ރަސްފަންނުގައި ހެދި ޕެވީލިއަން.-- ފޮޓޯ: ހުސެއިން ވަހީދު/ މިހާރު
07 ޖެނުއަރީ 2020 - 12:34
74 comments
މާލޭގެ ރަސްފަންނުގައި ހަދާފައި ހުރި ޕެވީލިއަންގައި ހިންގަމުން އައި ރެސްޓޯރެންޓުތައް ހުސްކުރަން ނޯޓިސް ،ދީ އެތަން ބަންދުކޮށްފި އެވެ.
ޕެވީލިއަން ބަލަހައްޓަމުން އަންނަ އެމްޑަބްލިއުއެސްސީގެ މެނޭޖިން ޑިރެކްޓަރު އާދަމް އާޒިމް މިއަދު ވިދާޅުވީ، ތަން ހުސްކުރުމުގެ ނޯޓިސް މިދިޔަ މަހުގެ ފަހުކޮޅު ދީފައިވާ ކަމަށެވެ. ނަމަވެސް ހުސްކުރަން ނޯޓިސް ދިނީ ކީއްވެގެން ކަމެއް އަދި އެކަމާ ގުޅޭ އިތުރު އެއްވެސް މައުލޫމާތެއް އޭނާ ނުދެއްވަ އެވެ.
ޕެވީލިއަނަށް އަރަން ހަދާފައި ހުރި ބްރިޖުގެ ތެރޭގައި ސިނގިރޭޓް ބަޓުތަކެއް އުކާލާފައި.-- ފޮޓޯ: ނިޝާން އަލީ/ މިހާރު
ކުރީގެ ރައީސް އަބްދުﷲ ޔާމީންގެ ސަރުކާރުގައި ތިން ބުރިއަށް ހެދި ޕެވީލިއަން ހުސްކުރިއިރު، އެތަނުގައި ތިން ރެސްޓޯރެންޓެއް ހިންގި އެވެ. އެއީ ގްލޯރިއާ ޖީންސް އާއި މޯޓީ މަހަލް އަދި ޗިކިން އެވެ. އެ ހުރިހާ ތަނެއް ވެސް މިހާރު ވަނީ ހުސްކޮށް، އެތެރެއަށް ވަނުން މަނާކަން އަންގައިދޭ ޓޭޕް ދަމައިފަ އެވެ.
ރެސްޓޯރަންޓުތައް ބަންދު ކުރުމަށް ފަހު، ޕެވީލިއަން ރަނގަޅަށް ނުބެލެހެއްޓުމުގެ ސަބަބުން އެތަން މިހާރު ވަނީ ވަރަށް ބޮޑަށް ހަލާކުވެފަ އެވެ. ގްލޯރިއާ ޖީންސް ހިންގަމުން އައި އެންމެ މަތީ ބުރީގެ ފުރާޅުން ބައެއް ވެއްޓިފައިވާއިރު ބައެއް ތަންތަނުގެ ހުރި ދޮރުތައް ވެސް ވަނީ ވެއްޓިފަ އެވެ. މުޅި ތަން އޮތީ ކުނިން ފުރިފަ އެވެ.
ޕެވީލިއަންގައި ހަދާފައި ހުރި ރެސްޓޯރެންޓެއްގެ ތެރޭގައި ހުރި ކުނިތަކެއް.-- ފޮޓޯ: ނިޝާން އަލީ/ މިހާރު
އެތަނަށް އަރަން ހަދާފައި ހުރި ކުޑަ ބްރިޖުގެ އެކި ދިމާލުގައި ސިނގިރޭޓް ބަޓާއި އެކި ވައްތަރުގެ ޕްލާސްޓިކް ފުޅިތައް ވެސް ވަނީ އުކާލައިފަ އެވެ.
ޕެވީލިއަނަށް އަރަން ހަދާފައި ހުރި ބްރިޖުގެ ތަނބެއް ވަރަށް ބޮޑަށް ހަލާކުވެފައި .-- ފޮޓޯ: ނިޝާން އަލީ/ މިހާރު
ޕެވީލިއަން ހަދަން ހަރަދުކުރި ވަރެއް ޔާމީންގެ ސަރުކާރުން ހާމައެއް ނުކުރެ އެވެ. އެމްޑަބްލިއުއެސްސީ އޮޑިޓްކުރުމުގެ މަސައްކަތް ކުރަމުން އަންނާތީ އާޒިމް ވެސް އަދި އެ މައުލޫމާތެއް ހާމައެއް ނުކުރައްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟަކުނު
08 January 2020
ތިވެސް ރައްޔިތުންގެ ފައިސާ. އާޒިމް ޖެހޭނެ ތިޔަތަން ހަލާކުވިޔަ ނުދީ ބަލަހައްޓަން. ޙުސްކޮށްފިއްޔާ ބެލެހެއްޓޭނެ ގޮތެއްވެސް ރާވަންޖެހޭނެ. ނުވަންޏާ ރަގަޅުވާނީ އިސްތިއުފާދީފަ ގެއަށް ވަޑައިގަތިއްޔާ.
ރައްޔިތުމީހާ.
08 January 2020
ބަޔަކު ހަލާކު ކޮށްފައިކަން އެނގޭ ފޮޓޯތަކުންވެސް. ރައްޔިތުންގެ ތަންތަން ތިއީ. ވަކި ބަޔަކު ކުރިކަމެއްވެގެން އެހެން ވީރާނަވާން ދޫކޮށްލައި ހަލާކުކޮށް ހަދައިގެން ނުވާނެ.
ޑިރާސާވެރިޔާ
08 January 2020
ތީވެސް ބަޔަކަށް ލާރިގަނޑެއް ދޭން ކުރިކަމެއް..
ޕިޔާ
08 January 2020
ރަނގަޅު! ކުރީ ސަރުކާރުން ހަދާފަ ހުރި ހުރިހާ ތަނެއް ހަލާކު ކުރޭ! އެ ވަރިހަމަ ކިތަންމެ ބޮޑު ހަރަދެއް ކޮށްގެން ހަދާފަ ހުރިތަނަކަސް! ރަސްފަންނު ބީޗުވެސް ނަގާ އުކާލާފަ ވީރާނާ ކޮށްލާ! ރާއްޖޭގަ މިއުޅެނީ ހަމައެކަނި ވެރިކަން ކުރަން އިނގޭ ބަޔަކީ! ބޯހަލާކު!
ޝޮކްތެރަޕީ
08 January 2020
އެމްޑީޕީއާ ގުޅުން އޮންނަ މީހުންނަ ދޭން ވެގެން ހުސްކުރީ. ކީކޭ ބުނާނީ
އުމަރުބެ
09 January 2020
ކޮރަޕްޝަން އަށް މަގުފަހި ނުވާނީ އެމްޑީޕީ އަށް ހަރަދުކުރާ މީހަކަށް ދީގެން އެނޫން ގޮތެއް ނޯންނާނެ
ޒަހީ
08 January 2020
ތިމާމެނަށް ކަމެއްކޮށް ނުދެވޭތާ އެހެންބަޔަކު ކޮށްފަހުރިކަމެއް ވޭތުވެދިޔަ އަހަރުދުވަހު ނުބެލިހެއްޓި ވިރާނާވެދިޔައީ މިއީ ކީއްކުރާބައެއް
ލޯމާފާނު
07 January 2020
މި ފަސް އަހަރު ނިމޭ އިރު ބްރިޖްވެސް އެތާ ކޮޅަށް ހުރެއްޖިއްޔާ ނަސީބު. މިއީ މާވަހަރެއް ލިބުނަސް އެ ބޭނުން ކުރަން ނޭނގޭ ހާ ގަޅި ބައެއް ތިބި ސަރުކާރެއް. ދެން އަނެއްކާ ވެސް ސިޓީ ކައުންސިލް މި ވެރިންނާއި ހަވާލުކޮއްލާ.
ޒިން މާ ކުރުވަމ މާ
07 January 2020
ރައްރަށުގެ މަގުހެދު މަށް އެރައްރަށަށް ގެންގޮއްސަހުރި ހިލަޔާ ހިލަވެއްޔާ ތާރަފީފާތަކާ ނަރުދަ މާ އަޅާ ހޮޅިތަކާ މިތަކެތި އެރައްރަށުގެ ވަލުތެރޭގަޔާ އަތިރި މަތީގަހުރެ ފީވެ ދަބަރަށްވެ ތާރަތައް ނެތިދަނީ މިދިޔަސަރުކާރުން ކުރިކަ މަކުންތަ...މުއިއްޒުތަ އަދިވެސް އެކަންތައްތަ ބަލަހައްޓަންޖެހެނީ..ދުނިޔޭގެ ކޮންކަ މެ ފުރަތަ މަ ކުރިގޮތަށް ފުރަތަ މަ އުފެއްދިގޮތަށްހުރީ..މަރާ މާތްކުރު މަކީ އޮތްކަ މެއްކަ މާ އެއްޗެ ތަނެއް ދަ މަހައްޓާނަ މަ މަރާ މާތްކޮށް ބަލަންޖެހޭކަން
ޙަސަން އަޙްމަދު
08 January 2020
ބުރޯ ތާރައެއް ނޫނޭ މަގު ހަދާ އިރު އަޅަނީ. އެއަށް ކިޔަނީ ތާރު.. ރާ އުބުފިލި! ތާރަ ކިޔަނީ ލަވަކިޔާ އިރު ބެރު ޖަހާ ގޮތަށް ޖަހާ އާލަތަކަށް. އޭގަ ހަން އަޅާފަ ހުންނާނީ އެއް ފަޅީގަ.
މިއަދު
07 January 2020
ރަސްފަންނު ސަލްމާން މިސްކިތް ރަސްރަނި ބަގީޗާ ބުރިޖު ފަދަ ތަންތަނަކީ މިސަރުކާރުން ބަލަންކެރޭނެ ތަންތަނެއްނޫން އެހެންވެ އެތަންތަން ނެތިކޮށްލަނީ މިއީވާ ދެރަވަރުކަމެއް
މުރަނާ
07 January 2020
ބައެއްގެ ނާޤާބިލުކަން މި ފެންނަނީ. ވެގެންއުޅޭ ގޮތަކީ އިންޑިޔާ ދެތިން ރެސްޓޯރަންޓަށް މިހާރު އެތަނުން ވިޔަފާރި ނުވާތީ ކުސްތަޅާލާފަ ބޮޑު ބަދަލަކާއެކުގަ ތަނުން ނުކުމެވޭނެ މަޅިއެއް ޖަހާލީ. ފަހަތުގަ އޮތީ ވައްކަމާ ރިޝްވަތު. ދެން މާދަމާގޮވާނެ ގަޑި ހަމަނުވަނީސް ނެރުނިއްޔޭ ގަދަކަމުންނޭ ބަދަލު ދޭށޭ 100 މިލިޔަން ރުފިޔާ. ހަމަ ބުނާއިރަށް ދޭނެ. ބޮޑުބައި ވަންނާނީ ކަޓަށްވިއްޔަ ދޯ؟