އިންޑިއާގެ ފޮރިން ސެކްރެޓަރީ ވަރުދަން (ކ)އާއި ޑރ. ވަހީދު ވާހަކަ ދައްކަވަނީ: އެ ބައްދަލުވުމުގައި ޕީޕީއެމް ކޯލިޝަންގެ އެހެން އިސް ބޭފުޅުން ވެސް ވަޑައިގެންނެވި
10 ނޮވެމްބަރ 2020 - 19:19
34 comments
ޖަލު ހުކުމެއްގައި ހުންނެވި ކުރީގެ ރައީސް އަބްދުﷲ ޔާމީނަށް މި ސަރުކާރުން އަނިޔާ ކުރަމުންދާ ކަމަށް ބުނެ އެ ކަންބޮޑުވުންތައް އިންޑިއާގެ ފޮރިން ސެކްރެޓަރީ ހަރްޝް ވަރްދަންއާ، އިދިކޮޅުން މިއަދު ހިއްސާކޮށްފި އެވެ.
ކުރީގެ ރައީސް އަދި ޕީޕީއެމްގެ ސްޕެޝަލް އެޑްވައިޒަރު ޑރ. މުހައްމަދު ވަހީދު އިސްކޮށް ހުންނަވައިގެން ޕީޕީއެމް/ޕީއެންސީ ކޯލިޝަނުގެ ޓީމެއް މިއަދު ވަނީ ވަރްދަންއާ ބައްދަލުކޮށްފަ އެވެ. މާލޭގައި ހުންނަ އިންޑިއަން ހައި ކޮމިޝަންގައި ބޭއްވި އެ ބައްދަލުވުމުގައި ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދާއި ޕާޓީގެ އެހެން އިސް ބޭފުޅުން ވެސް ބައިވެރިވަޑައިގަތެވެ.
ރަސްމީ ދަތުރެއްގައި ރާއްޖެ ވަޑައިގެން އުޅުއްވާ ފޮރިން ސެކްރެޓަރީއާ އެކު ބޭއްވި އެ ބައްދަލުވުމުގައި އިދިކޮޅުގެ އެންމެ ބޮޑު ކަންބޮޑުވުމެއްގެ ގޮތުގައި ހިއްސާކުރީ ޕީޕިއެމްގެ ރައީސް ޔާމީން ޖަލުގައި ހުންނެވުމެވެ. މަނީ ލޯންޑަރިންގެ ތުހުމަތުގައި އެ މަނިކުފާނު ޖަލުގައި ހުންނަވާތާ މި މަހު އަހަރެއް ފުރޭއިރު، ސަރުކާރުން އެ މައްސަލައިގައި އަމަލު ކުރައްވަނީ ވަރަށް ނާއިންސާފުން ކަމަށާއި އެ މަނިކުފާނުގެ މައްޗަށް ކުރެއްވީ ގާނޫނީ ގޮތުން ފުށޫއަރާ ޝަރީއަތެއް ކަމަށް ވެސް އެ ބޭފުޅުން ވިދާޅުވި އެވެ.
އޭގެ އިތުރުން ޝަރުއީ ދާއިރާއަށް ސަރުކާރުން ނުފޫޒު ފޯރުވަމުން އަންނަ ކަމަށާއި ޖުޑިޝަލް ސާވިލް ކޮމިޝަންގެ ނުފޫޒު، އެ ދާއިރާގައި ބޮޑުކަމަށް ވިދާޅުވި އެވެ.
"ރައީސް ޔާމީން އަކީ ރާއްޖޭގެ ގިނަ ބައެއްގެ ތާއީދު އޮތް ލީޑަރެއް. އެހެންވެ، އެ މަނިކުފާނު ޖަލުގައި ހައްޔަރުކޮށްގެން ސަރުކާރުން އަމަލު ކުރަމުން ދާ ގޮތާއި ދޭ އަނިޔާގެ ސަބަބުން، ސަރުކާރުން ޑިމޮކްރަސީއަށް އިހުތިރާމް ނެތްކަން ދޭހަވާ ކަމަށް އެ ބޭފުޅުން ވިދާޅުވެފައިވޭ،" ޕީޕީއެމްގެ މީޑިއާ އޮފިޝަލަކު ވިދާޅުވި އެވެ.
އިންޑިއާގެ ފޮރިން ސެކްރެޓަރިއާ ޕީޕީއެމުން ބައްދަލުކުރިއިރު، މި ސަރުކާރުން ރާއްޖޭގެ މިނިވަންކަމާއި ސިޔާދަތަށް ގެއްލުންވާ މިންވަރަށް އިންޑިއާއާ ގާތް ގުޅުމެއް ބާއްވާތީ އިދިކޮޅުން ދަނީ ފާޑުކިޔަމުންނެވެ. އިންޑިއާ ސިފައިން ރާއްޖޭގައި ތިބުމާ ދެކޮޅު ހަދައި، އެކި މަޝްރޫއުތަކުގައި އިންޑިއާ އަށް ބަރޯސާވުމަކީ ވެސް އިދިކޮޅުގެ ހިތްހަމަނުޖެހުމެވެ.
ޕީޕީއެމްގެ ވެރިކަމުގައި، ޚާރިޖީ ސިޔާސަތު ޗައިނާކޮޅަށް ބުރަވެ، އިންޑިއާއާ އޮތް ގުޅުން ވަރަށް ބޮޑަށް ހީނަރުވި އެވެ. މި ވެރިކަމުގައި ޗައިނާ އަށް ވުރެން ގާތްކޮށްފައި ވަނީ އިންޑިއާއެވެ.
އިންޑިއާގެ ފޮރިން ސެކްރެޓަރީ ރާއްޖެ ވަޑައިގަތީ ރާއްޖޭގެ ފޮރިން ސެކްރެޓަރީ އަބްދުލްޣަފޫރު މުހައްމަދުގެ ދައުވަތަކަށެވެ. މި ދަތުރުގައި އިންޑިއާގެ އެހީގައި ރާއްޖޭގައި ކުރިއަށްދާ ޕްރޮޖެކްޓްތަކާ ބެހޭ ގޮތުންނާއި މިދިޔަ ޑިސެމްބަރު މަހު ނިއު ދިއްލީގައި ބޭއްވި ޖޮއިންޓް ކޮމިޝަން ބައްދަލުވުމުގެ ނިންމުންތަކާ ބެހޭ ގޮތުން ފޮރިން ސެކެޓްރީއާ މަޝްވަރާކުރައްވާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަހުމަދު
11 November 2020
ސަޕޯރޓް އޮތަސް އަދި ނެތަސް ރައީސެއްވިޔަސް ނުވިޔަސް ކުށެއްކޮށްފިއްޔާމުން އެއަށް ހައްޤުއަދަބުދޭންޖެހޭނެ އެއަކަށް ލުއިދެވިގެން ނުވާނެ ވަކިމީހަކަށް ވީތި ލުއިދެންޏާ އެންމެނަށްވެސް ދޭންޖެހޭނެ. އެހެންނޫންނަމަ އިސްލާމްދުނުގައި އެކަންއެގޮތަށް ކުރުމަށް އޮންނާނެ އަންގާވަފައި ، މިހެންމިބުނީ މީ100އިން100 އިސްލާމީޤައުމަކެ ބުނާތީ.
އަލްޖިބްރާ
11 November 2020
ލަދުހަޔާތަކީ ކޮބައިކަން މި އިދިކޮޅޭ ކިޔާ ބައިގަޑަށް އެގޭބާ ؟ އިންޑިއާ އައުޓޭ ގޮވަމުން އަދިވެސް އިންޑިއާގެ ބޮޑުން ގާތަށް ދިޔައިމާ އަމިއްލަސޯޓް ބޭލުނީކަމެއްވެސް މިމީހުނަށް ނޭގޭ ! ގަމާރުކަންވެސް އިންތިހާ !
އާންސީސް
11 November 2020
މިހާރު ސިކުޑި ހުރި މީހަކަށް ވި އްޔާ ވިސްނޭނެ " އިންޑިޔާ އައ އުޓް" ކެންޕޭނަކީ މިމީހުން ޖަ އްސާ ފޭކެ އް ކަން.
އިބްރ
11 November 2020
އިންޑިޔާ އައުޓް. މި ވެރިކަން ވެއްޓިއްޖެނަމަ އިންޑިޔާއިން ރާއްޖެ ހިފުމަށް އެމްޑީޕީން ގޮވާނެކަން ގާތްގަނޑަކަށް ކަށަވަރުވޭ. ޔައުނީ 2018ގައިވެސް އެމްޑީޕީގެ އިސްވެރިން ވަނީ ރާއްޖެ ހިފުމަށް އިންޑިޔާގެ ކިބައިން އެދިފައި. އަދި އިންޑިޔާއިންވެސް ރާއްޖެ ހިފުމަށް މަޝްވަރާކުރިކަމަށް އެމެރިކާއިންވަނީ ބުނެފައި.
ވަތަން އިސްކުރަންޖެ
11 November 2020
މިމީހުން ވެރިކަމުގަ އިންޑިއާ އެކަހިރިކޮށް ބާކީ ކޮށް ޗައިނާ ގާތް ކުރީ، ޔާމިން ވެރިކަން ގެއްލުނީމައި އެ ގޮވަނީ އިންޑިއާ އައުޓް، މިހާރު އެހީތެރިކަމަށް އެދި އާދޭސް ކުރަނީ އިންޑިއާގެ ފޮރިންސެކްޓެރީ ކައިރީގައި.
ފުރަތަ ޤައުމު
11 November 2020
ދިވެހިންގެ ކަންކަމަށް ބޭރުމީހުން (ޚާއްސަ ކޮށް އިންޑިއާ) ނުބައްސާ ށޭ ކިޔާފައި ތި ހަނދަނީ ކިހިނެއް ހޭ؟
ހާމިދު ޝާހިދު
11 November 2020
ޔާމީން ސަރުކާރުގައިވެސް އިންޑިއާއާ ގުޅުން ބަދަހި ކުރަން މަސައްކަތްކުރި. އެމަނިކުފާނު ފުރަތަމަ ރާއްޖޭން ބޭރަށް ކުރެއްވި ދަތުރުފުޅުގައިވެސް ވަޑައިގަތީ އިންޑިއާއަށް. ވީއިރު ކީއްވެ ޗައިނާއަށް ބަރޯސާވާވާހަކަ ދައްކަނީ. އިންޑިއާއިން ލިބެން ހުރި އެހީތަކާއި އެއްބާރުލުމަށް އެ ސަރުކާރުންވެސް މަރުހަބާކީ، އެކަމަކު އެމީހުން ސަރުކާރާ ދެކޮޅަށް މަސައްކަތްކުރީ -- ޗައިނާގެ ޕްރޮޖެކްޓްތަކެއް އަތުފަތު ނޭޅޭވަރަށް ލިބޭތީ ހަސަދަވެގެން. އިންޑިއާ ބްރިޖް އެޅޭނެބާ 2023 ހަށް
އެމްޑީޕީމީހާ
11 November 2020
އިންޑިޔާގެ އަސްކަރީ ޕްލޭނައް ހަދާ ތަންތަނައް ލޯންނަގާފަ ދިވެހި ސަރުކާރުން ދައްކަން ޖެހެނީ.
ހައްގުބަސް
11 November 2020
ރައްޖެ ތަރައްގީ ވާއިރައް ގޮނޑިކޮއްކޮއް ސަރުކާރެއް ރާއްޖޭގަ ގާއިމްކޮއް މުޅި ނިޒާމް އެއްފުޝުން އަނެއްފުޝައް މިޖަހަލަނީ. އެމްޑީޕީ ސަރުކާރުން. ރާއްޖެ ތަރައްގީ ނުވަނީވެސް އިންޑިޔާގެ ސަބަބުން.
ވަތަން އިސްކުރަންޖެހޭ
11 November 2020
ބަޔަކާ ބައަދަލުކުރުމަކީ މަސްސަލޭއްނުން. މަސްސަލައަކީ ރައްޖެއަ ދަތިކުރަން ގޮވުން. ހަމަ ގައިމުވެސް ޕީޕީއެމް އެފަދަ ކަމެއް ނުކުރާނެ. އެމްޑީޕީ ކަހަލަ ފީކަޅާ ޤައުމުދެކެ ލޯބިނުވާ ބައެއްނުން ޕީޕީއެމްއަކީ
މަންޑޭލާ
11 November 2020
މިސަރުކަރުން ރިޒާވްގަ ހުރި 800މިލިޔަން ޑޮލަރު ހުސްކޮއްލީ. އެއާޕޯޓްގެ ރިޒާވްގަ ބަހައްޓާފަ ހުރި 200މިލިޔަން ޑޮލަރުވެސް ހުސްކޮއްލީ. ކޮވިޑައް ލިބުނު 2ބިލިޔަން ރުފިޔާގެ ލޯންވެސް ދިރުވާލީ. ދެން ކޮންބައެއްތަ ވައްކަން މިކުރަނީ މިހާރު. ސަރުކާރުގެ ކުންފުނިތަކުގެ ހިސްސާ ނުއަގުގަ ވިއްކާލަން ރެޑީވަނީ.މިހާރު