ފިނޭންސް މިނިސްޓަރު އަމީރު (ވ) އަދި އިކޮނޮމިކް މިނިސްޓަރު ފައްޔާޒް މިއަދުގެ ނޫސްވެރިންގެ ބައްދަލުވުމުގައި.
07 މެއި 2020 - 19:17
26 comments
ކޮވިޑް-19 ފެތުރުން ކޮންޓްރޯލްކުރަން އެޅި ފިޔަވަޅުތަކާ އެކު އިގުތިސާދަށް ކުރިމަތިވެފައިވާ މައްސަލަތަކާ ގުޅިގެން ޕެންޝަން ފަންޑުގައި ހުރި ފައިސާ އެއްވެސް ކަމަކަށް ބޭނުން ކުރުމުގެ ވިސްނުމެއް ނެތް ކަމަށް ފިނޭންސް މިނިސްޓަރު އިބްރާހީމް އަމީރު މިއަދު ވިދާޅުވެއްޖެ އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި މިއަދު ބޭއްވި ޕްރެސް ބްރީފިންގައި ނޫސްވެރިއަކު ކުރި ސުވާލަކަށް އަމީރު ވިދާޅުވީ ސަރުކާރުގެ ވިސްނުމަކީ މިހާރު ދިމާވެފައިވާ ހާލަތުގައި ޕެންޝަން ފަންޑުގައި ނުޖެހި، އެހެން ގޮތް ގޮތުން ރައްޔިތުންނަށް ލުއިތައް ހޯދައިދިނުން ކަމަށެވެ. އެ ފަންޑަކީ ކިހާ މުހިއްމު ކަމަކަށް ހުރި ފައިސާއެއްކަން އެންމެން ވެސް ވިސްނަން ޖެހޭނެ ކަމަށް އޭނާ ވިދާޅުވި އެވެ.
"މިހާރު އަޅުގަނޑުމެން ވިސްނައިގެން ނުވާނެ ޕެންޝަން ފަންޑުގައި ހުރި ފައިސާ ބޭނުން ކުރަން، އެފައިސާ ބޭނުންކުރަން ވިސްނުމަކީ އެހާ ބުއްދިވެރި ވިސްނުމަކަށް ނުވެދާނެ،" އަމީރު ވިދާޅުވި އެވެެ.
މިއަދުގެ މެންދުރުގެ މީޑިއާ ބްރީފިންގައި ނޫސްވެރިންގެ ސުވާލުތަކަށް މިނިސްޓަރު ފައްޔާޒް ޖަވާބު ދެއްވަނީ.
އަމީރުގެ ޖަވާބަށް ފަހު ވެސް ނޫސްވެރިޔާ ސުވާލު ތަކުރާރު ކުރުމުން އިކޮނޮމިކް މިނިސްޓަރު ފައްޔާޒް އިސްމާއީލް ވެސް އެ ސުވާލަށްް ޖަވާބު ދެއްވި އެވެ. އޭނާ ވިދާޅުވީ ރާއްޖޭގައި މިހާރު މިއޮތީ ކުރިން އޮތް ފަދަ ޕްރޮވިޑެންޓް ފަންޑެއް ނޫން ކަމަށެވެ. ބޮޑެތި ބޭނުން ޖެހުނީމާ ފައިސާ ނެގޭނީ އެފަދަ ޕްރޮވިޑެންޓް ފަންޑުން ކަމަށް އޭނާ ވިދާޅުވި އެވެ. ފައްޔާޒް ވިދާޅުވީ ޕެންޝަން ފަންޑެއްގައި ހުންނަ ފައިސާ އަކީ ޕެންޝަން އެޑްމިނިސްޓްރޭޝަން އޮފީހުން އިންވެސްޓްކޮށްފައިވާ ފައިސާ ކަމަށާއި އެ ފަންޑުން ފައިސާ ނެގުމަކީ ކޮށްގެންވާނެ ކަމެއް ނޫން ކަމަށެވެ.
"އަނެއްކާ ޕެންޝަން ފަންޑަކީ އެ ފަންޑަށް އެމީހާ ލާ އެއްޗަކާ އެމްޕްލޯޔަރު ލާ އެއްޗަކާ އެއްކޮށް އިންވެސްޓް ކުރެވޭ އެއްޗެއް. އިންވެސްޓް ކުރެވިގެން އޭގެ މާނައަކީ އެއީ ކޭޝްގެ ގޮތުގައި ހުންނަ އެއްޗެއް ފަންޑެއްގައި،" ފައްޔާޒް ވިދާޅުވި އެވެ.
ބޮޑެތި ކަންތައްތަކާ ޖެހުނީމާ ނެގުމަށް ޓަކައި ޕްރޮވިޑެންޓް ފަންޑެއް ހެދުމަކީ ކުރެވިދާނެ ކަމެއް ކަމަށާއި ޕެންޝަން ބޭނުން ނުވާ ކަމަށް ބައެއް ބޭފުޅުން މިހާރު ވިދާޅުވި ނަމަވެސް ރިޓަޔާ ކުރީމާ ބޭނުންވާނެ ކަމށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕެންޝަނަރު
08 May 2020
ފަންޑުގައި 30 ބިލިއަނަށްވުރެ ގިނަ ފައިސާ ހުރިކަމަށް ބުނޭ. ސަރުކާރަށް ޓީބިލް ގަނެވޭ. ކުންފުނިތަކުގައި އިންވެސްޓްކުރެވޭ. އިންވެސްޓްކުރި އަދަދަށްވުރެގިނަ ފައިސާ އަތްނުލައި އެބަހުރި. މީގެ ދިހަބާރަ އަހަރުފަހުން ފައިސާ ލިބޭނެ މީހުންގެ ޕެންޝަން އެކައުންޓުގައި މިލިއަނުން ފައިސާ އެބަހުރި. އެތަނުން ބައިލައްކައެއްހާ ރުފިޔާ އެމީހާއަށް ދޫކޮށްލިޔަސް ތިޔަ ފަންޑެއް ބަގުރޫޓެއް ނުވާނެ. ސަރުކާރުން ޚަރަދުކޮށްގެން ނޫން ފަންޑު ބަލަހައްޓަނީ. ޤާނޫނުބަލާ. އޮޅުވާނުލާ.
މިވަރެއްނެތް
08 May 2020
ހިއުމަންރައިޓްސް ކޮމިޝަނުން އެބުނަނީ %88 މީހުންނަށް ކާބޯތަކެތި ހޯދަންދަތިވެގެން އުޅޭވާހަކަ (https://mihaaru.com/news/73787). އެއިގެ ތެރެިން ގިނަބައެއްގެ ފައިސާ ޕެންޝަން ފަންޑުގަ ހުއްޓާ އެފައިސާ ދިނުމަށް ތިދެކޮޅުހަދާއިރު އެއިން ބަޔަކަށް މާލީއެހީތެރިކަން ފޯރުކޮށްދިނުމުގެ ގާބިލުކަން ސަރުކާރަކުނެތް. ތިގޮތަށް ކަންކުރުމުން ރައްޔިތުން އިތުރަށް ނިކަމެތިވާނީ. ތިޔައީ ދެކޮޅުޖެހޭ ކަމެއްނޫން. ގޮތްދޫކޮށް ރައްޔިތުންގެ ފައިސާގެ ބައެއް އެބައިމީހުންނާ ހަވާލުކުރައްވާ.
ބަރުބާދު
08 May 2020
ޕެންސަންފަންޑު އެބަހުރިތޯ؟. ލަފާކުރެވޭގޮތުން ތިޔަފަންޑު ހުރިތާގަ އޮތިވަޅުގަނޑެއް، އެހެންނޫނީ އެއީކީ ސަރުކާރުގެ ފައިސާއެއްނޫން އަމިއްލަފަރުދުން ނިކަމެތިކަމެއްޖެހޭދުވަހު ލިބޭނެކަމުގެ އުއްމީދުގައި ޖަމާކުރިއެއްޗެއް. އެމީހުން ހާލުގަ ޖެހުނުދުވަހު ނުލިބޭނަމަ ކޮންބޭކާރު ފަންޑެއް.
ރައްޔިތެއް82އ93829
08 May 2020
މަބުނީ ރައްޔިތުންގެ އިހުސާސްތައް ދަންނަ ކަމަށް ދައުވާ ކުރާ ބަޔަކު ކީއްތޯ ވާނީ އެވަރު ކޮށްދިނިއްޔާމު؟
ކުޑޭ
08 May 2020
ބުނެލަން އޮތީ ޕެންޝަން ފަންޑުން ފައިސާ ނެގުމަކީ ރަނގަޅު ކަމެއްނޫނޭ، ދެން އެހެންނޫނަސް އެއީ ޕީޕީއެމް އަކާ ގުޅޭ ކަމެއްވެސްނޫން! ކުރީދައުރުގަ ކަލޭމެން ވާވަރަށް ކައިފި ދެން މިހާރު އެހެންބަޔަކު ކާތީ ޖޭވަނީދޯ! ކޮންމެވެސް ކަހަލަ ހަމައެއް އޮންނަންވާނެ! މަޑުންތިބެބަލަ އަނެއްކާވެސް ކަލޭމެންނަށް ފުރުސަތު ލިބެންދެން
ދިވެހިމީހާގެ ދަރި
08 May 2020
ރަނގަޅާއި ނުރަނގަޅުން ތިޔަ ނިންމަނީ ކިހިނެތް؟ ޕެންޝަން އެކައުންޓުގައި މިލިއަނުން ފައިސާ ހުރި މީހުންނަށް ލައްކައެއް ބައިލައްކައެއްހައި ރުފިޔާ ދިނޭ ކިޔާފައި ތިޔަ އެކައުންޓް ބަގުރޫޓްވާނެތަ. ވަކިވަކި ފަރުދުންނަށް ނުދީ ވަކި ތަނެއްގެ ބެލުމުގެ ދަށަށް ގެންގޮސްފައި ވަކި ޕްރޮޖެޓްތަކެއް ހިންގާފައި ޖީބުފުލަށް އެތިކޮޅެއް ވެއްޓޭގޮތްވާނަމަ ތިއަށްވުރެ މުހިންމު މޮޅުކަމެއް ދުނިޔޭގައި ނޯންނާނެ.
ގުޑުގުޑާ
07 May 2020
ޕެއްސައްފައްޑުގާ ހުރީ ފައިސާއެއްނޫ ހުދުކާފޫރު އެހުލިވެއްޖެ
ޝޮކްތެރަޕީ
07 May 2020
ޕެންޝަން ފަންޑުގަ އަތްނުލިޔަސް ތިޖޫރީގަ އަތްލަމެންނުން.؟
ޝޮކްތެރަޕީ
07 May 2020
ޕެންޝަން ފަންޑުގަ އަތްނުލިޔަސް
އުދުމާ
07 May 2020
ޕެންޝަން ފަންޑު އޮތްގޮތަށް ބާއްވާފަ އޭގެން ސްޓޫޑެންޓް ލޯނު ދޫކުރާނީ
ނުރަބޯ
07 May 2020
އަތްލެވިގެން ނުވެސްވާނެ. އެއީކީ ކަލޭމެންގެ ތަރިކަ މުދަލެއް ނޫން.