ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ކޮވިޝީލްޑް ވެކްސިންގެ 100،000 ޑޯޒް މި ހަފުތާގައި ލިބޭނެ: ޝާހިދު

ރާއްޖޭގައި ބޭނުންކުރާ ކޮވިޝީލްޑްގެ ވެކްސިން ޑޯޒް، ނަރުހަކު ދައްކާލަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

25 މާޗް 2021 - 12:10

ރާއްޖެއިން ގަންނަ ކޮވިޝީލްޑް ވެކްސިންގެ 100،000 ޑޯޒް މި ހަފުތާގައި ލިބޭނެ ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.

ޗައިނާ އިން ދޭ ވެކްސިން ހަދިޔާކުރަން ބޭއްވި ރަސްމިއްޔާތުގައި ވާހަކަ ދައްކަވަމުން ޝާހިދު ވިދާޅުވީ މި ހަފުތާގެ ތެރޭގައި ކޮވިޝީލްޑްގެ 100،000 ޑޯޒް އިންޑިއާ އިން ލިބޭނެކަމުގެ ޔަގީންކަން އެ ގައުމުގެ ސަރުކާރުން މިއަދު ހެނދުނު ދީފައިވާ ކަމަށެވެ.

މިއީ އިންޑިއާއިން ރާއްޖެއަށް ދޭ ހާއްސަ އެހީތެރިކަމެއްގެ ދަށުން ތަނަވަސްވި ފުރުސަތެއް ކަމަށް ބެލެވެ އެވެ. ކޮވިޑްގެ ވެކްސިން އެކްސްޕޯޓްކުރުން މި ވަގުތަށް އިންޑިއާއިން ވަނީ މެދުކަނޑާލައިފަ އެވެ. ދެން އެންމެ އަވަހަށް ވެސް އެ ގައުމުގެ ވެކްސިންތައް އެކްސްޕޯޓްކުރެވޭނީ އެޕްރީލްގެ ފަހުން ކަމަށް، ހެލްތު މިނިސްޓްރީގެ އޮފިޝަލަކާ ހަވާލާދީ، ބީބީސީން ރޭ ބުންޏެވެ.

އިނގިރޭސި ވިލާތުގެ އޮކްސްފޯޑް ޔުނިވަސިޓީ އާއި ބޭސް އުފައްދާ ބޮޑު ކުންފުންޏެއް ކަމަށްވާ އަސްޓްރަޒެނެކާގެ ވެކްސިން ކޮވިޑް ވެކްސިން އިންޑިއާގެ ސީރަމް އިންސްޓިޓިއުޓުން އުފައްދަނީ ކޮވިޝީލްޑްގެ ނަމުގަ އެވެ. ރާއްޖެ އިން ވަނީ އޭގެ 300،000 ޑޯޒް ގަތުމަށް ސީރަމްއާ އެކު ސޮއިކޮށްފަ އެވެ. އެކަމަކު ވެކްސިން އުފައްދަން ބޭނުންވާ ބައެެއް ރޯ މެޓީރިއަލްސް އެމެރިކާއިން ލިބުން ދަތިވުމުން، ސީރަމްގެ ޝިޕްމަންޓްތައް ލަސްވާނެކަން، ދުނިޔޭގެ ބައެއް ގައުމުތަކަށް އެ ކުންފުނިން ވަނީ އަންގައިފަ އެވެ.

ރާއްޖޭގައި ކޮވިޑް ވެކްސިންގެ ޕްރޮގްރާމް ފުރަތަމަ ފެށީ ވެސް އިންޑިއާ އިން ހަދިޔާކުރި ކޮވިޝީލްޑް ވެކްސިނުންނެވެ. އޭގެ ފަހުން އެ ގައުމުން އިތުރު 100،000 ޑޯޒް ދީފައި ވެ އެވެ.

އަބްދުﷲ ޝާހިދު (ކުރީގެ ފޮރިން މިނިސްޓަރު) ރާއްޖެ-އިންޑިއާ ކޮވިޝީލްޑް އިންޑިއާ ކޮވިޑް ވެކްސިން ވެކްސިން ފޮރިން މިނިސްޓްރީ ފޮރިން މިނިސްޓަރު

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑެރާ

26 March 2021

ތަފާތު ސަބަބުތަކާއި ހެދި އަދިވެސް ނުޖެހި 65 އަހަރުން މަތީގެ މީހުން އެބަތިބި، އަލަށް ވެކްސިން ޖަހަން ޖެހޭ. އެފަދަ މީހުނަށް އަލުން ޖަހަން ފަށާއިރެއް މިހާރުން ސާފްކޮށްލަ ދެއްވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

25 March 2021

މިހާރު ޖެހި މީހުނަށް ޖަހަން ބަހައްޓާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަނީ

25 March 2021

ކޮބައިތޯ ސިންގަޕޫރު ކުންފުނި އަތުން ގަތް ފައިޒާ ވެކްސިން. ވެންޓިލޭޓަރަށް ވީހެން ވާ ކަމެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާނަލިސްޓު

25 March 2021

މިނިސްޓަރު ޝާހިދު ހުންނެވީ އިންޑިޔާއަށް ވިކި ހުސްވެފަތޯ؟ ޗައިނާއިން ވެކްސިން ހަދިޔާކުރުމުގެ އުފަލުގަ ބޭއްވި ރަސްމިއްޔާތުގަ ވާހަކަދެއްކި އިރު އިންޑިޔާ ވެކްސިނާއި ބެހޭގޮތުން ޝާހިދު ވާހަކަ ދައްކަން ޖެހޭ އެއްވެސް ސަބަބެއް ނެތް. އެހެން ނަމަވެސް ތީގެން އިނގުނު އެއްޗަކީ އިންޑިޔާގެ ދަށުވެފަ އޮތް ވަރު. ދިވެހިރާއްޖޭގެ މިނިވަންކަމާއި އިސްްތިޤްލާލަށް އޮތް ނުރައްކާ! ވަކިފަރާތަކަށް ނުޖެހޭ ޚާރިޖީ ގުޅުން ހުރިހާ ޤައުމުތަކާއި އެކުވެސް އޮންނަންޖެހެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

25 March 2021

"ޗައިނާ އިން ދޭ ވެކްސިން ހަދިޔާކުރަން ބޭއްވި ރަސްމިއްޔާތުގައި ވާހަކަ ދައްކަވަމުން ..." ކޮން އިރަކު މިކަމެއް ހިނގީ؟؟ މީ ކޮނ ްކަމެއް؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމް88888

25 March 2021

ޗައިނާ ވެކްސިން ބަލާ ދަހަރޭ ބުނީމަ ނުދަން ބަހަނާ ދައްކަނީ. 100،000 ޑޮލަރު ވެގެން މިއުޅެނީ ބޭކާރު ކޮވިޑް ޓެސްޓްހަދާ އޭގެން އެކަނިވެސް ދުވާލަކު މިލިޔަނުން އެބަ ފައިދާ ނަގާ. އިންޑިޔާ ނުރުހިދާނެތީތަ ބަލާ ނުދާން މިއުޅެނީ. ގިނަ ބިދޭސީންވެސް އަދި އެތިބީ ނުޖަަހާ. ގެނެސް ޖަހާނެތީ ކީކޭ ކިއަން މިއުޅެނީ.