ހެލްމެޓް އަޅައިގެން ހުރި މީހަކު ބްރިޖް މަތިން ދަތުރު ކުރަނީ: މިރޭ 12އިން ފެށިގެން ހެލްމެޓް ނާޅައި ބްރިޖަކަށް ނޭރޭނެ-- މިހާރު ފޮޓޯ
09 މާޗް 2019 - 13:12
40 comments
ސިނަމާލެ ބްރިޖް ބޭނުންކުރާ މީހުންނަށް މިހާރު އޮތް ސުވާލަކީ، "ކޮބާ ހެލްމެޓެއް ހޯދައިފިންތަ؟" މި އެވެ. ހެލްމެޓް ނެތި ބްރިޖް ހުރަސްކުރުމާއި ހައިވޭ ބޭނުންކުރެވޭނީ މިރޭ 12 ޖަހަންދެނެވެ. އޭގެ ފަހުން ސިނަމާލެ ބްރިޖް ބޭނުންކޮށްގެން ސައިކަލްގައި ދަތުރުކުރާ ކޮންމެ މީހަކު ހެލްމެޓް އަޅަން މަޖުބޫރެވެ.
ޓްރާންސްޕޯޓް މިނިސްޓްރީގެ ނައިބު އަހުމަދު އާދިލް ވިދާޅުވީ ހެލްމެޓް ނާޅައި ބްރިޖް މަތިން ދަތުރު ކުރުމުގެ ހުއްދަ މިއަދު ހަމަވާނެތީ، މިރޭ 12ގެ ފަހުން ހެލްމެޓާ ނުލައި ދަތުރު ނުކުރެވޭނެ ކަމަށެވެ. އަދި ހައިވޭއަށް އެރުމުގެ ކުރިން، ހެލްމެޓް އަޅައިގެން ތިބިތޯ ފުލުހުން ޔަގީން ކުރާނެ ކަމަށް ވެސް އޭނާ ވިދާޅުވި އެވެ.
"ހެލްމެޓް ނާޅައި ދަތުރު ކުރުމުގެ ފުރުސަތެއް ދެން ފުލުހުން ނުދޭނެ. މިރޭން ފެށިގެން ފުލުހުން އެކަން ޔަގީންކުރާނެ،" އާދިލް ވިދާޅުވި އެވެ.
ބްރިޖާއި ހައިވޭން ދަތުރު ކުރާއިރު އަޅަން ޖެހޭ ހެލްމެޓްގައި ވަކި ޝަރުތުތަކެއް ހުންނަން ޖެހެ އެވެ. އެގޮތުން ބޮލަށް ހެޔޮވަރު ހެލްމެޓަކަށް ވުމާއި ދަތްދޮޅި ދަށުން ހަރުކުރެވޭ ގޮތަށް ހާއްސަ ކަމަރެއް އޮތުން ހިމެނެ އެވެ.
މީގެ އިތުރުން ޓިންޓެޑް މެޓީރިއަލް ނުވަތަ ކުލަ މެޓީރިއަލް ބޭނުންކޮށްފައިނުވާ ހެލްމެޓަކަށް ވުމާއި ހެލްމެޓުގައި ހަރުކޮށްފައި ހުންނަ ސްކުރީނަކީ މޫނު ފެންނަ މެޓީރިއަލަކުން ހަދާފައި ހުންނަ ބަޔަކަށް ވެސް ވާން ޖެހެ އެވެ.
އާދިލް ވިދާޅުވީ މިރެއިން ފެށިގެން ހެލްމެޓް އެޅުން މަޖުބޫރުކުރި ނަމަވެސް، މި ޝަރުތުތަކަށް ހެލްމެޓް ފެތޭތޯ ބަލާނީ އަންނަ މަހުން ފެށިގެން ކަމަށެވެ. އެހެންވެ މި ވަގުތު ކޮންމެ ކަހަލަ ހެލްމެޓެއް ވެސް އެޅިދާނެ ކަމަށް އޭނާ ވިދާޅުވި އެވެ.
ހެލްމެޓްގެ އުސޫލާ ހިލާފަށް ދުއްވާ ފަރާތްތައް ފުރަތަމަ ފަހަރަށް 500 ރުފިޔާއިން ޖޫރިމަނާ ކުރާއިރު ދެވަނަ ފަހަރު 750 ރުފިޔާއިން ޖޫރިމަނާ ކުރެވެ އެވެ. އޭގެ ފަހުން ގަވައިދާ ހިލާފުވާ ކޮންމެ ފަހަރަކު 1000 ރުފިޔާއިން ޖޫރިމަނާ ކުރެވޭނެ އެވެ.
ޓްރާންސްޕޯޓް އޮތޯރިޓީން ވަނީ ވަކި ކޯހެއް ފުރިހަމަ ކުރާ ފަރާތްތަކަށް ހެލްމެޓް ދޭން ވެސް ފަށައިފަ އެވެ. އެގޮތަށް 5،000 ހެލްމެޓް ބެހުމަށް ނިންމާފައިވާއިރު އެ ކޯސް މިހާތަނަށް ފުރިހަމަ ކުރި 300 މީހަކަށް ވަނީ ހެލްމެޓް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެލެމެޓް ކޯލް
10 March 2019
ޢަލިކިލެގެފާނުމަގުންގޮސް ބޮޑު ރަސްގެފާނުމަގަށް އަޅާލާއިރު ހުންނަ ސައިކަލް ސްޕެެއާރ ފިހާރައިން ވެސް ހެލްމެޓް ވިއްކާ. ޑިމާންޑަށް ބަލައިގެން އަގެއްވެސް ބޮޑެއްނުކުރޭ!
ބަހާއަމަލް
09 March 2019
އެއް ރައީސް ރައްޔިތުންގެ ފަސޭހައަށް ބްރިޖު އަޅާދީ ބްރިޖްމަތިން ހިލޭދަތުރުކުރެވޭނެ ގޮތް ހަދާދިނީމަ އަނެއް ރައީސަކު 50 މޭލުގެ ތަންކޮޅެއްގަ ދުއްވަން އެންމެނަށް ދުއްތުރާ ޖައްސަނީދޯ... ބްރިޖު މަތިންނެެއް ނޫން މީހުން ފޫހިވާނީ އިނގޭ... ސަރުކާރު މަތިން!ހިލޭ ބެހިނަމަވެސް ތިޔަށް ވުރެ ތާހިރުވީސް!
ޙަސަން 2
09 March 2019
ހައިވޭއަކީ ކޮން ހިސާބަކުންތޯ؟ މާލެ ބޭރު ބޮޑުމަގު އެއީ ހައިވޭތޯ؟؟؟؟؟ މިކަން ސާފުވާނީ ކިހިނެތްބާ؟؟؟؟؟
ފަރުދެއް
09 March 2019
"އާދިލް ވިދާޅުވީ މިރެއިން ފެށިގެން ހެލްމެޓް އެޅުން މަޖުބޫރުކުރި ނަމަވެސް، މި ޝަރުތުތަކަށް ހެލްމެޓް ފެތޭތޯ ބަލާނީ އަންނަ މަހުން ފެށިގެން ކަމަށެވެ" މީގެން އެނގޭ ކަމަކީ ކަންކުރަން ތިބި ބޭފުންގެ ދޯދިޔާކަން...
ގެދާނޯމޮސް
09 March 2019
އިންސާނާއައް ހުރި ރައްކައު ތެރިކަން ހުރިމިންވަރު ނިކަން ވިސްނަވާ ﷲ ސުބުހާނަހޫ ވަތައާލާ ފުރަތަމަ ހެއްދެވި އިންސާނާގެ ބުރަކަށިފުޅުގައި އަޅަމެން އެންމެންގެ ފުރަތަމަ އުފެއްދެވުން އެކަލާނގެ ވަނީ ރައްކައުތެރި ހިސާބެއްގައި ލައްވަވާފަ ކަމުގަ ކީރިތިޤްރުއާނުން އެނގެން އޮތުމާއި އެކު އަހުރެމެން ކޮންމެ މީހަކީ އެފަދަ ނަސީބު ލިބިގެން ވާ ފުރާނަތަކެއްގެ ޒިންމާ ލިބިގެންވާ ބަޔަކަށް ވުމަށް ރައްކައު ތެރިވާން ޖެހެއެވެ.
ޢައިނާ
09 March 2019
ޖޫރިމަނާ އަކީ 750 ރުފިޔާ. ކުށް އިސްލާހުކުރޭ
ދެބަންތިހާރު
09 March 2019
ޙެލްމެޓް ގެ އިތުރުން ސައިކަލްގައި ހަރުކުރާ ލޯގަނޑަކީވެސް ފަހަތުންއަންނަ މީހުން ފެންނަވަރުގެލޯގަޑެއްތޯ ފުލުހުން ކަށަވަރު ކުރަންޖެހޭ ،
ގަވާއިދު
09 March 2019
ގަވާއިދާ ޚިލާފުވީމާ ދޭންވީ އަދަބު ގަވާއިދުގައި އޮތީ ލިޔެފައި. އެނޫން އަދަބެއް ދިނުމުގެ ބާރެއް ނެތް. ހެލްމެޓް ނާޅާތީ ބްރިޖަށް ނޭރުވުމުގެ އަދަބު ދެވޭނެ އެއްވެސް ހަމައެއް ގަވާއިދުގައި ނެތް. ހުރިހާ ފަރާތަކުންވެސް ގަވާއިދަށް ހުރުމަތްތެރިކޮށް ހިއްތެވުން އެދެން.
އައްލާބެއްޔާ
09 March 2019
ރަށުން ފުންމާލިގޮތައް ސައިކަލަށް އެރީމާ ވާގޮތް! ދުވަހަކު ބުރިޖެއް ލޮލުން ނުފެންނަ މީހަކު ބުރިޖަށް އެރުނީީމާ ހޭކެނޑެނީ! ފަޅަށް ވަންނަ ރާގޮނޑި އައިނެއްހެން ތަންތާގައި ތެޅިފޮޅި މަރުވަނީ!
ރާގޮނޑި
09 March 2019
އައްދޭ މިމާލޭ ބޭފުޅުން ހީވަނީ އުޅެބޮޑުވީ ބްރިޖް މަތީގަހެން. އަހަރެމެންމީ ތިޔަކަހަލަ އެތައްބްރިޖެއްގެ ދަށުން ދަތުރުކޮށްފަ ހުރި ބައެއް. ކަލޭމެން އަލަށް ބުރިޖް ހުޅުވި ދުވަހު ހާހުން ދެހާހުން ބައި ހަދައިގެން ދެކޮޅަށް ދުވިއިރު އެއްޗެކޭ ނުބުނަން
ފެނުކައްކާބޮލި
09 March 2019
އިތުރުފުޅު ނުހައްދަވާ އިނގޭތޯ. ތިޔަ ގަވާއިދަށް އަމަލުކުރި ކަމަށްވިޔަސް އެއްވެސް ފިޔަވަޅެއް އެޅުމުގެ އިޚްތިޔާރެއް ނެތް. މާނައަކީ އަންނަ މަހުގެ 10 ވަނަ ދުވަހާ ޖެހެންދެން ހެލްމެޓް އެޅުން އެއީ އިޚްތިޔާރީ ކަމެއް. އެދެވިގެންވާ ކަމެއް. ނުކުރިޔަސް އަދަބެއް ނުދެވޭނެ.