ދިވެހި ގައުމީ ދިދައެއް: ދިދަ ބޭނުން ކުރާ އުސޫލުގައިވާ ގޮތުގެ މަތިން ގައުމީ ދިދަ އާންމު ފަރާތްތަކަށް ނެގޭނީ ސަރުކާރުން ހާއްސަ ހުއްދައެއް ހޯދައިގެން -- މިހާރު ފައިލް ފޮޓޯ
17 ފެބުރުއަރީ 2019 - 15:48
20 comments
ކުރީގެ ރައީސް އަބްދުﷲ ޔާމީންގެ ވެރިކަމުގައި ނެރުނު، ދިވެހި ގައުމީ ދިދަ ބޭނުންކުރުމާ ގުޅޭ އުސޫލު ހޯމް މިނިސްޓްރީން މިއަދު ބާތިލްކޮށްފި އެވެ.
މައްސަލަ ބޮޑުވި އުސޫލުގައި ވަނީ ގައުމީ ދިދަ ބޭނުންކުރެވޭނެ މިންގަނޑުތަކާއި ތަންތަނާއި ދިދަ ބޭނުންކުރެވޭނެ އުސޫލުތައް ބަޔާންކޮށްފަ އެވެ.
ދިދަ ބޭނުންކުރުމާ ގުޅޭ އުސޫލު ބާތިލް ކުރިކަން އަންގައި ހޯމް މިނިސްޓްރީން ވަނީ ގެޒެޓުގައި އިއުލާންކޮށްފަ އެވެ.
މާޗް، 2017 ގައި ނެރުނު އެ އުސޫލުގައިވާ ގޮތުން ގައުމީ ދިދަ ބެހެއްޓޭނީ ހާއްސަ ހުއްދައެއް ނަގައިގެންނެވެ. އަދި ގައުމީ ދިދައާ ވައްތަރުކޮށް ދިދަ ހެދުން މަނާކުރުމުގެ އިތުރުން އެހެން ދިދަތައް ގައުމީ ދިދައަށްވުރެ އުސްކޮށް ނަގާފައި ބެހެއްޓުމަކީ ވެސް އެ އުސޫލުގެ ދަށުން މަނާކޮށްފައި އޮތް ކަމެކެވެ.
http://homeaffairs.gov.mv/files/dhivehi-dhida.pdf
ދިދަ ބޭނުން ކުރުމާ ގުޅޭ އުސޫލު:
އެ އުސޫލާ އެކު، ޖުމްހޫރީ ޕާޓީގެ ދިދަ، ގައުމީ ދިދައާ ވައްތަރުކަމުން ވަނީ މައްސަލަ ޖެހިފަ އެވެ. އަދި ކުރީގެ ރައީސް މައުމޫން އަބްދުލްގައްޔޫމްގެ އޮފީހުގައި ނަގާފައި ހުރި ގައުމީ ދިދަ ވަނީ ފުލުހުން މެދުވެރިކޮށް ނަގައިފަ އެވެ.
އޭރު އިދިކޮޅު ފަރާތްތަކުން ބުނެފައި ވަނީ ދިދަ ބޭނުންކުރުމާ ގުޅޭ އުސޫލަކީ ރައީސް ޔާމީން އިދިކޮޅު ފަރާތްތަކަށް ދަތިކުރުމުގެ ގޮތުން ހެއްދެވި އުސޫލެއް ކަމަށެވެ. އަދި އެ އުސޫލަކީ ބާތިލް އުސޫލެއް ކަމަށް ބުނަމުން އައިސްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިކަން
18 February 2019
މިހެން ހަދައިގެން މިވެރިންގެ ޕާޓީ މުޒާހަރާގަ ގައުމީ ދިދަ ބޭނުންކޮށްގެން ކަންކަން އޮޅުވާލުން މަގްސަދަކީ..
އަހުމަދު މުސްތަންސިރު
18 February 2019
ދިވެހި ދިދައަށް ދޭންވާ އިހްތިރާމް ކުޑަކުރުމަށް ކުރާ މިފަދަކަންކަން ހުއްޓާލަންޖެހެއެވެ.ދިވެހި ދިދައަށްވުރެ ވަކިން މައްޗަށް ނެގެންވާނެ އެއްވެސް ދިދައެއް މި ޤައުމުގެ އެއްވެސް ފަސްގަނޑެއްގައި ނެގިގެންނުވާނެއވެ.އެއްވެސް ސަބަބަބެއްބަޔާން ކުރުމެއްނެތި މިފަދަކަންކަން ކުރުމަކީ މަލާމާތާއި،ނޭއްގާނީކަން އިތުރުވެ ޤައުމު ޚަރާބުވެ،ދިވެހިންގެ މަސަލަސްކަން ގެއްލި،ކޮރަޕްޝަނާއި ފަސާދައަށް މަގުފަހިވާނެކަމެކެވެ.
ހަޑިގިއްލާ
18 February 2019
ދިވެހިން ދިވެހިދިދަ ބޭނުންކުރާކަށް އެއްވެސް ފަރާތެއްގެ ހުއްދަ ހޯދާކަށް ނުޖެހޭނެ... ތުވާލީގަވެސް، ބާލީހުގަވެސް އަދި ފައިފުހީގަވެސް ދިދަ ޖެހުމަކީ އެހެން ގައުމުތަކުގަވެސް ކުރާކަމެއް. ގަދަރުކުޑަވެގެން ހައިބަތު ގެއްލިގެން ނޫޅޭ....
މެސީ
18 February 2019
މި ސަރުކާރުގަ އެއްވެސް ޤައުމީ ވަންތަކަމެއް ވެސް ނެތީ ދޯ!!!
ގޮހޮޑާ
18 February 2019
ދިދަ އަކީ ޔައްޖެހޭ އިހުތިރާމްކުރަން...ކުރިން ދިދަ ފެނޭ ބިންމަތީ ދެމޭތަން , ނަމަވެސް އެކަން ވަނީ ހުއްޓިފަ..ދެން އަނެއްކާވެސް އެކަން ތައް ފެންނާނެ...ގައުމު ދެކެ ލޯބިވަންޏާ ދިދަޔަށް އިހުތިރާމް ކުރަން ވާނެ
ގޮހޮޑާ
18 February 2019
ދިދަ އަކީ ޔައްޖެހޭ އިހުތިރާމްކުރަން...ކުރިން ދިދަ ފެނޭ ބިންމަތީ ދެމޭތަން , ނަމަވެސް އެކަން ވަނީ ހުއްޓިފަ..ދެން އަނެއްކާވެސް އެކަން ތައް ފެންނާނެ...ގައުމު ދެކެ ލޯބިވަންޏާ ދިދަޔަށް އިހުތިރާމް ކުރަން ވާނެ
.ގަމުގެބަހާ
18 February 2019
.އިސްލާމީ ގައުމެއްގައި ގައުމީދިދައަކީ ވަރަށް މުހިއްމު ވަރަށް ކަރާމާތްތެރި އިހުތިރާމާ ގަދަރު ދެވިގެންވާ އެއްޗެއް ( މިގައުމުގާ އޮންނާނެ ގައުމީ ދިދައިގެ ) އާދޭސް ކިޔާ ލަވައެއް އެލަވަ އަޑުއަހާލިއަސް ހިތްތަކުގާ ގައުމީ ޝުއޫރާ ލޯބި ޖަޒުބާތެއް ގެގޮތުގާ އުފެދިގެންދޭ ގައިން ހީބިހި ނަގާ ، ކީއްވެތޯ ކޮންމެ ކަމަކަށްވެސް އެމެރިކާ އިންޑިއާ ނަމޫނާއެއްގެ ގޮތުން ތިދައްކަނީ އެއީ ޢައިރު މުސްލިމުން އުޑާ ބިމާހާފަރަގު އަހރުމެނާ އެމީހުނާ ދޭތެރޭގާ އެބަހުރި.
ގަޜީބް
18 February 2019
ހާހެއްނުވޭ... ގައުމަށް ކުލުނުނެތް ބަޔަކު ގައުމީ ދިދައަށް ކޮން އިހުތިރާމެއް ކުރާނީ. ތިވެސް ބަޔަކު ރުއްސަން މި ސަރުކާރުން ވީ ވައުދެއްކަން އެނގޭ. މި ފަސްއަހރު ތިކަހަލަ ކިތަންމެ ވައުދެއް ވާނެ. ކުރންވެސް ތިބައިގަނޑުގެ ސަރުކާރުގަ ދިވެހި ދިދައިގެ ޑިޒައިން ބަދަލުކުރަންވެސް ހުށައެޅި މަޖިލީހައް. ފާސް ނުވީ އަގުލަބިއްޔަތު ނެތީމަ
ނުކިއްސަރު
17 February 2019
އެމެރިކާ ދިދަ ހުރޭ ތުވާލީގަވެސް، އަންނައުނުގަވެސް، ފައިވާނުގަވެސް، ދެން މިހެންގޮސް ހުރިހާ ތަނެއްގަވެސް ހުރޭ، ވަކިތަނެއްނޫން. އެކަމަކު އޭގެ އިހުތިރާމު ކުޑަވެގެން އެރަށުމީހުނެއް ނޫޅޭ، އެހެނެއްނޫން ނޯތުކޮރެއާގައި އެކަން އޮންނަނީ.
ސޯބު
18 February 2019
އެމީހުންގެ ތެރޭގައި ބިކުރުވެރިކަމާއިއެކު ކައިވެންޏަކާހަމައަށް ދާމީހަކުވެސް ވަރަށްމަދު. އެކަމަކު އެމީހުންނޫޅެ އެކަން ކަމަކަށްވެގެންނެއް. ވާހަކައަކީ އެމީހުންކުރާހާ ގޮތަކަށް އަހަރެމެން ކަންކަންކުރަންޖެހޭހޭ؟ މަށަށް އެގޭހާވެސް އެއްޗަކީ ދިދައަކީ ހިތުހުރިގޮތެއް ހެދިގެންވާނެ އެއްޗެއްނޫނޭ.
ބިކުރޭ
18 February 2019
ދިވެހިރާއްޖޭގަ ބިކުރުވެރިކަމާއެކު ކައިވެއްޏަށްދާ އަދަދު ނިސްބަތުން އެމެރިކާއަށްވުރެ ދައްވާނެކަން ޔަޤީން ކަމާއެކު ބުނަން އިނގޭ! މީ 100 ޕަސެންޓު އިސްލާމީ ޤަޢުމުގެ ހާލާތު!
ބުނާބަސް
17 February 2019
ދެން ދިވެހި ދިދަ ރީނދޫ ކުލައަށް ބަދަލުކޮއްލާ، އަދި 100 ދުވަސް ހަމައެއް ނުވެއެއްނު، އޭރުންވެސް ފުއްދުނު ވަޢުދުގެ ލިސްޓަށް ކަމެއް އިތުރުވާނެ، އިބޫއަށް ސަލާމް