާއްދާއިން އަހުރުންނަށް ލިބިދީފައިވާ ބާރުގެ ދަށުން "ސިފައިންގެ އެކުވެރި ކުންފުނި ލިމިޓެޑް" މި ނަމުގައި ސަރުކާރު ކުންފުންޏެއް އުފައްދައިފީމެވެ،" އެ ގަރާރުގައި ވެ އެވެ.

ޑިފެންސް މިނިސްޓަރުު ވިދާޅުވީ ސިފްކޯ އަދި ސިވެކުން ކުރަން ބޭނުންވާ މަސައްކަތްތަކަށް އެއްވެސް ބޭންކަކުން ލޯނު ނުލިބޭ ކަމަށެވެ. ސިފައިންނަށް ހާއްސަކޮށްގެން ސިފްކޯއިން އަޅަން ފެށި ފްލެޓުތައް ނުނިމި ދިގުލައިގެން ދިޔައީ ވެސް އެފަދަ ސަބަބުތަކާ ހެދި ކަމަށް މިނިސްޓަރު ވިދާޅުވި އެވެ.

އެމްއެންޑީއެފް ޑިފެންސް މިނިސްޓްރީ ރައީސް އަބްދުﷲ ޔާމީން ސިފައިންގެ ވެލްފެއާ ކުންފުނި އާދަމް ޝަރީފް (ލޯކަލް ގަވަމަންޓް މިނިސްޓަރު)

11 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިފައިން

16 October 2018

ސިފްކޯ އާއި ސިވެކް އުފައްދައިގެން ސިފައިންނަށް ވީ ފައިދާއެއް ނެތް، ރޯދަމަހު އެދިން 1000 ރުފިޔާ ފިޔަވާ، އެތައްބައިވަރު ޕްރޮޖެކްޓެއް ކުރިއަށް ގެންގޮސް ސިފައިންލައްވާ މަސައްކަތްކޮށް ފައިދާ ވަމުންދާއިރު، އެ ހުރިހާ ފައިދާ އެއް ނަގަމުންދަނީ ވެރިންނަށް ތިބި ބަޔަކު، މިސާލަކަށް ރަސްފަންނު މަސައްކަތްކުރީ ބިޑް އުސޫލުން ސިފައިން، ސިފައިންނަށް މުސާރަދެނީ ދައުލަތުން، އެހެންވީރު ލިބުނު ހުރިހާ ފައިސާ ކޮބައި، މިކަން ބެލުމަށް މިނިވަން އޮޑިޓެއް ހެދުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަފުން

16 October 2018

އެ ނޫނަސް ވަރަށް ގިނަ ކަންތަށް މީގެ ކުރިންވެސް މިހާރުވެސް އެކި ނަންނަމުގަ ސިފައިން ލައްވާ ކުރުވާފަ އެކި ތަންތަނުގެ ނަމުގަ ހަމަ ބިލްކޮށް ރުފިޔާ ނަގާ. ސިވެކު ނަމުގަ ވެސް ޕުރޮޖެކުޓުތައް ނަގާ ސިފައިންލައްވާ ކުރުވާ ވިޔަފާރި އުސޫލުން ބިލްކޮށް ރުފިޔާނަގާ ޖީބައް އެއަޅާބަޔަކު ހަމަ އަޅާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ރަޝީދު

16 October 2018

ބޯ ގަމާރެއް ކަމަށް ދޯ ތި ބަލަނީ އަހަރުންނަކީ. ސިނކުނޑި ހުރެޔޭ ތި ކުރާކަންތައް އިނގޭ އެބަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޭމް

16 October 2018

ހުރިހާކަމެއް ސިފައިންނާއި ފުލުހުނަށްތޯ؟ އަޅުގަނޑަކީ ނިމިދިޔަ އިންތިހާބުގައި ޔާމިނަށް ވޯޓްދިން މީހެއް އެކަމަކު ދެން ނުދޭނަން. ހަމަހަމަ ކަން އޮންނަންވާނެ ދޯ. ހުރިހާކަމެއް ވަކި ބަޔަކަށް މި އޮންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުން

16 October 2018

ކޮބާހޭ ފްލެޓް ލިބުނު މީހުންގެ އަތުން ނެގި ޑައުންޕޭމެންޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީން1

15 October 2018

ފްލެޓް އަޅާ ނިމި ހަވާލުކުރުމަށްފަހު ބިލިޔަން ރުފިޔާގެ ކުންފުންޏެއް މިދިނީ! މިވަރުވެރިއަކު ނުލިބޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުބޭބެ

15 October 2018

ދެރަކަމެއް . މިދަނޑިވަޅުުގައި، ދެކުންފުންޏެއްގެ މުޅި މާޅިއްޔިތު، އަޅަށްކުންފުންޏެއް އުފައްދާ ބަދަޅުކުރުމުގެ ބޭނުމެއް އޮންނާނެ. އޯޑިޓްއޮފީހާއި، އެންޓިކޮރަޕްޝަން އިން މިކަން ބަޅާ ޗެކް ކުރަންޖެހޭ.