ޕިކްނިކް އައިލެންޑަކަށް ފަރުކޮޅުފުށި ހަމަޖައްސަން މަޝްވަރާ ނުކުރޭ: ރައީސް

ރައީސް އާއި މުއިއްޒު ބޭއްވި ބާއްދަލުވުމެއް: ޕިކްނިކް އައިލެންޑް މައްސަލާގައި ކައުންސިލުން މަޝްވަރާ ނުކުރާ ކަމަށް ރައީސް ވިދާޅުވި -- ފޮޓޯ: ރައީސް އޮފީސް

މޫސާ ރަޝީދު، މިހާރު

08 ޖޫން 2021 - 22:44

44 comments

މާލޭ ސަރަހައްދުގައި ދިރިއުޅޭ މީހުން ދަތުރު ދިއުމަށް ހާއްސަ ރަށަކަށް، ހުޅުމާލެއާ ގުޅާލާފައިވާ ފަރުކޮޅުފުށި ހަމަޖެއްސުމަށް މާލޭ ސިޓީ ކައުންސިލުން މިހާތަނަށް އެއްވެސް މަޝްވަރާއެއް ކޮށްފައި ނުވާ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

މާލޭގެ މޭޔަރު ޑރ. މުހައްމަދު މުއިއްޒު ރޭ ވިދާޅުވި ގޮތުގައި މާލެ ސަރަހައްދުގައި ދިރިއުޅޭ ރައްޔިތުން ދަތުރުދާނެ ހާއްސަ ތަނެއް ކަނޑައަޅާފައި ނެތުމުން، އެކަމަށް އެންމެ ރަނގަޅު ތަނަކީ މާލެ ސިޓީ ކައުންސިލްގެ އިހުތިސާސް ހިނގާ ފަރުކޮޅުފުއްޓެވެ.

ކައުންސިލްގެ އެ ވިސްނުމާ ގުޅޭ ގޮތުން ސުވާލު ކުރުމުން ރައީސް މިއަދު ވިދާޅުވީ މާލެ ސިޓީ ކައުންސިލްގެ ފަރާތުން މާލޭ ރައްޔިތުން ދިރިއުޅޭ ތަނެއްގެ ގޮތުގައި ފަރުކޮޅުފުށި ކަނޑައެޅުމާ ގުޅޭ ގޮތުން ސިޓީ ކައުންސިލުން އެމަނިކުފާނާ މަޝްވަރާ ކޮށްފައި ނުވާ ކަމަށާއި ސަރުކާރުގެ އެއްވެސް ފަރާތެއްގެ ސަމާލު ކަމަށް އެ މަސައްކަތް ގެނެސްފައި ނުވާ ކަމަށެވެ.

"ހުޅުމާލޭގައި އޮތް ބިމަކީ އެޗްޑީސީއަށް ދީ މިލްކުކޮށްފައި އޮތް ބިމެއް. އެތަނަށް އަމަލު ކުރާނެ ގޮތާއި ޕްލޭން އޮތީ ޗްޑީސީސން ރާވައި ނިންމާފައި. އެއަށް ބަދަލެއް ގެންނަ ކަމަށް ވާންޏާ އެޗްޑީސީ އާއި ސަރުކާރާ ވެސް މަޝްވަރާ ކުރަން ޖެހޭނެ،" ރައީސް ވިދާޅުވި އެވެ.

ރައީސް ވިދާޅުވީ މާލޭގައި ދިރިއުޅޭ ރައްޔިތުންނަށް ދަތުރު ދާނެ ރަށެއް ކަނޑައެޅުމަކީ ސަރުކާރުން ވެސް ވެފައި އޮތް ވައުދެއް ކަމަށާއި އޭގެ އެއް މަސައްކަތަކީ މާލެ ކައިރީ އޮތް ބޭރުގެ ބަޔަކު ހިންގާ ރިސޯޓްގެ އެއްބައި ދިވެހިންނަށް ހާއްސަ ކުރުން ކަމަށެވެ. އަދި ކޮވިޑާ ގުޅިގެން އެ މަސައްކަތް ހުއްޓިފައި އޮތް ނަމަވެސް އެހެން ރަށެއް ވެސް ހޯދުމުގެ މަސައްކަތް ކުރަމުން އަންނަ ކަމަށް ރައީސް ވިދާޅުވި އެވެ.

މާލެ ސަރަހައްދުގެ ރައްޔިތުން ދަތުރުދާނެ ރަށެއްގެ ގޮތުގައި ހަމަޖެއްސި ފަރުކޮޅުފުއްޓަކީ މީގެ ކުރިން "ކްލަބް މެޑް" ރިސޯޓު ހިންގި ތަނެވެ. އެ ތަން ހުސްކުރީ ވެސް، ހުޅުމާލޭގެ ދެ ވަނަ ފިޔަވަހި ހިއްކުމަށެވެ.

ފަރުކޮޅުފުށި އެންމެ ފަހުން ބޭނުންކުރީ ކޮވިޑު-19 ގައި ހާލު ދެރަވާ މީހުންނަށް ފަރުވާ ދޭނެ ފެސިލިޓީއެއްގެ ގޮތުގަ އެވެ. އޭގެ ފަހުން މަސްތުވާތަކެތި ބޭނުންކުރާ މީހުންނަށް ޑިޓޮކްސް ފަރުވާ ދޭން ވެސް އެތަން ބޭނުންކުރި އެވެ.

މާލެ ސިޓީ ކައުންސިލް ރައީސް އިބްރާހިމް މުހައްމަދު ސޯލިހް ޕިކްނިކް އައިލެންޑް ޑރ. މުހައްމަދު މުއިއްޒު، މާލޭގެ މޭޔަރު

44 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރައްޔިތުސޮރު

09 June 2021

ކޮބާ މަބުނީމެއްނު މުއިއްޒު ވ.މަކަރުވެރިވާނެއޭ. މުއިއްޒު ބުނެފާނެ ދަތުރުދާން ކުޑަބަނޑޮސް އޮންނާނެއޭ! މިފަހަރު މުއިއްޒު ހޮވުނީ މުއިއްޒުއަށް މާ ގިނަބަޔަކުތާޢީދު ކުރާތީއެއްނޫން. މިހާރުގެ ސަރުކާރުގެ އަމަލުތައް ހުރިގޮތުން މީހުން ވަނީ ފުރަސްޓްރޭޓުވެފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

09 June 2021

މާލޭ ރައްޔިތުން ނަށް އެންމެ ރަގަޅުވާނީ ސްޓެލްކޯ ފުރަގަހުގައި އޮންނަތެޔޮ ލޮނުގަނޑު! ތިތަންވެސް ކޮންމެވެސް ސިޔާސީ ކަނޑުކޮހަކަށް ވިއްކާފަ ފައިސާ ކޮޅު ޕަކަޅާ ކޮއްލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވާސާ އިބޫ

09 June 2021

މޭޔަރ ނުނިންމާއިދޯ އެކަންއަދި މޭޔާރ ވިދާޅުވީ މާލެ ސަރަހައްދުގައި ދިރިއުޅޭ ރައްޔިތުން ދަތުރުދާނެ ހާއްސަ ތަނެއް ކަނޑައަޅާފައި ނެތުމުން، އެކަމަށް އެންމެ ރަނގަޅު ތަނަކީ މާލެ ސިޓީ ކައުންސިލްގެ އިހުތިސާސް ހިނގާ ފަރުކޮޅުފުށިކަމަށް. މިކާމާ ރައީސް މާހާސްވެގެން ތިއުޅެނީ ކީއްވެބާ؟ މިއަށްވުރެން ރަގަޅުކަންކަން އެބަހުރިދީ ރައީސްވިސްނަން މިރައީސަކީ ނޭފަތު ކުރިޔަށްވުރެން ދުރަށް ވިސްނާން ދަންނަ ރައީސެއްނޫން. މޯދީ ބުނާގޮތަކަށް ކަންކަންކުރާނީ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނީއ

09 June 2021

މުއީޒް ރިޔާސީ ކެންޕެއިން މިޙާރުވެސް ފައްޓަވއިގެން ކުރިޔައްގެންދަވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝ އަސްމު

09 June 2021

މަޝްވަރާ ކުރުމުގެ ވިސްނުމެއް ނުހުންނާނެ، ކައުންސިލްގަ ތިއްބެވީ ހުސް ނަޜޭޝް ހެއް ހެއް ހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫޗީ/

09 June 2021

އަސްލު މިހާރު މާބޮޑަށް އޮޅިވަޑައިގެންފައި މިހުއްނަވަނީ. މީޑައަރ ނާރާ ކަންކަން ކޮށް މީހުންނައް އަމަލުން ދައްކާބަލަ. ބޭނުންވަނީ ކަންކަން ފަސޭހައިން ކުރެވޭނެ ގޮތް ހެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Happy 567

09 June 2021

މޭޔަރުގެ ނިންމުން ވަރަށް ފުރިހަމަ މާލެ ރައްޔިތުން އުފަލާއި އެކު ބަލައިގަންނަން??

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިހާޔަތުލް ކުބްރާ

09 June 2021

ގްރޭޓަރ މާލޭގެ މޭޔަރު، އިހްތިސާސްގައި ހިމެނޭ ތަނެއްގައި ކުރާ ކަމަކާ ސަރުކާރަށް ބެހެވިގެން ނުވާނެ. ފަރުކޮޅު ފުށި މިއަދު ޕިކްނިކް އައިލެންޑެއްގެ ގޮތުގައި ވަގުތީ ގޮތުން ހުޅުވާލުން ރަގަޅު. މާސްޓަރ ޕްލޭނަށް 6 އަހަރު ފަހުންވެސް އަމަލު ކުރެވިދާނެ ދޯ...