ސިވިލް ކޯޓުގެ ޑިސްޕިއުޓް ރިޒޮލިއުޝަން މަރުހަލާގައި ދައުލަތުން ވަނީ އޭގެ ތެރެއިން 15 މިލިއަން ރުފިޔާ ދޭން އެއްބަސްވެފައި
އެމްއީއެސް ސްކޫލު ހިންގި އިމާރާތް: އެ އިމާރާތް މަންދު ކޮލެޖް އަތުން އަތުލި މައްސަލާގައި 15 މިލިއަންގެ ބަދަލެއް ދޭން ދައުލަތުން ވަނީ އެއްބަސްވެފައި --- ފޮޓޯ/ މިހާރު
22 އެޕްރީލް 2021 - 16:17
63 comments
އެމްއީއެސް ކުރިން ހިންގި އިމާރާތް މަންދު ކޮލެޖަށް ދޫކުރި އެއްބަސްވުުން ބާތިލްކޮށް، ސަރުކާރުން އެތަން އަތުލި މައްސަލާގައި ގެއްލުމުގެ ބަދަލަށް 15 މިލިއަން ރުފިޔާ ދައްކަން ދައުލަތުގެ މައްޗަށް ސިވިލް ކޯޓުން ހުކުމްކޮށްފި އެވެ.
މަންދު ކޮލެޖް ހިންގާ މާލެ ހައި ޕްރައިވެޓް ލިމިޓެޑަށް އެމްއީއެސް ކުރިން ހިންގި އިމާރާތް ސަރުކާރުން ދޫކޮށްފައި ވަނިކޮށް 2015 ގައި ސަރުކާރުން ވަނީ އެ އެއްބަސްވުން ބާތިލްކޮށް، އެތަން އަތުލައިފަ އެވެ. އެތަން އަތުލީ އެއްބަސްވުމާ އެއްގޮތަށް އިންޓަނޭޝަނަލް ސްކޫލެއް އެތަނުގައި ހިންގާފައިނުވާ ކަމަށް ބުނެ އެވެ. އެކަމަކު ހައި ކޯޓާއި ސުޕްރީމް ކޯޓުން ނިންމާފައިވަނީ އެ އެއްބަސްވުން ބާތިލްކުރީ ގޯސްކޮށް ކަމަށެވެ. އަދި އޭގެ ސަބަބުން ލިބުނު ގެއްލުމުގެ ބަދަލު ހޯދަން ވަކިން ދައުވާ ކުރެވޭނެ ކަމަށް ވެސް ހުކުމުގައިވެ އެވެ.
މި ހުކުމްތަކަށް ފަހު، ގެއްލުމުގެ ބަދަލަށް 18 މިލިއަން ރުފިޔާ ހޯދަން މާލެ ހައި ޕްރައިވެޓް ލިމިޓެޑުން ދައުވާ ކުރުމުން ސިވިލް ކޯޓުގެ ޑިސްޕިއުޓް ރިޒޮލިއުޝަން މަރުހަލާގައި ދައުލަތުން ވަނީ އޭގެ ތެރެއިން 15 މިލިއަން ރުފިޔާ ދޭން އެއްބަސްވެފަ އެވެ. އެއީ މަންދު ކޮލެޖް އެ އިމާރާތުން ބޭރުކޮށްލުމުން އެހެން ތަނެއް ހޯދަން މިހާތަނަށް ކުރި ޚަރަދުތަކެވެ.
ޑިސްޕިއުޓް ރިޒޮލިއުޝަން މަރުހަލާގައި ދެ ފަރާތުން އެގޮތަށް އެއްބަސްވުމުން މިދިޔަ ހޯމަ ދުވަހު ދައުލަތުގެ މައްޗަށް ކޯޓުން ހުކުމްކުރީ އެ ފައިސާ އެއް މަސް ތެރޭގައި ދެއްކުމަށެވެ.
ކުރިން ވެފައިވާ އެއްބަސްވުންތައް އުވާލުމާއި މިފަދަ އެކި މައްސަލަތަކުގައި އެކި ފަރާތްތަކަށް ދައުލަތުން މިހާތަނަށް ބަދަލުގެ ގޮތުގައި ބިލިއަނަކަށް ވުރެ ގިނަ ރުފިޔާ ވަނީ ދައްކަންޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިކަމެތިރައްޔިތުމީހާ
23 April 2021
ނޫސްވެރިންނޭ! ހެޔޮ ނުވާނެ ތި ކަހަލަ ހަބަރުތައް ލިޔާއިރު ތި އެގުރީމެންޓު ހެދީ ކޮންބަޔެއްގެ ވެރިކަމުގަ ތޯއާއި އަދި ކޮންޓުރެކްޓު އުވާލީ ކޮން ސަރުކާރެއްގަތޯ ވެސް ލިޔެލަ ބަލަ. އޭރުން ކޮންމެވެސް ވަރަކަށް ވާނުވާ ސާފުވާނެ.
ނިކަމެތިރައްޔިތުމީހާ
23 April 2021
ސްޓެލްކޯ އިންޖީނުގޭ ދޮށުގަ އުޅޭމީހުން މިހިރަ ހަލާކުވަނި. އެމީހުންނަށް އެހީއެއްވާންވީމަ ބޮޑުކަމަކަށްވަނީ
ނާބަ
23 April 2021
ބަހަނީ ބަހަނީ ބަހަނީ ބޯ ހަލާކު މިނޫންކަމެއް މިސަރުކާރުން ނުކުރޭ ޕްރޮޖެކްޓް ބޮދކަމަށް މިބަލަލީ ކުރާ ކަރަދު ބޮޑުވީމަ މިސަރުކާރުގަ ކުރާ ޚަރަދު ބޮދުވަނީ ބަދަލދިނުމައް
ނަށީދު
23 April 2021
ދައުލަތް ދަވާލަނީ!
ޓެދު
23 April 2021
އެއެއްބަސްވުން އުވާލީ ރަނގަޅަށް. ޢެކަން ސާބިތު ކޮށްނުދެވުނީ އޭޖީ އޮފީހުގެ ނާގާބިލް ކަމުން ނޫނީ ގަސްދުގައި.
ފޫހި
23 April 2021
މި ނިޒާމުގެ މައްސަލައެއްނޫން. ބަރުލަމާނީ އަދި މާބޮޑަށް ގޯސްވާނެ. މިހާރު ނެމްބަރުން ތިއޮށްނަގާ މުސާރައާ އިނާޔަތާ އިމްތިޔާޒުތައް. ޙޮޑުލަވާ
ބޮލުރޮނދި
23 April 2021
ޙުވާކޮށްފަ ބުނަން އިބުރާއަށް އެއްވެސް އެއްޗެއް ދޭކަށްނުޖެހޭނެ. ޢެތާ ތަޅުއެޅުވީ ގަވާއިދުން ދޭންޖެހޭ ނޯޓިސްދީ އިބްރާ ތަން ހުސްކޮށް ނުދީގެން. ތިޔައީ ދައުލަތުގެ އިމާރާތެއް. ތިޔައީ ރައްޔިތުންގެ ފައިސާ ފޭރުން. ޢިބްރާމެންގެ ދުވަސްވީމަ މިއަދު ތިޔަކަން ކުރެވިދާނެ.
ކެނާ
23 April 2021
ކޯޓްތަކަށް އެކަމު ފެންނަ ގޮތުން އެއްބަސްވުން އުވާލީ ގޯސްކޮށް. ކޯޓްތަކުގެ އެ ނިންމުން ރަގަޅުވެފަ ފެބްރުއަރީ ކޮންމެވެސް ދުވަހެއްގެ އަމުރެއް ރަގަޅުވެގެން ތެޅިފޮޅުނު ނޭވާނުލާ. ކޯޓުން ނިންމާ ބައެއް ކަންކަން ބަޔަކަށް ވަރަށް ރަގަޅުވޭ.
އަނބީދީ
23 April 2021
މިއީ އަދި ކުޑަ އެތި ކޮޅެއްނު! 250 މިލިޔަން ހޯދަން ދައުވާކުރި. އަދި މި ލިބުނީ ކުޑަ އެތިކޮޅެއް. ބޮޑުބައި އަދި އޮތީ. ކޯޓުތަކުން މައްސަލަ ނިންމީމަ ދެން ބުނާނެ އެއްޗެއް ނޯންނާނެ. ކޯޓުތަކުން ކަންކުރާނީ އިންސާފުންކަން ގަބޫލު ނުކުރެވެނީ ކޮންބަޔަކަށް!؟
އެމްސް
23 April 2021
މިސަރުކާރު އައުމާއި އެކު ބޯގަންވިލާއާއި ގުޅުން ހުރި އެކިއެކި ދިމަދިމާލަށް ބިލިޔަނަކާއި ގާތަށް ބަދަލު! ދައުލަތުގެ ފައިސަައަކީ ރަޢިއްޔަތުންގެ ފައިސާ!
ކެވޭވަރަކަށް ކައި
23 April 2021
ތިޔަށްވުރެން ރަނގަޅުވާނެ 17.5 މިލިޔަން ރުފިޔާޢަށް އެއްބަސްވިނަމަ.