ކްރިމިނަލް ކޯޓުގައި ބޭއްވި ޝަރީއަތެއްގައި އަދީބު ވާހަކަ ދައްކަވަނީ.
05 އޮކްޓޯބަރ 2020 - 20:39
56 comments
ކުރީގެ ނައިބު ރައީސް އަހުމަދު އަދީބު 20 އަހަރަށް ޖަލަށްލައި، ދެ މިލިއަން ރުފިޔާ އިން ޖޫރިމަނާ ކުރަން ކްރިމިނަލް ކޯޓުން މިރޭ ހުކުމްކޮށްފި އެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން އަދީބުގެ މައްޗަށް ހަތް ދައުވާއެއް ދައުލަތުން އުފުލި އެވެ. އެއީ ޚިޔާނާތްތެރިވުމުގައި ބައިވެރިވުމުގެ ދެ ދައުވާ އާއި މަގާމުގެ ނުފޫޒު ބޭނުން ކޮށްގެން ނާޖާއިޒު ފައިދާ ހޯދައި ދިނުމުގެ ދައުވާ އަކާއި މަގާމުގެ ނުފޫޒު ބޭނުން ކޮށްގެން ނާޖާއިޒު ފައިދާ ހޯދުމުގެ ދައުވާ އަކާއި ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާއެއްގެ އިތުރުން މަނީ ލޯންޑްރިންގެ ދެ ދައުވާ އެކެވެ. ދައުވާތަކަށް އެއްބަސްވެ ވަޑައިގަތުމުން އަދަބު ލުއިކޮށްދޭ ގޮތަށް ދައުލަތާއި އަދީބާ އެކު ހެދި އިއުތިރާފުގެ އެއްބަސްވުމުގެ ދަށުން ހުރިހާ ދައުވާތަކަށް ވެސް އަދީބު ވަނީ ކޯޓުގައި ކުރިން އެއްބަސްވެ ވަޑައިގެންފަ އެވެ.
އަވަސް ނިޔާއިން އެ މައްސަލައިގެ ހުކުމް އިއްވަން މިރޭ ބޭއްވި ޝަރީއަތުގައި އެ މައްސަލަ ބެއްލެވި ގާޒީ ހަސަން ސައީދު ވިދާޅުވީ، މައްސަލައިގެ އިބްތިދާއީ އަޑުއެހުމުގައި ވަކީލުގެ ހާޒިރުގައި ދައުވާތަކަށް އެއްބަސްވެ ވަޑައިިގެންފައިވާތީ އަދީބުގެ އިއުތިރާފުން އެ ދައުވާތައް ސާބިތުވާ ކަމަށެވެ. ދައުލަތާއި އަދީބާ އެކު ހެދި އިއުތިރާފްގެ އެއްބަސްވުމުގައި ސޮއިކުރީ އެއްވެސް މަޖުބޫރު ކަމެއް ނެތި ކަމަށް އަދީބު ވިދާޅުވެފައިވާތީ އެ އެއްބަސްވުން ކޯޓުން ބަލައިގެންފައިވާ ކަމަށް ގާޒީ ވިދާޅުވި އެވެ.
އެކަންކަން ފާހަގަކޮށް، ވަކިވަކިން އިއްވި ހުކުމުތަކުގައި އަދީބު ޖުމުލަ 20 އަހަރަށް ޖަލަށްލުމުގެ އިތުރުން ދެ މިލިއަން ރުފިޔާގެ ޖޫރިމަނާ މިއަދުން ފެށިގެން އެއް މަސް ތެރޭގައި މޯލްޑިވްސް އިންލެންޑް ރެވެނިއު އޮތޯރިޓީ(މީރާ) އަށް ދައްކަން ވެސް ހުކުމްކުރި އެވެ.
ކޮންމެ ދައުވާއެއްގެ ހުކުމް ވަކިވަކިން އިއްވިއިރު، ރަށްތަކާއި ފަޅުތަކުގެ މުއާމަލާތްތައް ގިނަކަމުން ކޮންމެ ހުކުމެއް އިއްވަން ބައި ގަޑިއިރަށް ވުރެ ގިނަ ވަގުތު ހޭދަވި އެވެ.
އަދީބަށް ޖަލު ހުކުމްތައް އިއްވި ގޮތް:
- ޚިޔާނާތްތެރިވުމުގައި ބައިވެރިވުމުގެ ދައުވާ: ހަތަރު އަހަރާއި ނުވަ މަހާއި 18 ދުވަހަށް ޖަލަށް.
- ޚިޔާނާތްތެރިވުމުގައި ބައިވެރިވުމުގެ ދެވަނަ ދައުވާ: ދެ އަހަރާއި ހަތަރު މަހާއި 24 ދުވަހަށް ޖަލަށް.
- މަނީ ލޯންޑްރިންގެ ދައުވާ: ފަސް އަހަރާއި 11 މަހުގެ ޖަލު ހުކުމާއި އެއް މިލިއަން ރުފިޔާގެ ޖޫރިމަނާ.
- މަނީ ލޯންޑްރިންގެ ދެވަނަ ދައުވާ: ފަސް އަހަރާއި 11 މަހަށް ޖަލަށްލުމާއި އެއް މިލިއަންގެ ޖޫރިމަނާ.
- މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާއެއް ހޯދައި ދިނުން: އެއް މަހާއި 15 ދުވަހަށް ޖަލަށް.
- މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާއެއް ހޯދުން: ހަ މަހަށް ޖަލަށް
- ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ: ތިން މަހަށް ޖަލަށް.
ޚިޔާނާތްތެރިވުމުގައި ބައިވެރިވުމުގެ ދެ ދައުވާ އަދީބުގެ މައްޗަށް ކުރީ އޭނާ ނައިބު ރައީސް ކަމާއި ޓޫރިޒަމް މިނިސްޓަރުގެ މަގާމުގައި ހުންނަވައިގެން އެމްއެމްޕީއާރުސީ މެދުވެރިކޮށް ރަށްތަކާއި ފަޅުތައް ކުއްޔަށް ދޫކޮށްގެން ދައުލަތަށް ލިބެންޖެހޭ އަދީބު އެންގެވި ފަރާތްތަކެއްގެ އެކައުންޓްތަކަށް ޖަމާކޮށް، އެ ފައިސާތަކަށް ޚިޔާނާތްތެރިވެފައިވާތީ އެވެ.
މަގާމުގެ ނުފޫޒު ބޭނުން ކުރުމުގެ ދައުވާ އާއި ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާކުރީ ބިޑް ކުރުމެއް ނެތި ރަށްތަކާއި ފަޅުތައް ކުއްޔަށް ދޫކޮށް، ބަޔަކަށް ނުހައްގު ފައިދާތަކެއް ހޯދައި ދީފައި ވާތީ އެވެ. މަނީ ލޯންޑްރިންގެ ދައުވާ ކުރަނީ ރަށްތަކާއި ފަޅުތައް ދޫކޮށްގެން ލިބެންޖެހޭ 59 މިލިއަން ޑޮލަރަކީ ދައުލަތަށް ލިބެންޖެހޭ ފައިސާކަން އެނގިވަޑައިގެން ހުންނަވައި، އަދީބުގެ ބެލުމުގެ ދަށުގައި އެ ފައިސާ ބަހައްޓައި، އެ ފައިސާތައް ބޭނުން ކުރައްވާފައިވާތީ އެވެ.
އަދީބު 20 އަހަރަށް ޖަލަށްލާން ހުކުމް ކުރިޔަސް، އޭނާ ތަންފީޒު ކުރައްވަން ޖެހިވަޑައިގަންނަވާނީ 19 އަހަރުގެ މުއްދަތެކެވެ. އެއީ އެ މައްސަލަތަކާ ގުޅިގެން އޭނާ މިދިޔަ އަހަރުގެ ފަހުކޮޅުން ފެށިގެން ބަންދުގައި ހުންނެވި މުއްދަތު ހުކުމުގެ މުއްދަތުން އުނި ކުރުމުންނެވެ.
މީގެ ކުރިން ތަފާތު ތިން މައްސަލައެއްގައި އަދީބު 33 އަހަރަށް ޖަލަށްލިޔަސް، ހައި ކޯޓާއި ސުޕްރީމް ކޯޓުން އެ ހުކުމްތައް ފަހުން ވަނީ ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު1
06 October 2020
މިއީ ގޭންގު މީހުން އެކީގައި މަސައްކަތްކޮށްފައި ފުލުހުން އަތުލާގަތީމައު ކޮންމެވެސް އެކަކު ހުރިހާ ޒިންމާއެއް ނެގުން ކަހަލަ ކަމެއް.. އަދީބު އެކަނި ކުރިކަމެއް ނޫން މީކީ.. މީގައި ސީދާކޮށް ބައިވެރިވިމީހުން ހެވިފައި ސަރުކާރު އިސް މަގާމުތަކުގަޔާއި، ޕާޓީތަކުގައާއި މަޖިލީހުގަޔާއި، ކޯޓު ތަކަުގަޔާއި، ޕޮލިހުގަޔާއި، ސިފައިންގޭގައި އަރާމުގައި ރައްޔިތުންގެ ލާރިން ދިރިއުޅެނީ. އަނެއް ބަޔަކު އެލާރިން 5 ސްޓަރ ހޮޓާތަކުގައި ޔޫރޮޕުގައި. ދިސް ކަންޓްރީ އިޒް އަ ޖޯކް.
ހަސަނު1
06 October 2020
ޖަލު ހުކުމަކީ މިރާއްޖޭގައި އިތުބާރު ހިފޭއެއްޗެއް ނޫން.. އަހަރެން ކުރިން ހީކުރީ ސުޕްރީމް ކޯޓުން ކަމެއް ނިންމީމައި އެނިމުނީ ކަމަށް.. އެހެން ނޫން މިގައުމު ހިނގަނީކީ.. އުމުރަށް ޖަލައް ލިޔަސް ސަރުކާރު ބަދަލުވީމައި ހުކުމް ބަދަލުވާ އުސޫލު މިއޮންނަނީ... އަހަރެން ބުނާނީ ތި ހުކުމަކީ އަދީބު ދޫކުރަން ރާވައިގެން އަދި ލާރިކޮޅުވެސް އަތުނުވާނޭ ގޮތަށް ކޮށްފައި އޮތް ހުކުމެކޭ.. އެއީ ފަރުދާގެ ފުރަގަހުގައި އޮތް ހަގީގީ ޑީލަކީ..
ޜަސްގެފާނު
07 October 2020
އަދީބުވަނީ މި ސަރުކާރަށް އެލާރިކޮޅު ދީފަކަމަށް ވަނީ. ދެން ކި ހިނެއް މި ސަރުކާރުން އެ ލާރިކޮޅު ހޯދާނީ
ކިޔުންތެރި7
06 October 2020
މިއީ އަޑިނޭނގޭ ބޮޑުކަނޑެއްގެ ވާ ހަކައެއް
ސަރީފު
06 October 2020
އެމްޑީޕީ ކުދިން ބާރަށް އަށް ޖަހާ...އެހެންބުނާއިރު މަވެސް އެމްޑީޕީ.ލޮލް/ 1.2ބިލިއަން ނެގީމާވެސް ދެ މިލިއަން ރުފިޔާއިން ޖޫރިމާ...ޔާމީނު އެކައުންޓަށް އަދީބު 1 މިލިއަން ލީމާ ޔާމީނު 5 މިލިއަނުން ޖޫރިމަނާކޮއްފައި 5އަހަރު ޖަލު ހުކުމެއް....މީއަށް ކިޔަނީ ކޮން ކަަހަލަ އިންސާފެއްބާ...މީ ހަމަ ހުސް ޑީލް..
ލުތުފީ
06 October 2020
އެފައިސާ ލިބުނު މީހުން އަތުން އަތުލަންޖެހޭނީ.
ދުން ތަރި
06 October 2020
ޑީލް ޙުކުމް ތި ޝަރުޢީ ޙުކުމެއްނޫން އެމްޑިޕީސަރުކާރާ ޑީލް ހަދައިގެން އަދީބު މިނިވަންކުރަން ޖެހި މަޅިއެއް ކޮބާ ދައުލަތަށްވީޚިޔާނާތް ކޮބާ ޚިޔާނާތްތެރިވި ފައިސާ ކާކު އެ ފައިސާ ދައުލަތަށް ދައްކަނީ ކޮބާ ނަނީލޯންޑަރިން 02 މައެްސަލަ ޖުރުމަނާއަކީ ވަކިކަމެއް ޚިޔާނާތްތެރިވިފައިސާ ދައުލަތަށް ދައްކަންޖެހޭ ޔާމީން މަނީލޯންޑަރިންނޭ ކިޔާފަ 5މިލިއަން ޖުރުމަނާ 5 އަހަރުގެޖަލުޙުކުމް ވަރަށްސަޅި ޤާޟީލައްވާ އިޢުލާނުކުރީ އެމްޑީޕީސަރުކާރުގެނިންމުން އެއީޝަރުޢީޙުކުމެއްނޫން
އަބްދުއްالله
06 October 2020
މި ކުށްވެރިޔާ ޖަލު ޔުނިފޯމު ނާޅަނީ ކީއްވެގެން؟
އަލިހޮއްކ
06 October 2020
ރައްޔިތުންގެ ކަމައްބުނާ ފަޅުރައްތަކާއި ފަރުތަކާ ނުއަގުގަ ވިއްކާލާ އެތައް ބަޔަކައް ބައިއަޅައިގެން އެތައް މިލިޔަންޑޮލަރެއްގެ ވައކަމާ ޙިޔާނާތާ މަގާމްގެ ނުފޫޒް ބޭނުން ކުރީމަވެސް 20 އަހަރުގެ ޖަލު ހުކުމަކާއި އެންމެ 2މިލިޔަން ރުފިޔާއިން ޖޫރިމަނާކޮއް މިކަމުގެ ބައިވެރިވި ދުއިސައްތަ އައްވުރެ ގިނަ މީހުންނާއި ދޭތެރޭގަ ސަރިޔަތެއް ނުކޮއް ދޫކޮއްމިލަނީ މަގާމުގެ ނުފޫޒް ބޭނުން ނުކުރާތީތޯއެވެ މިނުވޭތޯ ނުފޫޒް ފޯރުވުމަކައް ނަންވާނީ ސަދޫމް
Ali Gasim
06 October 2020
ދެން އަންނަ ސަރުކާރަކުންވެސް ޑިލެއް ހަދައިގެން މީނާއަށް ވާނެ ހުކުމެއްކުރަން އޭރުން އަދުލުއިންސާފު ގާއިމުވާނީ ދެންވެސް ވެރިކަމަށް އަންނަންޏާ ކޮންމެވެސް އަދުލުއިންސާފު ވިއްކާތީ 'އިންސާފުގެ މަގަށް އިނގޭ
ދުންދަނޑި
06 October 2020
މާލޭ ކޮންމެވެސް މީހަކު ބޮޑު ޖަރީމާއެއް ހިންގައިގެން އެވާހަކަ ނޫހުގަ ނުޖަހާ ދުވަސްވަރެއް ނާދެއޭ ރާއްޖޭގަ ނޫސް ޗާޕުކުރަންފެށިފަހުން. މިހެން އަތުޖެހިފަ ހުންނާނީވެސް ހާހަކުން އެކަކުކަންނެ، އެކަމަކު ކުށްކުރަނީ އުތުރުމީހުނޭކިޔާފަ އަޑުއަރުވާފަ އޮންނަނީ ކާއްޓެއް ވަގަށްނެގި މައްސަލައެއް ދައްކާފަ.
އަންދަނޑި
06 October 2020
ރަށްރަށު މީހުންގެ މައްޗަށް ކުރާ ދައުވާތައް އެއްކޮށްލާފަ ކޯޓްތަކުގައި ކޮންމެ ދުވަހަކު އޮންނަ މައްސަލަތައް އެއްކޮށް ބަލާލާފަ ހިސާބު ޖަހާލަބަލަ މާލެ މީހުންކޮޅަށްތޯ ބަރުވަނީ ބަލާލަން.
އަރުވާލި އާދަނުގެ ސިޔާސީ ހާސަރު
06 October 2020
7 ފެބް 2012 އަކީ މޯކޮމް ތެލުގެ(ވަގު) ވިޔަފާރި ރިޕޯޓް ނެރެ ހާމަ ކުރަން އޮތްދުވަސް. 5 އޮކް 2020 އަދީބުގެ އިއުތިރާފް ބަޔާން ތަކުގައި މޯކޮމް ތެލުގެ (ވަގު) ވިޔަފާރީގެ ނަން ތަށް ހިމެނިއްޖެ ނަމަ. 7 ފެބް 2012 ތަކުރާރު ކުރާނަންތޯ. ތަކުރާރު ކުރެވޭނެބާ ؟ނޫނީ އެއްކަމެއް ތަފާތު ގޮތަކަށް ތަކުރާރު ވެދާނެބާ ؟ 1-މަގެދީނޭ 2-މަގެގައުމޭ 3-އިންޑިއާ އައުޓޭ މީ ދެއްތޮ ތީމް ސޯންގް އަކީ.
ލުތުފީ
06 October 2020
ހުސް ޕޮލިޓިކްސް. ވައްކަން ކުރިމީހުނާއި ފައިސާ ލިބުނު މީހުނާއި، މާސްޓަރމައިންޑް ވެސް އެންމެނަށް އެގޭ. ދައުލަތުގެ މަތިފަޑި އެއްކޮށް ކަރަޕްޓްވީމަ، ކަންކަން އިސްލާހު ނުވާނެ.
ބޮޑުވަޒީރު އާދަނު
07 October 2020
މޮޅު ނަމެއްޖަ ހާފަ ކޮމެންޓް ކުރިޔަސް ތި ނުވިކޭނެ މި ހާރު