ސިއްރުން ކެމެރާއެއް ހަރުކޮށްގެން އަންހެނުންތަކެއްގެ އޮރިޔާން ކާޑު އުފައްދަން މަސައްކަތްކުރި މައްސަލައެއް ފެންމަތިވެ، ފުލުހުން އެ މައްސަލަ ބަލަން ފަށައިފި އެވެ.
ފުލުހުން ބުނީ އޮރިޔާން ކާޑު އުފައްދަން އުޅުނީ ހދ. ހަނިމާދޫގައި ހުންނަ މީޓިއޮރޮލޮޖިކަލް ސާވިސްގެ އޮފީހުގެ ހެދުން ބަދަލުކުރާ ކޮޓަރީގައި ސްޕައި ކެމެރާއެއް ހަރުކޮށްގެން ކަމަށެވެ. އެ ކެމެރާ ހަރުކޮށްގެން އެތަނުގެ އަންހެން މުވައްޒަފުންގެ އޮރިޔާން ކާޑު އުފައްދަން އުޅުނު މައްސަލަ ފެންމަތިވީ މިދިޔަ ސެޕްޓެމްބަރު މަހުގެ ފަހުކޮޅު ކަމަށް ފުލުހުން ބުންޏެވެ.
އެ މައްސަލަ މިދިޔަ މަހު ފުލުހުންނަށް ހުށަހެޅުމާ އެކު އެ މައްސަލައިގެ ތަހުގީގު ކުރިއަށް ދާ ކަމަށް ފުލުހުން ބުންޏެވެ.
އެފަދަ އެއްވެސް ކަމެއް ހިނގައިފި ނަމަ، އެކަން ލަސްނުކޮށް ފުލުހުންނަށް އަންގަން ފުލުހުން އިލްތިމާސްކުރެ އެވެ.
