ހިޔާނާތް ބަަލަން އުފެއްދި ކޮމިޝަންގެ މެމްބަރުން ރައީސް އިބްރާހިމް މުހައްމަދު ސޯލިހްއާ އެކު: އެ ކޮމިޝަނުގެ ތަހުގީގުތައް މިހާރު ވަނީ ފަށާފައި. --ފޮޓޯ/ރައީސް އޮފީސް
10 ޖެނުއަރީ 2019 - 11:54
18 comments
ކުރީގެ ރައީސް އަބްދުﷲ ޔާމީންގެ ސަރުކާރުގައި އެމްއެމްޕީއާރުސީ މެދުވެރިކޮށް ހިންގި 1.4 ބިލިއަން ރުފިޔާގެ ޚިޔާނާތުގެ މައްސަލައިގެ ތަހުގީގު ރިޔާސީ ކޮމިޝަނުން ފަށައިފި އެވެ.
ދައުލަތުގެ ތެރޭގައި ހިންގި ޚިޔާނާތާއި މަނީ ލޯންޑްރިންގެ މައްސަލަތައް ބަލައި ގެއްލުނު ފައިސާ އަނބުރާ ހޯދަން އުފެއްދި ކޮމިޝަނުގެ މަސައްކަތް ފަށައި އެންމެ ފުރަތަމަ ބަލަން ފެށި ބޮޑު އެއް މައްސަލައަކީ އެމްއެމްޕީއާރުސީގެ ޚިޔާނާތެވެ. މި މައްސަލައިގައި އެ ކޮމިޝަނުން ކުރާ ތަހުގީގަށް ބޭނުންވެދާނެ ފަދަ ހެއްކެއް ނުވަތަ މައުލޫމާތެއް ހުރި ނަމަ، ހިއްސާކޮށްދޭން ވަނީ އެދިފަ އެވެ.
އެމްއެމްޕީއާރްސީ މެދުވެރިވެގެން ހިންގިކަމަށް ތުހުމަތު ކުރެވޭ ޚިޔާނާތުގެ މައްސަލަ މި ގެންދަނީ ތަޙުޤީޤު ކުރަމުން. މި މައްސަލައިގެ ތަޙުޤީޤަށް ބޭނުން ހިފޭނޭ ލިޔެކިއުމާއި މައުލޫމާތު ހުރި ނަމަ، ޙިއްޞާކޮށްދެއްވުން އެދެން. އީމެއިލް: [email protected]
— Presidential Comm on Corruption & Asset Recovery (@PComCAR) January 10, 2019
އެސެޓް ރިކަވަރީ ކޮމިޝަންގެ ޓުވީޓެއް.
ޓޫރިޒަމް ކުރިއަރުވަން ރާއްޖޭގެ ފަޅުތަކާއި ރަށްތައް ކުއްޔަށް ދޫކޮށްގެން ދައުލަތަށް ލިބެންޖެހޭ ގިނަ އަދަދެއްގެ ފައިސާ ވަދެފައި ވަނީ، އޮޑިޓް ރިޕޯޓާއި ތަހުގީގުތަކުން މިހާތަނަށް އެނގިފައިވާ ގޮތުގައި އެސްއޯއެފް ކިޔާ ކުންފުންޏަކަށެވެ. އެއީ، ހިޔާނާތުގައި އިސްކޮށް ހުންނެވި ކަމަށް ތުހުމަތުކުރެވޭ ކުރީގެ ނައިބު ރައީސް އަހްމަދު އަދީބުގެ އެކުވެރިންގެ ކުންފުންޏެކެވެ.
އެމްއެމްޕީއާރުސީގެ ފައިސާގެ މުއާމަލާތްތައް ހިންގީ އެ އެކައުންޓް މެދުވެރިކޮށެވެ. އެ ފައިސާ ލިބުނު ކަމަށް ތުހުމަތު ކުރެވޭ ބޭފުޅުންގެ ތެރޭގައި ކުރީގެ ރައީސް ޔާމީނާއި އެމަނިކުފާނުގެ ބައެއް ވަޒީރުންނާއި ކުންފުނިތަކުގެ ވެރިންނާއި ސަރުކާރުގެ އެކި ފަންތީގެ ބޭފުޅުންގެ އިތުރުން ރައްޔިތުންގެ މަޖިލީހުގެ މެމްބަރުން ވެސް ހިމެނެ އެވެ.
ޚިޔާނާތުގެ ތަހުގީގަށް ފަހު ދައުލަތުގެ އިދާރާތަކުން މިހާތަނަށް ދައުވާ އުފުލީ އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ އިތުރުން ހާމިދު އިސްމާއީލަށެވެ.
އެމްއެމްޕީއާރުސީ އަށް ވަންނަން ޖެހޭ ކަމަށް ތުހުމަތު ކުރެވޭ ފައިސާ އެސްއޯއެފް އިން ޔާމީންގެ އެކައުންޓަކަށް ޖަމާކުރި މައްސަލަ ފުލުހުން އަންނަނީ ތަހުގީގު ކުރަމުންނެވެ. އިސްލާމިކް ބޭންކުގައި ހުރި ޔާމީންގެ ޑޮލަރު އެކައުންޓަށް ޖަމާކުރި ފައިސާ އިން މަނީ ލޯންޑަރިންގެ އަމަލު ހިންގައި ދައުލަތުގެ އިދާރާތަކަށް ދޮގު މައުލޫމާތު ދެއްވި ކަމަށް ވެސް އެމަނިކުފާނުގެ މައްޗަށް ތުހުމަތު ކުރެ އެވެ. އެކަމަކު މި ތުހުމަތުތައް ޔާމީން ދޮގުކުރައްވަ އެވެ.
އެމްއެމްޕީއާރުސީގެ މައްސަލައިގެ އިތުރުން ހިންގާފައިވާ އެކި ހިޔާނާތްތައް ބަލައި ދައުލަތަށް ގެއްލުނު ފައިސާ ހޯދުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ގަރާރަކުން އެސެޓް ރިކަވަރީ ކޮމިޝަނާ ހަވާލުކުރެއްވި ޒިންމާ އެވެ. މި މަސައްކަތުގައި ކޮމިޝަނުގެ ހަރަކާތްތެރިވުން ލަސްކަމުން ވެސް ފާޑުކިއުން އަމާޒުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮނުމިދިލި
10 January 2019
ތިޔަޚިޔާނަތަކުން މިސަރުކާރުގާ އަދީބުގެ މައްސަލައެއްނުބެލޭނެ ރަނގަޅައްވިއްޔާ ކުއްވެރިނުވާކަމައްހަދާފަ ދޫކޮއްލާނީކަންނޭންގެ މިހާރުވެސް ޖަލައްގެންދިއުމާއެކީ އެއޮންނެވީ ޙާލުބޮޑުވެގެން އެނދުމަތިކުރައްވާފަ
ފަޅުވެރިން
10 January 2019
ސަރުކާރުގެ ޕޮޒިޓިވް އެޖެންޑާއެއް ނެތީމާ ރައްޔިތުންގެ ސަމާލުކަން ކަސިޔާރު ކުރުމަށް ކުރާ ކަންތައްތައް! އެމްއެމްޕީއާރުސީގެ މައްސަލަ އެކަނި ބެލުމަކީ އޭގެ ޒާތުގައި ބޭއިންޞާފެއް! މަޤްޞަދަކީ ސިޔާސީ ވާދަވެރިން ދުއްވާލުން! ނަމަވެސް މިގޮތަށް ސިޔާސީ ކުޅި ކުޅޭނަމަ، އެއީ ނިމުމެއް އޮތް ކަމެއް ނޫންކަން ދަންނަންވާނެ!! ޙަޤީޤީ މާނައިގައި ކޮރަޕްޝަން ބަލާނަމަ ފައްޓަން ޖެހޭނީ މަންމަ ކޮރަޕްޝަން ކަމުގައިވާ އެފްޕީއައިޑީއާ ހަމައިން!!
1952
10 January 2019
ރާއްޖޭގައި ކަރަޕްޝަން ފެށުނީ އެފްޕީއައިޑީއާ ހަމައިންތޯ ؟؟؟ކަނޑައެޅިގެން އެނގޭ އެމްއެމްޕީއާރސީ މައްސަލަ ބެލުމަކީ ބޭއިންސާފަށް ވެއްޖެނަމަ ދެން އިންސާފުން ބަލާނެ މައްސަލައެއްނެތް.
ފޮނިޓައްޕު ހަސަނު
10 January 2019
ތި ކަމިޝަނަށް މެމްބަރުން އައްޔަނު ކޮށްފައިވަނީ ކޯލިޝަން ޝާމިލުވާގޮތަށް. ކޯލިޝަނުގެ އިސް ބޭފުޅެއްގެ ދަރިކަލަކު ޔާމީނުގެ ސަަރުކާރުގެ ކޮރަޕްޝަން ގައި ވަނީ ބައިވެރިވެފައި. ކިހިނެއް ހޭ ތި ކަމިޝަނުން މޫނަށް ކަނދުރާއަށް ބަލައިގެން މައްސަލަތައް ބެލޭނީ.
ނޭނގޭ
10 January 2019
ޙިކްމަތްތެރިކަމާއެކު ފިކުރުކޮށް ބަލައިފިނަމަ ވަރަށް ފަސޭހައިން ގިނަކަންތަށް އެނގޭނެ ގޮތަކަށް ހިނގާފަވާ ކަނތަށްތަކެއް ކަމަށްބެލެވޭ.ކެތްތެރިކަމާއެކު ކުރިއަށް ގެންދަވާ.
ކަންނޫރު ކޮޔާބެއްޔާ
10 January 2019
އަޅޭ ރައީސް އިބޫ. ހެޔޮނުވާނެ. ތިޔަ ކުރައްވާ ތަހުގީގު ކުރާއިރުވެސް އެކަމުގަ އިގިލިދިއްކުރި ހުރިހާ އެންމެން ގެންގޮސް ކުޑަގޮޅިޔަށް ލާފަ ބުރީހަންނަގާފަ ލޮނުމިރުސް އެވެސް ކަޑޫދޫ މިރުސް ލައިގެންފުޑާފަހުރި ފުޑިމިރުސް އުނގުޅާފަ އަނދަގޮޑި ޖަހާފަ ބައިތިއްބަދީބަލަ. ހާދަ ވޭނެއް އަހަރެމެން އުފުލަންޖައްސާފަތިބި ބަޔެކޭ އެއީ. ދެން މިހާވަރަށްދޯ އާދޭސް ކުރެވޭނީ.
ބަޑިތަކުރު
10 January 2019
ތިޔަ ޚިޔާނާތް އަދީބާއި އޭނާގެ އަތްދަށުގައިތިބި ދެތިން ސޮރަކާ ހަމައިން ނިމިއްޖެނަމަ ދެން މިގައުމުގައި ހެޔޮވެރިކަމެއް އެކަކުވެސް ކުރާނެކަމެއް ނެތެވެ. ކޮންމެ މީހަކުވެސް މަކަރާ ޖަހައިގެން ގައުމު ދިރުވާލީމަ ނިމުނީއެވެ.
ބައިރޯ
10 January 2019
އަވަސްކުރޭ މިހާރިވެސް މާލަސްވެއްޖެ
ސީސީސީ
10 January 2019
ތިހެން ކިޔަކިޔާ ތިއްބާ މި 5 އަހަރުވެސް ނިމޭނީ ؟ ޔާމީނުވެސްކި ސަރުކާރުގެ އެކި އިދާރާތަކުގައި ހުރި މުސާރާގެ ތަފާތުވެސް ނައްތާލާނެކަމުގައި ، ވީކަމެއްނެތް
ފޫހި
10 January 2019
ހެޔޮނުވާނެ އެފައިސާ ވަން އެކައުންޓްތަކާއި ދީފައިވާ ރައްތަކާއި ރައްތައް ލިބުނު މީހުން މޫނެއް ކަދުރާއެއްނެތި އާއްމުކޮށްދީބަލަ. މި ކޮރޮޕްޝަން ހުއްޓުވަންވެސް މިއީ ވަރަށް މުހިންމުކަމެއް. މިއީ ޤައުމީ ބޮޑު މައްސަލައެއް. ދަރިންނާއި ދަރިންގެ ދަރިންގެ މުސްތަޤްބަލަށްވެސް މިކަން ކުރަންޖެހޭ.
ސައުދުއްﷲ ހަބީބު
10 January 2019
ބަލަ ރައީސް ޔާމީނުގެ ސަރުކާރުގައި ހިނގީ ހަމައެކަނި އެމްއެމްޕީއާރްސީގެ ހިޔާތެއްނޫން، ދައުލަތުގެ ހުރިހައި ކުންފުނިތަކުގެ ތެރެއިން، އަދި މުޅި ސަރުކާރުން ހިންގި ހުރިހައި ޕްރޮޖެކްޓްތަކުގެ ތެރެއިން، ރާއްޖެއަށް ޒަމާނުއްސުރެއް ތަކެތި އެތެރެކުރާ އެމްއެމްއެކްސްޕޯޓު ކުންފުނިން ހުޅުމާލޭގެ މަގުތަށް އަދި ވަށައިގެން ތޮށިލައިގެން އަދިވެސް އެމްއެމް އެކްސްކޯޓުން ހިންގި ކޮރަޕްޝަން ބޮޑުވާނެ އެމްއެމްޕީއާރްސީއަށްުތުރެން،