އަންހެން މީހާ އާއި ދެ ކުދިން ކަނޑަށް ވެއްޓުނީ ލޯންޗަށް އެރި ރާޅަކާ އެކު. އެއް ކުއްޖަކު އަދިވެސް ނުފެނޭ
މިއަދު ގަދަ ކަނޑުގައި މާލެ ކައިރިން ލޯންޗެއް ދުއްވާފައި ދަނީ. -- ފޮޓޯ: ފަޔާޒް މޫސާ/މިހާރު
16 އޮކްޓޯބަރ 2021 - 18:31
67 comments
މިއަދު ހަވީރު މާލެއިން ފުރައިގެން ވ. އަތޮޅަށް ދިޔަ ލޯންޗެއް ރާޅެއްގައި ޖެހި އޭގައި ތިބި ތިން މީހަކު ކަނޑަށް ވެއްޓި އޭގައި އިން އަންހެނަކު މަރުވެ އޭނާގެ ހަތަރު އަހަރުގެ ފިރިހެން ދަރިފުޅު ގެއްލިއްޖެ އެވެ.
މަރުވީ މަރިޔަމް ނާހިދާ، 33، އެވެ. ގެއްލުނީ އޭނާގެ ހަގު ދަރިފުޅު ޖުޔަލް އެވެ.
އެމްއެންޑީއެފުން ބުނީ ލޯންޗަށް އެރި ރާޅަކާ އެކު ކަނޑަށް ވެއްޓުނީ އަންހެން މީހާ އާއި އޭނާގެ ދެ ކުދިން ކަމަށެވެ. މީގެ ތެރެއިން ދޮށީ ދަރިފުޅު ވަނީ ސަލާމަތްކުރެވިފަ އެވެ.
ހަވީރު 5:30 ހާއިރު އޮޅުވެލި ރިސޯޓް ކައިރީ ހިނގި މި ހާދިސާގައި، 12 މީހުން ތިބި ލޯންޗުން ކަނޑަށް ވެއްޓުނު ނާހިދާ އާއި އޭނާގެ ދޮށީ ދަރިފުޅު ކަނޑުން ނަގައިގެން ގެންދިޔައީ ކ. ގުރައިދޫ ހެލްތު ސެންޓަރަށެވެ.
ފުލުުހުން ބުނީ އަންހެން މީހާ ހެލްތު ސެންޓަރަށް ގެންދިޔަ އިރު ވެސް މަރުވެފައިވާ ކަމަށް އެތަނުން ބުނެފައިވާ ކަމަށެވެ.
އެމްއެންޑީއެފުން ބުނީ ގެއްލިފައިވާ ކުއްޖާ ހޯދުމުގެ މަސައްކަތް ކޯސްޓް ގާޑުންނާއި އެ ކުއްޖާގެ އާއިލާ ގުޅިގެން މިހާރު ކުރަމުން އަންނަ ކަމަށެވެ.
މި ހާދިސާ ހިނގާފައި ވަނީ މާލެ އަތޮޅު އޮޅުވެލި ރިސޯޓުގެ އިރުދެކުނުން އެއް ނޯޓިކަލް މޭލު ދުރުން ކަމަށް ލަފާކުރެވޭ ކަމަށް އެމްއެންޑީއެފުން ބުންޏެވެ. އެ ހިސާބުން ދަތުރުކުރާ މީހުންނާއި އެ ހިސާބުގެ ރަށްތަކުން ވެސް ކުއްޖާގެ ހަބަރެއް ވޭތޯ ބެލުމަށާއި އެއްވެސް މައުލޫމާތެއް ލިބިއްޖެ ނަމަ އަވަހަށް އަންގަން ވަނީ އެދިފަ އެވެ. އެމްއެންޑީއެފުން ބުނީ ގެއްލުނު ކުއްޖާ ލައިގެން އިނީ ކަޅު ކުލައިގެ ޓީޝާޓެއް ކަމަށެވެ.
މީހަކު މަރުވި ލޯންޗުގައި ފިލްމީ ތަރިން ކަމަށްވާ އައިޝަތު ރިޝްމީ އާއި ފިރިމީހާ ރަވީ ފާރޫގްގެ އިތުރުން ރިޝްމީގެ ދަރިފުޅު ވެސް ދަތުރުކުރި އެވެ. ލިބިފައިވާ ޝޮކްގެ ސަބަބުން އެ މީހުންނަށް ވާހަކަ ދައްކަން ވެސް ތިބީ ދަތިވެފަ އެވެ.
މި ހާދިސާ ހިނގިއިރު އާދަޔާ ހިލާފަށް ވައި ގަދަވެ ކަނޑު ގަދަ އެވެ. ކޯސްޓް ގާޑުން ވެސް އޮތީ ދަތުރުކުރުމުގައި ސަމާލުވާން އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޙްސާސް
18 October 2021
މޭފުއްޕާފަ ކައްޕިން މިކަހަލަ ދުވަސްވަރުވެސް އެނގިތިބެ މިފަދަ ދަތުރު ކުރުމަކީ ހިތާމަވެރިކަމެއް. ކޮބާ ލައިފް ޖެކެޓް. އެއީ ހަަމައެކަނި އުޅަނދުގެ ސަލާމަތީ ސެޓިފިކެޓް ހޯދާލަން ޝީޓު ދަށުގައި ބާއްވާ އެއްޗަކަށް ނުހަދަބަލަ. ކުއްޖާ ވެއްޓުނީމަ ކައްޕިއާ ފަޅުވެރިން ކަންތައް ކުރީ ކިހިނަކުންބާ؟ ދަތުރު ދުއާ ކިއުން އެއީވެސް ވަރަށް މުހިންމުކަމެއް.
އޭނަ
17 October 2021
މިއީ މިހާރު ެާއްޖޭގައި ކުރަން ލަސްވެއްޖެ ކަމެއް
ށަވިޔަނި
17 October 2021
ވަރަށް ހިތާމަވެރި ހާދިސާއެއް. އިއްޔެ އެވަގުތު ފެރީޓާރމިނަލް ސަރަހައްދުގައި ހުރެވުމުން ކަނޑުގަދަވަރުވެސް ފެނުނު. އެކިފަރާތްތަކުގެ ބޮލުގައި ޒިންމާ އެޅުވުމުގެ ކުރިން ކޮންމެ މީހަކުވެސް އަމިއްލަ ސަލާމަތާ ރައްކާތެރިކަމަށް ވިސްނަންޖެހޭ. މަރްޙޫމާއަށް ސުވަރުގެ މިންވަރުކުރައްވާށި.
ޒިލްމާ
16 October 2021
ބޮޑު އަދަދަކުން ޖޫރިމައިނާ ކުރަންވީ.އެންގުންތަކަށް ތަބާ ނުވާމީހުން.ސަރުކާރުން ކިހާ ބޮޑު ޚަރަދެއް ކުރަން މިޖެހެނީ.
ސައިމަގު
16 October 2021
ޓުރާންސްޕޯޓް މިނިސްޓަރ އިސްތިއުފާ.
ފުޅުބެ
16 October 2021
ކަނޑުމަތީގެ އެންމެވަރުގަދަސަމާލުވުމަށް އިލްތިމާސް ކޯސްޓުގާޑުންއޮތީ ދުރާލައި ނެރެފަ. މިފަދަ ޙާލަތުގައި އެވަރުގެ ކުޑަކުދިންނާއި އަންހެނުންގޮވައިގެން އެފަދަގަދަކަނޑަށް ނުކުންނާނީ ޒިންމާދާރުނޫން ފަރާތްތަކުން. އަދި އެފަދަ ދަތުރު އޮޕަރޭޓުކުރާނީ އިންސާނުންގެފުރާނައިގެއަގަށްވުރެ ފައިސާއަށްދަހިވެތި ފަރާތްތަކުން. މިފަދަ ދަތުރަށް ނުކުންނަ ފަރާތްތަކުގެ ލައިސަންސު ޢުމުރަށް އަތުލަންވީ. އަދި މިފަދަގޮތަކަށް މަރުވެއްޖެނަމަ، މަރުގެދިޔަވެސް ބޮލުގައިއަޅުވަންވީ.
ޢަޅުގަނޑު
16 October 2021
މަރުހޫމާއަށްއާއިލާއަށް ކެތްތެރިކަން ދެއްވާށި ، ސުވަރުގެ މިންވަރު ކުރައްވާށި
އަލީ!
16 October 2021
ކަނޑު އެހާގަދައިރު ލައިފްޖެކެޓް ނާޅާތޯ؟!
ސަންޕަދަރި
16 October 2021
ކައްޕި ޒިންމާނެގީމަ ނިމުނީ,, މިސަރުކާރުގަ ޒިންމާ ނަގާމީހާ ހުންނާނީ ގޭގާ ގިޓާ ކުޅެން, ދައުލަތް ދަވާލި މީހާ ޒިންމާނަގާފަ ގޭގަ, ބޮންގޮއްވި މީހާ ޒިންމާ ނަގާފަ ގޭގަ, ހުޅުޖެހި މީހާ ޒިންމާ ނެގީމަ ގޭގަ, ގާތިލުވެސް ޒިންމާ ނަގާފަ ގޭގަ, ޓީމު އޮޔާ ދުއްވާލި މީހާވެސް ޒިންމާނަގާފަ އަދިވެސް ޓީމާއެކު,
މީން
16 October 2021
ބުރިޖަށް އަރާއިރު ހެލްމެޓް އަޅަން މަޖުބޫރު. މަތިންދާ ބޯޓުގަ ބެލްޓް އަޅާގޮތަށް . ކިތަންމެ ކުރު ދަތުރެއް ވިޔަސް ލައިފް ޖެކެޓް އަޅަން މަޖުބޫރުވާ ހިތަށް ހަދަންވީ..