އައްޑޫން ކޮވިޑް-19 އަށް ޕޮޒިޓިވް މީހުންގެ އަދަދު 60 އަށް އަރައިފި އެވެ.
މިއަދު ހިތަދޫން ޕޮޒިޓިވް ދެ މީހުންނަކީ އޭވިއޭޝަން ސެކިއުރިޓީ ކޮމާންޑް ކްލަސްޓާ އިން ޕޮޒިޓިވް ބަޔަކާ ކޮންޓެކްޓްވެގެން ހޯމް ކަރަންޓީނުގައި ތިބި ބައެކެވެ.
އެ ދެ ކޭސްއާ އެކު އޭވިއޭޝަން ކޮމާންޑް ކްލަސްޓާ އިން ޕޮޒިޓިވް މީހުންގެ އަދަދު 35 އަށް އަރާފައިވާ އިރު، ހިތަދޫން ޕޮޒިޓިވް މީހުންގެ އަދަދަކީ މިހާރު 22 އެވެ. މި ކްލަސްޓާ އިން ދެން ޕޮޒިޓިވްް މީހުންގެ ތެރޭގައި ހިމެނެނީ ފޭދޫން 9 މީހަކާއި މަރަދޫފޭދޫން 4 މީހެކެވެ. އޭވިއޭޝަން ކޮމާންޑް ކްލަސްޓާ އިން ޕޮޒިޓިވްވި އެންމެންނަކީ ވެސް ދިވެހިންނެވެ.
އައްޑޫގެ ދެވަނަ ކްލަސްޓާ އަކީ ހުޅުމީދޫން ބިދޭސީންތަކެއް ޕޮޒިޓިވްވި އެމްޓީސީސީ ކްލަސްޓާ އެވެ. އެ ކްލަސްޓާގެ ކޭސްތަކުގެ އަދަދަކީ 25 އެވެ.
އައްޑޫން ކޮވިޑަށް ޕޮޒިޓިވް މީހުންގެ ތެރެއިން 4 މީހަކު އެޑްމިޓްކޮށް ހޮސްޕިޓަލްގައި އަންނަނީ ފަރުވާ ދެމުންނެވެ. އެއީ ތިން ދިވެހިންނާއި ބިދޭސީއެކެވެ.
އައްޑޫގައި މިހާރު ކޮމިއުނިޓީ ސްޕްރެޑެއް ވެސް އޮތް ކަމަށް ބެލެވޭތީ މިއަދު ވަނީ ރޭންޑަމް ސާމްޕަލް ވެސް ނަގަން ފަށައިފަ އެވެ. އެ މަސައްކަތް ހަވީރު 6:00 އާ ހަމައަށް ކުރިއަށް ދާނެ އެވެ.
މި ވަގުތު އައްޑޫ އޮތީ މޮނިޓަރިންގެ ހާލަތުގަ އެވެ.
