31 ޖެނުއަރީ 2020 - 21:36
11 comments
ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓް ދިނުމަށް މިއަދު ބޭއްވި ޕްރައިމަރީގައި ގއ. އަތޮޅުގެ ވޯޓް ފޮށިތަކުގެ ނަތީޖާތައް ބާތިލްކޮށް އެހެން ދުވަހަކުން ވޯޓްލުމަށް ނިންމައިފި އެވެ.
ގއ. އަތޮޅުގައި ޕްރައިމަރީ ބާއްވާ ތިން ރަށް ކަމަށްވާ ވިލިގިއްޔާއި ކޮލަމާފުއްޓާއި ދާންދޫގެ ވޯޓް ފޮށިތައް ބާތިލްކުރި ސަބަބާ ގުޅޭގޮތުން އެމްޑީޕީ ޕާލަމެންޓްރީ ގްރޫޕްގެ ޑެޕިއުޓީ ލީޑަރު ހުސައިން ޝަހީމް (އަނދުން ހުސައިން) ވިދާޅުވީ އެ ރަށްތަކުގެ ސްޕޯޓަރުންގެ މެދުގައި ހިނގި ކަންތައްތަކެއްގެ ސަބަބުން ވޯޓް ބާތިލް ކުރަން ނިންމާފައިވާ ކަމަށެވެ.
"ފޯރި އެކްސްޓްރީމިޒަމްއަށް ގޮސްގެން މިހެން މިވީ. އަޅުގަނޑުމެންގެ އިންތިޒާމުގެ ކަމަކާ ހެދިއެއް ނޫން. އެއްފޮއްޓަކަށް ވޯޓްލާން ޖެހުމާ އެބޭފުޅުންގެ ހުރި އެކަހަލަ ބައެއް ކަންކަމާ ގުޅިގެން،" ރާއްޖެޓީވީ އަށް ދެއްވި އިންޓަވިއުއެއްގައި އަނދުން ހުސައިން ވިދާޅުވި އެވެ. އެކަމަކު ސަބަބެއް އޭނާ ވިދާޅެއް ނުވެ އެވެ.
"ސަޕޯޓަރުންގެ މެދުގައި ހޫނު ބަހުސްތަކެއް ހިނގައި ވޯޓްލުން މެދުކަނޑާލަން މިދިމާވީ."
ބާތިލްކުރި ވޯޓްފޮށިތަކުގެ ކަރުދާސްތައް ފުލުހުންގެ ހާޒިރުގައި ވަނީ އަންދާލާފަ އެވެ.
އޭނާ ވިދާޅުވީ އެ ޕާޓީގެ އެންމެ އިސް ފަރާތްތަކުން މަޝްވަރާ ކުރުމަށް ފަހުގައި ނިންމީ އެހެން ދުވަހަކު އެ ވޯޓުލުން އަލުން ބޭއްވުމަށް ކަމަށެވެ. އެ އިންތިޚާބު ބާއްވާނެ ވަކި ދުވަހެއް އަދި ނުނިންމަ އެވެ.
ބައެއް ސަޕޯޓަރުން އަމަލު ކުރިގޮތުން ވޯޓް ކަންތަކުގައި އުޅުނު އިދާރީ ބޭފުޅުންނަށް ވެސް މަސްއޫލިއްޔަތު އަދާ ކުރުމަށް ހުރަސްތައް ކުރިމަތިވި ކަމަށް ވެސް އޭނާ ވިދާޅުވި އެވެ.
ގއ. އަތޮޅު ފިޔަވާ އެހެން ރަށްތަކުގެ ވޯޓުލުމުގައި މައްސަލަތަކެއް ކުރިމަތިނުވާ ކަމަށް ވެސް އަނދުން ހުސައިން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޙްސާސް
01 February 2020
ތީ އެމްޑީޕީގެ ހާލު. ފުރަތަމަވެސް ޕާޓީ ކުދިންކޮޅު ކޯޅެނީ/
ސުނިލް
01 February 2020
ފޯރިޔޯ.... ކޮންމެ ކަމެއްގަ އޮޡލުވާލުން
ސުހައިލު
01 February 2020
އަޅުގަނޑުމެންގެ އިންތިޒާމުގެ ކަމަކާ ހެދިއެއް ނޫން. ވަރަށް ރަނގަޅަށް އިންތިޒާމްވެފަތާ ތިހިރީ.އަތޮޅުގެ ހުރިހާ މީހުން އެއްފޮށްޓަކަށް ވޯޓްލާ މީހުން ތޮށްޖެހި ކިއުގަ 6 ގަޑިއިރު ހޭދަކޮށް .އިންތިޒާމް ބަޔަކަށްވާނީ މިވަރަށް.
ފަހުދު
01 February 2020
މީހުންގެ ލޮލުގަ އަނދުންއަޅުވަން ނެރުނު މީހާއައްވެސް މިކިޔަނީ އަނދުން. އޭނަ މިކިޔަނީ ވެސް އަނދުނޯ. ލޮލު އަނދުން ލޮލް.
ޣުސްތަ
01 February 2020
ފުލުހުންގެ ހާޒިރުގައި ކަރުދާސް އަންދާލުމަކުން ނުފުދޭ. އީސީ ގައި ނެތް އެތައް މެމމްބަރުންނެއް އަދި ދުވަހަކު ސޮއި ނުކުރާ މީހުން ތިޔަ ޕާޓީގެ ތިބުނާ ވޯޓް ލިސްޓްގައި އެބަތިބި. މިކަން ބަލައި ފިޔަވަޅު އަޅާނެ ބަޔަކުނެތް
ވަހީދު
01 February 2020
ލާޗާރި ބިޗާރީކޮށް ހުވަދު އަތޮޅުގައި ވޯޓެއް ނުބޭއްވޭނެ. މީ ވަރަށް ވާހަކަ.
ގަންމަނަ ބުދާ
31 January 2020
ފިސާރި ފިރިހެނުން ވެސް އެބަ އުޅޭ ތާއެވެ؟
ރާޢްޖެތެރޭ މީހާ
31 January 2020
އިންތިޒާމުގެ އެއްވެސް މައްސަލައެއްނެތެކޭ ނުބުނެވޭނެ! ވަރަށް ދޯދިޔާކޮށް އަދި އިންތިޒާމުގެ ކަންކަން ބަލާ މީހުންގެ ފަރުވާކުޑަކަމުން ދިމާވި މައްސަލަތަށް ވަރަށް ގިނަ. ލޮލުގަ އަދުން އެޅުނީމަ ކަމަކުނުދޭ! މިއީ ހަޤީގަތަކީ
ބޮޑުމީހާ
31 January 2020
ކަނޑައަޅެގިނެ ހުސްދޮގު ތިހަދަނީ. ވޯޓް މައްސަލަޖެހުނީ އިންތިޒާމްތައް ދަށްވެގެން. ބޮޑު ސްކޫލެއް ލިބުނީމަވެސް އިންތިޒާމް ކުރަން ނޭގުނު. އޮފިޝަލުންއައީ 1430 ގަ. ވޯޓް ކަރުދާސް ލިބުނީ 1500 ޖެހިއިރު 1700 ނުޖަހަނީސް ކަރުދާސް ހުސްވެއްޖެ، ވޯޓްލާތަން 3 ފަހަރު ބަދަލުކުރި. ވޯޓްކަރުދާސްތައް ވަގަށް ނެގިއިރު އޮފިޝަލުންނަކަށް ނޭގޭ
މުރާސިލް
31 January 2020
ތިމާމެން ބޭނުންވި މީހާއަށް ބޭނުންވި ވަރަށް ވޯޓް ނުލިބުނީދޯއެވެ.
ސަމީރު އަލީ
31 January 2020
ވަރަށް ރަނގަޅު ވާހަކައެއް. ނަޝީދުއަކީ ހަަމަ ޑިކްޓޭޓަރެއް