ކުރެއްދޫ އައިލެންޑް ރިސޯޓް: މިތަނުގައި ޗުއްޓީ ހޭދަކުރި ޓޫރިސްޓެއްގެ ކިބައިން ކޮވިޑް19 އަށް ޝައްކު ކުރެވޭ އަލާމާތްތަކެއް ފެނިފައި ވަނިކޮށް ފުރުވާލި މައްސަލަ ފުލުހުން އަންނަނީ ތަހުގީގު ކުރަމުން.
28 މާޗް 2020 - 19:41
56 comments
ކޮވިޑް-19 އަށް ޝައްކުކުރެވޭ ފަދަ އަލާމާތްތަކެއް ހުއްޓައި ކަމާބެހޭ އިދާރާތަކަށް ނާންގައި، އިޓަލީގެ ޓޫރިސްޓަކު ގައުމަށް ފުރުވާލި މައްސަލައިގައި އެ ރިސޯޓުގެ ބިދޭސީ ޑޮކްޓަރުގެ ޕާސްޕޯޓް ހިފަހައްޓައި ފުރުން މަނާކޮށްފި އެވެ.
ކޮރޯނާވައިރަހުގެ އަލާމާތްތަކެއް ފެނި އަދި އަނބުރައިގަނެގެން ވެއްޓިގެން ވެސް ފަރުވާދޭން ޖެހުނު ޓޫރިސްޓު ކޮވިޑް-19 އަށް ޕޮޒިޓިވްވި ކަން އެނގުނީ ރާއްޖެ އިން ފުރައިގެން ދިޔަ ފަހުންނެވެ. މިއީ، ރާއްޖެ އިން ފެނުނު މި ވައިރަހުގެ ފުރަތަމަ ކޭހެވެ.
ކްރިމިނަލް ކޯޓުން މިދިޔަ ހޯމަދުވަހު ނެރުނު އަމުރުގައި، ތުރުކީގެ އަންހެން ޑޮކްޓަރު ފުރުން މަނާކޮށްފައި އޮތީ އަންނަ އެޕްރީލް މަހުގެ 22 އާ ހަމައަށެވެ. އަމުރުގައިވާ ގޮތުން، ޕާސްޕޯޓް ހިފެހެއްޓީ ތަހުގީގު ނުނިމެނީސް ރާއްޖެ އިން ހިނގައިދާނެތީ އެވެ.
ކޮރޯނާވައިރަހުގެ އަލާމާތްތައް ހުރި ޓޫރިސްޓު، ރަސްމީ ފަރާތްތަކަށް ނާންގައި ފޮނުވާލި މައްސަލަ ބަލަން ފުލުހުންނަށް އަމުރު ކުރެއްވީ ޕްރޮސިކިއުޓަ ޖެނެރަލް ހުސެއިން ޝަމީމެވެ.
އެ އަމުރުގައިވާ ގޮތުން، އުމުރުން 49 އަހަރުގެ ޑޮކްޓަރުގެ މައްޗަށް ތުހުމަތު ކުރަނީ އިޓަލީގެ ޓޫރިސްޓުގެ ކިބައިން ކޮވިޑް-19 އަށް ޝައްކު ކުރެވޭ އަލާމާތްތައް ފެނުނު ނަމަވެސް އެކަން ރަސްމީ އިދާރާތަކަށް ހިއްސާނުކޮށް، ފުރައިގެން ދިއުމަކީ އެ ކޮވިޑް-19 ޖެހޭ ކޮރޯނާވައިރަސް ރާއްޖޭގައި ފެތުރި އެތައް ބަޔަކު ނުރައްކަލުގެ ތެރެއަށް ހުށަހެޅިގެންދާނެ ކަމަކަށްވާ އިރު އިހުމާލުވެފައި ވުމެވެ. އޭނާ އަޅަން ޖެހޭ ފިޔަވަޅުތައް ނާޅައި ފަރުވާކުޑަކޮށް އިހުމާލުވެފައިވާ ކަމުގެ ތުހުމަތު ކުރެ އެވެ.
ޓޫރިސްޓު ފުރި ފަހުން މި ޑޮކްޓަރާއި އިތުރު ބަޔަކު ވެސް ވަނީ ވައިރަހަށް ޕޮޒިޓިވްވެފަ އެވެ.
މި މައްސަލައިގައި ފުލުހުން ބުނެފައިވާ ގޮތުގައި، ޓޫރިސްޓްގެ ކިބައިން ފެންނަން ހުރި އަލާމާތްތަކާ ގުޅިގެން އިތުރު ޓެސްޓްތަކެއް ހަދަން ކުރެއްދޫ ރިސޯޓްގެ ޑޮކްޓަރު ލަފާ ދިނުމުން އޭނާ އެކަމަށް އިންކާރުކުރި އެވެ. އެ އަލާމާތްތަކާ ގުޅިގެން ޑޮކްޓަރު އެޗްޕީއޭ އަށް ގުޅި ނަމަވެސް ކޮރޯނާވައިރަހާ ގުޅޭ އެއްވެސް ކަމެއްގައި ޝައްކެއް ވެގެން އުޅޭ ކަން އަންގާފައި ނުވާ ކަމަށް ފުލުހުން ވަނީ ބުނެފަ އެވެ.
ފުލުހުން ބުނިގޮތުގައި ހޮޓްލައިނަށް ގުޅައިގެން ޑޮކްޓަރު ވާހަކަ ދައްކާފައި އޮތީ ކޮވިޑް-19 އަށް ޝައްކުކުރެވޭ އަލާމާތްތައް ހުރި ކަމަށް ރަސްމީ ފަރާތްތަކުން ބަލާ މިންގަނޑާއި ކޮރޯނާވައިރަސް ފެތުރިގެން ރާއްޖެއިން ފިޔަވަޅު އަޅާފައިވާ ގައުމުތަކަށް ބަދަލެއް އައިތޯ ބަލާށެވެ.
ރިސޯޓް މެނޭޖްމަންޓަށް އެކަން އެނގި ސިއްރުކުރީތޯ ވެސް ތަހުގީގުގައި ބަލާނެ ކަމަށް ފުލުހުން އޮތީ ބުނެފަ އެވެ.
ކޮރޯނާވައިރަސް ހުރި 16 މީހަކު ރާއްޖޭން ވަނީ ފެނިފަ އެވެ. އޭގެ ތެރޭގައި ހިމެނެނީ އެންމެ ދިވެއްސެކެވެ. ޕޮޒިޓިވްވި މީހުންގެ ތެރެއިން 11 މީހަކު ވަނީ ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންކަލުބެ
29 March 2020
ކޮބާހޭ ޕީޖީ ޝަމީމު. މިމައްސަލައިގާ ނިކަށް އަވަސްކޮށް ތަޙުޤީޤު ކުރަން އަމުރު ނެރުނު. ޓެސްޓް ނަތީޖާ ނުލިބެނީސް 2 ޓޫރިސްޓުން ފުރުވާލި މައްސަލާގައި އަމުރެއް ނެރޭކަށް ނުކެރުނުދޯ ޝަމީމު އަށް.
އަލިފްބާ
29 March 2020
މިސަރުކާރުން ކަމެއް ގޯސްކޮށް ކޮށްގެން މިހާތަނަށް ޒިންމާ ނަގަންޖެހުނީ ކުރީގެ ޖެންޑަރ މިނިސްޓަރ އެކަނި.
ރެޓޭ
29 March 2020
މިި އުޅޭ ޕީ.ޖީ އަކީވެސް ސިޔާސީ މީހެއް! ޗަންޕާގެ ރިސޯޓަކުން ކަމެއް ހިިނގީމާ ނުވަތަ ހިންގީމާ އެމް.ޑީ.މަޖިލީހު ކުދިންކޮޅެއް ހަޅޭ ލެވީމާ އަމުރު ނެރަފަ! ނެރެފައިވާ އެސް.އޯ.ޕީ އަކާ ޚިިލާފަށް ބަޔަކު ދޫކޮށް ހެދީމާ އެކަމާ އަޅާނުލާ އޭނާ އެ ހުންނަނީ!
ހަސަންބެ.
29 March 2020
ޑޮކްޓަރު އަކީ ކުއްވެރިއެއް ކަމަށް ވަންޔާ ކަރަންޓީން ކޮށްފައި ތިބިބަޔަކު ޓެސްޓުގެ ނަތީޖާ ނުލިބެނީސް ބޯޓަކަށް އަރުވާ 300 އެތައް ބައެއްގެ ފުރާނަ ނުރައްކަލަށް ވައްޓާލި މީހުންވެސް ކުއްވެރިވެ ބަންދު ކުރަންވީ. ނިކަން ފޯރިނަގާފައި ހެޑްލައިން ހެދި ޕީޖީ އަށްވެސް މި އެންގެނީ ނިކަމެތިމީހާގެ ތަހުގީގުކުރަން. ނިކަން ކެރެންޔާ ތިޔަބުނާ ގާނޫނަކުން ބާރު ލިބިގެން މި ޖަރީމާހިންގި މީހުންގެ ތަހުގީގުކުރަން އަމުރުކޮށްބަލަ. ހަމަ ސިޔާސީ ދައުވާމުޅިންވެސް.
ކާސިންޖީ
29 March 2020
ސަރުކާރުން، ޓެސްޓް ނަތީޖާ ނުލިބެނީސް މީހުން ފުރައިގެން ދާން ހުއްދަ ދިނުމައްފަހު، މިހާރު ޑޮކްޓަރު ބޮލައް އެއޮއް ކަންޑާލީ.
ބަޔަކު މޮޔަ ހައްދަނީތޯ؟
29 March 2020
ރިސޯޓް ތަކަކީ ވަރަށް ރަނގަޅައް އެސް.އޯ.ޕީ. ލިޔެ ހިންގާ ތަންތަން، ގެސްޓަކު ބަލިވެގެން ޑޮކްޓަރައް ދެއްކުމުގެ ރިޕޯޓިންގ ލައިން ކޮބާތޯ؟ ކޮބާތޯ ޒިންމާދާރު ވެރިން، ފުރުވާލުމުގައި ވަރަށް ހުށިޔާރުވެ، ކޮންޓެކްޓް ޓްރޭސްކޮށް ރިސޯޓުން ތީތި ކޮންޓެއިންކޮށްފަ އޮތްކަމަށް ބެލެވޭ، މެނޭޖްމަންޓައް ރަނގަޅަށް އެނގޭނެ. -- އަޅުގަނޑުމެން އެންމެންގެވެސް ޕާސްޕޯޓް އޮތީ ހިފަހައްޓާ ލޮކްޑައުން ކޮއްފަ، ތިހަމަ ގޭމެއްނޫންތޯ އެހެންވީމަ
މެސީ
29 March 2020
ކަރަންޓީނު މުއްދަތު ފުރިހަމަ ނުކޮށް ހައި ރިސްކް ބަޔަކު ފުރުވި މީހުންގެ މައްސަލަ ބަލާކަށް ނުވޭތަ؟
ނޫނުށަވިޔަނި
29 March 2020
ތިއީ ޒަމާނުއްސުރެ ރާއްޖޭގައި ކަންހިނގާގޮތް. ރިސޯޓްގެ މޯނިންގ މީޓިންގ މިނިޓްސް ރިޕޯޓް ބަލާބަލަ. ޑޮކްޓަރަށް އެކަނި ތޯ އިނގެނީ.
އެމްޑިޕީ ސޮރު
28 March 2020
އެންމެފަހުން ނިކަމެތި ޑޮކްޓަރ ދޯ މި ގޯސްވީ. ހުރިހާ ކަމެއް ޑޮކްޓަރ ބޮލަށް. ކިހާ ސަޅި މިމީހުންގެ ރޭވުން.
ކެޔޮޅުބޭ
28 March 2020
އާ ދެން ޑޮކްޓަރު ބޮލަށް ކަޑާލާ. އެނިމުނީ ނުން. މެނޭޖްމަންޓުގެ ނުވަތަ ރިސޯޓުގެ ވެރިންގެ އެއްވެސް ކުށެއް ނުފެންނާނެ. ދެން ކުށްވެރި ވާނީ ބަލަން ތިބި މީހުން. ފީބޯގެ ޑްރާމާ އެއް!
ހަމްދާން
29 March 2020
ރިޒޯޓުގެ ވެރި މީހާތަ އިންނަނީ ކަށިގަނޑު ހިފައިގެން އަންނަ ބަލި މީހުން ބަލަން.. ތީގައި ވެރިމީހާ ޒިންމާ ވާން ޖެހޭނީ ޑޮކްޓަރުގެ ފަރާތުން ވެރިންނަށް އެކަން އެންގި ނަމަ.. އެތައް މުއައްޒިފުންނެއް އުޅޭ ތަނެއްގައި ކޮންމެ މުއައްޒިފަކު ކުރާ ކުށަށް ވެރިމީހާ ޒިންމާވާން ވެއްޖެ ނަމަ 300 އަހަރުގެ ޖަލުހުކުމް އޮންނާނެ އަދި އަތް ނުލާ.. ވެރި މީޙާގެވެސް އިހުމާލެއް ވާނަމަ ރަނގަޅު ވެރިމީހާ އުލު ބައިންދަން..
ހަމްދޫންގެ އަނގަ
29 March 2020
ހަމްދޫން. އެކަމަކު މިދިޔަ ވެރިކަމުގައި އެންމެ ކުދި މީހުން ފެށީގެން އެންމެ ބޮޑެތި މީހުންކޮށްފައިހުރި ހުރިހާ ކަމެއްގެ ޒިންމާ ނަގަންޖެހެނީ ޔާމީނު ދޯ. ވަކި ބަޔަކު ވީމަދޯ އެހެން މީހުންކުރާ ކަންތައްތަކުގެ ޒިންމާ ވެރިމީހާ ނަގަން މިޖެހެނީ. އެހެން މީހުން ވެއްޖިއްޔާ ވެރިމީހާ ޒިންމާ ނަގަންނުޖެހި، އެންމެ އާދައިގެ ނިކަމެތި މުވައްޒަފު ކަންބަޅިއެއް ގޮތަށް ކަތިލެވެނީމި.