އެއާޕޯޓްގައި ގާއިމްކޮށްފައިވާ އިމިގްރޭޝަންގެ ކައުންޓަރުތައް--ފޮޓޯ:މިހާރު
06 ފެބުރުއަރީ 2019 - 13:05
21 comments
ރާއްޖޭގައި ބޯޑަ ކޮންޓްރޯލް ސިސްޓަމެއް ގާއިމްކުރަން ވީ އެއްބަސްވުން އުވާލުމުން މެލޭޝިއާގެ ނެކްސްބިޒަށް ދިވެހި ސަރުކާރުން ދައްކަން ޖެހޭ 18.1 މިލިއަން ޑޮލަރު (280 މިލިއަަން ރުފިޔާ) އިއްޔެ ދައްކައިފި ކަމަށް އެޓާނީ ޖެނެރަލްގެ އޮފީހުން މިއަދު ބުނެފި އެވެ.
އޭޖީ އޮފީހުން ބުނީ ސަރުކާރާ އެކު ނެކްސްބިޒުން ވީ އެއްބަސްވުން އުވާލުމުން ސިންގަޕޫރުގެ އާބިޓްރޭޝަނަށް އެ ކުންފުނިން ހުށައެޅި މައްސަލާގައި 18 މިލިއަން ޑޮލަރު ދައްކަން ޖެހޭނެ ކަމަށް ނިންމާފައިވާ ނިންމުން ތަންފީޒުކުރަން ޖެހޭނެ ކަމަށް ސަރުކާރުން ގަބޫލުކުރާ ކަމަށެވެ.
އެ މައްސަލާގައި ރާއްޖެއާ ދެކޮޅަށް އާބިޓްރޭޝަނުން ނިންމީ ނޮވެމްބަރު 24، 2016 ގަ އެވެ.
އޭޖީ އޮފީހުން ބުނި ގޮތުގައި ބޭރުގެ އިންވެސްޓަރުންގެ އިތުބާރު ލިބިފައިވާ ތަނަކަށް ރާއްޖެ ހަދައި އިންވެސްޓްމަންޓްތަކަށް ރައްކާތެރި މާހައުލެއް ގާއިމް ކުރުމަކީ ސަރުކާރުގެ އަމާޒެކެވެ.
ބޯޑާ ކޮންޓްރޯލް ސިސްޓަމް ގާއިމް ކުރުމަށްޓަކައި، އެމްޑީޕީގެ ސަރުކާރުން ނެކްސްބިޒާ ހަވާލުކުރީ އޮކްޓޯބަރު 17، 2010ގަ އެވެ. އެކަމަކު ރައީސް މުހައްމަދު ވަހީދުގެ ސަރުކާރުން، އޮގަސްޓް 5، 2013 ގައި ވަނީ އެ އެއްބަސްވުން އުވާލައިފަ އެވެ.
އެގްރީމެންޓް ބާތިލްކުރުމާ ގުޅިގެން 272 މިލިއަން އެމެރިކާ ޑޮލަރު ހޯދަން ނެކްސްބިޒުން، ޖެނުއަރީ 9، 2014 ގައި ސިންގަޕޫރުގެ އިންޓަނޭޝަނަލް އާބިޓްރޭޝަން ސެންޓަރަށް ހުށަހެޅި އެވެ. އެކަމަކު އެގްރީމެންޓް ބާތިލްކޮށްފައިވަނީ އެއްބަސްވުމާ ހިލާފަށް ކަމަށް ކަނޑައަޅައި، ބަދަލެއްގެ ގޮތުގައި ދިވެހި ސަރުކާރުން ނެކްސްބިޒަށް ދޭން ނިންމީ 18.1 މިލިއަން ޑޮލަރެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން އެ ފައިސާ ނެކްސްބިޒަށް ދައްކާފައެއް ނުވެ އެވެ. އެހެންކަމުން ނެކްސްބިޒުން ވަނީ ސިންގަޕޫރުގެ ހައި ކޯޓަށް އެ މައްސަލަ ހުށައަޅައިފަ އެވެ. އެ ކޯޓުން ނިންމީ، އޭޖީ އޮފީހުން ބުނި ގޮތުގައި، ސިންގަޕޫރުގައި އެ ބަދަލު ހޯދުމުގެ ކަންކަން ތަންޒީފުކުރެވޭނެ ގޮތަށެވެ. އޭގެ މާނައަކީ ސިންގަޕޫރުގައި ހުންނަ ދިވެހި ސަރުކާރުގެ މުދާ ހިފެހެއްޓުމުގެ ބާރު ލިބުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތާރޭ
06 February 2019
ރައްޔިތުންގެ ފައިސާ ބޭކާރުގޮތުގަ ޙަރދުވެގެން ދިޔައިރު ކޮބާ މަޖްލިސް މެމްބަރުން އެޑީލް ހެދި މީހުންނާއި އެއުވާލިމީހުންނާއި ބަލައި ޒިންމާކުރުވާ އެއީ ކަލޭމެންނަށް ރައްޔިތުންނަށް ކޮށްދެވޭނެ ކަމަކީ އެކަންލަސްނުކުރައްވާ ބައްލަވާ ކަންކަން ކުރަންނޭގޭ މީހުން އެކަންކަމާއި ކުރިމަތި ނުލާންވެއްޖެޔެއްނުން
ކޮންޓްރޯލަރ ޑައިރީ
06 February 2019
އޭރު ވެރިޔަކަށްހުރީ ވަހީދުގެ މޮޅު ޅިޔަނު. އެމީހަކު ތިޔަ ގޭސްގަނޑެއް ހޭވީ.'
މުހަންމާދި
06 February 2019
ޑރ. ވަހީދު ދިވެހީންނަށް ދޫކޮށްފައި ދިޔަ ހަދިޔާ. ބަޣާވާތަކާ، ޖީ. އެމް. އާރ އަށާއި ނެކްސް ބިޒްއަށް އަހަރުމުންގެ ޓެކްސް ފައިސާއިން ދައްކަން ޖެހުނު އެތައް ބައިވަރު މިލިއަން ޑޮލަރު.
ހީނާ
06 February 2019
ޝުކުރިއްޔާ ރައީސް ނަށީދޫ ، ޤައުމު ހާދަ ފަހުރުވެރި ވެޔޭ
ހަކީމް
06 February 2019
ރާއްޖޭގެ ބައިތުލް މާލުން މުއްސަނދި ވާގޮތުގެ ކުޑަ މިސާލެއް ... ފުރަތަމަ ސިޔާސީ މައިދާނަށް ވަންނަނީ .. ދެން ތަނެއްގެ ބޮޑު މަގާމެއް އަތުއަޅުވާލަނީ. ދެން ހަދަނީ ދިވެހި ނުވަތަ ބޭރު ބަޔަކާ ކޮންޓްރެކްޓެއް ... ދެން ދައުރު ނިމުމުގެ ކުރިން ކޮންޓްރެކްޓް އުވާލާ ކޯޓަށް ވައްދަނީ ... މިކަހަލަ ކިތަންމެ ކަމެއް. ހުރިހާ ކަމެއް އޮންނަނީ ކުރިޔާލާ ކޮފީ މޭޒުދޮށުގައި ރޭވި ނިމިފަ. 280 މިލިއަަން ރުފިޔާ އަކީ މަދު އަދަދެއް ނޫން - ހަމަ އަހަރުމެން ދައްކާ ޓެކްސް.
މުހައްމާ
06 February 2019
މިހާރު އެބައުޅޭ މިކަހަލަ އަނެއް ޕުރޮޖެކުޓު ފަށަން އިންޓަގުރޭޓެޑު ޕޭމަންޓްސް ކޮންމެވެސް އޮތޯރިޓީއަކުން.. ކަމަކީ ރަނގަޅު ކަމެއް އެހެނަސް މި ޖަޒީރާ ގައުމުގައި ތި އަށް ވޮލިއުމު އެބައޮތްތޯ ..އާންމު ރައްޔިތު މީހާގެ ޓެކުސް ފައިސާ ބޭކަރު ނުކޮށް ތާހިރު ދިރިއުޅުމެއް. ވިޔަފަރި އެއް ފެށޭނެ ގޮތް. 3% ގަ ލޯނު އޭރުން ތި ދެމެހެއްޓޭނީ ތި އަށް ކޮމިސަން ދެވޭނީ. ބޭންކުތައް ކޮންޓުރޯލުގަތޯ އޮތީ އޮތޯރިޓީގެ. މަނީ.ލޯންޑަރިންގް ހަދަ އިރުވެސް ވާނުވާތިބި ބައެއް
މޮހުރު
06 February 2019
ގަދަ! އެމްޑީޕީ އާ ހެދި ހުސްގެއްލުން. ޖީއެމްއާރަށް ވެސް އެވަރު. ފީކަޅާ އެއްބަސްވުންތަކެއް!
ޙިނި
06 February 2019
ދިވެހި ކުންފުނި ތަކައް ކިހާފައިސާ އެއް ދަރާ ނުދައް ކާއެބަހުރިތޯ އެފައިސާ ތައް ހަމަ ނުދައްކާނަންތޯ
އަހްމަދު
06 February 2019
ތިއީ ދައްކަންޖެހޭނެ ފައިސާއެއް ނޫން. ކުރީގެ ސަރުކާރުން ތި ފައިސާ ނުދެއްކީ، ތިއީ ކޮރަޕްޝަން އެކުލެވިގެން ކޮށްފައިވާ ކަމަކަށްވާތީ. ނެކްސްބިޒްއިން 3-4 އަހަރު ވީއިރު ތިފައިސާ ހޯދަން މަސައްކަތް ކޮށްފައިނުވަނީވެސް އެހެންވެގެން. މި ސަރުކާރު އައިގޮތަށް ޑީލްއެއް ހަދާލީހެން ބޮޑަށް ވައްތަރީ.
އައްޑޫ ބެއްޔާ
06 February 2019
ޑރ ވަހީދާއި އާޒިމާ ޝަކޫރުގެ ގޯތިތައް ދައުލަތަށް ނަގަންވީނޫން. ތިކުންފުންޏަށާއި ޖީއެމްއާރއަށް ތިދެމީހުންނާހުރެ ދެއްކި ފައިސާއިން ކިތައްރަށުގެ ފެނާއި ނަރުދަމާ އެޅުނީސް. ނޫނީ ކިތައް ފްލެޓް؟ ތިޔާމީން އެޅި ބްރިޖަށް ޖުމްލަ ކުރި ހަރަދާއި ނުބައްދަލޭ މި ވަހީދުއާ ހުރެ ޤައުމުން ބޭރަށް ބޭކާރުކޮށް ދެއްކި ފައިސާ