ދައުލަތަށް 35 އަހަރަށް ވުރެ ގިނަ ދުވަހު ޚިދުމަތްކުރުމުން ގައުމީ އިނާމެއް ދެނީ

ރައީސުލް ޖުމްހޫރިއްޔާގެ އޮފީސް: ދައުލަތަށް 35 އަހަރަށް ވުރެ ގިނަ ދުވަހު ޚިދުމަތްކުރުމުން ގައުމީ އިނާމެއް ދޭން ރައީސް ވަނީ ނިންމަވާފައި. -- ފޮޓޯ: މިހާރު

23 ފެބުރުއަރީ 2021 - 16:53

20 comments

ދައުލަތަށް 35 އަހަރަށްވުރެ ދިގު މުއްދަތެއްގައި ޚިދުމަތްކޮށްފައިވާ މީހުންނަށް ގައުމީ އިނާމެއް ދިނުމަށް ރައީސް އިބްރާހިމް މުހައްމަދު ސޯލިހް މިއަދު ނިންމަވައިފި އެވެ.

ރައީސް އޮފީހުން ބުނީ މި އަހަރުގެ ޖުމްހޫރީ ދުވަހުން ފެށިގެން މި އިނާމު ދޭން ނިންމަވައި ރައީސް ވަނީ އެކަން މިއަދު ކެބިނެޓާ ހިއްސާކުރައްވާފައި ކަމަށެވެ.

ރައީސްއާ ހަވާލާދީ ރައީސް އޮފީހުން ބުނީ ދައުލަތަށް ވަރަށް ދިގު މުއްދަތެއްގައި އިހްލާސްތެރި ޚިދުމަތްތަކެއް ކުރައްވާފައިވާ އަދި މިހާރު ވެސް ކުރައްވަމުން ގެންދަވާ ގިނަ އަދަދެއްގެ ބޭފުޅުން ތިއްބެވުމާއެކު، އެ ބޭފުޅުންގެ ޚިދުމަތް ވެސް ގައުމީ ފެންވަރެއްގައި ބަލައިގަނެ، ފާހަގަކުރަންޖެހޭނެ ކަމަށެވެ.

"އެހެންކަމުން، ދައުލަތަށް 35 އަހަރަށްވުރެ ގިނަދުވަހު ޚިދުމަތް ކުރައްވާފައިވާ ބޭފުޅުންގެ ޚިދުމަތް، ކަނޑައެޅޭ މިންގަނޑުތަކެއްގެ މަތިން ބަލައި، އެ މިންގަނޑުތަކުގެ މައްޗަށް ރިއާޔަތް ކުރުމަށް ފަހު، އެފަދަ ބޭފުޅުންނަށް މި އަހަރުން ފެށިގެން ޝަރަފުވެރިކަމުގެ ގައުމީ އިނާމެކޭ އެއްފެންވަރެއްގައި އިނާމެއް އެރުވުމަށް ނިންމެވީ ކަމުގައި ވަޒީރުންގެ މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވިއެވެ." ރައީސް އޮފީހުގެ ވެބްސައިޓުގައި ބުނެފައިވެ އެވެ.

ރައީސް ވަނީ އެކަމާބެހޭ މަސައްކަތް، ގައުމީ އިނާމާ ބެހޭ ކޮމިޓީއާ މިހާރު ހަވާލުކުރައްވަ އެވެ. އިނާމު ދިނުމު އުސޫލު އެ ކޮމިޓީން ކަނޑައެޅުމުން، އެ އުސޫލަށް މިނިސްޓްރީތަކާއި އެހެން މުއައްސަސާތަކުގެ ޚިޔާލު ހޯއްދަވާނެ ކަމަށް ރައީސް ވިދާޅުވި ކަމުގައި ރައީސް އޮފީހުން ބުންޏެވެ.

މީގެ އެތައް އަހަރެއް ކުރިން ފެށިގެން ސަރުކާރުން އަންނަނީ ގައުމީ ފެންވަރުގައި ފާހަގަކޮށްލެވޭ ޚިދުމަތްކުރާ މީހުންނަށާއި ގައުމަށް ރީތި ނަން ހޯދައިދޭ ފަރާތްތަކަށް ގައުމީ އިނާމައި ޝަރަފުވެރިކަމުގެ އިނާމު ދެމުންނެވެ.

ރައީސް އޮފީސް ދިވެހި ސަރުކާރު ގައުމީ އިނާމް

20 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިސްޓެކް

24 February 2021

ތި އެވޯޑާ، ހިތްވަރުދިނުމުގެ އިނާމާ، ޝަރަފުވެރިކަމުގެ އިނާމާ، އިއްޒަތުގެ އިނާމާ އެއް ފެންވަރު ނުކުރައްވާތި. އަދި ބޭރު ޔުނނިވަރސިޓީތަކުން ވަނަ ހޮވިމާ ނޫނީ ޕީއެޗްޑީ ނެގީމާ އެދޭ އިނާމާ އެއްވަރު އިނާމަކަށް ވެސް ނުހައްދަވާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

24 February 2021

ދުވަސްވީ ހަރުމީހުންނަކީ ގައުމުތަކުގައި އަގުބޮޑު ޖަވާހިރެއް. މިގައުމުގައި ހޯދިގޮތަކުން ހޯދައިގެން ގެންނަ ސެޓްފިކެޓް މާމުހިންމު. ނަތީޖާއަކީ ތަޖްރިބާނެތުމުން ތަންތަން ބޮއްސުންލައިގެން ދިއުން. ދުނިޔޭގެ ކުރިއަރާފައިވާ ގައުމުތަށް ކުރިއެރީ ދުވަސްވީ ހަރުމީހުންގެ ތަޖްރިބާ ބޭނުންކޮށްގެން. ނިކަން ބަލާލާ އެމެރިކާ، އިންޑިއާ، ޖަޕާން، ޗައިނާ، ރަނގަޅު މަގާމެއް ލިބޭނީ އެތައްދުވަހެއްގެ ތަޖްރިބާލިބުމުން. އަދި އެކަނި ހާލަށް ކިރިޔާ އުޅެލެވޭވަރުގެ ދުވަސްވީމީހުންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީރާ

24 February 2021

ދައުލަތަކީ ކޮބާތޯ. ރާއްޖޭގެ ގިނަ ޢަދަދެއްގެ ދިވެހިންނަށް މަތީ ތަޢުލީމު ފޯރުކޮށްދެމުންދާ ޕްރައިވެޓް ކޮލެޖުތަކުގަ ޚިދުމަތް ކުރާމީހުންނަކީ ޤައުމަށް ޚިދުމަތް ކުރާ މީހުންނެއް ނޫންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަސީ

24 February 2021

އެވޯޑެއްނޫން މުހިންމީ މަނިކުފާނު ވެރިކަމަށްވަޑައިގެންނެވި އިރު ކުރެއްވި ވަޢްދު ސިވިލްސަރވިސް މުވައޒަފުންގެ މުސާރައަށް ކުރިއެރުން ލިބި އެންމެ އާދައިގެ މީހާ އަށްވެސް ބޭސިކްސެލަރީ5000 ރުފިޔާއަށްވުރެ މަދުނުވަނެކަމަށް ވެރިކަމަށް3އަހަރުވަނީ ސިޔާސީ މަޤާމުތަށްވަނީ ގިނަ ސިޔާސީ މަޤަމްތަކުގަ ތިބޭމީހުންގެ އެންމެދަށްމުސާރައަކީވެސް 20،25 ހާސްރުފިޔާ ސިވިލްސަރވިސްމީހެއްގެ ޢާންމު މުސާރައކީ ތިންހާސް، ހަތަރުހާސްރުފިޔާ އެވޯޑް ނުދީ މިބޮޑުތަފާތުނައްތާލާކަށްނުވޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރާންތިރާއްޖެ

24 February 2021

ނަމޫނާއަކަށް އެބުނާ އެމެރިކާގައި ފަނިފަކުސައާބެހޭ އެޖެންސީގައި ޑިރެކްޓަރަކަށް 84 އަހަރުވީ ފައުޗީ ހުންނަތާ 32 އަހަރުވެއްޖެ. އިހަށްދުވަހު ދުނިޔެ ދޫކުރި ލެރީކިންގ 87 އަހަރުވީއިރުވެސް ޕްރޮގްރާމް ހުށަހަޅާ މީހެއް. އެއީ އަގުހުރި ބައެއްކަމަށް އެމެރިކާ މީހުން ގަބޫލުކުރޭ. މިރާއްޖޭގައި މި އޮންނަމީ މަލާމާތާއި ފުރައްސާރަ. ތަނެއްގައި މީހަކު ހުރެގެން ދަސްކުރި އެއްޗެއް އެނގޭ ކަމެއް ތަޖުރިބާއެއް ހުންނާނެ ކަމަކަށް މިރާއްޖޭގައި އުޅޭ އަނގަގަދަ ގަމާރުން ނުދަނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

228798

24 February 2021

މަސްވެރިން، ދަނޑުވެރިން، އަބުރުވެރިކަމާއެކު އަމިއްލަ މަސައްކަތުގަ އުޅޭ ފަރާތްތައް ކޮބާތޯ؟ ތިކަމާ ހަމަ ސީދާ ދެކޮޅު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒާ

24 February 2021

ރައީސް ވަރަށް ގަދަ. ބަރާބަރު ނިންމެވެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޞްރު

24 February 2021

ތި އިނާމު ހައްޤު ވަރަށް ގިނަ ބޭފުޅުން އެބަ ތިއްބެވިއެވެ. ސަރުކާރަށް އިޚްލާޞްތެރިކަމާއެކު ގިނަ ދުވަހު ޚިދުމަތް ކުރެއްވި ބޭފުޅުންނަށް ރައީސް ތިޔަ ދެއްވީ ވަރަށް އުފާވެރި ޚަބަރެކެވެ.