ކުރީގެ ރައީސް ނަޝީދު ގަތުލުކުރާނެ ކަމުގެ އިންޒާރު ދިން މީހާ --
22 ސެޕްޓެމްބަރ 2021 - 15:42
59 comments
އަބޫޖަހުލަށް ހަދާލި ގޮތް، ކުރީގެ ރައީސް މުހައްމަދު ނަޝީދަށް ހަދާނެ ކަމަށް ބުނެ ފޭސްބުކްގައި އިންޒާރު ދިން މައްސަލައިގައި ހައްޔަރު ކުރި އިސްމައިލް ޔާސިފް މިއަދު ކްރިމިނަލް ކޯޓުގައި ވެސް ނަޝީދަށް މަރުގެ އިންޒާރު ދިނުމުން ކޯޓުގެ ހުރުމަތް ކެނޑުމުގެ ކުށުގައި ޖަލަށް ލައިފި އެވެ.
ރ. މީދޫގައި ހުއްޓާ މިދިޔަ މަހުގެ 23 ވަނަ ދުވަހު ހައްޔަރުކުރި، އުމުރުން 40 އަހަރުގެ ޔާސިފްގެ ބަންދު މުއްދަތު އިތުރުކުރަން ކްރިމިނަލް ކޯޓަށް ހާޒިރުކޮށް އަޑުއެހުން ކުރިއަށް ގެންދަން ފެށުމާ އެކު ނަޝީދު އަވަހާރަކޮށްލާނެ ކަމަށް ބުނެ އިންޒާރު ދީފަ އެވެ.
އޭނާގެ އަމަލުތައް ހުރި ގޮތުން އެއީ ކޯޓުގެ ހުރުމަތް ކެނޑުން ކަމަށް ބަލައި ގާޒީ އަލީ އާދަމް ނިންމެވީ އެއް މަހަށް ޖަލަށް ހުކުމް ކުރާށެވެ.
އެ ހުކުމް ކުރުމުން ވެސް އޭނާ ވަނީ ދެއްކި ވާހަކަ ތަކުރާރުކޮށް ނަޝީދު އަވަހާރަކޮށްލާނެ ކަމަށް ބުނެ އިންޒާރު ދީފަ އެވެ.
ޔާސިފް ހައްޔަރުކޮށްގެން ބަންދު ޖަހަން ފުރަތަމަ ގެންދިޔައީ އުނގޫފާރު ކޯޓަށެވެ. އެ ދުވަހު އެ ކޯޓުގެ ހުރުމަތް ކަނޑާލައިގެން ވެސް 15 ދުވަހަށް ޖަލަށް ލާން ހުކުމް ކުރި އެވެ.
ޔާސިފް ހައްޔަރު ކުރީ، ފޭސްބުކް ޕޯސްޓެއްގައި ކުރި ކޮމެންޓެއްގައި "[ނަޝީދު] ދެން ރާއްޖެ އަތުވެއްޖެ ނަމަ ބަދުރު ދުވަހު އަބޫޖަހުލަށް ހެދިގޮތް ހަދާނަން،" ކަމަށް ބުނެ އިންޒާރު ދިނުމުންނެވެ.
ޔާސިފަކީ މީދޫ މީހަކާ އިނދެގެން އެ ރަށުގައި އުޅުނު މާލޭ މީހެކެވެ. ހައްޔަރުކުރީ އޭނާގެ އަންހެނުންގެ ގޭގައި ހުއްޓަ އެވެ.
މިދިޔަ މޭ 6 ވަނަ ދުވަހުގެ ރޭ ދިން ބޮމުގެ ހަމަލާގައި ނަޝީދު ވަރަށް ބޮޑަށް ޒަހަމްވެ، އެ ޒަހަމްތަކަށް ފަރުވާ ހޯއްދަވަން ވަޑައިގެން ހުންނެވީ އިނގިރޭސި ވިލާތުގަ އެވެ. އެ މަނިކުފާނަށް ހަމަލާ ދިން ކަމަށް ތުހުމަތު ކުރެވޭ މީހުންގެ ޝަރީއަތް މިހާރު ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެލޮކޮސް
23 September 2021
އޭނަ އެހެންބުންޏަކަސް އެގޮތެއްނަހަދާނެ. ހަމަ އެލެކުސް ދެކެ ވާލޯތްބެއްގެ ސަބަބުންކަމަށްވާނީ. ދެމީހުން އެއްކޮޓަރިއަކަށްލާފަ ސަލާންކުރުވާލާ!
ޓާލިބާން
23 September 2021
ދީނަށް ލޯބިކުރުމަކީ ނަމާދުކޮއްފަ ރޯދަހިފާފަ، މީހުންމަރަން ގޮވުމެއްނޫން، ރަސޫލާ ސއވ ނުކުރައްވާ ކަމެއް ކުރަން އުޅުމަކީ ދީނަށް ލޯބިކުރުން ކަމަށް ގަބޫލެއް ނުކުރަން.
mRNA vaccines
23 September 2021
ތީނަ ޖެހެނީ އަނދަގޮޑި ޖަހާފަ ބަހައްޓަން.
ޙިނި
23 September 2021
ހަމަ "ދެންނިކަން ޖަހާބަލަ" އުސޫލުގެ މީހުން ގިނައީ.
ބަބުޝްކާ
22 September 2021
ރާއްޖޭގަ މީހުންމެރުމާއި ތަމަޅައިންގެނެސް ހަނގުރާމަކުރުމާއި ފައިސާ ދޮވުމާއި ބަގާވާތްކުރުމާއި ބޮޑެތި ކޮރަޕުޝަންގެ ކަންކަމާއި މަކަރުހެދުމާއި ދޮގުވައުދުވުމާއި ޓެރަރިޒަމްފަދަ ނުރައްކާތެރި ހުރިހާކަމެއްގަ ކުރީގަތިބީ މާލޭމީހުން. މިއީ އަދި ރަންނަމާރި ޖަރީމާ ނުހިމަނާ. ދެންހަދާގޮތަކީ އުތުރުރަށްރަށުގަ ރޯނުބޮނޑިއެއް ވަގަށްނަގާ ހަބަރު ޓެގުކޮށްފަ އުތުރުމީހުންހާ ގޯސްބަޔަކު ނޫޅޭނެއޭކިޔާފަ އާވިއަރުވާލަނީ.
ރޭނިސް
22 September 2021
ޖާބިރު މޮޔަ ވިޔަސް ހޭބަލި ވެގެން މީހުން މަރާކަށް ނުގޮވައެއްނު.
އަބޫބު
23 September 2021
ގޮވާ މިހާރުވެސް މީހަކަށް މަރުގެ އިންޒާރު ދިން މައްސަލަ ފުލުސް އޮފީހަށް ހުށައަޅާފައި އެބައޮތް
އާދަނު2
22 September 2021
މިކަހަލަމީހުނަށް ތާއަިދުކުރާބަޔަކުވެސް މިގައުމުގައުޅޭ!!
އަލީ1
22 September 2021
ހިތުން މާގަދަ ޓެރަރިސްޓެއް!
ޢަރުތަ
22 September 2021
"އެ ހުކުމް ކުރުމުން ވެސް އޭނާ ވަނީ ދެއްކި ވާހަކަ ތަކުރާރުކޮށް ނަޝީދު އަވަހާރަކޮށްލާނެ ކަމަށް ބުނެ އިންޒާރު ދީފަ އެވެ". ޝަރުޢީ ކޯޓެއްގެ ތެރޭގަ ޝަރީޢަތުގެ މަޖިލިހުގަ ތިއޮތީ އިންޒާރު ދީފަ، އަދި އިތުރު ހެކި ބޭނުންވާނެބާ!؟ ތިސޮރު ތިއޮތީ އަމިއްލަ ... ފައިން އެރިފަ، ހުންނާނެ ރާކަނި މަސްކެވިފަ، މީހުނަށް މަރުގެ އިންޒާރު ދިނުމަކީ ކިހާވަރެއްގެ ކަމެއްކަން މިހާރު އިހުސާސުކުރެވޭނެ.
މާފަސެ
23 September 2021
މާފަސޭހަ އެއްނު އަތުން ފައިން ކަމެއް ނުކޮށް ޖަލުގައި އޮންނަން
ސޮކެޓުކަޕޫރު
22 September 2021
މިކަހަލަ ކޮންމެކަމެއްގަ ކ.މާލޭމީހަކު އެބަ ހިމެނޭ. އެއީ އިއްތިފާގަކުން ހިނގާކަމެއްތޯ ނޫނީ ކޮޓަރިކުލީ ވިޔަފާރީގެ ސަބަބުން ދިމާވާކަމެއްތޯބަލަން ޖެންޑާއިން ދިރާސާއެއް ކުރަންޖެހޭ.
އޮނަރަބަލް ކޯންޗެއްކަން ނޭނގޭ އަފީފް ދީދީ
23 September 2021
އޮނަރަބްލް އަމިއްލަޔަށް ކިޔައިގެން އެކަމަކު ވަޒީފާ ގަނޑެއް އަދާކުރާނެ ފެންވަރެއްނެތް އަފީފްދީދީ ކާރީގައި ތިދިރާސާ ކުރަން ބުނަމާ.