އާންމު ތަނެއްގައި މުސްލިމަކު ކާފަރެއް ގޮތުގައި ސިފަކުރުމާއި އެކަމުގައި ބައިވެރިވުމަކީ ވެސް ކުށެއް ކަމަށް ވެސް އެ ބިލުގައި ބުނެފައިވޭ.
ނަފްރަތު އުފެއްދުން ކުށަކަށް ހަދަން ރައްޔިތުންގެ މަޖިލީހަށް ހުށަހަޅާފައިވާ ތުޅާދޫ ދާއިރާގެ މެންބަރު ހިސާން ހުސެއިން-- ފޮޓޯ/މިހާރު
31 މެއި 2021 - 20:42
215 comments
މުސްލިމަކާ ދިމާއަށް އާންމު ތަނެއްގައި ކާފަރެއް ކަމަށް ބުނުމަކީ ޖިނާއީ ކުށެއް ކަމުގައި ކަނޑައެޅުމަށް ރައްޔިތުންގެ މަޖިލީހަށް ސަރުކާރުން ބިލެއް ހުށަހަޅައިފި އެވެ.
ސަރުކާރު ފަރާތުން ގާނޫނުލްއުގޫބާތަށް މި އިސްލާހު ހުށަހަޅާފައި ވަނީ ތުޅާދޫ ދާއިރާގެ އެމްޑީޕީގެ މެމްބަރު ހިސާން ހުސެއިން އެވެ. އެ ބިލުގައި ފުރަތަމަ ކިޔުން ރައްޔިތުން މަޖިލީހުގެ މިއަދުގެ ޖަލްސާގައި ވަނީ އިއްވައިފަ އެވެ.
ނަފްރަތުގެ އަމަލު ހިންގުމަކީ ކުށެއް ކަމުގައި ގާނޫނުލްއުގޫބާތުގައި ކަނޑައަޅާފައިވާ މި ބިލުގައިވާ ގޮތުން އާންމު ތަނެއްގައި ވަކި މީހަކީ އިސްލާމް ދީނާ ހިލާފަށް އުޅޭ، ނުވަތަ އިސްލާމް ދީނާ ދެކޮޅު މީހެއް ކަމަށް ތުހުމަތު ކުރުމާއި އިސްލާމީ އަގީދާއާ ގުޅުވައި މުޖުތަމައުގައި މީހަކާ މެދު ނަފްރަތު އުފެއްދުމަކީ ޖިނާއީ ކުށެކެވެ.
އާންމު ތަނެއްގައި މުސްލިމަކު ކާފަރެއް ގޮތުގައި ސިފަކުރުމާއި އެކަމުގައި ބައިވެރިވުމާއި މުސްލިމަކު ކާފަރެއް ކަމުގައި ތުހުމަތު ކުރުމަކީ ވެސް ކުށެއް ކަމަށް ވެސް އެ ބިލުގައި ބުނެފައި ވެ އެވެ.
ބިލުގައިވާ ގޮތުން އެއީ އެއްވަނަ ދަރަޖައިގެ ކުށެކެވެ. އެހެންކަމުން އެފަދަ ކުށެއް ކޮށްފި ނަމަ އެންމެ ބޮޑުވެގެން އަންނާނީ އެއް އަހަރުގެ ޖަލު ހުކުމެކެވެ. އެންމެ ދަށް ވެގެން އެއް މަހާއި ހަ ދުވަހުގެ ޖަލު ހުކުމެއް އަންނާނެ އެވެ.
ނަފްރަތު އުފެއްދުމުގެ ކުށެއް ގޮތުގައި އިތުރަށް ހިމަނާފައި ވަނީ މީހަކާ ދެކޮޅަށް އަނިޔާވެރިވުމަށް ގޮވާލުމާއި ސިޔާސީ ވިސްނުމަށް ބަލައި، އެ މީހަކަށް ޖިސްމާނީ އަނިޔާއެއް ދިނުން ނުވަތަ އެކަމަށް ރޭވުމެވެ.
އޭގެ އިތުރުން މީހެއްގެ ނަސްލަށް، ގައުމަށް ނުވަތަ ކުލަޔަށް ބަލައި އެ މީހަކަށް ޖިސްމާނީ އަނިޔާއެއް ދިނުން ނުވަތަ ދޭން ރޭވުމަކީ ވެސް ކުށެއް ކަމަށް އެ އިސްލާހުގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަމާރުބެ
02 June 2021
މެންބަރު ކަމަށް ކުރިމަތިލުމުގެ ޝަރުތު ގައި ޢިލްމީ ފެންވަރު ކަނޑައަޅަން ގާނޫނެއް ހެދިދާނެތޯ؟
ޑޮކްޓާރ. ބަނާނާ
02 June 2021
މިގައުމު ޕެންޑަމިކް މެނޭޖް ނުކުރެވި ބޮޑު ކާރިސާއެއްގެ ތެރެއަށް ވެއްޓި މީހުނާއި ކުޑަ ކުދިން މަރުމަވަމުން ދާއިރު އަދި ވެސް ޑްރާމާ ކުޅުން ނޫންކަމެއް ނެތޯ ؟ ސަހަރޯ ހީވޭ!
ނަންރީތި
02 June 2021
ބަލަމާ ކުރިއްސުރެވެސް ތިޔައީ ދީނުގަވެސް މަނާކަމެއްކަން އެނގޭނެ ރޯދަމަހު ސިޔަރަތު އަޑުއަހާމީހަކައްވެސް ހަދާނައް އަންނީ 30 އަހަރުވެރިކަމުގަ ހުރިމީހާޔައް މިމީހުންކީހާ އެއްޗިހި މިއަދު މިމީހުންނައް މީހުން އެއްޗިހިކިޔާތީ ހަޖަމް ނުވެގެން އުޅޭމަންޒަރުމިފެންނަނީ އެމީހަކައް ދައްކަވަން ހުރި ކަމެއް ދައްކަވާފައޭ ގެންދަވާނީ މުސްކުޅިންބުނެ އުޅޭ ހަރުބަހެއް މީވެސް ދުވަހެއް
ލާދީނީ
01 June 2021
ރާއްޖޭގަ ހާދަ ދީނީ މީހުން ގިނައޭދޯ، މި އާޓިކަލަށް މިހާރުވެސް 189 މީހުން ކޮމެންޓްކޮށްފި މިކަމާ ދެކޮޅަށް. ލާދީނީ މީހުނަށްވުރެ ދީނީ މީހުން މާގިނަ. އަނެއްކަ ކޮށްފަ ހުންނަ ކޮމެންޓްތައްވެސް އެހާ ދީނީ.
ދީމާހު
01 June 2021
ދީނަށް ފުރައްސާރަކޮށް ރަސޫލާއަށް ހަޖޫޖަހާ މީހުންނަށް ހިމާޔަތް ދީ މި ރާއްޖޭގައި ދީނީ ވަހުދަތު ނަގާލުން ދޯ ބޭނުމަކީ. ތިޔަ ކަހަލަ ގާނޫނު ހެދިޔަސް މި ރާއްޖޭގައި ތަންފީޒެއް ނުކުރެވޭނެ. ތިޔަ ގޮވާނީ އަތައް. ދީނަކީ ދިވެހިންގެ ވިންދު އެއާ ކުޅެންނޫޅޭ ދޮން މީހުން ރުއްސަން
ޕޫލީ
01 June 2021
ބިކިނީ ލައިގެން ޕޫލަށް އެރޭ ކަނބަލުންނަށް ދީނަކީ އެއްޗެއްނޫންވީމަ އެފަދަ ވީޑިއޯ ލީކްވީމަ އެކަމާ ލަދުނުގަންނަނީ. ދީނުގައި ހުންނަ ހުކުމްތަކާ ހެދި އުނދަގޫވާތީ އެއަށްވުރެ ލުއިގޮތްގޮތް ހޯދަން އުޅެނީ. ދީނަށް ލޯބި ނެތީމަ ދީނާ ފުށުއަރާ ވާހަކަ ދެއްކެނީ. އެކަމުވެސް ދީނުގެ މަތީ ތިބިކަން އެބަ ދައްކަން ބޭނުންވޭ؟ ތިމާމެންގެ ހުރި ދީނާ ދުރު ކަންކަން ފާޅުވާން ފެށީމަ އެވާހަކަތައް ހުއްޓުވުން ތިކުރާ ކަންތަކުގެ މަގްސަދަކީ. ނުދެވިއޮތް މިނިވަންކަން ދިނުން މަގްސަދަކީ.
ސަލީމު އިދުރީސް
01 June 2021
މައުމޫނު ދައުރުގަ 1980 އަހަރުތަކުގަ އުދުހޭ އަހުގަ ސުޕޭސްސައް ދާ ހިސާބުގަނޑުން ދީނީއިމުވެރިން ގެނެސްކޮންމެ ރޯމަހަކު ނަސޭހަތް ދިންއިރު މިހާބައިއި ވުމެއްނެއް! އެމަކު މިގައުގަ ފަހަކުން ސޭހުން އުފެދިގެން އެކުއަކައް ވުރެ މޮޅުކަމައް ހެދި ފަތުވާ ދޭތި ވާގޮތެއް މިއީ
ދީން ކައިހުސްކޮއްފި
01 June 2021
އެހެންނުވާނީ ރަސޫލްކަމަށް ދައުވާކުރާވަރުގެ ޝައިޚުން. މުސްލިމް ގައުމެއްގަ ދީނީ ބައިބައިވުން އުފައްދައިގެން ސުވަރުގެޔަށް ވަންނާނެނަމަ އެންމެ ކުރީބައިގަ މިމީހުން ވަންނާނެތޯއްޗެ.
ހިތަދޫ ހުސެން (އައްޑޫ)
01 June 2021
އެފަދަ މުސްލިމެއް ކަން ގާނޫނީ ގޮތުން ކިހިނެއް ކަށަވަރަ ކުރާނީ ކުފުރު ވީމާ ފިޔަވަޅު ނޭޅޭ ހިނދު؟ ތިވެސް ދީނަށް ހަޖޫ ޖެހުން، ފުރަތަމަ ދީން ހިމާޔަށް ކުރޭ!
ދިވެހި މީހެއް
01 June 2021
ޤާނޫނު އަސާސީގައި ލިޔެފައި އޮންނަނީ ދިވެހިރައްޔިތަކީ މުސްލިމެއް ކަމުގައި، އެގޮތަށް ނޫޅުނަސް ހެޔޮ، ކިޔަން ޖެހެނީ މުސްލިމެކޭ، އިލާހީ ޤާނޫނު ގައި އޮންނަ ގޮތަށް އަމަލު ކުރަންވާނީ، ދާން ޖެހެނީ އެކަލާނގެ ހަޒުރަތަށް......
ބޭކާރު އަނގަ
02 June 2021
އިލާހީ ގާނޫނު ހިންގަން ހަވާލުކޮށްފަ އޮތީ "ދިވެހި މީހެއް" އާއިތަ؟ އަދި ތިޔަބުނާ ގާނޫނުގައި އޮތީ މަގުމަތިން މީހުންނާއި ފޮށި ގަޔަށްބޮލަށް އަރައި "ލާދީނީ" އަށް ގޮވަންތަ؟ ދީނަށް މީހަކު ފުރައްސާރަކޮށްފި ނަމަ ދާންޖެހޭނީ ކޯޓަށް. ފަނޑިޔާރު އޭނައަށް ހުކުމްކުރާނީ. އޭނަ ދީނުން ބޭރުވެފައިވާނަމަ ކަންކުރާނެގޮތް ވެސް ދީނުގައި އެބައޮތް. އެކަންވެސް ނިންމާނީ ފަނޑިޔާރު.
އަބުރު
01 June 2021
އަބުރާ ބެހުން ޖިނާއީ ކުށަކަށް ނުވާއިރު މިކަން؟؟؟ މީ އަބުރާ ބެހުން ނޫންތޯ؟؟؟
ބިންގޯ
01 June 2021
މޮޔަދޯ. މަހީކުރީ ވަރަށް މޮޅު ބަޔެއްކަމަށް.
މީ ދީނީ
01 June 2021
މޮޔައިންގެ ބަހަށް އެމީހުން އުޅޭގޮތައް އެމީހުން ހެދުން އަޅާހެން އެބުރިގަންނާނީ މޮޔައިން. އަފްގާނިސްތާނު މީހުން ހެދުން އަޅާހެން ހެދުން ނޭޅިއްޔާ މުސްލިމަކަށްނުވޭ. ނަމާދުކުރަން ދާންޖެހޭނީ ފުރުގާން މިސްކިތަށް. 9 އަހަރުގެ ކުދިންނާ ކޯޓުން ބޭރުގަ އިނދެވެން ޖެހޭ. ވެކްސިން ޙަރާމް. ހަރަމް ބަންނަންޖެހޭނީ ކަރުގަ. ނަމާދަށް ހުންނައިރު ހުންނަންޖެހޭނީ ޖެހިގެން ހުންނަ މީހާގެ ފަޔަށް އަރައިގެން. އައްތަހިއްޔާތުގަ ކުރުދޮށިން މަސްބާނަންޖެހޭނެ. މޫނު ނޭޅިއްޔާ އޮރިޔަމުން.