އުރީދޫ ގްރޫޕުގެ ބްރޭންޑް އެމްބެސެޑަރު އަދި މަޝްހޫރު ފުޓުބޯޅަ ތަރި ލިއޮނެލް މެސީ އާއި އުރީދޫ މޯލްޑިވްސްގެ ބްރޭންޑް އެމްބެސެޑަރު "ޒުވާން މަސްވެރިޔާ"، ހަސަން ސާޖިންއާ އެކު އުރީދޫން ބައިނަލްއަގުވާމީ ކެމްޕޭނެއް ފަށައިފި އެވެ.
މި ކެމްޕައިންގެ ފުރަތަަމަ ވީޑިއޯގައި ގަސްތަކެއްގެ ތެރޭގައި މެސީ ދުވަމުން ގޮސް ހުއްޓެނީ ސްޕޭސްޝިޕެއް މަތިން ތިރިކުރާތަން ފެނި ހައިރާންވެގެންނެވެ. އަދި އޭގެ ތެރެއަށް މެސީ ނަގައިގަނެ އެވެ. އެ މަންޒަރު ބަލަން ކެފޭއެއްގައި ސާޖިން އިނދެ އެވެ. އެކަމަކު އިންޓަނެޓް ސްލޯވެގެން މެސީ އާއި ސްޕޭސްޝިޕްގެ މަންޒަރުތައް ގެއްލެ އެވެ. އެވަގުތު ކައިރީގައި މީހަކު ހުރިހެން ހީވެގެން ސާޖިން ބަލައިލި އިރު، އެއީ މެސީ އެވެ.
އުރީދޫގެ މި ވީޑިއޯއިން ދައްކައިދެނީ އިންޓަނެޓްގެ އެންމެ އިތުބާރު ބޮޑު ނެޓްވޯކަށް ބަދަލުވުމުގެ މުހިންމުކަމެވެ.
ދުނިޔޭގެ އެންމެ މަޝްހޫރު އެއް ފުޓްބޯޅަ ކުޅުންތެރިޔާއާ އެކު މިކަހަލަ އިސްތިހާރެއްގައި ބައިވެރިވުމުގެ ފުރުސަތު ލިބުމަކީ ސާޖިންއަށް ވެސް ބޮޑު އުފަލެކެވެ.
މި ވީޑިއޯގެ މަންޒަރުތައް ނަގާފައިވަނީ މި އަހަރު ކުރީކޮޅު ދެކުނު އެފްރިކާގަ އެވެ.
އުރީދޫ މޯލްޑިވްސްގެ ސީއީއޯ ނަޖީބު ޚާން ވިދާޅުވީ އެ ކުންފުނިން ރާއްޖޭގެ ނެޓްވޯކު ވަރުގަދަކޮށް، އެންމެ ފުރިހަމަ އިންޓަނެޓް ހިދުމަތް ފޯރުކޮށްދިނުމަށް ބޮޑެތި އިންވެސްޓްމެންޓްތަކެއް ކުރަމުން އަންނަ ކަމަށެވެ. އަދި މި ކެމްޕޭނާ އެކު ކުރިއަށް އޮތް ތަނުގައި ޓެލެކޮމިއުނިކޭޝަންގެ އިޖާދީ އާ އުފެއްދުންތަކާ ދިވެހިން ގުޅުވާލަދީ، އެ ކުންފުނީގެ ނެޓްވޯކު އިތުރަށް ވަރުގަދަކޮށް ފެންވަރު ރަނގަޅު ހިދުމަތެއް ފޯރުކޮށްދޭނެކަމުގެ ޔަގީންކަން އޭނާ ދެއްވި އެވެ.
"އަޅުގަނޑުމެންގެ ޓީމުން މުޅި ރާއްޖޭގައި ގާއިމްކޮށްފައިވާ ބައިނަލްއަގުވާމީ ފެންވަރުގެ ނެޓްވޯކު، މެސީ އަދި ސާޖިންއާ ގުޅިގެން ދައްކުވައިދީ ތަމްސީލުކޮށްދޭނެ" ކަމަށް ނަޖީބު ޚާން ވިދާޅުވި އެވެ.
އުރީދޫން އަންނަނީ ދުނިޔޭގައި ފާހަގަކޮށްލެވޭ ތަފާތު ޓެކްނޮލޮޖީ އާއި ހިދުމަތްތައް ރާއްޖެއަށް ތަޢާރަފްކޮށް، މުޖުތަމައުގެ ތަރައްގީއަށް އާ ފުރުސަތުތައް ފަހިކޮށްދިނުމަށް މަސައްކަތް ކުރަމުންނެވެ. އެގޮތުން ވޭތުވެދިޔަ 15 އަހަރު ތެރޭގައި ރާއްޖެއަށް މެދުނުކެނޑި އިންވެސްޓްކޮށް، ނެޓްވޯކު ފުޅާކޮށް، ކުރިއަށް ވުރެ ބޮޑެތި ކުރިއެރުން ވަނީ ގެނެސްދީފަ އެވެ.
މީގެ އިތުރުން އުރީދޫން މިހާރު ވަނީ އެކު ންފުނީގެ ކަސްޓަމަރުންނަށް ސުޕަނެޓް ފިކްސްޑް ބްރޯޑްބޭންޑް ޕެކޭޖްތަކުން އިތުރު ފީއަކާ ނުލައި އިތުރު ޑޭޓާ އާއި ހަލުވި ސްޕީޑު ލިބޭ ގޮތް ހަދައިދީފަ އެވެ.
