ޚަބަރު / ނިއުޕޯޓް

ނިއުޕޯޓް ވިއު ހިންގި އިމާރާތަށް ވަދެ، ސަރުކާރުން އެ ތަން ބަންދުކޮށްފި

ނިއު ޕޯޓް ވިއު: އެތަނަށް ސަރުކާރުން ވަދެ އިއްޔެ ވަނީ ބަންދު ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

27 މާޗް 2020 - 11:36

30 comments

ނިއު ޕޯޓް ވިއު ހިންގި އިމާރާތަށް ޕްލޭނިން މިނިސްޓްރީން ވަދެ، އެތަން އިއްޔެ ބަންދުކޮށްފި އެވެ.

ނިއު ޕޯޓް ވިއު ހިންގި ބިމުގެ ކުލީގެ މައްސަލައިގައި ސަރުކާރުން މިދިޔަ އަހަރު ވަނީ އެ ތަނުގެ އެއްބަސްވުން ބާތިލްކޮށްފަ އެވެ. އަދި ކުލީގެ ގޮތުގައި 1.1 މިލިއަން ރުފިޔާ ދެއްކުމަށާއި އެ ތަން ސަރުކާރާ ހަވާލުކުރަން މިދިޔަ އަހަރު ސިވިލް ކޯޓުން ވެސް ވަނީ ހުކުމްކޮށްފަ އެވެ. އެކަމަކު އެ މައްސަލަ ނިއު ޕޯޓް ހިންގާ ސްޓްރާޑާ ކުންފުނިން މިހާރު އޮތީ ހައި ކޯޓުގައި އިސްތިއުނާފް ކޮށްފަ އެވެ.

ޕްލޭނިން މިނިސްޓްރީގެ މުވައްޒަފުންތަކެއް ވަދެ، ނިއު ޕޯޓުގައި ތަޅު އެޅުވި މައްސަލައިގައި، ސްޓްރާޑާ ކުންފުނިން ނެރުނު ބަޔާނެއްގައި ވަނީ އިސްތިއުނާފް މަރުހަލާގައި އެ މައްސަލަ އޮއްވައި އެ ކަމަށް ބެލުމެއް ނެތިި، ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންގެ ބެލުމުގެ ދަށުން 10 ވަރަކަށް މީހުން ނިއު ޕޯޓަށް ވަދެގަނެފައިވާ ކަމަށެވެ. އަދި ތަޅު ހަލާކު ކޮށްލައިގެން އެ ތަނަށް ވަދެ، ފޮޓޯ ނަގައި، ތަނުގައި ފިލާ ޖެހުމަށް ފަހު މިހާރު ބަންދު ކޮށްފައިވާ ކަމަށް އެ ބަޔާނުގައިވެ އެވެ.

PRESS RELEASE

Amidst the #Covid19 pandemic, the government sent people to shut down our family business today, risking the safety of government employees & my staff. @DhiyaresNews @Mihaarunews @VaguthuOnline @sunbrk @avasmv @sukunplay @1onlinemv @Ch13official @cnm_mv @raajjemv pic.twitter.com/3GZcCTsrbl
— Xahid Creator (@xahidcreator) March 26, 2020

ނިއު ޕޯޓު ހިންގާ ސްޓްރާޑާ ކުންފުނީގެ ބަޔާން

އެ ބަޔާނުގައިވަނީ އެތަނަށް އެ މީހުން ވަނީ ފުލުހުންގެ ހާޒިރުގައި ކަމަށާއި އެކަމަކު އެތަނަށް ވަނުމުގެ އެއްވެސް ކޯޓު އަމުރެއް ނެތް ކަމަށާއި އަދި އެތަނަށް ވަންނާނެ ކަން ސަރުކާރުގެ އިދާރާއަކުން ވެސް އެ ކުންފުނިންޏަށް ކުރިން އަންގާފައި ނުވާ ކަމަށް އެ ބަޔާނުގައިވެ އެވެ. އަދި ސަރުކާރު ބަންދު ކޮށްފައިވާ ދުވަސްވަރެއްގައި ކުލަ ހެދުމުގައި ތިބި ބަޔަކު އެގޮތަށް އަމަލުކުރި މައްސަލަ ފުލުހަށް ހުށަހަޅާފައިވާ ކަމަށް ވެސް އެ ބަޔާނުގައިވެ އެވެ.

ސްޓްރާޑާ ކުންފުނިން ބުނީ، ކޮވިޑް-19 އާ ގުޅިގެން ގައުމު ނާޒުކު ފައްތަރެއްގައި އޮތް މި ދަނޑިވަޅުގައި، ސަރުކާރުގެ މުވައްޒަފުން ނެރެގެން އެ ގޮތަށް އަމަލުކުރީ އިންސާފުގެ ބޭރުން އެ ކުންފުންޏަށް މެސެޖެއް ދިނުމުގެ ނިޔަތުގައި ކަމަށެވެ. އަދި އެ ތަން ބަންދުކުރި މައްސަލަ ފުލުހުންގެ އިތުރުން ހައި ކޯޓުގެ ސަމާލު ކަމަށް ގެނެސްފައިވާނެ ކަމަށާއި އެ ތަނުގައި ހުރި އެ ކުންފުނީގެ ތަކެއްޗަށް ލިބޭ ގެއްލުމަށް ދައުލަތުން ޒިންމާވާން ޖެހޭނެ ކަމަށް ވެސް ބަޔާނުގައިވެ އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި 2016 ވަނަ އަހަރު އެ ބިން ސްޓްރާޑާ ކުންފުންޏަށް ދޫކުރީ ބްރިޖް އަޅާ މަންޒަރު ބަލާ ޕްލެޓް ފޯމެއް ތައްޔާރުކޮށް، އަދި އެ ސަރަހައްދުގައި ރެސްޓޯރެންޓަކާއި ފުޓްސަލް ދަނޑެއް ތަރައްގީ ކުރުމަށެވެ.

ކެފޭ/ރެސްޓޯރެންޓް ހައުސިން މިނިސްޓްރީ ނިއުޕޯޓް ހައުސިން، ލޭންޑް އެންޑް އާބަން މިނިސްޓްރީ

30 ކޮމެންޓް, 115 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލަބީބު

27 March 2020

ކުލި ނުދައްކާ ތަންހިފައިގެން ނުތިބެވޭނެ. ކޯޓުންވެސް އެއޮތީ ހުކުމްކޮށްފައި. އަދިވެސް ގޯސް މިވީ ތަނަށް ވަނީމަ ވަން މީހުންދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނިބޯ

27 March 2020

މާކުރިންވެސް ކުރަންވީކަމެއްތީ ޕާޓީމީހުންނަށް ކޮރަޕްޝަނާއެކު ދީފާހުރިއެއްވެސް ތަނެއް ކަމެއް މިސަރުކާރަކަށްްވެސް ނުކުރެވޭ އަޖައިބުވާކަމެއް މީ ކުލިނުދެއްކިޔަސް މިމީހުންވީމާ އޯކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަންބޭ

27 March 2020

މިހާރުން މިހާރަށް ތަން ހުސް ކުރޭ. ދުވަހެއްގެ ކޮޅުން ވެސް މިތަނުގަ އިމާރާތެއް ނާޅާ ހުސްކޮށް ބާއްވަން ކެންޕޭނު ތެރޭ ސިޓީ ކައުންސިލުން ކިޔާފަ ކީއްމިވީ. ރެސްޓޯރަންޓު ހިންގަން ޢެހެން މީހުންހެން ތަންތަށް ކުއްޔަށް ހިފާ. މީހުން ހިއްހަމަ ޖައްސާލަން ދާން ހުންނަ ޕާކު ފޭރިނުގަނެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ މީހާ

27 March 2020

އަސްލަމްބޭ އަށްވެސް އަމިއްލަ މަސްލަހަތު އޮންނަތަނަކާ ޖެހުނީމަ ކަރުން ނާރު ފުއްޕާވަރަށް އިންސާފޭ ކަރުގޮހޮރޭ ގޮވާކަށް ނުކެރުންދޯ. ހެހެހެ މީވާވަރަކީ ކަމަކާ ޖެހުނީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫދީ

27 March 2020

ޒާޓުއެވެ! އާރާއި ބާރުއޮތް އިރު ތިމާ މީހާ ބޮޑާވެ، ބިންމަތީގައި ބޮޑާވެގަނެގެން، ދެއަތް ފުޅާކޮށް ތިމަންނާ ނޫން މީހަކަށް ކަމެއް ނުކުރެވޭނެކަމަށް ހީކޮށް ރަށުތެރޭގައި ހިނގާ، އެހެން މީހުންނަށް މައްލަވަކޮށް، ވައްތަރު ޖައްސާ، ވައްވައް ޖެހި ދުވަސް މިއަދު ހަނދާނަށް ގެންނާށެވެ. މިއަދު ޒާޓު ތިޔަހުރީ ނިކަމެތި ހާލުގައެވެ. ދެން ކެތްކުރުން ނޫން ގޮތެއްނެތެވެ. ވަގުތީ އަމުރު ކޯޓުން ނެރިގެން ސަލަމަތެއްނެތެވެ. ތިތަންތަން އަތުލެވޭނެއެވެ. އެކަމާ ދެރަވިޔަސް ހެވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒޫނީ

27 March 2020

ތިމާވެއްޓާ ބެހޭ ޤާނޫނުގަިއ އޮންނާ މޫދުން ފެށިގެން 20 ފޫޓު ނުދެވޭނޭ ކުއްޔަކަށް. އެއޮތީ އެތަން ދީފައި. އެތަނުން ނެރެ އެއްލާލާ. ނިއުޕޯޓް ކޯޓަށް ހިނގައިދާނެއްނު. ސިޓީ ފޮނުވާ އެގާނޫނާ ހަވާލާދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީމާ

27 March 2020

އެތަން ނަގާ. އެމަގުން ދާއިރު ނިއުޕޯޓް ފެނުމުން ވާފޫއްސެއްނުވެސްއެނގޭ. އެހެންޏާފަހެ އެއޮށްރީތި ލޮނުޒިޔާރަތްކޮޅު ބަޔަކު ކެފޭހިންގަން ބޮޑު ކަޅު އިމާރާތެއް. ހުސްކުރޭ