މެމްބަރު އިކްރާމް: ސާމްޕަލް ނަގާ މީހަކަށް ހަމަލާދިން ކަމަށް ކުރާ ތުހުމަތު އޭނާ ދޮގު ކުރައްވާ -- ފޮޓޯ/މަޖިލިސް
10 އޮކްޓޯބަރ 2020 - 12:14
50 comments
ކޮވިޑް-19 އަށް ޓެސްޓް ކުރަން ސާމްޕަލް ނަގާ އަންހެނަކަށް ރައްޔިިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަން ހަމަލާދިން ކަމަށް ބުނާ ވާހަކަ އޭނާ ދޮގު ކުރައްވައިފި އެވެ.
އެމްޑީޕީއަށް ނިސްބަތްވާ މެމްބަރު އިކްރާމް މާފަންނު މަދަރުސާގައި ކޮވިޑް-19 ޓެސްޓް ކުރަން ސާމްޕަލް ނަގާ މީހަކަށް ހަމަލާދިން ކަމަށް ބުނެ ސޯޝަލް މީޑިއާގައި އޭނާއަށް ފާޑު ކިޔުން ވަނީ އަމާޒުވެފަ އެވެ. އަދި އެ މައްސަލަ މިހާރު ފުލުހުން ވެސް ދަނީ ބަލަމުންނެވެ.
އެކަމާ ގުޅިގެން އިކްރާމް ފޭސްބުކްގައި ކުރެއްވި ޕޯސްޓެއްގައިވަނީ ސާމްޕަލް ނެގި މީހާއަށް އޭނާ ހަމަލާ ދީފައި ނުވާނެ ކަމަށެވެ. އެކަމަކު ސާމްޕަލް ނަގަން އުޅުނު ގޮތުން ތަދުވެގެން އެ މީހާގެ އަތް ދުރުކޮށްލައި، އެއީ ކޮން ނަމެއް ކިޔާ މީހެއްތޯ ސުވާލު ކުރެއްވި ކަމަށް އޭނާ ލިޔުއްވާފައިވެ އެވެ. އަދި އެހާ އަނިޔާވެރިކޮށް ސާމްޕަލް ނަގަން މީހުން ބައިތިއްބައިގެން ނުވާނެ ކަމަށް ވެސް ވިދާޅުވެފައިވާނެ ކަމަށާއި އެކަމަކު ހަމަލާ ދީފައި ނުވާނެ ކަމަށް އިކްރާމް ލިޔުއްވާފައިވެ އެވެ.
"މިއަށް ވުރެ ބޮޑު ކަމެއް ނުހިނގާ." އޭނާ ލިޔުއްވާފައިވެ އެވެ.
އިކްރާމް ލިޔުއްވާފައިވާ ގޮތުން އެތަނުގައި ހުރި ސީސީޓީވީ ކެމެރާއިން ބެލިޔަސް، އެކަމުގެ ހަގީގަތް ސާފުވާނެ އެވެ. އަދި ސާމްޕަލް ނަގަން ޖެހޭނީ އޯގާތެރިކަމާ އެކު ކަމަށާއި އޭގެކުރިން އޭނާ އެހެން ތަނަކުން ކޮވިޑް-19 އަށް ޓެސްޓް ކުރެއްވި ކަމަށާއި އޭރު ސާމްޕަލް ނެގީ ވަރަށް ރަނގަޅަށް ކަމަށް އޭނާ ވެސް ލިޔުއްވާފައިވެ އެވެ.
މީގެ އިތުރުން މިހާތަނަށް ވެސް މާރާމާރީގެ ރެކޯޑެއް އޭނާ ނޯންނާނެ ކަމަށް އޭނާ ލިޔުއްވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާޖާ
11 October 2020
ތިމާ ވަރު މީހަކުނެތް ކަމަށް ހަމަ ހައްޕުނޑޭތީ
ޢެމް.ޕީ
11 October 2020
ތިވަރު މީހަ ކަށް ރައްޔިތުންގެ ތަދާ ވޭނެއް އިހްސާސެއް ނުވާނެ
އެޑްމުންޑޯ
11 October 2020
ވޯޓްދިން މީހުން ވޯތްދިނީ ރަގަޅަށް މީހާ ގަމާރުވުމަކީ ވޯޓް ދިންމީހުންގެ ގަމާރުކަމެއްނޫން ، އޭގެ މިސާލެއް މަސްވެރިންނަށް ހަމަ އަގުހޯދާދީ ޖީބަށް ޑޮލަރ އަޅާދޭން ބުނެގެން ވޯޓްދިން މަސްވެރިންނަށް މިސަރުކާރުން ހަދަމުންދާ ގޮތް ، 20 ރ އިން 16 އަށް ތިރިވީ ، ދެން ނެކްސްޓް ހަފްތާގައި 13 ށް ތިރިވެ ހަމަ އަގުލިބިގެންދާނެ ،
ބިލްބޯޑު
11 October 2020
މީ ކޮން ގަމާރުންތަކެއް ވޯޓު ދީގެން ހޮވާފަ ހުރި މީހެއްތަ؟
އަލީ ވަހީދު
11 October 2020
އިއްޒަތްތެރިޔާ ނަންއަހާލީމަ އެކުއްޖާއޮތީހުމާ .ހުސްފަޑުއްކަ މާއިއްޒަތްވެގެން
ރައްޔެތު.
11 October 2020
ލޭނަގާ ނަރުސް ކުއްޖާގެ ނަމްބަރާ އެޑްރެސްވެސް އަހަން ފެނޭ. ލޭނެގި އިރު ތަދުވީމަ ިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިި
ލުތުފީ
11 October 2020
ސާމްޕަލް ނަގާއިރު ކޮންމެވެސް ވަރަކަށް ތަދުވެދާނެ. އެކިމީހުންގެ ނޭފަތުގެ އެތެރޭގެ ހޮއެހުންނާނީ އެކިވަރަށް. އިއްޒަތް މާބޮޑުވީ އުތަ!
ހަނދު
11 October 2020
އަނިޔާވެރިވިނަމަ އަނިޔާވެގެން ހޮސްޕިޓަލްގައި ފަރުވާދޭނެ.
ފައިސާ
11 October 2020
މާބަނޑު އަންހެނުން ދަރިއަކު ދުނިޔެއަށް ގެންނަންވެސް ވަރަށްގިނަ ތަދުތަކާއި ވޭންއުފުލާ. އެކަމަކު އެހެން މީހުންނަކަށް އަނިޔާވެރި ވާތަނެއް ނުފެނޭ.
ނަންނުބުނ
11 October 2020
މީނާ އެބަ ބުނޭ އެހެންތަނަކުން ވެސް ކޮވިޑަށް ޓެސްޓް ކުރިޔޭ. އަޅެ އެއީ ތެދެއްތޯ ބަލާ ދީބަލަ. މިމަޖްލިސް މެންބަރުން މީހަކު ކުއްވެރި ކުރަން ކޮންމެފަދަ ވާހަކައެއްވެސް ބުނެފާނެ