ފެލިވަރުގައި މަސްވެރިން ކުރަމުންދިޔަ މުޒާހަރާގެ ތެރެއިން-- ފޮޓޯ: ޓުވިޓާ
22 ޑިސެމްބަރ 2020 - 20:11
48 comments
ޅ. ފެލިވަރުގައި މުޒާހަރާ ކުރަމުން ދިޔަ މަސްވެރިން، އެ މީހުންގެ ކަންބޮޑުވުންތައް ފިޝަރީޒް މިނިސްޓަރު ޒަހާ ވަހީދު އާއި މިފްކޯގެ ވެރިންނާ ހިއްސާކޮށްފި އެވެ.
ފެލިވަރުގައި މަސްވެރިންގެ މުޒާހަރާ ފެށުނީ މިއަދު ހެނދުނު 9:00 ހާއިރު އެވެ. ވިއްސަކަށް މަސްދޯނި އެ ރަށަށް ގޮސް ފަޅު ތެރޭ އޮވެ މުޒާހަރާކޮށް، މަސްވެރިކަމުގެ ދާއިރާގައި ހުރި ކަންބޮޑުވުންތަކާ ގުޅޭ ގޮތުން އަޑު އުފުލަމުން ދިޔަ އެވެ.
އެވަގުތު ދޯނިތަކުގައި ތިބި މީހުން ފެލިވަރަށް ފޭބިޔަ ނުދިނުމަށް ފުލުހުންގެ ޓީމްތައް އެ ރަށު ބަނދަރުމަތީގައި ހަރަކާތްތެރިވަމުންދިޔަ އެވެ. ނަމަވެސް ފަހުން މުޒާހަރާގެ ބައިވެރިން ވަނީ ފުލުހުންގެ ސަފުތައް ފަޅާލައި، ރަށު ތެރެއަށް ވަދެ، ފެލިވަރު އޮފީސް ކުރިމަތީގައި ވެސް މުޒާހަރާކޮށްފަ އެވެ.
މަސްވެރިންގެ މައިގަނޑު ކަންބޮޑުވުމަކީ މަހުގެ އަގު ދަށްވުމާއި މަސް ނުކިރޭ މައްސަލަ އެވެ. އެހެންކަމުން މަހުގެ އަގު 20ރ. އަށް ވުރެ ދަށް ނުވާނެ ގޮތަކަށް ބެހެއްޓުމަށާއި، ފެލިވަރުން ލުއި ފަސޭހަކޮށް އައިސް ލިބޭނެ ގޮތް ހަމަޖެއްސުމަށާއި، ދުވަހުން ދުވަހަށް މަސް ކިރޭނެ އިންތިޒާމް ހަމަޖެއްސުމަށް މުޒާހަރާގެ ބައިވެރިން ދިޔައީ ޑިމާންޑް ކުރަމުންނެވެ.
އެ މުޒާހަރާގެ ބައިވެރިއަކު "މިހާރު"އާ ވާހަކަ ދައްކަމުން ބުނީ މަސްވެރިންގެ ކަންބޮޑުވުންތަކަށް ހައްލެއް ނުލިބެނީސް، މުޒާހަރާ ހުއްޓާ ނުލައި ކުރިޔަށް ގެންދާނެ ކަމަށެވެ. އަދި ދާދި ދެންމެއަކު ޒަހާ އާއި މިފްކޯގެ މެނޭޖިން ޑިރެކްޓަރު އިސްމާއިލް ފައުޒީއާ ފޯނުން ވާހަކަ ދެއްކުނު ކަމަށާއި އެހެން ނަމަވެސް ހިތްހަމަޖެހޭ ވަރުގެ ޖަވާބެއް އަދިވެސް ނުލިބޭ ކަމަށް އޭނާ ބުންޏެވެ.
"މިވަގުތު ނަމާދު ގަޑިއަށް މުޒާހަރާ ހުއްޓާލާފަ މިއޮތީ، އިރުކޮޅަކުން އަނެއްކާވެސް ފަށާނަން. ދެ ދުވަސް ތިން ދުވަސް ވިޔަސް މުޒާހަރާ ކުރިޔަށް ގެންދާނަން. އަޅުގަނޑުމެން ބޭނުންވޭ ރައީސް އިބްރާހިމް މުހައްމަދު ސޯލިހުއާ ވެސް ބައްދަލު ކުރަން. ޑިމާންޑުތަކަށް ހައްލެއް ނުލިބެނީސް މުޒާހަރާ ނުހުއްޓާނަން،" އޭނާ ބުންޏެވެ.
ފުލުހުން ބުނީ މިހާރު ކުރިޔަށްދާ އިހުތިޖާޖުގައި ހަމަނުޖެހުން ހިނގާފައި ނުވާ ކަމަށާއި މިހާތަނަށް އެއްވެސް މީހަކު ހައްޔަރުކޮށްފައި ވެސް ނުވާ ކަމަށެވެ. އަދި މަސްވެރިންނާ ގުޅިގެން ސުލްހަވެރިކަމާއެކު މައްސަލަތައް ހައްލު ކުރުމަށް އެހީތެރިވަމުން އަންނަ ކަމަށް ވެސް ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ީހށނ
23 December 2020
ކަމެއް ގޯހުންދަންޏާ އިހްތިޖާޖުކުރަންވީ!
ކައުންސިލަރު
23 December 2020
20ރުފިޔާއަށް ކިލޯ ގަނެގެން ފެލިވަރަކަށް ގެއްލުމެއްނުވާނެ. 180ގްރާމްގެ މަސްދަޅެއް މިލިބެނީ 14ރުފިޔާއަށް. ކިލޯއަކުން ކިތައްދަޅުމަސްހެދޭ؟؟ aހުން ރިހާކުރުހެދޭ، ފިޝްމީލްހެދޭ، ކަށީގެބައިތަކުން ގަސްކާނާ އުފެއްދޭ. 20ރުފިޔާއަށްވެސް މި އެދެނީ ކިރާ މަސްކޮޅަށް ފައިސާ ނުލިބި ދަރަނިވެރިވެ ބަނޑަށްޖެހުނީމާ. ކިރާމަހަށް ވަގުތުން ފައިސާ ދޭނަމަ މިޝަކުވާ ތަކާ މުޒާހަރާ ކުރާކަށް ނުޖެހުނީސް. މީއެންމެބޮޑު މައްސަލައަކީ. 20ރުފިޔާ ނުދެންޏާ ސޯލިހު ދޭންބުނި ހަމައަގު ދީބަލަ.
ގޯނިބޭ
23 December 2020
ޢމޑޕ އަކީ ވައުދުވެ ވައުދު ފުއްދާ ޕާޓީއެއް މަ ހީ ހީ ހަލާކު
ޑރ. ރާމީ ޙަސަން ވައިނުޖެހޭގެއާގެ
23 December 2020
މަސްވެރިން ގެ މައްސަލަ ތައް ސުލްޙަވެރި، ރިވެތި ގޮތުގައި ޙައްލު ކޮށްދެއްވޭ ފަދަ ބޭފުޅުން ޙުދު މައުމޫނު ގެ ޕާޓީ ގައިވެސް އެބަތިއްބެވިއެވެ. ނަމަވެސް، މި މަޤާމަށް މައުމޫނު ޙިޔާރު ކުރައްވާފައި ވަނީ މައުމޫނު ގެ ބައްޕަ، އަބްދުލް ޤައްޔޫމްސީދީ އަށް މުނިކާފަ ކިޔާ ޒަހާ އެވެ. މައުމޫނު ގެ ހޮވުންތައް ގޯހެކޭ ނުދައްނަވަމެވެ ! ނަމަވެސް، މަސްވެރި ކަމާއި ދަނޑުވެރިކަން އާރާސްތު ވުމުގެ ބަދަލުގައި، ބަރުބާދު ވަމުންތާ މަންޒަރު ފެންނަތާ ވަރަށް ގިނަދުވަސް ވެއްޖެކަންކަށަވަރެވެ.
ރަށްއިތުމީހާ
23 December 2020
މަސްވެރިކަމުގެ ޝިނާއަތް ތަރައްޤީ ކުރުމަށް ސައުދީ ފަންޑުން ހަމަޖެހުނު ލޯނަކީ ރައީސް އިބްރާހިމް މުހައްމަދު ޞޯލިހްގެ ސަރުކާރުގެ މަސައްކަތުން ހަމަޖެއްސި ލޯނެއް. މަސްވެރިކަމުގެ ޝިނާއަތް ތަރައްޤީ ކުރުމުގެ ވިސްނުމެއް ޕްލޭނެއް އޮތީ މިސަރުކާރުގައި , ކުރީގެ ޖަރީމާ ހިންގި ޔާމިން ސަރުކާރުން މަސްވެރިން ކަން ފުނޑާލާ " މިފްކޯ " ބޮޑުކޮށް ދަރުވާލީ!ބަޔަކު މޮލު ހޯދަން އުލޭނެ ކަމެއް ނެތް!
@ރަށް
23 December 2020
ތިޔަބުނާ މޮޅު ވިސްނުން ނުވެއް ފެނޭ ޒަހ ނިދިން ނުހޭލާ މިހަަރަނަށް އައިއިރު އޭނައަށް ކުރެވުނޫ ކޮންކަމެއްތޯ އެގްރި ވިޔަފާރި ކޮންތާކުތޯ ކުރަނީ
މޫރިޝް
23 December 2020
20 ރުފިޔާއެއް ރޯ ކިލޯއެއް މަގުން މަސް ގަނެގެން، ބެންކޮކަށް އެކްސްޕޯޓު ކުރާއިރު ހިނގާ ޚަރަދުތައް ލައިގެން ވިޔަފާރި ދެކޮޅެއް ނުޖެހޭނެއެވެ. ދެކޮޅު ޖެހޭނީ ރާއްޖޭގެމަހުން ދަޅުމަސް ނުވަތަ މަތީ އަގު ލިބޭ އުފެއްދުންތައް ރާއްޖޭގައި އުފައްދާ ރަނގަޅު އަގުލިބޭ ބާޒާރުތަކަށް ފޮނުވައިގެނެވެ. ނުއަގުގައި މަސްގަތުމަކީ ގެއްލުންހުރި ކަމެކެވެ. ކުންފުނިތަކާއި ސަރުކާރު ބަނގުރޫޓު ކުރުވާނެކަމެކެވެ. އެއީ އިންސާފުވެރިގޮތެއްނޫނެވެ. ދެމެހެއްޓެނިވި ގޮތެއްވެސް ނޫނެވެ.
މޫރިޝް
23 December 2020
ބެންކޮކުގެ ފެކްޓަރީ ތަކަށް ގަންނަ ކަޅުބިލަ މަހުގެ އަގު މަތީގައި ހުރުމަށްފަހު، މިދިޔަމަހު ދަށްވާނެ ފެށިއެވެ. މިމަހުވެސް ދިޔައީ ދަށަށެވެ. މިހާރުގެ އަގަކީ ޓަނެއް 1270 އާއި 1320 ޑޮލަރެވެ. އެއީ، ކިލޯ އަކަށް 19.58 އާއި 20.34 ރުފިޔާގެ އެވެ. ހަޅުތާލު ކުރާ މަސްވެރިން މިއްކަން ބޭނުންވާ 20 ރުފިޔާއެއް ރޯ ކިލޯއެއް މަގުން މަސް ގަނެގެން، ބެންކޮކަށް އެކްސްޕޯޓު ކުރާއިރު ހިނގާ ފިނިކުމާއި، ފުރައިޓާއި ހިންގުމުގެ ޚަރަދުތައް ލައިގެން ވިޔަފާރި ދެކޮޅެއް ނުޖެހޭނެއެވެ.
އަމާޒެއް ނެތް
23 December 2020
މިނިސްޓަރަކީ ހަރަކާތެއް ނެތް މީހެއް ކޮބައިތޯ އެގްރި ވިޔަފާރި ކޮންރަށެއްގަތޯ ފެށީ ކޮން ފަޅުރަށެއްގަތޯ ރިއްގަސް އިންދީ ކޮބައިތޯ ޖަޕާނު މީހުންނާ ގުޅިގެން މަސްގަތުން
އިބްޝާ .
23 December 2020
ކަނޑުގަ ރާޅުބޮޑުވެ ކިލަބުވެގެންވެސް މިމީހުން މުޒާހަރާކުރާނެ..
ޕްރޮފެސާރ އަދުރޭ
23 December 2020
މިދުވަސްވަރު ފެލިވަރަށް ގަންނަ މަސްކިލޯއަކަށް 20ރުފިޔާ ދިނުމަށްވުރެ ކޮންމެ މަސްވެރިޔަކަށް (މަހަށްނުފޮނުވާ) މަހަކު 15000ރުފިޔާ ދިނަސް ތިއަގުގަ މަސްގަތުމަށްވުރެ ސަރުކާރަށް ފައިދާވާނެ..