މަރުވި ގައިދީ 8 މިނެޓްތެރޭ ހޮސްޕިޓަލަށް ގެންދިޔަ: މިނިސްޓްރީ

ގައިދީއަކު މަރުވި މައްސަލާގައި އާއިލާ އިން ހުޅުމާލެ ހޮސްޕިޓަލް ކައިރީ އާއިލާ އިން ހަމަނުޖެހުން ހިންގުމުން ފުލުހުން ހަރަކާތްތެރިވަނީ-- ފޮޓޯ/ޓުވިޓާ

14 ސެޕްޓެމްބަރ 2021 - 15:53

10 comments

ހުޅުމާލޭ ޖަލުގައި ހުކުމް ތަންފީޒު ކުރަމުން ދަނިކޮށް ރޭ މަަރުވި ގައިދީއަށް ފަރުވާ ދިނުން ލަސް ނުކުރާ ކަމަށާއި ޖަލު ތެރެއަށް ވެއްޓުނުތާ އަށް މިނެޓް ތެރޭ ހޮސްޕިޓަލަށް ގެންދިޔަ ކަމަށް ހޯމް މިނިސްޓްރީން މިއަދު ބުނެފި އެވެ.

ރޭގެ ވަގުތެއްގައި މަރުވެފައި ވަނީ ހުޅުމާލޭ ޖަލުގައި ތިން އަހަރު ދުވަހުގެ ހުކުމެއް ތަންފީޒުކުރަމުން ދިޔަ ގދ. ވާދޫ، ޖަނަވަރީގޭ މުހައްމަދު އަސްލަމް، 40، އެވެ. އޭނާ މަރުވި މައްސަލާގައި ކަރެކްޝަންސް އަށް ބޮޑެތި ތުހުމަތުތަކެއް އޭނާގެ އާއިލާ އިން ކުރެ އެވެ.

އެކަމާ ގުޅިގެން ހޯމް މިނިސްޓްރީން މިއަދު ވަނީ ސީީސީޓީވީ ފޫޓޭޖްތައް ބަލައި ޖަލު އޮފިސަރުންނާއި ގައިދީން ދީފައިވާ މައުލޫމާތުގެ މައްޗަށް ބިނާކޮށް ހާދިސާ ހިނގި ގޮތުގެ ޓައިމްލައިނެއް އާންމުކޮށްފަ އެވެ.

ޓައިމްލައިންގައިވާ ގޮތުން އިއްޔެ ހަވީރު 5:55 ގައި އަސްލަމް މޭޒެއް މަތީ އިށީނދެގެން އިންނަތާ ހަތަރު މިނެޓް ފަހުން އަނބުރައިގަނެގެން ވެއްޓެ އެވެ. އެވަގުތު އެހެން ގައިދީއެއް އޭނާއަށް ސީޕީއާރް ދީފައިވާ ކަމަށް ޓައިމްލައިންގައިވެ އެވެ.

އަސްލަމް ވެއްޓުނުތާ ތިން މިނެޓު ފަހުން، 6:02 ގައި ކަރެކްޝަންސްގެ އޮފިސަރުން ސީންއަށް އެޓެންޑު ކުރި އެވެ. އެ ވަގުތު އޭނާ އޮތީ ހޭނެތިފަ އެވެ. އަދި އަށް މިނެޓު ތެރޭގައި އޭނާ ހުޅުމާލެ ހޮސްޕިޓަލަށް ގެންދިޔަ އެވެ.

ރޭ އިރާކޮޅު ހުޅުމާލޭ ޖަލުގައި ޤައިދީއަކު ނިޔާވުމާ ގުޅިގެން އިންޕެކްޓަރ އޮފް ކަރެކްޝަނަލް ސަރވިސަސް ގެންދަވަނީ އެމައްސަލަ ތަހުޤީޤުކުރައްވަމުން. ސީީސީޓީވީ ފޫޓޭޖް، ޖަލު އޮފިސަރުން އަދި ޤައިދީން ދީފައިވާ މައުލޫމާތުގެ މައްޗަށް ބިނާކޮށް ހާދިސާ ހިނގާދިޔަގޮތުގެ ޓައިމްލައިން👇 pic.twitter.com/am15DJ4Ogn
— Home Ministry, MV (@HomeMinistrymv) September 14, 2021

ހޮސްޕިޓަލަށް ގެންދިޔުމަށް ފަހު 6:30 ގައި އާއިލާއަށް ގުޅަން މަސައްކަތް ފެށި ކަމަށް ޓައިމްލައިން އިން ދައްކަ އެވެ. އާއިލާގެ މެންބަރަކާ ގުޅުނީ 6:42 ގައި އެވެ. އަދި 6:55 ގައި އަސްލަމް މަރުވި ކަމަށް އެ ޓައިމްލައިންގައިވެ އެވެ.

އަސްލަމްގެ އާއިލާ އިން ތުހުމަތުކުރާ ގޮތުގައި އަސްލަމް ހޮސްޕިޓަލަށް ގެންދިޔައީ ހަވީރު އެވެ. އަދި އާއިލާއަށް ގުޅިއިރު އެ ރޭ 7:00 ހާއިރު ކަމަށެވެ. އަދި އަސްލަމް މަރުވިކަން އާއިލާއަށް ނާންގާ ސިއްރު ކުރަން ކަރެކްޝަންސް އިން މަސައްކަތްކުރި ކަމަށް ވެސް އާއިލާ އިން ތުހުމަތުކުރެ އެވެ.

ހޮޮސްޕިޓަލްގައި ތިބި ކަރެކްޝަންސްގެ އޮފިސަރުންނާ އާއިލާ އިން ސުވާލުކުރުމުން އޭނާއަށް ފަރުވާ ދެމުން ގެންދާ ކަމަށް ބުނި ކަމަށާއި ނަމަވެސް އަސްލަމް ބާއްވާފައި އޮތް ކޮޓަރިއަށް ގަދަކަމުން ވަތް އިރު އޭނާ މަރުވެގެން އެތައް އިރެއް ހިނގާފައިވާ ކަމަށް ވެސް އާއިލާ އިން ތުހުމަތު ކުރެ އެވެ.

އެ މައްސަލަ މިއަދު ރައްޔިތުންގެ މަޖިލީހަށް ވެސް ވަނީ ހުށަހަޅައިފަ އެވެ. އޭގެ އިތުރުން ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް) އިން ވެސް އަންނަނީ އެ މައްސަލަ ތަހުގީގު ކުރަމުންނެވެ.

ގައިދީން ހޯމް މިނިސްޓްރީ ކަރެކްޝަނަލް ސާވިސް

10 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެންޓި ފުލުސް

15 September 2021

ތީ ތެދެއް ހަދާބައެތަ ފުލުހުން ދޯ ތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމަނާ

15 September 2021

ހޯމް މިނިސްޓަރގެ ޓައިމްލައިން، ޝޭޚަކަށް ވެހުރެވެސް ވަރަށް ނަޔާވާނެ. އެކަމަކު ޢާއިލާއިން ދައްކާވާހަކަ މުޅިން ތަފާތު. ދެން އޮތީ ސަރުކާރުގެ ބޮޑުހައްލު. ނުވަތަ ބޮޑުމަޅި. ކޮމެޓީއެއްހަދާނެ. ތަހްގީގެއް ކުރާނެ. އެކަމަކު އާމުންގެ ވާހަކައަކީ ސަރުކާރު އައި ހިސާބުންފެށިގެންވެސް އަންނާނެ ޖަވާބަކީ "އެކަން ހިނގާދިޔައީ ރަގަޅަށް" މިހެންކަން. މިނޫން އެހެން ޖަވާބެއް އަންނަހިސާބުން ވަޒީފާވެސް ގެއްލޭނެ. ކޮންމެވެސް ކުށެއްގައި ޖަލަށްވެސްލާފާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

15 September 2021

ޓައިމްލައިނަކީ ބޭނުންގޮތަކަށް ހަދާ އަދި ދެއްކިދާނެއެއްޗެއް، ވީޑިއޯފުޓޭޖުވެސް ބޭނުންބައެއް ސިއްރުކޮށްފައިވެސް ހާމަކުރެވޭނެ!! އިންޑިޕެންޑެންޓު ބަޔަކުލައްވާ ކުރާ ތަހުގީގަކަށްނޫނީ އެއްވެސް އިތުބާރެއްނެއް، "ތަހުގީގުކުރިޔަށްދާތީ އިތުރުވާހަކަ ދެއްކޭކަށްނެއް ވައްސަލާމް" މިއީ ފުލުހުންގެޖަވާބު! އެކަމެއްގައި އިހުމާލުވިމީހުން ނުވަތަ ޒިންމާވާންޖެހޭ މީހުން (ކަރެކްޝަންސް) އިން އަމިއްލައަށް ކުރާ ތަހުގީގަކުން ކަމުގެ ހަގީގަތް އޮޅުވާލުންނޫން އިތުރުކަމެއްނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

14 September 2021

އާއިލާއިން މިއަދަކު ނޫން މައްޔިތާއާއި މެދު ކަންބޮޑުވެގެން އުޅެންވީކީ. ޖަލަށް ލުމުގެ ކުރިން އެ ކުށަކަށް އަރައި ގަތިޔަ ނުދޭން މިހާރު ތިޔަ މަސައްކަތް ކުރި އުސޫލުން ކުރި ނަމަ ޖަލުގައިވެސް ހުންނާނަ ނުޖެހި ދިޔުން ވަރަށް ގާތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާނު

15 September 2021

ކުށްކުރިޔަސް އަދަބު ލިބި ތައުބާވެސް ވެވޭ މަރުވަންދެން.. ހަރުކަށި ނުވެބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫހަމްޒާ

14 September 2021

އެމްޑީޕީ ވެރިކަމު ގައި ވިއްޔާ ތިކަމު ގެވެސް ޒިންމާ ނަ ގަން ޖެހޭނީ މައުމޫން ނޫނީ މަރުވި މީހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެލްބީ

14 September 2021

އާއިލާ ކައިރީ ހުރިނަމަވެސް މިވަރުދޯ ކޮށްދެވޭނީ. ދެންވެސް ޢާއިލާއިން ބްލޭމް ގޭމް ނުކުޅެ މީނަ ދުނިޔޭގަ ހުރިއިރު ކުރިކުށަށް މާފުލިބޭތޯ ދުއާކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮއީސް

14 September 2021

އާއިލާގެ ޒިންމާ އަންނަނީ ބަޔަކަށް ބްލޭމްކުރަންވީމަ، މަރުހޫމަށް ހެޔޮ ރަހުމަތް ލައްވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކުންދައިތަ

14 September 2021

ތި އެޗުއާރުސީއެމަކަށް ވެސް ތަންދޮރު ފިލާ ބަޔަކު ލީ ނަމަ ދޯ ކަމެއް ވާނީ؟ ގޭސް އަނބުރައިގެން ތަން ފަސާދަ ކުރުން ކަމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލުބެ

14 September 2021

ފުރަތަމަ ހަމަނުޖެހުން އުފެއްދުން، ދެން ވީގޮތެއް އޮޅުންފިލުވުން. މިއަށްވުރެ ދިވެހިން ހަރުދަނާ ވާންވެއްޖެ. އެއީ ޑިމޮކްރަސީގެ ސިފައެކޭވެސް ބަޔަކު ބުނެފާނެ!