ކޮވިޑް-19 އަށް އިތުރު 119 މީހަކު ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިރޭ ބުނެފި އެވެ.
އެޗްޕީއޭ އިން ބުނީ އިއްޔެ ހަވީރު 6:00 އިން ފެށިގެން މިއަދު ހަވީރު 6:00 އާ ހަމައަށް ޕޮޒިޓިވްވެފައިވާ މީހުންގެ ތެރޭގައި 100 ދިވެހިން ހިމެނޭ ކަމަށެވެ. އަދި ބަންގްލަދޭޝްގެ 11 މީހަކާއި އިންޑިއާގެ ތިން މީހަކާއި ފިލިޕީންސްގެ ދެ މީހަކާއި އެމިރޭޓްސްގެ ދެ މީހަކާއި ސްރީ ލަންކާ މީހަކު ޕޮޒިޓިވްވި ކަމަށެވެ. މިއަދު ޕޮޒިޓިވްވި މީހުންނާއި އެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު 6،779 އަށް އެރީ އެވެ.
އެޗްޕީއޭ އިން ބުނިގޮތުގައި އިއްޔެ ބަލިން ރަނގަޅުވީ 109 މީހުންނެވެ. މިވަގުތު މި ބައްޔަށް ފަރުވާ ހޯދަމުން ދަނީ 2،531 މީހުންނެވެ.
ރާއްޖޭގައި މި ބަލި ކޮންޓްރޯލްނުވެ ހަލުވިކަމާ އެކު ފެތުރެމުންދާތީ އަނެއްކާވެސް ހަރުކަށި ފިޔަވަޅުތަކެއް އަޅަން ސަރުކާރުން ވަނީ ނިންމައިފަ އެވެ.