ބޭރު މީހުންނަށް ގެސްޓް ހައުސްތަކަށް އިންވެސްޓްކުރެވޭ ގޮތް ހަދައިފި

ދިގު ރަށުގައި ހަދާފައިވާ ގެސްޓް ހައުސްއެއް: ގެސްޓް ހައުސްގެ ވިޔަފާރި އަށް ބޭރު މީހުންނަށް ވަދެވޭ ގޮތް މިހާރު ވަނީ ހަދާފައި -- ފައިލް ފޮޓޯ

އިސްމާއިލް ނަސީރު، މިހާރު

18 މާޗް 2021 - 10:54

22 comments

ދިވެހިންގެ މެޖޯރިޓީ ހިއްސާ އޮންނަ ގޮތަށް، ރާއްޖޭގައި ގެސްޓް ހައުސް ހަދަން ބޭރުގެ އިންވެސްޓަރުންނަށް ހުޅުވާލަން ސަރުކާރުން ނިންމައިފި އެވެ. އަދި ގަވައިދަށް އިސްލާހު ގެނެސް، އެ އިސްލާހު ވަނީ ގެޒެޓްގައި ވެސް ޝާއިއުކޮށްފަ އެވެ.

ގެސްޓް ހައުސް ވިޔަފާރި އަށް ބޭރު މީހުން އިންވެސްޓް ކުރުމަކީ މީގެކުރިން ގަވައިދު ހުއްދަކުރާ ކަމެއް ނޫނެވެ. އެހެން ނަމަވެސް، ގެސްޓް ހައުސް ވިޔަފާރިއާ ބެހޭ ގަވައިދަށް ގެނައި އާ ބަދަލާ އެކު، 49 ޕަސެންޓާ ހަމައަށް މިހާރު އިންވެސްޓް ކުރެވޭނެ އެވެ. ނުވަތަ 49 ޕަސެންޓް ހިމެނޭގޮތަށް ދިވެއްސަކާ އެކު ކުންފުންޏެއް އުފެއްދިދާނެ އެވެ.

ޓޫރިޒަމް މިނިސްޓަރު ޑރ. އަބްދުﷲ މައުސޫމް އިއްޔެ "މިހާރު" އަށް ވިދާޅުވީ އެ އިސްލާހު ގެނައުމާ އެކު، އެކި ރަށްރަށުގައި ގެސްޓް ހައުސް ވިޔަފާރިތައް ފުޅާވެގެން ދާނެ ކަމުގެ އުންމީދު އެބައޮތް ކަމަށެވެ. އަދި ފައިސާ ނުލިބިގެން ނުހެދި ހުރި ގެސްޓްހައުސްތަކުގެ މަސައްކަތް ފެށޭނެ ކަމުގެ ޔަގީން ކަން އޮތް ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން ހަމަައެކަނި ގަވައިދަށް ބަދަލު ގެނައީ އެކަންޏެއް ނޫން. އެ ތަންތަނަށް އިންވެސްޓަރުން ވެސް އަޅުގަނޑުމެން ހޯދައިދޭނަން. އެއާ އެކު ޓޫރިޒަމް މިނިސްޓްރީގެ ތެރޭގައި މިހާރު އޮންނާނެ އެކަމާ ބެހޭ ސެލްއެއް ވެސް އުފައްދައިފައި. ގެސްޓް ހައުސް ހިންގަން ބިންކޮޅެއް އޮވެ، ފައިސާ ނެތިގެން ނުހެދި ހުރި ފަރާތްތަކުން އަޅުގަނޑުމެންނަށް ގުޅީމަ، އިންވެސްޓަރުން ހޯދައިދޭން އަޅުގަނޑުމެން މަސައްކަތް ކޮށްދޭނަން،" މައުސޫމް ވިދާޅުވި އެވެ.

މި ގެނައީ ބަދަލަކީ މުހިންމު ބަދަލެއް ކަމަށް ވެސް މިނިސްޓަރު ވިދާޅުވި އެވެ. އޭނާ ވިދާޅުވި ގޮތުގައި، ރާއްޖޭގެ ބެޑް ކެޕޭސިޓީގެ 10 ޕަސެންޓް މިހާރު ވެސް ހިއްސާކުރަނީ ގެސްޓް ހައުސްތައް ކަމަށް ވާއިރު ކުރިއަށް އޮތްތާނގައި އެ އަދަދު ވަރަށް ބޮޑަށް އިތުރުވާނެ އެވެ.

"ބައެއް މީހުން ސުވާލު ކޮށްފާނެ މިހާރު މި އިސްލާހުގެ ސަބަބުން ބޭރު މީހުންނަށް ވިޔަފާރި އަށް ވަދެވުނީ ނޫންހޭ. އެކަން އޮތީ އެހެން. އެކަމަކު މިހާރު ވެސް ހަގީގަތުގައި ވަރަށް ގިނަ ގެސްޓް ހައުސްތައް ހެދިފައި އެހުރީ ވެސް އަޑީގައި ކޮންމެވެސް ބޭރު މީހަކު ހުރެގެން ދިވެއްސަކު ކުރިމައްޗަށް ނެރެގެން. އެހެން ހެދީމަ ރާއްޖޭގައި ހިފަހެއްޓެން ޖެހޭ ބޭރު ފައިސާ ވެސް އެބަ ގެއްލޭ،" އޭނާ ވިދާޅުވި އެވެ.

"އަޅުގަނޑުމެން މި ކުރި ކަމަކީ ގާނޫނީ އިމުގެ ތެރެއިން އެކަން ކުރެވޭނެ ގޮތް ހަދައިދިނީ. މިހާރު ވާނެ ގޮތަކީ މިސާލަކަށް ދިވެއްސަކު ކުންފުންޏެއް ހަދާފައި 49 ޕަސެންޓް ވިއްކާލަންވީ ބިމަށް އިންވެސްޓްކުރާ މަތިން. އޭރުން ދިވެހި މީހާ އަށް އޮންނާނެ މެޖޯރިޓީ ޝެއާ."

ޓޫރިސްޓުން ޓޫރިޒަމް ޑރ. އަބްދުﷲ މައުސޫމް (ޓޫރިޒަމް މިނިސްޓަރު) ގެސްޓް ހައުސް

22 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

18 March 2021

މީގެނައި ބަދަލް އިން އިންވެސްޓް ކުރާބޭރު މީހައިއަށް ލިބެނީ ގަނޫނީގޮތުން ރައްކާތެރި ކަމެއް، އެއް ބަޔަކުގެ ވިސްނުން މިހުންނަނީ ކަމުގެ ހަގީގަތް ގަބޫލް ނުކޮށް އޮޅުން ބޮޅުން ވާގޮތަށް ކަންކަން ބާއްވަން، މިހާރު ބަލަމާ ރާއްޖޭގައި ހުރި ގެސްޓު ހައުސްގެ 40 ޕަސެންޓަކީ ބޭރުމީހައިގެ ނިވަލުގައި ވާނުވާގައި ބަހައްޓައިގެން ހިންގާ ގެސްޓް ހައުސްތަށް، ހަމަ މިހެން އޮތީ ދުއްވާ ގިނަސަފާރީތަށްވެސް ޑައިވް ސުކޫލްތަށްވެސް، ހަދަން ވީގޮތަކީ ޑޮލަރުން ވިޔަފާރި މަނާކޮށް ދިވެހި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

18 March 2021

މިގައުމުގެ ވެރިކަންވެސް ބިދޭސީންގެ އަތްމައްޗައް ދޫކޮއްލަންވީ. ދިވެހިންނަކައް މިކަމެއްނުވި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

18 March 2021

މިހާރުވެސް ރިސޯޓްތަކުން ލިބޭހާ ޑޮލަރެއް ބޭރަށް. ގެސްޓް ހައުސްތަކުގެ ވެރިކަން ބޭރުމީހުންނަށް ލިބުނީ. ރަށުމީހާ ގެ ޖީބަށް ޑޮލަރެއް ދެން ލިބޭނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

21 March 2021

ތީ ވަރަށް ކޮށި ވިސްނުމެއް، ވަރަށް ނެރޯކޮސް ތިޔަ ވިސްނަނީ، ތަންކޮޅެއް ފުޅާދާއިރާއެއްގަ ވިސްނުން ގެންގުޅުނީމަ ބޮޑުމަންޒަރު ކުލަކޮށް ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Muraidhoo

18 March 2021

މިބަދަލް ގެނެސްފައިވާތާ އަހަރެއްހާ ދުވަސްވެދާނެ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިންތު

18 March 2021

ވަރަށް ރަގަޅު ކަމެއް. ވީހާ ވެސް ބޮޑަށް ހުޅުވާލާންވީ. ހަކުރާ ފެއަރ ގެ ޒަމާނުގައި އޮތް ބިންގާ އަލުން އަޅާ ސިވިލައިޒްޑް ދުނިޔެ އަށް ނުކުންނަންވީ. މައުމޫނު އެޅި ބިންގާ ލުހެލަންވީ. ވަހްދަތާ، ސިއާދަތާ އުއްމަތާ، ކިޔަކިޔާ ތިއްބާ ގައުމަށް ވެފައި އޮތް ގޮތް މިއޮތީ ފެންނަން. އެސިޔާސަތު މުޅިން ގޯސް. އެހެން ސިޔާސަތެއް ތައާރަފު ކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަދު

18 March 2021

ގައުމު ބޭރުމީހުންގެ އަތްޑަށުނުވެ ސަލަމަތް ވާނެބާ!!!. ދެން ލިބޭ ދޮލަރު ކޮޅުވެސް ބޭރަށް. ދިވެހިން ޑޮލަރަށް ސަލާންޖަހަން. މިހާރުވެސް ވިޔަފާރު ބަންގާޅުން އަތްދަށުގަި، ރިސޯޓް ތައް ބެރު މީހުން އަތް ދަށުގައި.،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

21 March 2021

ސަލާމަތްވާނެ މިހާރުވާގޮތަކީ، ރަސްމީ ކުލަ ނުޖެހޭތީވެ ބައެއް އިންވެސްޓަރުން ފަހަތު ފަޔަށް ބުރަވަނީ، ކޮންމެ އިރަކުވެސް ލަނޑުދީފާނެކަމުގެ ބިރު އޮންނާތީވެ ދީފަވެސް އެބަހުރި، ދެން ބޭރުގެ އިންވެސްޓަރަށް ފުރުސަތު ނުދިނީމަ އަމިއްލަ ހާލައިގެން ގެސްޓްހައުސް ވިޔަފާރި ނުކުރެވިފަވެސް ވަރަށް ގިނަ މީހުން އެބަތިބި، ދެންވީ ބޮޑު ލޯނެއް ނަގަން، އުމުރުދުވަހު އުޅެން ޖެހޭނީ އެކަމުން ސަލާމަތް ނުވެގެން، މީއަޅެ ދޮގެއްތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވެލި

18 March 2021

ބަދަލު ރަނގަޅުވެދާނެ. އެކަމަކު ނުރައްކާ ވަރަށް ބޮޑު. ގައުމީ މަސްލަޙަތުގެ ފުށުއެރުންތަކާ ނުރައްކާ ނުހަނު ބޮޑު. ވިސްނުން ތެރިކަމާ އެކު މިކަން ނުކޮށްފިނަމަ ބޮޑެތި މައްސަލަތަށް ކުރިމަތިވާނެ ކަން ޔަގީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

21 March 2021

ޓުއަރިޒަމް އިންޑަސްޓްރީގަ ބޭރުގެ އިންވެސްޓަރުން ރާއްޖޭގަ މިހާރުވެސް ވަރަށް ގިނައިން އެބަތިބި، މުވައްޒަފުންނަށް ބޯކޮށް ފައިސާ ދެނީވެސް އެމީހުން، ކޮވެލި ބުނިހެން ވިސްނުންތެރިކަމާއެކު ކަންނުކޮށްފިއްޔާ ޜަނގަޅު ޓެރެކެއްގަ ހިފަހައްޓަން މައްސަލަތައް ދިމާވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޯރޭ

18 March 2021

ކަންމަތީ ފިހާރަ ވެ ސް ހުޅުވާލާ. ބްރާންތި ސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު1

18 March 2021

މިއީ ހަމަ ބޮޑުރޭވުމެއް. މިއީއަސްލު އެމްޑީޕީގެ އިސްސަފުގައި ތިބިމީހުން ފުރަތަމަވެސް ބޭނުންވިކަމަކީ. ކުރިން މިކަންނުވީ ރައްޔިތުން އަރައިގަންނާނެކަން އެނގޭތީ. މިހާރުދެން އެކަންވެސްކޮށްލީ.ނިކަން ބުނެބަލަ ތިކަމުން ރައްޔިތުންނަށް ވާނެފައިދާއެއް. ހިއްސާވާނީ ގެ ކުއްޔައްދޭ މީހާއާ. އޭނާދާނީ ބޭރުގަދިރިއުޅެން. ރަށަށް ވަންނަންޖެހޭ ލާރިދާނީ ރާއްޖޭންބޭރަށް. ބޭރުމީހުންގެ ޑައިވްސްކޫލް، ރެސްޓޯރަންޓް، ވޯޓަރސްޕޯޓްސް ދެން ރަށުގައިތިބި ޒުވާން ވިޔަފާރިވެރިންނަށް ކޯޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

21 March 2021

ލޯކަލް ޓުއަރިޒަމް، ރަށުގަ ގެސްޓު ހައުސްއެއް ހަދަންޏާ ބޭރުގެ އިންވެސްޓަރަކަށް %49 ދީގެންނޫނީ ވިޔަފާރިކޮށްގެން ނުވާނެ ކަމަށް އެބަކިޔާތަ، މިހާރުވެސް ބިދޭސީން އިންވެސްޓްކޮށްގެން ގެސްޓްހައުސްތައް އެބަހިންގާ، ގާނޫނީ ހައިސއްޔަތެއް ހަމަޖައްސަދިނީ، ކޮންމެ ހެން މަޖުބޫރެއް ނޫނޭ ބޭރުގެ އިންވެސްޓަރަކު ބައިވެރިކުރާކަށް، އަމިއްލައަށް ވަންޏާ އަމިއްލައަށް ކުރަންވީ، ރަޖިސްޓަރީވެ ކުރެވޭނެ ހުއްދަވެސް ދޭނެ.