އުއްތަމަ ފަނޑިޔާރުގެ ގެކޮޅުގެ ސީސީޓީވީ ކެމެރާތައް ހަލާކުކޮށްލައިގެން ގެޔަށް ވަންނަން އުޅެފި

އުއްތަމަ ފަނޑިޔާރު މުއުތަސިމް އަދުދާން.

އިފްރާޒް އަލީ، މިހާރު

30 ސެޕްޓެމްބަރ 2021 - 16:33

އުއްތަމަ ފަނޑިޔާރު މުއުތަސިމް އަދުނާނުގެ ގެކޮޅުގެ ސީސީޓީވީ ކެމެރާތައް ހަލާކުކޮށްލައިގެން ގޭތެރެއަށް ވަންނަން މީހަކު މިއަދު މަސައްކަތްކޮށްފި އެވެ.

މިއަދު މެންދުރު ފަހު މިކަން ހިނގާފައިވާކަން "މިހާރު" އަށް ވަނީ ކަށަވަރު ވެފަ އެވެ.

ފުލުހުން ބުނީ އުއްތަމަ ފަނޑިޔާރުގެ ގެކޮޅުގެ ސަލާމަތީ ކަންކަން ބެލެހެއްޓުމަށް ބަހައްޓާފައި ހުރި ސީސީޓީވީ ގެ ޕޮޒިޝަން ބަދަލު ކޮށްފައި ހުރި ކަމުގެ މައުލޫމާތު ލިބިފައިވާ ކަމަށާއި އެކަމާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށެވެ.

އުއްތަމަ ފަނޑިޔާރުގެ ގެކޮޅަށް ގެއްލުންދީ ވަދެގަންނަން އުޅުނު އިރު އެ މަނިކުފާނު ގެކޮޅުގައި ވަޑައިގެން ނޫޅުއްވަ އެވެ. އޭރު އުއްތަމަ ފަނޑިޔާރު އިންނެވީ ސުޕްރީމް ކޯޓުގައި ޝަރީއަތެއްގެ ރިޔާސަތުގަ އެވެ. އެއީ ރާއްޖޭގައި އައިއެސްގެ ފިކުރު ފަތުރަން އުޅުނު ކަމަށް ބުނެ ދައުލަތުން ދައުވާކުރި މުހައްމަދު އަމީންގެ މައްޗަށް އުފުލި ދައުވާތައް ހައި ކޯޓުން ބާތިލްކުރުމުން ދައުލަތުން ކޮށްފައިވާ އިސްތިއުނާފު މައްސަލައިގަ އެވެ.

އުއްތަމަ ފަނޑިޔާރު ދިރިއުޅުއްވަނީ އެ މަނިކުފާނުގެ އާއިލީ ގެކޮޅުގަ އެވެ. ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މިދިޔަ މެއި މަހު އައިއީޑީއެއް ގޮއްވާލައިގެން ދިން ހަމަލާއަށް ފަހު ދައުލަތުގެ ތިން ބާރުގެ ވެރިންނަށް ހާއްސަ ސެކިއުރިޓީއާ އެކު ރަސްމީ ގެކޮޅު ހަމަޖެއްސުމުގެ މަސައްކަތް މިހާރު އަންނަނީ ކުރަމުންނެވެ.

ފުލުހުން އުއްތަމަ ފަނޑިޔާރު އަހުމަދު މުއުތަސިމް އަދުނާން (އުއްތަމަ ފަނޑިޔާރު)

10 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޮނިޓައްޕު ހަސަނު

03 October 2021

މިރާއްޖޭގައި ބޮޑެތި ވައްކަން ކުރުމާއި، މީހުން މެރުން ފަދަ ނުރައްކާތެރި ކުއްތަކަށް އަރައިގަތުމުގައި ގުޅިގެން ތިން ފަރާތެއް ޝާމިލުވޭ. އެއްމެ އަޑީގައި ތިިބެ އޯޑަރު ފޮނުވަނީ ސިޔާސީ ބޭފުޅުން، ތަންފީޒު ކުރުމުގައި އަމަލީގޮތުން ބައިވެރިވަނީ ގޭންގު މީހުންނާއި ޑޮޓް ގްރޫޕްގެ މީހުން. މިރާއްޖެއަކީ މިހާރު ކޮލަމްބިއާއަށް ވުރެން ކުރީގައި އޮތްގައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމް

01 October 2021

މިފެންނަނީ ސަރުކާރުން އައިސިސް އަށް ފިޔަވަޅު އަޅަން ނުކެރުމުން ދިމާވާ ކަންކަން. ޢިމްރާންގެ ދަށުވާކަށް ނުޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްލު

01 October 2021

ތި ވާނީ ދައުލަތުގެ ގެ ކޮޅު ލިބުންލަސްވާތީ ޖަހާލި މަޅިއަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮއީސް

01 October 2021

ހާދަ ދަށު ދަރަޖައަކަށް މީހުން ވެއްޓިއްޖެއޭ. އަސާސެއް ނެތް ވާހަކަ ދެއްކުމަކީ ހައްދެއް އޮތް ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

30 September 2021

ތިބަޔަކު ހޯދޭނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަނު888

30 September 2021

ކުރަނީ! ކުރަނީ! ސިކިއުރިޓީ ދިނުމުގެ ތައްޔާރީތައް ހުއްޓުމެއްނެތި ކުރަމުން ދަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަލަން

30 September 2021

ބަޔަކު ނުވަތަ ކަމެއް ފެއިލްވާނީ މިހާވަރަށް. ފުޓްބޯޅަ މެޗެއް ކުޅެ ލަނޑެއްނުޖެހި މުޅިމުބާރާތުން ފެއިލްވުމާ، މިބާވަތުގެ ކަންކަމާ އެއްގޮތަކަށްވެސް އަޅާނުކިޔޭނެ. 3 ބާރުގެ 3 ވެރިންގެ ސަލާމަތާ ރައްކާތެރިކަން ކަށަވަރު ނުކުރެވޭތާ ރައްޔަތުންގެ ގެދޮރާ މުދަލުގެ ރައްކާތެރިކަމެއްވެސް މިހާރަކުނެތް. ކަނޑުމަތިވެސް ބެލެހެއްޓެނީކީ ނޫން. ބޮޑެތި މާސިންގާ ބޯޓުފަހަރު ވަދެންގެން އައިސް ފަރަށް އުރުނީމަ މިފެންނަނީ. މުޅިތަން އެއްކޮށް "ސާފު" ކުރަން އެބަޖެހޭ.