ރައީސް އިބްރާހީމް މުހައްމަދު ސޯލިހް ޖަޕާނުގެ ބޮޑުވަޒީރު ޝިންޒޯ އަބޭއާ ބައްދަލުކުރައްވަނީ. ފޮޓޯ: ރައީސް އޮފީސް
21 އޮކްޓޯބަރ 2019 - 10:21
5 comments
ޖަޕާނުގެ އާ އެމްޕެރާ ތަހުތަށް އިސްވެވަޑައިގެންނެވުމުގެ ރަސްމިއްޔާތުގައި ބައިވެރިވެވަޑައިގެންނެވުމަށް އެ ގައުމަށް ކުރައްވަމުން ގެންދަވާ ރަސްމީ ދަތުރުފުޅުގައި ރައީސް އިބްރާހީމް މުހައްމަދު ސޯލިހް ޖަޕާނުގެ ބޮޑުވަޒީރު ޝިންޒޯ އަބޭއާ މިއަދު ބައްދަލުކުރައްވައިިފި އެވެ.
During my ongoing official visit to Japan for the enthronement ceremony of Japan’s new Emperor, I had the pleasure of meeting Prime Minister of Japan @AbeShinzo. In our meeting we discussed ways on enhancing the already excellent relations between the Maldives and Japan. pic.twitter.com/0PBbcYeydV
— Ibrahim Mohamed Solih (@ibusolih) October 21, 2019
ރައީސްގެ ޓްވީޓް
އަބޭއާ ބައްދަލުކުރެއްވުމަށް ފަހު ކުރެެއްވި ޓްވީޓެއްގައި ރައީސް ވިދާޅުވީ ޖަޕާނާއި ރާއްޖެއާ ދެމެދު މިހާރުވެސް އޮތް ލާމަސީލު ގުޅުން އިތުރަށް ވަރުގަދަ ކުރުމާ މެދު، ބައްދަލުވުމުގައި ދެބޭފުޅުން މަޝްވަރާ ކުރެއްވި ކަަމަށެވެ.
ރައީސާއި އަބޭގެ ބައްދަލުވުމާ ބެހޭ ގޮތުން ފޮރިން މިނިސްޓަރު އަބްދުﷲ ޝާހިދު ވިދާޅުވީ އެ ބައްދަލުވުމުގެ ސަބަބުން ޖަޕާނާއި ރާއްޖޭގެ ގުޅުމުގެ އާ ސަފުހާއެއް ހުޅުވިއްޖެ ކަމަށެވެ.
ރައީސް އިބްރާހީމް މުހައްމަދު ސޯލިހުގެ އަރިހުގައި ޖަޕާނަށް ދިޔަ ރާއްޖޭގެ ވަފުދުން އެ ގައުމުގެ ބޮޑުވަޒީރު ޝިންޒޯ އަބޭއާ އެކު ފޮޓޯއަކަށް ހުއްޓިގެން. ފޮޓޯ: ރައީސް އޮފީސް
ރައީސް އޮފީހުން ބުނީ ޖަޕާނާއި ރާއްޖެއާ ދެމެދު އޮތް ބިނާކުރަނިވި ގުޅުމާއިގެން ކުރިއަށް ދެވޭނެ އެންމެ ރަނގަޅު ގޮތްތަކާ މެދު އަބޭއާ އެކު ރައީސް މަޝްވަރާކުރެއްވި ކަމަށެވެ. ހިންގުމުގެ ދާއިރާ އާއި އިންފްރާސްޓްރަކްޗާ ބިނާކުރުމާއި ފިސްކަލް ޕޮލިސީ އަދި ޖަޕާނުން ރާއްޖެ އަށް އަންނަ ޓޫރިސްޓުން އިތުރުކުރުމާ ބެހޭ ގޮތުން ބައްދަލުވުމުގައި މަޝްވަރާ ކުރެއްވި ކަމަށް ވެސް ރައީސް އޮފީހުން ބުންޏެވެ.
Today’s summit meeting between President @ibusolih and Prime Minister @AbeShinzo has turned a new page in the history of Maldives-Japan relations. pic.twitter.com/JIEImWNKR1
— Abdulla Shahid 🎈 (@abdulla_shahid) October 21, 2019
ޝާހިދުގެ ޓްވީޓް
ޖަޕާނަކީ ރާއްޖޭގެ އިންފްރާސްޓްރަކްޗާ ބިނާކުރުމަށް އެހީތެރިވެދޭ ގައުމެއް ކަމަށާއި އެގޮތުން އިގްތިސާދީ އަދި އިޖުތިމާއީ ދާއިރާއިން އެގައުމުގެ އެހީތެރިކަން ރާއްޖެ އަށް ލިބޭ ކަމަށް ވެސް ރައީސް އޮފީހުން ބުންޏެވެ. ތައުލީމީ ދާއިރާ އާއި މޫސުމަށް އަންނަ ބަދަލުތަކަށް ހޭނުމާއި ތިމާވެށި ހިމާޔަތްކުރުމަށް ވެސް ޖަޕާނުން ރާއްޖެއަށް އެހީވެ އެވެ.
އެންމެ ކުޑަކޮށް ތަރައްގީވެފައިވާ ގައުމުތަކުގެ ލިސްޓުން އުނިކޮށް، ތަރައްގީވަމުން އަންނަ ގައުމަކަށް ރާއްޖެ ބަދަލުވުމުގައި ވެސް ޖަޕާނުގެ އެހީތެރިކަން މުހިއްމު ދައުރެއް އަދާކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާހިދު
21 October 2019
މިސަރުކާރުން ސަލާމްޖަހަންޖެއްސީ ހަހަހހހަހަހަހަހަހަހަހަަހަހހަ ބޯގަޅި
އާދަނުބޭ
21 October 2019
މީ ހަގީގީ ރަޙް،މަތްތެރި ގައުމަކަށް ހަދަންޖެހޭ. އެދުމެއްނެތި ވެދުންކުރާ ގައުމެއް. ރާޢްޖެއަށް ދޭ އެހީތަށް އެންމެ ރަނގަޅަށް ދޭ ގައުމެއް. ޖަޕާން ގެ ރައްިޔތުންނަށް އަޅުގަނޑުގެ ހިތުގައި އަބަދުވެސް ގަދަރު އޮވޭ .
އުމަރުބެ
21 October 2019
ތިޔައީ ގުޅުން ރަނގަޅުކުރަން ރަނގަޅު ޤައުމެއް، ވަރަށްގިނަ ކަންތަށްތަކެއް ޖަޕާނުންވަނީ ރާއްޖެއަށް ކޮށްދެއްވާފައި، ޖަޕާނުގެ ޓޫރިސްޓުންވެސް އިތުރުކުރަންޖެހޭ
ރަދީފުއްދީނުލް އަކްބަރު
21 October 2019
އިންޑިޔާދޫކޮށް ޖަޕާނާދިމާއަށް ދިވެހިން މިސްރާބުޖަހާންޖެހޭ.
އަލީރާޖާ
21 October 2019
މަރްހަބާ ސަރުކާރު. ޖަޕާނަކީ ރާއްޖެއަށް ވަރަށް ގިނަގުނަ އެހީވެދީފައިވާ އަދި ވަމުން ގެންދާ ގައުމެއް. ދުނިޔޭގެ އެންމެ ކުށްމަދު، އަދު އިހްތިރާމް ކުރާ މީހުން ދިރިއުޅޭ ގައުމު. އެންމެ ބޮޑަށް ތަރައްގީވެފައިވާ އެއް ގައުމު. ދިވެހިން ޖަޕާނުން ދަސްކުރަންޖެހޭ ކަންކަން ގުނާ އަދަދު ނުކުރެވޭ.