ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

އިތުރު ބިންތަކަކަށް އިޒްރޭލުން ވެރިވުމަކީ ސަރަހައްދީ ހަމަޖެހުން ނަގައިލުމުގެ ބައެއް: ރާއްޖެ

އޯއައިސީގެ ބައްދަލުވުމުގައި ޝާހިދު ބައިވެރިވެވަޑައިގަންނަވަނީ.-- ފޮޓޯ: ފޮރިން މިނިސްޓްރީ

އާސިމާ ނިޒާރު، މިހާރު

10 ޖޫން 2020 - 19:59

ހުޅަނގު އައްސޭރީގެ އިތުރު ބިންތަކަކަށް އިޒްރޭލުން ވެރިވުމަށް ކުރާ މަސައްކަތްތައް ރާއްޖެ އިން މިއަދު ކުށްވެރިކޮށްފި އެވެ.

ރާއްޖެގެ ފަރާތުން އެކަން ކުށްވެރިކުރީ، އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ އެގްޒެކެޓިވް ކޮމެޓީގައި ދެއްކެވި ވާހަކައިގައި ފޮރިން މިނިސްޓަރު އަބްދުﷲ ޝާހިދެވެ.

އޭނާ ވިދާޅުވީ، މިހާރު ހިފާފައިވާ ހުޅަނގު އައްސޭރީގެ ބިންތަކަކީ އިޒްރޭލުގެ އަމިއްލަ ބިން ކަމުގައި ކަނޑައެޅުމަކީ ރާއްޖެ އިން ވަރަށް ހަރުކަށިކޮށް ކުށްވެރިކުރާ އަދި އެކަމާ ދެކޮޅު ހަދާ ކަމެއް ކަމަށެވެ. ކޮވިޑް-19 ގެ ބަލިމަޑުކަމާ ދެކޮޅަށް ދުނިޔެ މަސައްކަތް ކުރަމުންދާއިރު އިޒްރޭލުގެ އަމަލުތަކުގެ ސަބަބުން ފަލަސްތީން ރައްޔިތުން އިތުރަށް ނިކަމެތިވާނެ ކަމަށް އޭނާ ވިދާޅުވި އެވެ.

"އިޒްރޭލުގެ އެ އަމަލަކީ ބައިނަލްއަގުވާމީ ހަމަތަކާ ގާނޫނުތަކާ ހިލާފު ކަމެއް. މީގެ އިތުރުން އިޒްރޭލުން، ފަލަސްތީނުގެ ބިންތަކަށް ވެރިވެފައި އޮންނަ އޮތުން ހުއްޓުވުމާއި، ކުރިއަށް އޮތްތަނުގައި އިތުރު ބިންތަކަށް ވެރިވުން ހުއްޓުވުމަށްޓަކައި އދ. އިން ފާސްކޮށްފައިވާ ގަރާރުތައް ތަންފީޒުކުރުމަށް ބައިނަލްއަގުވާމީ މުޖްތަމައުއަށް ގޮވާލަން،" ފޮރިން މިނިސްޓަރުންގެ ފެންވަރުގައި ވާޗުއަލްކޮށް ބޭއްވި ބައްދަލުވުމުގައި ޝާހިދު ވިދާޅުވި އެވެ.

A pleasure to speak at the Open-Ended Virtual Extraordinary Meeting of the OIC Executive Committee today, on Israel's proposed annexation. The Maldives strongly condemns and rejects proposed Israeli annexation of large parts of the Occupied Palestinian Territory. pic.twitter.com/90qrVN1COF
— Abdulla Shahid (@abdulla_shahid) June 10, 2020

ފަލަސްތީނުގެ މައްސަލައިގައި ރާއްޖެއިން އަބަދު ވެސް ގަބޫލުކުރަނީ 1967 ވަނަ އަހަރު އެކުލަވާލި ފަލަސްތީނުގެ ސަރަހައްދީ އިމުގެ ތެރޭގައި އެ ގައުމަށް މިނިވަން ދައުލަތެއް ގާއިމްކޮށް އެ ދައުލަތުގެ ވެރި ރަށަކީ އިރުމަތީ ގުދުސްކަމަށް ހެދުން ކަމަށް ވިދާޅުވާ ވިދާޅުވުން ޝާހިދު މިއަދު ވެސް ތަކުރާރު ކުރެއްވި އެވެ.

ފަލަސްތީނުގެ އިތުރު ބިންތަކަށް ވެރިވުމަކީ ވަކި ދެ ދައުލަތެއް ގާއިމްކުރަން ކުރާ މަސައްކަތަށް އެޅޭ އިތުރު ހުރަހެއް ކަމަށާއި އެކަން ހާސިލްކުރެވޭނީ އިހުލާސްތެރިކަމާއެކު މަސައްކަތްކޮށްގެން ކަމަށް ވެސް މިނިސްޓަރު ވިދާޅުވި އެވެ. އެއާއެކު އިންސާފާއި މިނިވަންކަން ހޯދައިދިނުމަށް މުޅި އިސްލާމީ އުއްމަތް އެކަތިގަނޑަކަށްވެ، ފަލަސްތީނުގެ ރައްޔިތުންނާއެކު ދެމި ތިބުމަށް ޝާހިދު ގޮވައިލެއްވި އެވެ.

އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ ރާއްޖެ-އިޒްރޭލް ރާއްޖެ-ފަލަސްތީން ދިވެހި ސަރުކާރު ފަލަސްތީން އިޒްރޭލް ފޮރިން މިނިސްޓަރު

6 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

3344

11 June 2020

މިމިސްޓަރުނޫނީ ކަމެއްވާ މީހަކުނުފެނެޔޭ ބުނެވޭނީ..އަދި މިއަށްވުރެ ރަނގަޅުކުރެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

11 June 2020

ބަހުސް ކުރަން ވީމަ ވާހަކަ ދައްކަން ވީމަ ވ ފޯރި ހުންނާނެ އެވެ. ވޯޓް ލާން ވީ މަ ގެއްލޭނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

11 June 2020

ހަމަފަލަސްތީނާއެއްގޮތަށް އިންޑިޔާގެ މުސްލިމުންނާދޮކޮޅަށްހިންގާ ކަންކަމާވެސް ނޯބުނެވެންޖެހޭ އެހެންނޫނީ ތިވާނީ ރައްޔިތުންގެ ލޮލުގައި އެޅެވޭ އަނދުނަކަށް ދުނިޔޭގެ ކަންކޮޅުތަކުގައި އަނިޔާލިބެމުންދާ ހުރިހާ މުސްލިމުންނާއި، މެދުވެސް ތިގޮތަށް ބަސްބުނަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނި ދަންތުރަ

10 June 2020

ތިވާހައިގެ ބަދަލުހިފާލާނެ ހަމަ ތިޔަ ސާހިދު ދެން ދުލުން ބޭރުކޮށްލާނީ ދިވެހިން ، މުސްލިމުން ހިތްފަޅައިގެންދާ ކަހަލަ ވާހަކަ ކޮޅެއް ބަލަންތިބޭތި ، މިސްކިއްތަށް އެއާކޯން ކުރާވާހަކަ ބުނި ދެން ނެރުނީ އެމް ޑީ އެން ރިޕޯޓު ވިސްނާލާ..