އިންޑިއާގެ އެގްޒިމް ބޭންކުން ރާއްޖެއަށް 800 މިލިޔަން ޑޮލަރު ދިނުމުގެ އެއްބަސްވުމުގައި ދެ ގައުމުގެ ދެމެދުގައި ސޮއި ކުރަނީ
28 މާޗް 2019 - 19:45
15 comments
އިންޑިއާގެ އެގްޒިމް ބޭންކުގެ އެހީގައި ރާއްޖޭގެ 35 ރަށެއްގައި މި އަހަރު ފެނާއި ނަރުދަމާގެ މަސައްކަތް ފަށާނެ ކަމަށް ފިނޭންސް މިނިސްޓްރީން ބުނެފި އެވެ.
އެ މިނިސްޓްރީން މިއަދު ނެރުނު ނޫސް ބަޔާނެއްގައި ބުނީ އެގްޒިމް ބޭންކާ އެކު ދާދި ފަހުން އެ މިނިސްޓްރީން ސޮއިކުރި ކްރެޑިޓްލައިން އެއްބަސްވުމުގެ ދަށުން، 32 ރަށެއްގައި ފެނުގެ މަޝްރޫއު ފަށާނެ ކަމަށެވެ. އަދި ނަރުދަމާގެ މަސައްކަތް 19 ރަށެއްގައި ފަށާނެ ކަމަށް ނޫސް ބަޔާނުގައި ބުނެފައިވެ އެވެ.
އިންޑިއާ އިން ވަނީ ރާއްޖެ އަށް 800 މިލިޔަން ޑޮލަރު (12.4 ބިލިޔަން ރުފިޔާ) ގެ ކްރެޑިޓް ދޭން އެއްބަސްވެފަ އެވެ.
އެ ލޯނުގެ އިންޓްރެސްޓް ރޭޓަކީ 1.75 ޕަސެންޓެވެ. ލޯން ދައްކަން ޖެހެނީ ފަސް އަހަރު ފަހުން 15 އަހަރުގެ މުއްދަތުގެ ތެރޭގަ އެވެ.
އެއީ ދާދި ފަހުން ރައީސް އިބްރާހިމް މުހައްމަދު ސޯލިހް އިންޑިއާ އަށް ކުރެއްވި ދަތުރުފުޅުގައި އެ ގައުމުން ރާއްޖެ އަށް ދޭން އެއްބަސްވި ލޯނެކެވެ. އިންޑިއާ އިން އެއްބަސްވެފައި ވަނީ ޖުމްލަ 1.4 ބިލިއަން ޑޮލަރުގެ ކްރެޑިޓް ފެސިލިޓީ ރާއްޖެ އަށް ދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން ތައްހާން
29 March 2019
މީގެތެރެިން 22 މިލިޔަން ރުފިޔާ ކަސްޓަމްސް މެދުވެރިކޮށް ފެންކުންފުނީގެ ޗެއަރމަން މައުސޫމްގެ ކުންފުންޏަށްދިނުމަށްވަނީ ރޭވިފައި. އަމީރުއަކީ މިމަޤާމަށް ކުފޫ ހަމަވާކުއްޖެއްނޫން އެކަމަކު ބަޔަކުރާވައިވެން ވަކިކަނަކަމެއް ކުރުވަން މިމަޤާމަށްލާފައިވާ ކުއްޖެއްމީ.
ލޭކޮކާ
29 March 2019
އަމީރުގެ ކަމަކީ ލޯނުހޯދައިގެން ޕާޓީ މީހުންގެ ކުންފުނިތަކަށް މިލިޔަނުން ލާރި ބެހުން. މިއީ ފިނޭންސް މިނިސްޓަރުކަމަށް ކުފޫ ހަމަވާ ކުއްޖެއްވެސްނޫން: 1-ޕީއެސްއެމް މެދުވެރިކޮށް މިނިސްޓްރީން 55މިލިޔަން ގެ ލޯނެއްދީ މީގެތެރެއިން 30 މިލިޔަން މިހާރުވަނީ ޕީއެސްއެމުން ބިގަށްދީފައި. މިއީ ޕީއެސްއެމުން ބިގަށް ދޭންޖެހޭ ލާރިއެއްނޫން. 1/2
ޙިނި
29 March 2019
ޢަސާސީ ހައްގޭ ކިޔައިގެން ދައުލަތުގެ ހުރިހާ ފައިސާއެއް މިހޭދަކުރަނީ މިކަމައް، އުމުރު ހުސްވެ މަރުވެގެން ދާއިރު ގެދޮރު ނުލިބުނަސް ފާހާނާ ހޮޅިޔަކާ ޕުލާސްޓިކު ފުޅިގަ ފެން އެބަލިބޭތާ. މީ އަޅެ ކޮންކަހަލަ އިކޮނޮމިކްސް އެއްބާ، ކޮންމެ އަހަރަކު ފެނާ ނަރުދަމާ ބަންދަރު ހަދާ އާބާތުރަ ފިލުވުން. ޢަދި ހެއްވާ ކަމަކީ މީގެން މަސައްކަތެއް ދިވެހި ކުންފުންޏައްކައް ނުލިބޭނެ.
މަކަރުމޭން
29 March 2019
ތިޔާއީ ރޯ ބުހުތާނު ދޮގު އެއީ ވޯޓް ހޯދަން ވެގެން އެހެލާން ތެހެލާން މެން ހަދާ މަކަރާއި ހީލަތޭ ބުނަން މަމެން ނެތީމޭ...
ކޮއްޕާ
29 March 2019
ކޮބާތޯ މައްސަލައަކީ އެބުނީނު މިލޯނުދައްކަން ޖެހޭނީ 5 އަހަރުފަހުންނޭ އޭރުން އެމްޑީޕީ ގެ ސަރުކާރެއް ނެތިއްޔާ ލޯނު ވަގުތުން ދައްކަން އަންގާނެ އަނެއްކާ އިބޫ ކެމްޕެއިންގަ ރައްޔިތުންނައް ބިރުދައްކަން ކިއާނެ ތިމަންނަމެން ނުހޮވައިފިއްޔާ އިންޑިއާއިން އެހީނުވާނޭ ލޯނުފައިސާ ވަގުތުން ދައްކަންވެސް ޖެހޭނޭ ...މީކިހާބޮޑުކަމެއް މި ލޯނުތައްނުނަގާވަރެއް މިތިބަމޮޅު ޕާރޓީ ގެ ވެރިކަމުގަވެސް ނުވި ދޯ...؟؟؟
.ސަންގުގެރި
29 March 2019
.އެދުމެއް ނެތި ވެދުމެއް ނުކުރާނެ ތި އިންޑިއާ ތި ތެޅެނީ މި ގައުމުގެ މައްޗަށް ވެރިވެ ގަންނާނެ ގޮތެއް ހޯދާން ވެގެން ނިކަން ތި އިންޑިއާގެ ލާރި ގަނޑު ކޮރޮފުސަނަށް ދީ ހުސްކުރުމުގެ ބަދަލުގާ ތިމާމެން ރާއްޖޭގާ ތިބި ނިކަމެތިންގެ މުހުތާދުތައް ފުއްދާބަލަ އެތައް ބައެއްގެ ގެދޮރުނެތިފާ އެތައްކުދީންނެއް ތައުލީމުން މަހުރޫމުވެފަ އެތައްހާސް ބައަކު ބަނޑުފުރާނަ މުއްތި ނުކުރެވިފާ އެވަރުން ވެސް މި އުޅެނީ އެހެން މީހުންގެ ބޯކައިގެން އަމިއްލަ އެދުމެއް ހާސިލު ވޭތޯ.
މަންޑޭލާ
29 March 2019
ޗައިނާއިން ދިނީ މި ޤައުމުގެ ހާލަތައްބަލާފަ 1 ޕަސަންޓުގެ ފައިދާއެއްލާފަ. އިންޑިޔައިން ދިނީ އިންޑިޔާއަ ފައިދަވާގޮތަ.
ޝޮކްތެރަޕީ
29 March 2019
މިކަމުގެ ފަހަތުގާ އޮތީ އަޅުވެތިކަން ދިވެހިންނަ މީގެ ވާނުވާ ނޭގެ.
ދޮން އާދަނު
28 March 2019
ދިވެހިރާއްޖެ އިންޑިޔާގެ އަޅުވެތިކަމުގެ ދަށަށް ގެންދިއުމުގެ މާސްޓާޕްލޭންގެ ބޮޅެއް. ވަހީދު ވެރިކަމުގަ ވަގުތުން ލޯނު ދައްކަން މަޖްބޫރުކޮށް ދިވެހިރާއްޖެ އިނދަޖައްސާލަން ދިމާކޮށްލި ބައެއްގެ އަތުން މިވަރުގެ ބޮޑު ލޯނެއް ނަގަން ހެޔޮނުވާނެ. އެ ފަހަރު ސަލާމަތްވީ ދިވެހި ވިޔަފާރިވެރިއަކު އެ ލޯނު ވަގުތުން ދައްކައިދިނީމަ. އެހެންވެ މި ފަހަރު 1.4 ބިލިއަނުގެ ލޯނެއް މި އެޅުވީ. ސަލާމަތްނުވާނެވަރު ކުރަން. ދެން އެމީހުން ނުރުހޭ މީހަކު ވެރިކަމަށް އަތުވެއްޖެނަމަ...
މާދުރު ތަރި
28 March 2019
މި ލޯނުގެ ނަގުދު ފައިސާ ލިބޭނީ އިންޑިޔާގެ ކުންފުންޏަކަށް. ދިވެހި އެވެސް ވިޔަފާރިއަކަށް އެވެސް ވަރަކަށް މީގެން ފައިދާއެއް ނުކުރާނެ. އަދި އެހެންމެ ދިވެހި ދައުލަތުގެ ދަރަނި ބޮޑުވެގެން ދާނެ. ދައުލަތަށް ލިބޭ ފައިސާއިން އުޅެން ދަސްކޮށްބަލަ! ކިހާބޮޑު ކަމެއް!