ކޮވިޑް-19: މެޑިކަލް ރިޕޯޓަކާ ނުލާ ވޯކް ވިސާ ދޫކުރަން ނިންމައިފި

އިމިގްރޭޝަންގެ އޮފިސަރުން އެއާޕޯޓުގައި މަސައްކަތް ކުރާއިރު، އެ ތަނުގެ އިސްވެރިއަކު ދުރުގައި: މިދުވަސްވަރު ވިސާ ދޫކުރާނީ ތިން މަހުގެ މުއްދަތަކަށް ކަމަށް އިމިގްރޭޝަން އިން ބުނި ---ފޮޓޯ: އިމިގްރޭޝަން

ލަމްޔާ އަބްދުﷲ، މިހާރު

15 މާޗް 2020 - 22:33

25 comments

ހަލުވިކަމާ އެކު ފެތުރެމުން ދާ ކޮވިޑް-19 އާ ދެކޮޅަށް މަސައްކަތްކުރުމުގެ ގޮތުން، މެޑިކަލް ރިޕޯޓަކާ ނުލާ ވޯކް ވިސާއަށް ހުށަހެޅޭނެ އިންތިޒާމް މޯލްޑިވްސް އިމިގްރޭޝަނުން މިއަދު ހަމަޖައްސައިފި އެވެ.

އެތަނުގެ މީޑިއާ އޮފިޝަލު މިފްތާހު މުހައްމަދު "މިހާރު" އަށް ވިދާޅުވީ، މިއީ ކޮޮވިޑް-19 ފެތުރިޔަ ނުދިނުމަށްޓަކައި އެޅި ފިޔަވަޅެއް ކަމަށެވެ.

"ރިސޯޓުތަކުގައި މަސައްކަތްކުރާ ބިދޭސީން، މެޑިކަލް ރިޕޯޓު ހަދަން ދަތުރުކުރަން ޖެހެނީ މާލެއަށް ނުވަތަ އެހެން ރަށްރަށަށް. އެހެން ކަންތައް ކުރާ ނަމަ، މިހާރަށް ވުރެ ބޮޑަށް ބަލި ފެތުރުން އެކަށީގެންވޭ،" މިފްތާހު ވިދާޅުވި އެވެ.

ވޯކް ވިސާއެއްގައި މަސައްކަތްކުރަން އަލަށް އަންނަ މީހުން، ރާއްޖެއަށް އެތެރެވާތާ 15 ދުވަސް ތެރޭގައި މެޑިކަލް ރިޕޯޓާ އެކު ވިސާއަށް ހުށަހަޅަން ޖެހޭނެ އެވެ. ނަމަވެސް މެޑިކަލް ރިޕޯޓަކާ ނުލާ މި ދުވަސްވަރު ވޯކް ވިސާ ދޫކުރަން ނިންމާފައިވާ ކަމަށާއި އަދި މި ވިސާ ދޫކުރާނީ ތިން މަސް ދުވަހުގެ މުއްދަތަކަށް ކަމަށް ވެސް އިމިގްރޭޝަނުން ބުންޏެވެ. މީގެ ކުރިން ވިސާ ދޫކުރަމުން އައީ އެއް އަހަރުގެ މުއްދަތަކަށެވެ.

ވޯކް ވިސާގެ އިތުރުން އެހެނިހެން ވިސާ ވެސް މެޑިކަލް ރިޕޯޓަކާ ނުލާ ދޫކުރަން އިމިގްރޭޝަނުން ވަނީ ނިންމާފަ އެވެ.

ވިސާ ދޫކުރުމުގެ އުސޫލާ ގުޅޭގޮތުން އިމިގްރޭޝަނުން މިދިޔަ ހުކުރު ދުވަހު ނެރުނު ބަޔާނެއްގައި ބުނެފައި ވަނީ، އަލަށް ވޯކް ވިސާއަށް އެދޭ މީހުން މެޑިކަލް ރިޕޯޓު ހުށަހަޅަން ޖެހޭނެ ކަމަށެވެ. ނަމަވެސް ވޯކް ވިސާއެއްގެ ދަށުން މަސައްކަތް ކުރަމުންދާ ބިދޭސީން، ވިސާގެ މުއްދަތު ދިގުކުރަން އެދޭ ނަމަ މެޑިކަލް ރިޕޯޓް ހުށަހަޅަން ނުޖެހޭނެ ކަމަށް ބުނެފައި ވެ އެވެ.

އިމިގްރޭޝަނުން މިއަދު ނިންމީ، އަލަށް އަންނަ ބިދޭސީންނާއި ވިސާގެ މުއްދަތު ދިގުކުރަން ބޭނުންވާ ބިދޭސީންނަށް ވެސް މެޑިކަލް ރިޕޯޓަކާ ނުލާ ވިސާއަށް ހުށަހެޅުމުގެ ފުރުސަތު ދިނުމަށެވެ.

ދުނިޔޭގައި ހަލުވި ކަމާއެކު ފެތުރެމުންދާ ކޮވިޑް-19 މިދިޔަ ހަފްތާގެ ހޮނިހިރު ދުވަހު ވަނީ ރާއްޖެއިން ފެނިފަ އެވެ. މިހާތަނަށް ފަރުވާއެއް ހޯދިފައި ނުވާ މި ބައްޔަށް 13 މީހަކު ރާއްޖެއިން ޕޮޒިޓިވްވެފައި ވާ އިރު، އެ އެންމެންނަކީ ވެސް ބިދޭސީންނެވެ. އެކަމަކު އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން ބުރާސްފަތި ދުވަހު ވަނީ މުޅި ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާންކޮށްފަ އެވެ.

ބިދޭސީން ވޯކް ވިސާ ރިސޯޓްތައް މޯލްޑިވްސް އިމިގްރޭޝަން ސިއްހީ ކުއްލި ނުރައްކަލުގެ ހާލަތު

25 ކޮމެންޓް, 58 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާ

16 March 2020

މެޑިކަލް ރިޕޯޓަކީ ވިސާގެ ކަންކަމަށް ކޮންމެހެން ބޭނުންވާއެއްޗެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަވ

16 March 2020

މީހުން ބުނޭ އަސްވިއްކިއަސް ލަގަން ނުވިއްކާށޭ. ވީމާ، މިދަނޑިވަޅުގައި ލުއި ދޭންޖެހޭނީވެސް ދެވޭނެކަންކަމުގައި. ތިޔަ ދޭ ލުއި ވެގެންދާނީ ގައުމުގައި ފިލައިގެން ގޮސްފައިވާ ބަލިތައް އާލާވުމަށް ދެވޭ ސެޓްފިކެޓަކަށް. ގައުމުގެ ފުރަތަމަ މަސްލަހަތަކީ ވިޔަފާރިއެއްނޫން. ރައްޔިތުންގެ އިޖްތިމާޢީ އަދި ސިއްޙީ އަދި ޤައުމީ ރައްކާތެރިކަން. ގައުމުގެ ސަރުކާރުތަކުން އަބަދުވެސް ވިސްނަނީ ވިޔަފާރިއަށް. ނަތީޖާ ހިތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެރިގާ

16 March 2020

މިކަންތައްގަނޑުގެ ނާޖާއިޒު ފައިދާ ނެގުންމީ. ނުޖެހޭ ބިދޭސީން ނުގެނެވިގެން އުޅޭކަށް މިދުވަސްވަރު. މިހާރުވެސް ބިދޭސީން ހިފައިގެން އަންނަ ބަލިތައް މަދީކީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

16 March 2020

ގިނަ ކޮމެންޓުތަކުން މިކަން މިކުރާގޮތް އެގޭހެނެއް ހިޔެއްނުވޭ؟ ރާއްޖޭގައި މިވަގުތު ތިބިބޭރުމީހުން އެމީހުންގެ ވިސާއާކުރާއިރު މެޑިކަލް ނުހަދާ ވިސާ އާކޮއްދޭވަހަކަ މިއޮތީ އަދި ތިންމަސްފަހުން އަނެއްކާ އެމީހުން ވިސާއާކުރާއިރު މެޑިކަލް ހުށަހަޅަަންޖެހޭނެވާހަކަ އަދި މިދުވަސްކޮޅު އަލަށް ވަޒީފާލިބިގެން ރާއްޖެއަންނަ މީހުން މެޑިކަލް ހަދަން ޖެހޭނެވާހަކަ އެހެން ނަމަވެސް ކޮމެންޓްތަކުން ހަގީގީ މިކަންމިކުރާގޮތް އެބައޮޅުވައިލައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒްމީ

16 March 2020

ވޯކްވިސާ އަށް ހުށަހަޅާއިރު މެޑިަކަލް ހުށަނާޅާގޮތަށް ހެދިހެދުމަކީ ފަސޭހައެއް. އެކަމަކު އެކްސްޕެޓްރިއޭޓް އިންޝޫރެންސް އާކުރެވެންޖެހޭނީ މެޑިކަލްޗެކަޕް ހެދިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

16 March 2020

އިމިގްރޭޝަންގަ އެވަގުތަކު ތިބޭ ބަޔަކު ބޭނުންވުމުން ބޭނުން ނިންމުމެއް ނިންމެންވީކީއްވެ؟ ތިޔަހެން ނުހަދާ އާދޭސްކޮށްފަބުނަން. މިވަރު ބިދޭސީންދެކެ ލޯބިވާ ވެރިންތިބި ސަރުކާރެއް ދުނިޔޭގެ އުޑުދަށުގައި ނޯންނާނެ. އަހަރެމެން ގައުމުގެ މީހުން ބޭރުގައުމެއްގައި ހާލުގައި ޖެހިގެން އެގައުމުތަކުގެ ސަރުކާރުތަކުން އެއްކަމެއްވެސް ކޮށްނުދޭ. ޖެހެނީ ހަމަ އާދޭސްކޮށްގެން ގައުމުގެ އެހީ ހޯދަން. ސަރުކާރުގެ ބުއްދި ހަމަތޯ އެބަބަލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔެސް

16 March 2020

ރިޒޯޓްތައް ހިިންގަނީ ލާރި އޮންނަ މަހުޖަނުން. ރިޒޯޓްތަކުން މެޑިކަލް ހެދޭނެގޮތް ހަދަންވެއްޖެއެއްނުން. މިހާރުވެސް މަދު ރިޒޯޓެއްގައި ނޫނީ ކުލިނިކެއްހާ ހިސާބުވެސް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަމަދް

16 March 2020

ވަރައް ގޯސް ނިންމުމެއް. އެހެން ނޫނަސް މިދުވަސްކޮޅު ރިސޯޓުން ވެސް ފޮނުވާނީ ރަށައް. ކަލޭމެން މިތާނގަ ސިއްހަތު ދައްވެ ނުރައްކާތެރި ބަލިތިބެ ތިވިސާ ނެހެއްދި ތިބިމީހުނައް ރަނުގެ ފުރުސަތު. 3މަހޭ ބުންނަކަސް ދޭނެ އަހަރު ދުވަހައް