ޚަބަރު / އެޗުއީއޯސީ

ކޮވިޑުުގެ ހާލަތު ގޯސް؛ ޕޮޒިޓިވްކަން ސިއްރުކޮށް އާއްމުންގެ ތެރެއަށް ނުނިކުމޭ!

ވޭރިއެންޓާ އެކު ކޮވިޑް ފެތުރުން ފަސް ގުނަ ހަލުވިވެ ޖެނުއަރީން ފެށިގެން ޕޮޒިޓިވް ރޭޓް ދަށެއް ނުވޭ. ހަރުކަށިކުރި ފިޔަވަޅުތަކުން ނަތީޖާއެއް ނުފެނޭ. އެކަމަކު ބައްޔާ މެދު ސީރިއަސްކަމެއް ނެތް!

ސޯޝަލް ސެންޓަރުގައި ވެކްސިން ދިނުން ކުރިއަށް ގެންދަނީ: ރާއްޖޭގައި ޕޮޒިޓިވް ރޭޓް މިދިޔަ މަހުން ފެށިގެން ދަށެއް ނުވޭ.-- ފޮޓޯ: ނިޝަން އަލީ/ މިހާރު

ފަޒީނާ އަހުމަދު، މިހާރު

21 ފެބުރުއަރީ 2021 - 12:27

24 comments

ކޮވިޑުގައި އިއްޔެ 12 ގަޑިއިރު ތެރޭގައި ރާއްޖެ އިން ދެ މީހަކު މަރުވެއްޖެ އެވެ. މިދިޔަ މަހުން ފެށިގެން ކޮންމެ ދުވަހަކު ބައްޔަށް ޕޮޒިޓިވްވާ މީހުންގެ އަދަދު އުޅެނީ 100 އިން މަތީގަ އެވެ. ރައްކާތެރިކަމަށް އެޅި ފިޔަވަޅުތަކުން އަދި ނަތީޖާއެއް ނުފެނެ އެވެ. ކާފިއު ގަޑީގައި މަގުތަކާއި ހޮޓާ/ރެސްޓޯރަންޓްތައް އޮންނަނީ ފުރިފަ އެވެ. ބަލިޖެހިފައި ތިބިކަން ނުވަތަ ކޮންޓެކްޓްވިކަން ސިއްރުކޮށް އޮފީސްތަކަށާއި ވެކްސިން ކިޔޫއަށް ވެސް ދަނީ އެވެ. މިއީ، އެތައް ބަޔަކު ނުރައްކަލަށް ހުށަހެޅުމެވެ. ބަލި ކޮންޓްރޯލްކުރަން ހުރަސްއެޅުމެވެ!

ބަލީގެ ހާލަތު ރާއްޖޭގައި ނުރައްކާކަން ސިފަކުރައްވަމުން ޑރ. ނަޒްލާ މުސްތޮފާ ރޭ ވެސް ތަކުރާރުކޮށް އެދިވަޑައިގަތީ ބައްޔާ މެދު ސީރިއަސްވުމަށެވެ. އޭނާގެ ކަންބޮޑުވުމަކީ ކިތަންމެ ހަރުކަށި ފިޔަވަޅުތަކެއް އެޅިޔަސް ނަތީޖާ ނުފެންނަ ކަމެވެ. އެތައް ބަޔަކު ބައްޔަށް ހުށަހެޅި، ކާވް ދަށް ނުވާތީ ސިއްހީ މާހިރުންނަށް ބުރަބޮޑުވެފައި ތިބި ކަމެވެ.

ރާއްޖޭގައި މިދިޔަ ޖެނުއަރީ މަހުން ފެށިގެން ބަލި ޖެހޭ މީހުންގެ އަދަދު އިތުރުވީ ކޮވިޑުގެ ވޭރިއަންޓާ ހެދި އެވެ. އެކަކުގެ ފަރާތުން ފަސް މީހުންނަށް ބަލި ފެތުރޭ މި ވޭރިއަންޓާ ހެދި މިދިޔަ މަހުން ފެށިގެން ކޮންމެ ދުވަހަކު ޕޮޒިޓިވްވާ މީހުންގެ އަދަދު އުޅެނީ 100 އިން މަތީގަ އެވެ. ރާއްޖެ އިން އިއްޔެ ވެސް 145 މީހަކު ޕޮޒިޓިވްވި އެވެ.

ކޮވިޑުގައި ރާއްޖެ އޮތް ހާލަތާ ގުޅޭ ގޮތުން ޑރ. ނަޒްލާ ނޫސްވެރިންނާ ވާހަކަ ދައްކަވަނީ.

ނަޒްލާ ވިދާޅުވި ގޮތުގައި މި މަހުގެ ތިން ވަނަ ދުވަހުން ފެށިގެން ކާފިއު އިއުލާންކޮށް، މި މަހުގެ 12 އިން ފެށިގެން ރޭގަނޑު އަށެއްގެ ފަހުން ވެހިކަލް ދުއްވުން މަނާކުރިތާ އަށް ދުވަސް ވި އިރު ވެސް ބަދަލެއް ނުފެނެ އެވެ. އެކަމަކު އުއްމީދުކުރީ އެޅި ފިޔަވަޅުތަކާ އެކު 14 ދުވަސް ތެރޭގައި، ބަލިޖެހޭ ރޭޓް ދަށަށް ދާނެ ކަމަށެވެ.

މިހާރު މިއޮތީ ވަރަށް ކްރިޓިކަލް ހާލަތަކަށް އައިސްފައި. ޕޮޒިޓިވްވާ ރޭޓް މިގޮތަށް ދަންޏާ އިތުރު މަރުތައް އައުމުގެ ފުރުސަތު އެބައޮތް.

އޭނާ ވިދާޅުވި ގޮތުގައި މަރުވާ މީހުންގެ އަދަދު އިތުރުވާ އެއް ސަބަބެއްގެ ގޮތުގައި ބެލެވެނީ ވޭރިއެންޓެވެ. އޭނާ ވިދާޅުވި ގޮތުގައި އެއީ ބަލި ފަސޭހަ އިން ފެތުރުމުގެ އިތުރުން ބަލީގައި ބޮޑުވަރުވުން 30 ޕަސެންޓަށް އިތުރުވާތީ އެވެ.

ނަޒްލާ ވިދާޅުވީ ޕޮޒިޓިވްކަން އެނގި ތިބެ، ވެކްސިން ޖަހަން ބައެއް މީހުން ދާ ކަމަށެވެ. އެކަމަކު އޭގެ ރަނގަޅު ގޮތަކީ ގޭގައި މަޑުކޮށް 14 ދުވަސް ވުމުން ޓެސްޓްކޮށްފައި ނަތީޖާ ނެގެޓިވްވުމުން ވެކްސިން ޖަހަން ދިއުން ކަމަށް ވިދާޅުވި އެވެ.

އޮފީސްތަކާއި ފިހާރަތަކާއި ރެސްޓޯރަންޓްތަކުގައި ވެސް ބަލިން ރައްކާތެރިވުމުގެ ފިޔަވަޅުތަކަށް މާބޮޑު ސަމާލުކަމެއް ނުވަތަ ސީރިއަސްކަމެއް ނުދީ ހިންގާ ކަން ފާހަގަކުރައްވަމުން ނަޒްލާ ވިދާޅުވީ މި ތަންތަނަކީ ބަލި ކޮންޓްރޯލްކުރަން މުހިއްމު ފިޔަވަޅުތައް އަޅަން ޖެހޭ ތަންތަން ކަމަށެވެ.

"އޮފީސްތަކުގައި ވެސް އެބަ ހިނގާ ކޮންޓެކްޓްވީމަ ވެސް ނުބުނާށޭ، އެހެންވީމަ އަސްލު ނުވިސްނޭ މުޅި މުޖުތަމައަށް ދޭ ގެއްލުމެއް ކަން މިއީ،" އޭނާ ވިދާޅުވި އެވެ.

ބަލިޖެހޭ މިންވަރު ދަށަށް ދާނީ ފިޔަވަޅުތަކަށް ގިނަ ބަޔަކު ތަބާވެގެން ކަން އޭނާ ފާހަގަކުރެއްވި އެވެ. މާސްކް އެޅުމާއި ގައިދުރުކަން ބެހެއްޓުން ފަދަ ކަންކަމަށް ސަމާލުކަން ދޭން އެދިވަޑައިގަތެވެ. މާސްކް ނޭޅިއަސް ރަނގަޅުވާނެ ކަމުގެ ވިސްނުމުގައި ނުކުންނަ އެންމެ މީހާގެ ސަބަބުން މުޅި މުޖުތަމައު ނުރައްކަލަކަށް ހުށަހެޅުމުގެ ފުރުސަތު އޮވެ އެވެ.

ރާއްޖޭގައި މި ބަލީގައި މިހާތަނަށް ވަނީ 60 މީހަކު މަރުވެފަ އެވެ. މި އަދަދު އިތުރުވިޔަ ނުދޭން ނަޒްލާ އެދިވަޑައިގަތީ ފަރުދީ ޒިންމާ އަށް ސީރިއަސްވުމަށެވެ.

ހެލްތު ޕްރޮޓެކްޝަން އެޖެންސީ އެޗުއީއޯސީ

24 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުއިއްޒު

22 February 2021

އެންމެ ބޮޑު މައްސަލައަކީ މިރާއްޖޭގައި ދަންނަ ބޭކަލުންނަށް ހެދިގެން އުޅޭ ޝައިޚުން. އެމީހުންނަށް އެބަޖެހޭ ގޮތެއް ހަދަން. އޭރުން މިކަމުން ސަލާމަތްވެވޭނެ ގޮތެއް ފެންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހުން12

22 February 2021

އޮފީހަށް ނުގޮސްނުވަނީ އެކުގައި މަސައްކަތް ކުރާމީހާ އާއި ވެރިމީހާގެ ފަރާތުން ނުރުހުން ލިބެން ބޭނުން ނުވާތީ. އޮފީހަށް ދިޔުން އޮންނަނީ ވައްތަރަކަށް މަޖުބޫރުވެފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަހޫ

22 February 2021

ތިޔަ ވިދާޅުވާ ހަރުކަށި ފިޔަވަޅަކީ 6 ކުން 6 އަށް ވެހިކަލް ދުއްވުން މަނާވުންތޯ؟ ދުވާލު އެއްކޮށް އޮފީސްތަކުގައި ތޮއްޖެހި އުޅުމާ ބާޒާރުމަތި ފުރާލާފައި އޮތުމާއި ކަސްރަތު ކިލާސްތައް ހިންގުމާއި މިފަދަ ކަންކަން ނުވަނީތަ ކޮންޓެކްވާނެ ކަންކަމަށް. ކޮވިޑް ފެތުރިގަންނަނީ އިރު އޮއްސި 6 ޖެހީމަތަ؟.އެވެސް ދުއްވާ އުޅަނދު ތަކުގައި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރު އިބިލީސް

21 February 2021

ފުރަތަމަ ކަލޭމެން އޮފީސްތަކުގެ ވެރިންނަށް ޢަންގަބަކަ ޕޮސިޓިވް ތަށް ސިއްރުނުމުރުމަށް. ކަރަނަޓީނުގައޖ ހުންނަ އިރުވެސް އެބަނެރާ އޮފީހަށް. ޕޮސިޓިވް ވެއްޖެއްޔާ އެއްވެސް ވަރަކަށް މީހަކާއި ދިމާވި ކަމަކަށް ނުހަދާނެ. މާމޮޅަށް ޕޮލިސީހަދާފައި އެއްކަމެއްގައިވެސް ތަންފީޒުކުރެވޭ ކަމަކަށް ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮސް

21 February 2021

އޮފީހުން ބުނީ ޑައިރެކްޓުކޮންޓެކްޓުވީމަ އަވަހަށް ޓެސްޓުކުރަން މަގުމަތިން. ރިޒަލްޓު ނެގެޓިވް.. ދެންބުނީ އެހެންވިއްޔާ އޮފީހަށް އަންނާންށޭޖެހެނީ.. މިއުޅެނީ އޮފީހުގެ ޖެހިގެން ހުރި މޭޒުގަ އިން މީހަކު ޕޮޒިޓިވް ވެގެން.. 14 ދުވަސް ކީއްކުރަން ކޮންޓެކުޓުވިތާ އެއްދުވަސް ނުވޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވިޝީލްޑު

21 February 2021

މަވެސް މިއޮތީގޭގަ ކަރަންޓީނުގަ މިގޭ ޕޮޒިޓިވްވި ކުއްޖާގެ ބެލެނިވެރިން ބަރާބަރަށް 3 ދަޅަަައަށް ބޭރަށްދޭ އެޗްޕީއޭއަށް އެންގިއަސް އަޅައެއްނުލާ ބޮޑެތިމީހުނަށް ގުޅައިގެން އޮއްބާލަނީ މުޅިގެ ނުރައްކަލަށް ހުށަހެޅިފަ މަޝްހޫރު މީހުންގެ މައްަސަލައެއްވީމަ އޮއްބާލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މީ

21 February 2021

ތިޔަ ވިދާޅުވާ ގޮތައް ސީރިޔަސް ނަމަ އެއަރޕޯރޓް ބަހެއްގަ 55 މީހުން އަރުވަން ހުއްދަ ދިނީ ކިއްވެ ? ފްލައިޓްގައި ގައި ދުރުކަން ނުބަހައްޓަނީ ކިއްވެ. މީ އަޅުގނޑު ކަންބޮޑުވި ކަމެއް. އެކަމު އެއަރޕޯޓުން ވިދާޅުވީ އެޗް ޕީ އޭގެ ހުއްދަ ދިން ގޮތޯ މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫކޭ ވޭރިއަންޓް

21 February 2021

އައު ވޭރިއަންޓު ޔޫކޭ އިން އައުމުގެ ފުރުސަތު އޮތްކަމައް ބަލާފަ ހުރިހާ ގައުމުތަކުން ޔޫކޭ މީހުން ނާދެވޭ ގޮތައް ހެދިއިރު އެޗްޕީއޭން ތިބީ ހެވިދިއްލިފަ އައްނަ ޓޫރިސްޓުން ގުނާ ސަރުކާރައް ސަނާކިޔަން. ތިމާމެންގެ ޒިންމާ އަދާނުކޮއް އަދި އެބަ ރައްޔިތުންގެ ބޮލައް މިކަން ކަޑާ ލާއިރު ލަދު ނުގަނެ ބާއޭ ހިތައް އަރާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚައިފް

21 February 2021

ލަދުނުގަނެގެން މާސްކްދަތްދޮޅިގައާއި ކަކުލުގައަޅުވައިގެން އެދުވާނީ ޔޫކޭވޭރިއެންޓްތޯ. ޢަދި މުޒާހަރާކުރަން މަގުމަތީތެޅިބާލަނީވެސް ޔޫކޭ ވޭރިއަންޓްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުކޭ ވޭރިއަންޓް

22 February 2021

މާސްކު ފުންނާބުގަ އަލާގެން މުޒާހަރާ ކުރަން ދެތިންމީހުން ނެރެގެން އުލުނު ޔުކޭ ވޭރިއަންޓްގެ ކުރިން، ކޭސްތައްވީ ދައް. ވިސްނަވާ ލައްވާ މިވާގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުބޭނޗު

21 February 2021

އަޅުވާލާ! އަޅުވާލާ! ރައްޔިތުންގެ ބޮލުގައި އަޅުވާލާ! ބަލަ މާސްކު ނާޅާ މީހުން ނުހިފެހެއްޓޭ. ވަކި ބައެއް ނޫނީ ޖޫރިމަނާއެއް ނުކުރެވޭ . ބަސްނާހާ އުޅޭ ދެތިން މީހަކު ހައްޔަރު ކޮށްލަބަލަ. ނޫނީ ކޯޓަށް ހުށައަޅާލަ ބަލަ. ވަގުތުން މައްސަލަ ހައްލުވީ. ނޫނީ އަހަރުމެން ހުރިހާ ރައްޔިތުން ނިކުމެ ފަރުދީ ޒިންމާ އަދާ ނުކުރާ މީހުން މަތަކުރަންވީތަ؟ އެ ވާނީ ގާނޫނީ ހިލާފު ކަމަކަށް. ގާނޫނުން އެކަން މަތި ކޮށްފަ ތިބޭ މީހުން ކޮފީބޮއިފަ، ނޫސްވެރިން ފަހަތުން ދުވެފަ، މުޒާހަރާ..