21 އޯގަސްޓް 2021 - 22:40
17 comments
ހިޔާ ފްލެޓުތަކުގެ ލިފްޓެއްގެ ތެރޭގައި ބަޔަކު ތާށިވުމާ ގުޅިގެން, ލިފްޓުތައް ކޮމިޝަން ކުރުމުގެ މަސައްކަތް ނިމެންދެން އެ ޓަވަރުތަކަށް ކަރަންޓު ނުދޭން ހައުސިން ޑިވލޮޕްމަންޓް ކޯޕަރޭޝަން (އެޗްޑީސީ) އިން ނިންމައިފި އެވެ.
ސްޓެލްކޯ އިން އަންނަނީ ކޮންމެ ދުވަހަކު ދެ ޓަވަރަށް ކަރަންޓު ދެމުންނެވެ. އިއްޔެ ތިން ވަނަ ޓަވަރާއި ހަތަރު ވަނަ ޓަވަރަށް ކަރަންޓު ދޭން ނިންމާފައިވީ ނަމަވެސް ދިމާވި ޓެކްނިކަލް މައްސަލައަކާ ގުޅިގެން ކަރަންޓު ދިނުން މެދުކަނޑާލާފައިވާ ކަމަށް އެ ކުންފުނިން ވަނީ ބުނެފަ އެވެ.
ސްޓެލްކޯގެ އޮފިޝަލަކު މިރޭ ވިދާޅުވީ ހިޔާ ފްލެޓުގެ ލިފްޓުތައް ކޮމިޝަން ކުރުމުގެ މަސައްކަތް ނިމެންދެން އެ ޓަވަރުތަކަށް ކަރަންޓު ނުދޭން އެޗްޑީސީން އެދިފައިވާ ކަމަށެވެ.
ސަބަބަކީ ހިޔާގެ ޓަވަރެއްގެ ލިފްޓެއް ތެރޭ އިއްޔެ ބަޔަކު ތާށިވެފައިވާތީ ކަމަށާއި ލިފްޓުތައް ރަނގަޅަށް ކޮމިޝަން ނުކޮށް ހުރެއްޖެ ނަމަ އެފަދަ ހާދިސާއެއް ތަކުރާރު ވެދާނެ ކަމަށް ވެސް އޭނާ ވިދާޅުވި އެވެ.
"އެފަދަ އިތުރު ހާދިސާތައް ހިނގާފާނެ ކަމަށް ބަލައި ސަލާމަތާއި ރައްކާތެރިކަމަށްޓަކައި ލިފްޓުތައް ކޮމިޝަން ކޮށް ނިމެންދެން ކަރަންޓު ނުދޭން އެޗްޑީސީން ވަނީ އަންގާފައި،" އޭނާ ވިދާޅުވި އެވެ.
އެނގިފައިވާ ގޮތުގައި ލިފްޓު ތެރޭ ބަޔަކު ތާށިވުމުން އެމްއެންޑީއެފްގެ ފަޔާ އެންޑް ރެސްކިއު އިން ވަނީ އެ ސަރަހައްދަށް ގޮސް އެ މީހުން ސަލާމަތް ކޮށްފަ އެވެ.
ހިޔާ މަޝްރޫއުގެ ދަށުން ފްލެޓް ލިބުނު މީހުންނަށް ތަޅުދަނޑި ހަވާލު ކޮށްފައިވާއިރު ބައެއް ފްލެޓުތަކުގެ އިންޓީރިއާ މަސައްކަތް ވެސް މިހާރު ވަނީ ފަށައިފަ އެވެ. މި މަސައްކަތް ނިންމަން ޑިސެމްބަރު މަހުގެ ނިޔަލަށް ވަނީ ފުރުސަތު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
22 August 2021
މިއީ އަހަރުމެން މާލޭ މީހުންގެ ދުރުވިސްނުމުގެ ސިޔާސަތުގެ ދަށުން އަހަރުމެންގެ މާލޭ ވެރިމީހާ ޔާމީނު ރަށް ރަށުގެ މީހުން މަޅީގައި ޖައްސާފައި މާލޭ ސަރަހައްދުއަށް ފައިސާ ވައްދަން ޖެހި މަޅީގެ ދަންތުރާގައި އެތިބީ ގިނަ ބަޔަކު ޖައްސާފައި! ދެން ތިޔަ 25 ބުރީގެ ފުލެޓްތަކަށް މީހުން ވަދެ ނިމުނީމައި ދެދުވަހުން އެއްދުވަހު ލިފްޓުން ކަރަންޓްކެނޑި ބަޔަކު ތާށިވެގެން އުޅެންޖެހޭނީ! ނަސީދު ބުނީ ރަގަޅަށް މާލޭ މީހުން ކުރިއަށް 6 ކުޅި ކުޅޭނެ!
ކޭލް
22 August 2021
ހަދާ ނިންމާފަ ހުރި އިމާރާތްތައް ވީރާނާކުރަން އަދިވެސް ބަހައްޓާ. ތިޔަ ތަންތަނުގަ މައްސަލަ ނުޖެހުނިއްޔާ ދެރަ. އެހާ ދުވަހު ހުހަށް ބަހައްޓައިފި މީހުން ވަނަނުދީ، ކުރަންހުރި މަސައްކަތްތައް ނުނިންމާ.
އިސްމާލި
22 August 2021
ކޮމިޝަންގެ މާނައަކީ ކޮބާތަ؟ ތިޔަބުނާ އެއްޗެއް ކޮށްފައ އެއް ނޫންތަ ލިފްޓު ބޭނުންކުރެވޭ ގޮތް ހަދާފައި އެހުރީ. ދެން އަނެއްކާ ތިޔަބުނަނީ ލިފުޓު ހަލާކުވެފައި ހުރީއޭތަ؟
ޔާސިރު
22 August 2021
ކޮމިޝަން ނުކުރަނީސް ލިފްޓް ތައް ބޭނުން ކުރަން ހުއްދަ ދެނީ ކޮން ގައުމެއްގަތަ؟ އެކަމަކު ބެސްޓް ޕްރެކްޓިސް އަމަލު ކުރާ ކަމަށް ބުނާނެ. ޢެޗް.ޑީ.ސީ ތަންކޮޅެއް ޒިންމާދާރު ވާން ވެއްޖެ…
ކަންނެލިއޮޑި
22 August 2021
ކަލޯގަޔާ ތައުބާ ނަމާދުކޮށް ޝަހާދަކިޔައިގެން އާއިލާއެންމެގާތު މާފަށްއެދިފަ ތިޔައިގެން ލިފްޓަކަށް އަރަންވާނީ
ކަންނެއްޔާ
22 August 2021
އޭރުން ނުހުއްޓި ލިފްޓް މައްޗަށް އަރާނެދޯ؟
ފުލެޓުވެރިޔެެއް
22 August 2021
ފިނިޝިންގ މަސައްކަތް ކުރަން ގްރޭސް ޕީރިއަޑް އިތުރުކޮށްދިނުމަށް ވަރަށް އިހުތިރާމާއެކު ސަރުކާރުގައި އެދެން. ފިނިޝިންގ މަސައްކަތައް އަޅުގަނޑުމެއް މި ކުރަންޖެހެނީ ވަރަށްބޮޑު ހޭދައެެއް. މި ބޮޑުހޭދަ މިކޮވިޑްގެ ދަތި ދުވަސްވަރު ކުރުމަކީ އަޅުގަނޑުމެނަށް ވަރަށް ދަތިކަމެެއް އުޅޭ ތަނަށް ކުލި ފައްކަމުންން.
ހިކި
22 August 2021
ސުހައިލް ރައްޔިތުންނަށް ކުރާ ޖެއްސުމެއް
999
22 August 2021
މީ ގަސްތުގަ ރާވައިގެން ހިންގާ ކަމެއް
އައްޔަ ބޮޑޭ
22 August 2021
ތިހިރީ ފުލެޓު އަޅާއިދީފައެއްނުން ކިހާރީތި! ނަސީބެއްނުން މިފަހަރުސަލާމަތް ވިކަންވެސް ތިޔައެޗައް އަރަންވާނީ ކާބޯތަކެތި ވެސްހިފައިގެން.
ދޮންބެއަލީ
22 August 2021
ހަމަ ކަމެއްކުރަން ނޭގެނީ 2 އަހަރުވެގެން ގޮސް މީހުންނަށް ތަޅު ދަނޑި ދިން އިރުވެސް ލިފުޓް ކަމިޝަންނުކުރެވޭ . އާންމުފަރުދުންވެސް 3 މަހުން އެކަން ކުރޭ ..ކެފޭ ފިހާރަ ހަދަން ބިން ކޮޅެއް ދެވެނީ އެތާމީހުން ދިރިއުޅެން ފެށީމަ..އިޢުލާން ކުރީމަ 100 މީހުން ކުރިމަތިލާ ހޯދަން އެހާ ޑިމާންޑް ބޮޑު .ހަމަ ސުލޮއީ ދިވެހިންމިސުޕީޑް ބޭނުމެއްނުވޭ ސަލާމް